ياأخوان محتاج فزعه الله يجزاكم خير

[K.S.A.A]

انا وأعوذ بالله من كلمة أنا
شريت لي جيب نيسان باترول(99)
وعندي مشكله مسببه لي إزعاج
اللي هو جرس السرعه
وودي أفصله , وأبي الطريقه الأفضل والمناسبه
لأن الكهربائيين قالوا لازم نفك الطلبون
وأنا ماودي أفك الطبلون
تكفوووووووون ياأخوان اللي عنده حل يفزع لي ..

ولكم مني جزيل الشكر والعرفان

أخوكم : خالد ..

[جيبي جايزلي]

انا فاك اللي عندي ازعجني ازعاج فكيت الطبلون وعلى فكره فكة الطبلون سهله
المهم يوم فكيته قلبته ولقيت سماعه الصوت قطعه تقريبا حجمها اربعه في اربعه سانتي لونها سودا ومربوطه بمسمارين فكيتها واسترحت

[K.S.A.A]

:):) مشكووووووووووور ياأخوي على الرد والله يجزاك ألف خير
ومادامها فكة الطبلون سهله أجل يكون خير ..

[عاشق السيل]

والله ما أذكر وش الطريقة بالضبط لكن قبل 8 سنين شريت سفاري 98 وعلى طول لأقرب كهربائي وقلتله سو اللي تبي بس افصل الجرس وماقصر الرجال وأذكر إن المبلغ كان زهيد جدا وأعتقد إنه 20 ريال فقط !!!

[K.S.A.A]

الله يجزاكم ألف خير ياأخواني ومشكورين على أهتمامكم ..
وأبشركم فصل الجرس عند كهربائي بعد كلام أخوي جيبي جايزلي
وصحيح صارت فكة الطبلون بسيييييييطه خلال ربع ساعة خلصت
وهو سلك فصله ولف عليه شطرطون ( لزاق ) .