اقتراح :فيما يخص سرقة السيارت

[المونديال]

اللي ذكرني بهذا الاقتراح هو كثرة سرقة السيارات بشكل ملفت للنظر
وعندي اقتراح يمكن يروق للبعض والبعض لن يلقي له بالا
الاقتراح هو:
ان تجعل في سيارتك وفي مكان ما من سيارتك (مخفي) جهاز جوال طبعا بشريحته وتتركه شغال على الوضع الصامت حتى لاسمح الله لو انسرقت السيارة تستطيع ان تحدد مكان السيارة طبعا عن طريق الجهات المختصة او عن طريق خاصية تحديد المكان
سيقول البعض : جهاز الجوال سنطفي من شحن البطارية خلال فترة قصيرة
اترك هذا التساؤل ليجيب عليه الاعضاء الكرام

[السلمان2010]

والله فكره بس ما الحل في طفيه الجوال هل تقصد توصيل شاحن مشبوك على طول
رح تطلع مشكله البطاريه بتتلف من استمرار عمليه الشحن
نبي فكره اقوى شوي
الله يعطيك العافيه

[ريان2002]

فيه فكرة قريبة من ذلك وأدق في تحديد الموقع وينفع للي سيارته غاليه
أو يخاف عليها مهما كان موديلها قديم بس مكلف
وهو جهاز تتبع من شركة الإتصالات السعودية بقيمة 1000 ريال مع التركيب ( طبعاً فيه شريحة ) ورسوم شهرية قدرها 100 ريال
وتستطيع تحديد مكان السيارة في قطر 10 أمتار
وكنت أتمنى يصدر الجهاز من المرور وبرسوم رمزيه ولكن ؟؟؟
عندي جار معلم إذا جاء يصلي الفجر يشغل سيارته تحمى عند البيت ويدخل المسجد وماتنسرق ولله الحمد لأن هالديرة وهي مقر عملي السرقات فيها قليلة جداً



ونشوف آراء باقي الأخوان

[المونديال]

الافكار بدت تنهل كالمطر ...الله يعطيكم العافية اخواني:
السلمان وريان
وننتظر بقية الاراء
لسان حالي يقول:
والله ان عندكم من الافكار الكثييييير بخصوص هذا الموضوع

[sameer_1798]

توجد اجهزة تتبع تباع في النت لاكني ماجربتها اسعارها حول الف ريال
طبعاً بدون اشتراك
تركب شريحة الاتصالات بداخله او موبايلي (تشحن البطاقة )
وتشبكه على كهربت السيارة مباشره وتخفي الجهاز
يأتي مع الجهاز برنامج للتعامل معه بالحاسب
ترسل من جوالك على شريحة الجهاز رسالة ويردها لك بمعرفة الاحداثيات الحاليه
وبإمكانك برمجته ليرسل لك الاحداثيات كل بعد عدة دقائق
وهكذا
أيضاً تستطيع تحديد منطقة ماتتعداها السيارة وإن تجاوزها يرسل لك احداثياتها
وأيضاً ترسل له رساله ويفتح الخط في السيارة يعني تتسمع على اللي بالسيارة
وأيضاً ترسل له رساله ويطفي على الحرامي السيارة ويخليها ماتشتغل معه ابد وتصوت اجهزة الانذار .

مع العلم بأن هناك برامج تجعل الجوال جهاز تتبع بجميع المميزات السابقة
ولكن المشكلة الوحيده بهذه الاجهزة هي أنها تعتمد على شبكة الجوال أو مبايلي في ارسال الرسائل التي بها الاحداثيات يعني لو راح الحرامي في منطقة نائيه لن تستطيع التعرف على مكانه .

[فياض مكشات]

معلومة اذا كانت الشريحة موجوده في جهاز الجوال
حتى لو كان الجهاز مغلق يمكن تحديده
اهم شي تكون الشريحه داخل الجهاز
حسب معلوماتي ارجو من الاخوان تأكيدها او نفيها
للي عنده علم بذلك

[العيون99]

يتم تحديد موقع الشريحة لو بدون جهاز
شرط تكون الشريحة مفعلة

[جيبي جايزلي]

طريقه التقنيه الالكترونيه ممتازه اذا وجدت من يهتم لها ويتعامل معها بكل جديه وتفاعل سريع للاسف هذا الشي لا نراه واذا فات الفوت ما ينفع الصوت انا ما اقعد احتريه لين يسرقها واقعد اطارده ويعدم موتري

فيه طريقه قديمه وعمليه ومفيده ولا تكلفك رسوم اشترك ولا غيره وطريقتها سهله جدا
تركيب فاصل كهرباء للسياره ويوضع في مكان امن ومخفي لا يعرفه احد غيرك
ومع الوقت سوف تعتاد على فصله وشبكه مثل ما تعودت ان تقفل ابواب السياره

[zayedx]

اناا مع اخووووي .. جيبي جايزلي

لا تدفع رسووم ولا اذا انسرقت اتصل عـ الشركه تتابعهااا .. عـ مايعطوك وجه اللا ان سيارتك في خبر كان

اناا اقووول فاصل الكهرباا يفيي بالغرض .. يعني بعد ماتطفي السياره وانت نازل افصل الكهرباا .. يكون قريب منك داخل السياااره ..

اخوكم .. زايد

[المونديال]

ماشاء الله عليكم
نحترم جميع اقتراحاتكم وارائكم
وننتظر البقية

[Shadw]

http://www.sptechs.com/emarket/sell129551.html

[المونديال]

الله يعطيكم العافية
وونتظر بقية الاراء