ممنوع دخول الدهناء حتى الكشاتة

[فهاد]

استفسار

انا رحت الدهناء هالاسبوع ويوم جينا بنركب الخبة نبي ندخل النفود ردونا المجاهدين وقالوا ممنوع الدخول الارض محمية عن كل شي وحتى الكشاتة :eek: :mad:
فهل لديكم فكرة واضحة عن الحمى يااعضاء مكشات؟

[شبح الصحراء]

معقووووووووووووولة ؟!!!!!!!!!!!!!! احس هالكلام ما يدخل الراس ابد انت متأكد ياخوي اخاف انك فهمت كلامهم غلط وشلون الدهنا بكبرها ممنوع الكشتات فيها اجل وين نروح ؟!!! .

[باترول98]

ياخوي قبل اسبوعين كاشتين فيها عيال عمي وناس من الديره ولااحد قال لهم شي :confused:

[سديرآوي]

عجيب والله الدهنا كلها !!!!!

والمشكله الشتاء عالابواب وتوه دخل ,,

حرااام عليهم:(:(

[البنتلي]

كلام صحيح مئه بالمئه

طلعنا يوم الاربعاء و اول ما دخلنا الخبه لا وتجيك هكا المواتر تمشي مليون ومشغلين السفتي وحالتهم حاله تقول مهربين وناقف ويجي واحد والله ما عنده من الادب اي شي بصراحه اسلوب كان غير طيب وقال لنا كلام ما يفترض انه يطلع من رجل امن الزبده بعد الشد في الكلام قال يا جماعه الكشات والقناص ممنوع قلنا له ان القرار اللي سمعناه انه فقط ضد الحلال والحطاب قال لا حتى الكشات والقناص ...

ورجعنا ولا ردنا إلا الصمان .

ونقول الله يعجل باللي يعطينا الخبر اللي يجمد على الشارب ...

[مواطن]

صحيح انا طلعت يوم الاربعاء وطردونا المجاهدين وكان اسلوبهم غير طيب ابداً حسبي الله عليهم

[البتار2011]

ياليت توضحون المكان اكثر .....؟ وين الخبة ذي ؟؟؟

[راعي هدد 2007]

مساكم الله بالخير
انا كنت فى الدهناء يوم الاثنين
عند نقا الجمل وما خليت مكان وحاطبين بعد
ولا طلعنا منها الا الساعه 2الفجر عشان الدوامات مبكرين ولا شفنا احد لا كشاته ولا مجاهدين

[فهاد]

الرجال وقفنا وقال وين رايحين قلنا وش العلم ؟! قال الدهناء محمية قلنا خابرين لاكن حنا كشاتة والمنع عن الرعي قال لا الحماية عن كل شي وحتى الكشاتة واذا تبون تتاكدون هذا المركز قدامكم واسألوه :eek: قلنا مايكون الا خير ان شاالله .. الله يعين


ولاندري يمكن هالمعلومة اللي اعطانا اياها سعادة هاللواء من راسه وتكون معلومته خاطئة فعشان كذا حطيت هالموضوع يمكن احد عنده علمن من مسؤول واعي ويعي مايقول لأن مصدري هالشخص اللي على شاص المجاهدين ولا رحنا نسأل المركز عشان مايضيع وقتنا لاننا دخلنا مع دربن خابرينه ولا ردنا الا الحومة..


وان كان كلامه صحيح فعزالله ماسوو خير وبيصير مصيرها مصير غيرها ويا كثر اللي بيعزون بعض فيها والاوش ضرر ناسن كاشتين وشبوا لهم ضون يصلحون عليها مهيلة ويتدفون بها ومالهم في نقل الحطب وملي مواترهم منه


ما اقول الا الله يكتب اللي فيه الصالح ومايدري عن هالوضع اللي يضيق الصدر الا اللي جرب مكاشيت الدهناء وشب من هاك الارطى اللي لو يدرون عن ريحته تجار العود ماراحو يجيبونه من كمبوديا والهند

[ابن صقيه]

أفا يا ذا العلم

وين الخبة ذي فيه ؟؟

[هايبر]

الكلام أكيد
كنا كاشتين الخميس و الجمعه في الدهناء و كنا مجموعه كبيره و كل واحد يبي يدخل من عند مفرق الجواد يوقفونه و يمنعونه و بعدها يرجع و يروح للعرق اللي بعده و يفرق و لا يوقف الى في قلب الدهناء .المشكله تقريبا محصوره عند الزفلت يعني قبل ما تفرق تاكد ان الطريق خالي ثم لاتوقف لين تبعد من المزفلت و اذا صرت داخل الدهناء خلاص ماحد يجيك .
و قفونا و قلت لهم انا مطلع على القرار مذكور فيه الرعي و الاحتطاب ماذكر الكشاته قال عندنا أوامر بمنع اي واحد يدخل الدهناء بتمشي و لا تروح معنا قلت خلاص برجع .
و بعدها اقرب عرق و نفرق من عنده و لاوقفنا لين و صلنا فجحان و طول اليومين ماحد جانا و الله ستر علينا .لقيت كذا و احد يشكون من اسلوب تعاملهم جدا سيئ .

[فيصل التميمي]

غريبة هالمنع حتى على الكشاته لالالا مايصير كل شي الا الدهناء

[باترول98]

اخوي فهاد انتم داخلين الدهنا من وين

[فهاد]

من خبة القرو

[راصد بيئي]

اعتقد ان القرار يشمل منطقه محصوره على الكشاته وليس كل الدهنا
والله اعلم

واذا بيمنعونها قلعتها

[هواوي ملهم]

غريب الامر؟
اللي سمعناه محميه من الحلال فقط
وأما الكشاته مسموح لهم

[البنتلي]

غريب الامر؟
اللي سمعناه محميه من الحلال فقط
وأما الكشاته مسموح لهم



الواقع يالطيب غير ذلك

[asageel]

ياجماعة عطونا حدود الدهناء أنا من الشرقية أبي أعرف أمتدادات الدهناء الله لا يهينكم وبارك الله فيكم

[بن رشود]

الاخوه الافاضل باالنسبه لي ائئيد تايد تاما مشاريع الحمايه فقد دمرت بيئتنا وصحارينا تدمير مزريا من ااناس لايهمهم الى انفسهم دمرت بنية الارض بسيارات الدفع الرباعي من اناس لايهمهم الى التمتع والافتخار بموئدهم وتصويرها لايعرفون اهمية المحافظه على صحارينا وبيئتناء لاينظرون نظرة بعيده ولايساهمون في الوعي البيئي فهذه وجهة نظري في هذه العجاله

[باترول98]

اخوي بن رشود
وش رايك لو يقفلون ببارينا كلها بشبوك وننطق في بيوتنا مو احسن عشان ماتددمر بيئتنا وصحرينا

[abnparis]

لالالالالالالالا لهذا الظلم الصادر من ها العسيكري الي يبي يتشيخ على الكشاته
انا متاكد مليون % ان ولي الامر لن يرضى بتصرف هالعسيكري
اتحدوا وارفعوا برقيات متواليه لمليكناالمحبوب ملك الانسانيه وولي عهدهـ الامين والنائب الثاني فهم لن يقبلوا الظلم والاستهتار بحقوق الانسان.
ادام الله عزهم وان يرزقهم البطانه الصالحه الداله للخير

[الصمان 2]

خبر محزن


لكن الله يعين




و يعطيك العافية .






.

[ابوغزاي]

ياخوان المنع عام على الحلال والكشات والخبر حقيقي وليس على خبة محددة بل من طريق رماح الى شوية ويسارمنة الى ام رقيبة ومن وجدوة داخل لن يرحموة ومن وجدمعة حطب كان اللة في عونة 0هذاالخبرمؤكد ومن مصدرخاص0هذاالقرار غير مدروس وتطبيقة بهذة الطريقة اعتقدمصيرة الى الفشل السريع0 والا الكشات ماالضررمن وجودة في الدهناسواشبت عودين يابسةمن الارطى 0والااللي قانص بطيرة ماالضررمنة والاخوة اصحاب الطيور انتبهولايصيرفية مصادرة طيورلان المسالة قص ولزق بدون دراسة 0 امامن ناحية الحلال والاحتطاب فاعتقدالفائدة واضحة 0 واللة يرحمنابرحمتة000

[سدير1400]

مع اني مؤيد بقوة لحماية الدهناء من الرعي والأحتطاب إلا اني متخوف من سلبياتها . الحطابه سيلجئون إلى الشعبان وهذه ضرره اكثر! لماذا ؟
لأن الطلح إذا احتطب لا ينبت مره اخرى وعمرة اضعاف اضعاف شجر الأرطى
والحل هو زيادة عدد الحماية وتغطية جميع الأودية والشعاب والفياض . في جميع المناطق وتوظيف العاطلين عن العمل في هذا القطاع
اما عن نفسي هذه السنه سألجا إلى شجر البلديات في الشوارع المقطع منه واقرب منجرة ولا تدمير للبيئة ولا مشاكل وغرامات

[راعي هدد 2007]

والله مشكله كبيرة الدهناء مانقدر نصبر بدونها

والله فكنى منهم السبوع الماضى وموترى مليان حطب

كان بطيح فى واحد يقرا اسمى بلمقلوب
معه شهده ثالث ليلى

[اسد الطوارق]

نفس القصة حدثت معي الاحد الماضي
لحقنا جيب المجاهدين وقال ممنوع الدخول
حتى لو ماتسون شي
مع العلم
1 اننا كبار في السن.
2 لنا زملاء قبل اسبوعين ونص دخلوا ولا احد قالهم شي


لكن يوجد منافذ لايستطيع المجاهدين وصولها وهي طرق غير مطروقة
وبإذن الله في اجازة الحج راح ادخل مع احد هذه الطرق ولا علي من احد

[لهذام]

وسعوا صدوركم أرض الله واسعه وكلن خابر دروبه
الله يجيب المطر والربيع ، وتزين الارض ويوفقنا واياكم للخير.

[حاير في حيرتي]

لابد من ادارة المنتدى توضيح للناس وتكون لها كلمة وتوضيح للناس عن مصير الدهناء من المكشات
نتمنى رد الادارة علينا

[الكـاسـر]

طيب واللي يبي يروح لأم الجماجم او ام رقيبة وبيفرق من طريق حفر العتش - الرفيعة يعني طرقي وش وضعه مع المسؤولين هناك

[برق الحيا 55]

لالالالالالالالا لهذا الظلم الصادر من ها العسيكري الي يبي يتشيخ على الكشاته
انا متاكد مليون % ان ولي الامر لن يرضى بتصرف هالعسيكري
اتحدوا وارفعوا برقيات متواليه لمليكناالمحبوب ملك الانسانيه وولي عهدهـ الامين والنائب الثاني فهم لن يقبلوا الظلم والاستهتار بحقوق الانسان.
ادام الله عزهم وان يرزقهم البطانه الصالحه الداله للخير
:good2::good2::good2:

[عدى معدي]

الله يـســـتـر....كل شيء إلا الدهناء والصمان..
مقــدر أصــبر عــنهم.....

[منصور القريشي]

السلام عليكم ورحمة الله وبركاته
مساء الخير
اي نعم الخبر صحيح الف وميه وخمس طعش في الميه وتم حمايتها من الحلال والحطابه
اوما الكشاته ماعندي خبر فيها وحدود الحمى من رماح وامش شمال لمين توصل العيطليه وشويه والديار ذيك على طرف الصمان من جاي وامش غرب لمين توصل ام رقيبه وام الجماجم ثم عود جاي لين توصل لرماح هاذي حدود الحمى وجيتهم يا طوال العمار للمركز الرئيسي عند دوار الحفر العتش وسألتهم قال اوما اللي يحطب نصادر حملته ونكتب فيهم لوزارة الداخليه ونسلمهم للشرطه والشرطه تسلم الشحنه لمحكمة رماح ويتم تقديرها والتبرع بها للجمعيات الخيريه هذي الحمله اوما السيارة حجز ثلاث شهور ومخالفه صاحبها ثلاثة الاف ريال ريال ينطح ريال
بس لا بغيتوا الصدز ودك انهم يحمونها انا توي جاي منها الخميس ذا والله من العشب اللي ظهر
وما اقوول الا الله يقويهم وارض الله واسعه صح انا مانصبر عنها بس الشيء اللي فيه مصلحة بالعكس نشجعه ونقوم معه والارطى مابقى فيه شيء من اول الدهناء كلها ارطى
ومانقول الا الله يعينهم ويقويهم

تحياتي لكم اخواني .. منصور القريشي

[مؤشرات]

كلن يعرف مداخيلة ومطاليعة والقارمن مايقصر
الله ينزل السيل والخير

[عبدالله 102]

يا اخوان الموضوع ما ينسكت عليه اللا الدهناء اذا منعوا الدهناء ما عاد لنا مكشات اللا الصمان اذا ربّع

لازم نشوف حل وللا نكتب لأحد في حماية الحياة الفطرية

[شبح الصحراء]

والله الموضوع للحين ما خش راسي كيف تمنع الكشتات في الدهنا؟!!!!!!!!!!!! اكيد فيه لبس بالموضوع .

[احب الخلا]

الله مير يقويهم ويساعدهم ياخي بالعقل الحين الاكثر ضرر الحلال الي يمشي وياكل ولا السيارات الي تمشي وتفحط وتطعس وتحطب وتلعب فالارض وش لون تبونهم يفكون الحما عن الكشاته ويخلون اهل الحلال المروض العكس يخلون اهل الحلال ويمنعون الكشاته لان بعض الكشاته يدمر الارض ولا عليه من احد يفحط ويلعب فالعشب والقشع ويحطب ويخرب والله يعين اخذوها بالعقل ياشباب

[مطلق عايض]

مساكم الله بالخير
انا كنت فى الدهناء يوم الاثنين
عند نقا الجمل وما خليت مكان وحاطبين بعد
ولا طلعنا منها الا الساعه 2الفجر عشان الدوامات مبكرين ولا شفنا احد لا كشاته ولا مجاهدين


وازيدك من الشعر بيت

بعد ماتفرق من دوار حفر العتش بحوالي 30 كيلو فرقة يسار ولا عندي احد
لاكشات ولا مجاهدين..
والحما ياربع 200كيلو بتجاه الشرقيه وشمال 200 كيلو .. هذا والله اعلم

[احب الخلا]

طيب واللي يبي يروح لأم الجماجم او ام رقيبة وبيفرق من طريق حفر العتش - الرفيعة يعني طرقي وش وضعه مع المسؤولين هناك

اخوي الي يبي يشمي يقدر لكن لازم يمر النقطه ويعطهم بطاقه الاحوال وذا بغا يمرح يفرق عن الخط 500 متر ومن الصباح يمشي ولا يقعد دقيقه وحده

[النوء]

الحما نتائجه ممتازة جداً جداً جداً لراعي الحلال وللكشات الواعي والواعي فقط
في الوقت الحالي نادر جداً ان تحصل عبله (ارطى) كلها ميت والسبب يعود لامرين:-
الاحتطاب المروع رايت مناظر العام الماضي لايمكن وصفها سيارات ودينات وافغان وبنقاليين محملة بالارطى شي مؤسف

والامر الاخر هو الرعي الجائر

والعرفج يذكر انه قبل عشر سنوات متواجد بكثرة في الدهنا اما الان لايوجد نهائياً

اما الضبان المسكينة في تناقص هائل ان استمر الحال انقراض بعد خمس سنوات من الدهنا

يا اخوان الحما من خط رماح - شوية باتجاه الشمال اللي على يسارك من الدهنا محمي الى خط الارطاوية - ام رقيبة الحبال الشمالية من الدهنا بطول تقريبا 160 كلم وبعرض تقريبا 60 الى 70 كلم
في النهاية اود ان اقول للكشاتة ان الدهنا واسعة من جنوب خط راح - شويه مفتوح الى خط الجنوب الشرقية وجنوب كله مفتوح

اتمنى من الااخوانالكشاته واصحاب الحلال التعاون ولايكون كل ممنوع مرغوب

عسى الله يغيتنا جعل المملكة كلها السيل

[شبح الصحراء]

الله مير يقويهم ويساعدهم ياخي بالعقل الحين الاكثر ضرر الحلال الي يمشي وياكل ولا السيارات الي تمشي وتفحط وتطعس وتحطب وتلعب فالارض وش لون تبونهم يفكون الحما عن الكشاته ويخلون اهل الحلال المروض العكس يخلون اهل الحلال ويمنعون الكشاته لان بعض الكشاته يدمر الارض ولا عليه من احد يفحط ويلعب فالعشب والقشع ويحطب ويخرب والله يعين اخذوها بالعقل ياشباب
أولاً الموضوع للحين محد متأكد منه واتوقع فيه لبس بالموضوع ثانياً استغرب كلامك انت تبي تحسبها بالعقل وحسبتها بالعاطفة مو عشانك راعي ابل وحلال تبي تمنع الكشاتة يطلعون ويكشتون في ارض الله الواسعة لا تصير اناني هداك الله والكشاتة على كثرتهم قليلين وخرابهم اقل بكثير من الحلال لأنهم ما يطولون كلها كم يوم وكلن ضاب عفشه وموسمهم واحد في الشتاء والربيع بعكس الحلال اللي موجودة طول السنة وعموماً لو هي بيدي كان ما منعت احد لا كشاتة ولا راعين حلال وبدل المنع يكون فيه حملات توعوية وتثقيفية بضرورة المحافظة على الغطاء النباتي في الدهناء وغيرها من الأماكن لأن المسألة مسألة ثقافة بيئية لا اكثر .

[غضنفر]

انا ما عندي علم حاليا

لكن من كلام الاخوان التشديد ومخيمات المجاهدين على طريق الصمان

الي يبي الدهناء يجيها من عند ام الجماجم من تمير

ويتقصوى جوا الين نقا فجحان والي حوله

ويطلع مع نفس الطريق


ومدري اذا الدهناء من جهة الشرقية محمي بعد ؟؟؟؟

اذا دخل الواحد من جهة الدهو او سعد !!!!


الدهناء كبيره وحمايتها صعبه

واعتقد بيركزون الحمايه على حول المسفلت ولا راح يتعمقون جوى


ولا بتصير الدهناء مثل الربع الخالي !!!!


على العموم القرار جيد وهو لمصلحتنا ويا ليت الاخوان يلتزمون بترك الاحتطاب لهذه المدة .


واذكر الاخوان ان النفود واجد ولله الحمد

بالرياض عندكم المزاحميه وما بعدها الين المشاعله كلها نفود

وعندكم نفود الزلفي و صعافيق وحائل


الرمل واجد

[براك11111]

الكلام صح ياجماعة كشاتة والا اهل ابل والا اهل غنم
هذا حمى والله يستر بعد من تشبيك مناطق الدهنا الموجودة يسار خط رماح شوية باكملها

[NissaN 1990]

كنا في أولها بعد عرق الحمراني و جانا العسكري حق المجاهدي يشوف الوضع وسألناه وش عندك قل بتأكد أنتم كشاته ومن ضمن الكلام معه قال يمكن يمنعون الكشاته وأهل المقانيص ،،،، بس ماقال لنا ممنوع ولا أطلعو ولا لا تروحون للمكان هذا ،، جلسنا فيها من ظهر الخميس إلى عصر الجمعة ،،،

[myking]

ياجماعة الموضوع وفيه والي اتوقعة وميتين بالمية انه واحد من الشيوخ باني خيامة فيه وكرفاناته ويقنص ولا تنسون ان هذا اهو وقت الحبارا والعالم قصو جرتها من اسبوع فيكون مع الشيوخ ذولا المجاهدين ودوريات وغيرها وأخويا والشيوخ مايبغون احد يقنص معهم في نفس الخد وهذي تصير في كل مكان وصارت السنه هذي في الحلال الشمالي وغيره ولو كان فيه منع كان ادخلت الدهناء الى الأراضي المحمية التابعه للحماية هل شفتو لوحات الحماية عند مداخل الدهناء تقبلو تحياتي وتقديري

كلام اخي خيال السمراء سمعته من اكثر من واحد واتوقع انه اقرب شي.

[سلفاريو]

هذا الخبر
http://www.alriyadh.com/2010/07/27/article547095.html

[كبير العقال]

السلام عليكم ورحمة الله وبركاته


بعد كثرة الردود تأكد مصداقية الخبر فالله يعين هالناس ولكن لو نظرنا لها بمنظور اخر جائز يكون لها فائدة للمراعي

ولكن والمصيبه هي ( عدم احترامهم وعدم تقديرهم وبذائتهم للناس وعدم التفاهم ) هذا ما قاله الاخوة

وانا لم اطلع على شي فأتمنى من من هالموظفين ان يحترمو مسؤليتهم تجاه الناس ولا يتفرعنو بقوة سلطتهم

وعسى الله ان يهديهم وان يطلعو عليهم ولاة الامر

شكرا
---

[صاحب حي]

غريبة هالمنع حتى على الكشاته لالالا مايصير كل شي الا الدهناء

[ريف النشاما]

أنا مريتها هالأسبوع

محوشه أعوذ بالله ما تشوف اللي يدرج وكئيبة مرة

والجيوب تقول ذر بالذات جهة الصمان على حدود الدهناء

وأنا مسير على واحد يبعد ثلاثه كيلوا أو أربعه عن النفود عند البل وثلاث مرات يشددونه داخل الصمان

من خمس طعش إلىعشرين كيلوا

أما الكشاته فلم أرى أحد يدرج

لكن زي ماقالوا ألخوان لا جيت تدخل لا حد يشوفك

ولا أقول خلاص الكشته الوعد في الربع الخالي ههههههه

راح فيها أبو قلبين :D


ولكن في النهاية

سوف يجني المجتمع نتائج هذا الحمى

[بنوتميم]

[QUOTE=احب الخلا;5467102]الله مير يقويهم ويساعدهم ياخي بالعقل الحين الاكثر ضرر الحلال الي يمشي وياكل ولا السيارات الي تمشي وتفحط وتطعس وتحطب وتلعب فالارض وش لون تبونهم يفكون الحما عن الكشاته ويخلون اهل الحلال المروض العكس يخلون اهل الحلال ويمنعون الكشاته لان بعض الكشاته يدمر الارض ولا عليه من احد يفحط ويلعب فالعشب والقشع ويحطب ويخرب والله يعين اخذوها بالعقل ياشباب[/
QUOTE]




معليش اخوي والله لو عندنا ربيع ع مد النظر ماعندنا الا ارضن شهبا الله يغيثنا بس انا معك من الراعات والي يحطب بس الكشاته والله يا يرحمووون:(:(:(

[ولد وايل]

كل عضو لو يكتب برقيه لوزير الداخليه الامير نايف

صدقوني يشلون هالمتخلفين اللي يطبقون القرار بالغلط

[المتحـ2007ـد]

انا في الدهنا يوم الخميس جهة الحومه والكشاته كثر الحصى والمرهمات تراقي في النقيان والحمد لله على كثر روحاتي للدهنا ما شفت المجاهدين فيها

لكن الله يكتب اللي فيه خير لنا ولأهل الابل والغنم

[قناص شمالي]

اعتقد ان القرار يشمل منطقه محصوره على الكشاته وليس كل الدهنا
والله اعلم

واذا بيمنعونها قلعتها



يمكن!!!!!!!!!

[رساوي مهاجر]

أنا لي شهر كل أربعاء في الدهناء ولم ألحظ أي أمر
دخلت هذا الأربعاء من أم رجوم إلى الخريمة ثم إلى حومة النقيان وخرجت يوم الجمعةالضحى مع طريق التنهات الصمان ، ولم أواجه أي مشكلة
نعم لا يوجد حلال في الدهناء لكن الكشاته كثر

[غواص الهمم]

إن شاء الله يسمحون للناس إذا ربعت الديره ,,,

ثم تقولون ليتهم يمنعونها دايم ولا يفتحونها غير وقت الربيع ,,,

لاكن الله يعين المفروض مايمنعون الكشاته ,,,

مشكورين ,,,

[سفير الشمال]

السلام عليكم ورحمة الله وبركاته
اخواني الكرام
حياكم الله
نظرا لكثرة المداخلات الغير مجديه والتي يكون فيها بعض الكلام في غير محله
بسبب بعض الالفاظ السيئه من قبل البعض لعدد من المسؤلين والجهات المختصه
فعليه يغلق الموضوع حتى تتضح الرؤيه الحقيقه لمسألة حمى الدهناء
تحياتي وتقديري