من رأى منكم تضاريس تجمعت في مكان واحد انا ماعرف الا

[سلام المحبه]

من رأى منكم تضاريس تجمعت في مكان واحد انا مااعرف الا البكريات فإنها هضاب حلس ملس والطعس راكب في ظهر واحد منها مع توفر شجر الطلح والشعبان فيها وانكسار الفئ في وسطها في اول العصر

[جلوبلستار]

هلا بك اخوي سلام المحبة ... البكريات وينها فيه ياليت تعطبنا وصف الطريق لها او الإحداثيات وإذا عندك صور لها او حتى وصف لطبيعة المكان . . آسف على الإطالة بس يوم قلت " حلس ملس والطعس راكب في ظهر واحد منها مع توفر شجر الطلح والشعبان فيها وانكسار الفئ في وسطها في اول العصر " شوقتني لشوفها وكأنه وصف ابن بطوطه للأماكن الي يزورها . وشكرا لك اخوي

[جرير]

مشكور

حلوه حلس ملس بس حلس ماني عارف وش معناها

وعلي كل حال التضاريس الموجوده في الحجر او مدائن صالح اعتقد اني ماشفت مثلها طبعا بالمملكه .

وعلي قولت اخونا جلوبلستار اللي ذكرت وين تقع واذا عندك صور هات

تشكرات

[عليم العطش]

سلام المحبه الله يعافيك على الموضوع الممتاز.
البكريات هضاب جميله ومتميزه عما حولها من الهضاب والجبال لكونها مرتفعه وملساء وحلساء اي خاليه من النتؤات الصخريه ومعنى الحلس اي الخالي من الشعر على جسمه وتطلق على الحيونات واذا قالو (شاة حلساء او محلسه اي لاشعر لها).
ويوجد بالبكريات نقش اسلامي قديم .
وهي تقع شمال كبشان وحديجه قبل مفرق سلام على طريق ضريه وانت على خط الحجازالقديم تفرق من مفرق القاعيه متجه الى ضريه .
والشكر مره اخرى الى سلام المحبه دام عزه وجعله ذخر.
لاعدمتك .
تحياتي
عليم العطش

[سلام المحبه]

اشكر الاخ الفاضل المفضال عليم العطيش على هذا المرور وازياده التوضيح لما سبق واهديله
هذه الابيات : ياحي ذاك السمار اللي بدا كله ،، اللي براجسه رجوم مثل الازوالي
حيه ولاحي طعس كنه المله ’’ طعس بدرب العقير مبيد حالي .
لو ان سمحه سمين وتدرك الشله ’’ والله لجيهم وفي الضلع مامالي
( الشاعر الكبير محمد بن جريس _ رحمه الله )

[سلام المحبه]

الخوه الفضلاء والاعزاء جلوبلستار وجرير على هذا المرور والمشاركه وسبقني اخوي عليم العطيس للجواب عليكم فشكرا له ولكم ,,,

[ابوذيب]

في حائل في مناطق من جبال اجا بس لا يوجد صور او احاثيات

[جبل مشرف]

السلام عليكم شوقتونا لرؤيه هذا المكان تكفون وين الصور؟ اللي قريب من هذي الديره من اعضاء مكشات الذياب يزرق الى هناك ويلتقط لنا كم صوره والله لو ادري ان المسافه بيني وبينها تقارب( ال300 ) كم ان اصلها وامتعكم بالصور ,لاكن بعد المسافه يقتل العزيمه

[الموادع]

انا بصراحة ما شفت مثل وادي الرمة جهة ما بين رياض الخبراء و الرس بالقصيم !!!!! و خاصة اذا سال الوادي
(( رمال - مياه - طين - حزوم ))