أريد شوركم علي بفراش النوم الزين !!!

[عاشق السيل]

بسم الله الرحمن الرحيم

اللهم صلي وسلم وبارك على عبدك ورسولك محمد وعلى آل بيته وأصحابه أجمعين ،،

أحبتي الأفاضل في منتداي الغالي مكشات

السلام عليكم ورحمة الله وبركاته ،،

أنا عندي فراش الدريويش وله أكثر من عشر سنين والشاهد الله إنه أحلى وأجود مايكون !!

لكني حبيت أغير والسبب الوحيد إن العرض مهب ذاك الزود وخاصة إني واحدن متين :D

وش رايكم يالنشاما ؟؟

وين ألقى الفراش الزين ؟؟

بشرط يكون بولستر مهب فرو

ويكون عرضه زين ودافي وسحاباته كبيرة بالحيل مثل حقة الدريويش ..

والسعر مايهمني لأني أبيه لسنين طويلة إن الله عطانا عمر :(

ولكم مني ألف شكر وألف تحية

.

[غليص 506]

عندك القاضي (الفصول الاربعه)

السنيدي(الصحراء)

[حق الفيتو]

اهم شي هج عن الخليج ،،

انواع التزلج وانت نايم ،، ستزحلق

[مخاوي الليل1]

السلام عليكم ورحمة الله وبركاته

زي ماقال اخوي

غليص كلامه 100 %

اخـــــــوكـ

مخاويـ الليلـ

[رمال الصحاري]

انا مجرب الدريويش
ممتاز جدا
طيب رح للمستودعات حقتهم الي قبل الصناعية
مخرج 17
وفصل مقاس اكبر

[bu hadi]

هلاابك يا عاشق السيل .......... يالدب

انا استخدم فراش القاضي واعتقد انة الفصول الأربعة من مدة 6 سنين وهو ممتاز

لأنة كان صناعة سعودية وكان وقتها قيمتة حول 500 ريال

اما الموجود عندهم الأن فهو الصيني يشبهة لكن ماهو ب هو زي الهايلكس تويوتا لاكن صناعة تايلاند وليس اليابان

اذا كنت متين واااجد الله يعطيك الصحة والعافية خذ ابو عرض متر ونص 150 وطول 220

اكثر مقاسات الفرش في السوق هي 120 في 220 وانحش من ابو عرض متر

واذا لك مزااج فصلة انت اشتر البولستر والبطانية الكورية ام غاطين وودة للخياطين يخيطون لك علية مشمع وكد ومد

هذا مالدي وعسا الله يوفقك

تقبل مروري

[عدى معدي]

أنا أخذت بلوستر الدريويش وفصلت عليه شراع تنزاني 304 ....بصراحة شيء ثاني

[عاشق السيل]

عندك القاضي (الفصول الاربعه)



السنيدي(الصحراء)


بيض الله وجهك أخوي غليص ،، بمر عليهم وأشوف اللي قلت عافاك الله ،،،،

[عاشق السيل]

اهم شي هج عن الخليج ،،

انواع التزلج وانت نايم ،، ستزحلق

ههههههههه حلوة تزلج !!:p

أبشر بهج عن الخليج رغم إني ما أدري وين يباع !!!!

كفيت ووفيت وبيض الله وجهك اخوي ....

[عاشق السيل]

السلام عليكم ورحمة الله وبركاته


زي ماقال اخوي


غليص كلامه 100 %


اخـــــــوكـ


مخاويـ الليلـ


ياهلا وغلا بخوي مخاوي الليل ،،

رايك سديد وبيض الله وجهك ....

[عاشق السيل]

انا مجرب الدريويش
ممتاز جدا
طيب رح للمستودعات حقتهم الي قبل الصناعية
مخرج 17
وفصل مقاس اكبر

إذا تعرف موقعهم بالضبط ياليتك توصف لي الله لا يهينك ،،

أنا أتمنى أفصل أحسن من الجاهز ،، وبيض الله وجهك يالذيب ...

[عاشق السيل]

هلاابك يا عاشق السيل .......... يالدب




انا استخدم فراش القاضي واعتقد انة الفصول الأربعة من مدة 6 سنين وهو ممتاز


لأنة كان صناعة سعودية وكان وقتها قيمتة حول 500 ريال


اما الموجود عندهم الأن فهو الصيني يشبهة لكن ماهو ب هو زي الهايلكس تويوتا لاكن صناعة تايلاند وليس اليابان


اذا كنت متين واااجد الله يعطيك الصحة والعافية خذ ابو عرض متر ونص 150 وطول 220


اكثر مقاسات الفرش في السوق هي 120 في 220 وانحش من ابو عرض متر


واذا لك مزااج فصلة انت اشتر البولستر والبطانية الكورية ام غاطين وودة للخياطين يخيطون لك علية مشمع وكد ومد


هذا مالدي وعسا الله يوفقك



تقبل مروري


ههههههه بوهادي حرام عليك والله ماني دب إلى ذيك الدرجة :(

الفراش اللي عندي عرضه 90 وأنام فيه عادي جدا بس ودي بالأكبر لأني أتقلب كثير :D

والظاهر إني بسوي زي ماقلت أشتري كل شي وأفصله بمزاجي ،، لكن بنتظر باقي الآراء يمكن ألقى جاهز وممتاز أريح لي !!

كفيت ووفيت بيض الله وجهك يالذيب .....

[عاشق السيل]

أنا أخذت بلوستر الدريويش وفصلت عليه شراع تنزاني 304 ....بصراحة شيء ثاني

عافاك الله لكن وين ألقى البولستر بالرياض ؟؟

ولك مني ألف تحية ....

[KAYD]

الصحراء حق السنيدي والفصول الاربعة حق القاضي والدريويش هي أفضل الفرش الموجودة
وانا ارشح الصحراء لكن فيه عيب وهو انه يذبحك بالدفىء في عز الشتاء :D

عموما شف الموضوع هذا من أبومها الله يجزاه خير
http://www.mekshat.com/vb/showthread.php?t=185190

سلام

[مشعل العيسى]

انا اشوف (الفصول الاربعه) القاضي ... ممتاز

والشباب اكثر مني خبره

[فلان بن عفتان]

السلام عليكم

من واقع تجربة تجنب فراش البر الذي يحتوي على مفرش(بولستر)مثل الصحراء وغيره ان فتحته ياويلك من البرد وإن صكيته ياويلك من الحر ولا كن حاط فوقك عشر بطانيات ثقيل وياخذ مكان في السيارة .

أفضل فراش بر مجرب فراش السنيدي الفرو أو فصل لك فراش خذ لك أفضل فرو من السوق وفصل عليه فراش بر .
وأوقات البرد الشديد خذ معك خيمة صغيرة على قد الفراش متر في مترين ونوم العوافي

[بن نقا]

هلا بعاشق السيل ... عسى الله يغيثنا

استلم هالرابط يجوز لك

http://www.mekshat.com/vb/showthread.php?t=185190

تبي تلقى اللي يسرك ان شاء الله

[هاوي نفود]

فراش السنيدي أذكر يعيبه السحابات

كثير خرابها <<< هذا من تجربتي قبل كم سنه

وكذلك ما يوقي عن الأرض إللي تحتك

يبيلك تواسي المكان مضبوط

---

الدريويش عندهم 120 وأعتقد عندهم 2م في 2م

يعني تقلب بيديك ورجليك

وإذا تبي مستودع الدريويش إذا طلعت مع مخرج 17 غرب

أول إشارة بعد تقاطع النهضة ( ش أسد السنه ) رح معها يسار أمش لك مسافة بيجي على يمينك

أضغط على الرابط تحت وبيوديك للإشارة بالضبط

http://maps.google.com/?ie=UTF8&ll=24.644077,46.769239&spn=0.003472,0.004823&t=h&z=18

[عاشق السيل]

الصحراء حق السنيدي والفصول الاربعة حق القاضي والدريويش هي أفضل الفرش الموجودة
وانا ارشح الصحراء لكن فيه عيب وهو انه يذبحك بالدفىء في عز الشتاء :D

عموما شف الموضوع هذا من أبومها الله يجزاه خير
http://www.mekshat.com/vb/showthread.php?t=185190

سلام

بيض الله وجهك ولايهون أبومها ،، أكثر شي يهمني بالفراش الجودة والمتانة أبيه يكد ويمد ومايهمني إنه يكون دافي بالحيل الله يخلي الملابس الشتوية :good2:!!!

[عاشق السيل]

انا اشوف (الفصول الاربعه) القاضي ... ممتاز

والشباب اكثر مني خبره



لا هنت اخوي على الراي السديد وأكيد بيكون بالحسبان ،، بيض الله وجهك يالنشمي ....

[عاشق السيل]

السلام عليكم

من واقع تجربة تجنب فراش البر الذي يحتوي على مفرش(بولستر)مثل الصحراء وغيره ان فتحته ياويلك من البرد وإن صكيته ياويلك من الحر ولا كن حاط فوقك عشر بطانيات ثقيل وياخذ مكان في السيارة .

أفضل فراش بر مجرب فراش السنيدي الفرو أو فصل لك فراش خذ لك أفضل فرو من السوق وفصل عليه فراش بر .
وأوقات البرد الشديد خذ معك خيمة صغيرة على قد الفراش متر في مترين ونوم العوافي

حنا وش نبي إلا الدفى :good2:

أما الفرو أنصحك تهج عنه لأنه يجمع الرمل وإذا تغطيت بدأ يهل على عيونك :mad:

أشكرك يالغالي على المشاركة والنصيحة بيض الله وجهك ....

[عاشق السيل]

هلا بعاشق السيل ... عسى الله يغيثنا

استلم هالرابط يجوز لك

http://www.mekshat.com/vb/showthread.php?t=185190

تبي تلقى اللي يسرك ان شاء الله

هلا بك أكثر يالغالي ،،

استلمنا الرابط قبل شوي !! بيض الله وجهك وشاكر لك مجهودك ومشاركتك يالغالي ....

[صاحب نوماس]

عليك بالدريويش انا اشوفة الافوق حتى الان

[عاشق السيل]

فراش السنيدي أذكر يعيبه السحابات

كثير خرابها <<< هذا من تجربتي قبل كم سنه

وكذلك ما يوقي عن الأرض إللي تحتك

يبيلك تواسي المكان مضبوط

---

الدريويش عندهم 120 وأعتقد عندهم 2م في 2م

يعني تقلب بيديك ورجليك

وإذا تبي مستودع الدريويش إذا طلعت مع مخرج 17 غرب

أول إشارة بعد تقاطع النهضة ( ش أسد السنه ) رح معها يسار أمش لك مسافة بيجي على يمينك

أضغط على الرابط تحت وبيوديك للإشارة بالضبط

http://maps.google.com/?ie=UTF8&ll=24.644077,46.769239&spn=0.003472,0.004823&t=h&z=18

هذي عيوب فراش السنيدي ؟؟؟ أجل بلاش منه !! أهم شي عندي السحابات :(

بيض الله وجهك يالذيب عز الله إنك كفيت ووفيت ....

[عاشق السيل]

عليك بالدريويش انا اشوفة الافوق حتى الان

راي سديد وخاصة بعد تجربتي لعشر سنين !!

بس مدري الجديد نفس القديم بالجودة وإلا تغير ؟؟؟

شاكر لك ومقدر مشاركتك يالنشمي بيض الله وجهك .....

[ابو رمزي]

تبي الدفا ولو تنام في وسط فليزر مادريت

خذ الصحراء

[سليمان 10]

عليك اخي بالفصول الاربعه او الصحراء كلها بالون البرتقالي وانحش عن الدريويش 0والفصول الاربعه اسم على مسمى تستطيع ان تفصل البطانه عن الطربال شتوى وربيعي وصيفي 000

[عزيز 3333]

أسأل مجرب .......... ماخليت ولا نوع ما جربت فراش يجيب لي الحكه
الفرو ميتلي تراب ورمل


أفضل فراش صراحة تروح للغرابي تفصل شراع تنزاني 100% شراع فقط ( زي فكرة الفراش العادي بدون مفارش أو فرو )وبعدين توضع فيه مطرحه وبطانية على مزاجك وأصلي مو زي شكل بعض المحلات !!!


مثال : شف الفراش العادي اذا فكيته كله وفرشته على الأرض يصير العرض مترين تقريباً صح
خله يفصل وجه وحده فقط عرض 90سم ( يقص ) او يفصل واحد جديد اذا كنت منتب عجل ويركب لها لزق مثل فكرة الفراش العادي أو شد
وبعدين حط فيه إلا تبغى ( كيون صغير الحجم )" وذف "


تحياتي لك

[خيال العشواء]

يعطيكم العافيه كلكم على التوضيح

[سعود محمد]

انا مثلك سمين والفراش الي ارتحت له الفصول الاربعة المقاس الكبير ياهو غرفة دافية.

[abofial]

نعم الان افضل التفصبل على شرط تشرى المواد راحت ايام الالمانى

[jgjc]

بالتوفيق ان شاء الله

[ابوياسر1971]

حبيبي انا مثلك كبير وعندي فراش الخليج ولا اروع بس مثل ما قال الاخ انواع التزحلق ولكن حطيت تحتي الفروه صار من ابدع ما يكون والله لو تنام بثلاجة المنجم ما دريت عنه .

[مكتف الكدري]

الفصول الاربعة وبس خف وسهل التصفيط بالبرد

[نواف المزيني]

السنيدي وسلملي علي البرد .... الله يهنيك بالنوم الطيب ... واحلام سسسعيدة

[جنتلـ]

نصيحة اسال عن محل البرية بعنيزة .. عندهم فراش خسالي بمواصفات جديدة بالنسبة للخياطة ماقد شفت مثلها بالسوق .. وبالبرد عز الله انه بارد ومقاسه جداء رائع ووسيع ..

[النوبل]

نصيحة اسال عن محل البرية بعنيزة .. عندهم فراش خسالي بمواصفات جديدة بالنسبة للخياطة ماقد شفت مثلها بالسوق .. وبالبرد عز الله انه بارد ومقاسه جداء رائع ووسيع ..



الرجال يبي فراش دااافي :D

[سيف الظفير]

بسم الله الرحمن الرحيم

اللهم صلي وسلم وبارك على عبدك ورسولك محمد وعلى آل بيته وأصحابه أجمعين ،،

أحبتي الأفاضل في منتداي الغالي مكشات

السلام عليكم ورحمة الله وبركاته ،،

أنا عندي فراش الدريويش وله أكثر من عشر سنين والشاهد الله إنه أحلى وأجود مايكون !!

لكني حبيت أغير والسبب الوحيد إن العرض مهب ذاك الزود وخاصة إني واحدن متين :D

وش رايكم يالنشاما ؟؟

وين ألقى الفراش الزين ؟؟

بشرط يكون بولستر مهب فرو

ويكون عرضه زين ودافي وسحاباته كبيرة بالحيل مثل حقة الدريويش ..

والسعر مايهمني لأني أبيه لسنين طويلة إن الله عطانا عمر :(

ولكم مني ألف شكر وألف تحية

.



تقليد الدريويش يالغالي مر على القيصرية بالغرابي تلقاه عندهم شريته بأخر يومين من رمضان اخذت لي 4 بـ 145 ريال ولا احسسسن منه

كل شى فيه اصلي من سحابات امريكية 10 ملم

[النوبل]

أنا أنصحك بالدريويش الأصلي
(قماش-سبت-سحاب)

جربت القماش الباكستاني لايعلى عليه ولو أنه قاسي خدمه 10 سنوات (يمين الصوره تحت اللوحه)
التنزاني ممتاز خدمه 8 شهور (يسار الصوره)
والعالم الله أني آمن من البرد والمطر بعد الله مع الباكستاني

http://www.mekshat.com/pix/upload04/images182/mk96021_20091224(002).jpg

أمطرت علينا ليله وحنا رقود وهجوا الشباب للسيارات .. الي غرق فراشه والي خاف على الفراش

وأخوك قدم الغطاء ووقف تحتحه الكشاف (للتهويه) وكمل نومته للفجر والماء يصبصب من فوق الفراش

وأحيان آخذ من المله وأحطها تحت الفراش لأن الأرض تكون بارده
(ويكون بالمله بعض الجميرات الصغيره ولاتأثر الفراش ) وخذ من الدفى في عز البرد لو أنك براس حزم

[عاشق السيل]

تبي الدفا ولو تنام في وسط فليزر مادريت

خذ الصحراء

هلا أبورمزي ،،

رايك بعين الاعتبار بيض الله وجهك يالغالي ...

[عاشق السيل]

عليك اخي بالفصول الاربعه او الصحراء كلها بالون البرتقالي وانحش عن الدريويش 0والفصول الاربعه اسم على مسمى تستطيع ان تفصل البطانه عن الطربال شتوى وربيعي وصيفي 000

غريبة إنك تحذرني من الدريويش !!!

بس وجهة نظرك أحترمها ويمكن الجديد تغير مهب على خبري ،،

بشوف الفصول الأربعة بس وين ألقاه بالضبط ؟؟

ولك مني ألف شكر وألف تحية ....

[عاشق السيل]

أسأل مجرب .......... ماخليت ولا نوع ما جربت فراش يجيب لي الحكه

الفرو ميتلي تراب ورمل


أفضل فراش صراحة تروح للغرابي تفصل شراع تنزاني 100% شراع فقط ( زي فكرة الفراش العادي بدون مفارش أو فرو )وبعدين توضع فيه مطرحه وبطانية على مزاجك وأصلي مو زي شكل بعض المحلات !!!


مثال : شف الفراش العادي اذا فكيته كله وفرشته على الأرض يصير العرض مترين تقريباً صح
خله يفصل وجه وحده فقط عرض 90سم ( يقص ) او يفصل واحد جديد اذا كنت منتب عجل ويركب لها لزق مثل فكرة الفراش العادي أو شد
وبعدين حط فيه إلا تبغى ( كيون صغير الحجم )" وذف "



تحياتي لك


بيض الله وجهك أخوي وفكرتك دخلت مزاجي وخاصة إنه عندي مطرحة رهيبة بقوة شكلي بفصل عليها تنزاني وسحابات وتنتهي القضية :good2:

[عاشق السيل]

يعطيكم العافيه كلكم على التوضيح

ويعطيك العافية على مرورك أخوي ....

[عاشق السيل]

انا مثلك سمين والفراش الي ارتحت له الفصول الاربعة المقاس الكبير ياهو غرفة دافية.

وأنت صدقت إني سمين ؟؟ أنا متين يعني أقل من سمين :D

رايك سديد أخوي ولابد من إلقاء نظرة على الفصول الأربعة لكن وين ألقاه ؟؟

سلمت يالغالي وبيض الله وجهك على المشاركة الوافية ...

[عاشق السيل]

نعم الان افضل التفصبل على شرط تشرى المواد راحت ايام الالمانى

الظاهر نبي نرسي على التفصيل مدام الأصلي راحت أيامه !!!

مشاركة رائعة منك أخوي بيض الله وجهك ....

[عاشق السيل]

بالتوفيق ان شاء الله

والجميع .....

[عاشق السيل]

حبيبي انا مثلك كبير وعندي فراش الخليج ولا اروع بس مثل ما قال الاخ انواع التزحلق ولكن حطيت تحتي الفروه صار من ابدع ما يكون والله لو تنام بثلاجة المنجم ما دريت عنه .

ههههههههه حلوة كبير :p

طيب فراش الخليج وين ألقاه ؟؟

وأشكرك على مشاركتك بيض الله وجهك يالغالي .....

[عاشق السيل]

الفصول الاربعة وبس خف وسهل التصفيط بالبرد


رايك جاي بثقة تامة :good2:

لابد نشوف هالفصول الأربعة شكله هو الحل النهائي ،،،

تسلم يالذيب على المشاركة .....

[عاشق السيل]

السنيدي وسلملي علي البرد .... الله يهنيك بالنوم الطيب ... واحلام سسسعيدة


الله يسعد أيامك ،، طيب أي نوع من فرش السنيدي لأن اللي عندهم وااااااجد ؟؟

[عاشق السيل]

نصيحة اسال عن محل البرية بعنيزة .. عندهم فراش خسالي بمواصفات جديدة بالنسبة للخياطة ماقد شفت مثلها بالسوق .. وبالبرد عز الله انه بارد ومقاسه جداء رائع ووسيع ..

البرية بالرياض هو نفسه حق عنيزة ؟؟

وعلى فكرة تراي أبي أتدفى بالبرد ما أبي أبرد زود ;)

مشاركة رائعة جدا منك بيض الله وجهك ،، وإذا كان مافيه محل غير حق عنيزة لابد من زيارته ....

[عاشق السيل]

الرجال يبي فراش دااافي :D


أنت شفت ؟؟؟ هههههههههههه :p

[عاشق السيل]

تقليد الدريويش يالغالي مر على القيصرية بالغرابي تلقاه عندهم شريته بأخر يومين من رمضان اخذت لي 4 بـ 145 ريال ولا احسسسن منه

كل شى فيه اصلي من سحابات امريكية 10 ملم

فراش بـ 145 ريال ؟؟؟؟ :eek:

أخاف يكون لك عليه مدامه رخيص لهالدرجة !!!!

تجربتك لسنين طويلة وإلا مرة وحدة بس ؟؟

وشاكر لك مشاركتك يالغالي ....

[عاشق السيل]

أنا أنصحك بالدريويش الأصلي
(قماش-سبت-سحاب)


جربت القماش الباكستاني لايعلى عليه ولو أنه قاسي خدمه 10 سنوات (يمين الصوره تحت اللوحه)
التنزاني ممتاز خدمه 8 شهور (يسار الصوره)
والعالم الله أني آمن من البرد والمطر بعد الله مع الباكستاني


http://www.mekshat.com/pix/upload04/images182/mk96021_20091224(002).jpg


أمطرت علينا ليله وحنا رقود وهجوا الشباب للسيارات .. الي غرق فراشه والي خاف على الفراش


وأخوك قدم الغطاء ووقف تحتحه الكشاف (للتهويه) وكمل نومته للفجر والماء يصبصب من فوق الفراش


وأحيان آخذ من المله وأحطها تحت الفراش لأن الأرض تكون بارده
(ويكون بالمله بعض الجميرات الصغيره ولاتأثر الفراش ) وخذ من الدفى في عز البرد لو أنك براس حزم



كفو والله يالذيب كفيت ووفيت ،، لكن هذا اللي عندك نفس اللي عندي الحين وأنا أشوفه من أفضل وأجود الفرش وبدون منازع ،، بس زي ماقلت بالموضوع إن عيبه الضيق وأنا واحد يتقلب وأدور فراش وسيع شوي !!!

وإذا كان الدريويش الجديد نفس جودة القديم عز الله ماتعديته :good2: ،،،

بيض الله وجهك يالنشمي على المشاركة الرائعة والمفيدة ....

[العاذر]

والله يخوي اني بديت اعيد النظر في مفرش النوم حقي
صحيح اني مفصلة على مزاجي وسيع وقوي ودافي
لكن حجم كبير
ثقيل
يتعبك لفة وتسفيطه:(

لذا قررت التالي ..:p
ابحث عن اصغر حجم في السوووووق
وبس:good:

والدفى الله يخلي البجاماااات ادبلها والعافيه:good2:

[النوبل]

كفو والله يالذيب كفيت ووفيت ،، لكن هذا اللي عندك نفس اللي عندي الحين وأنا أشوفه من أفضل وأجود الفرش وبدون منازع ،، بس زي ماقلت بالموضوع إن عيبه الضيق وأنا واحد يتقلب وأدور فراش وسيع شوي !!!

وإذا كان الدريويش الجديد نفس جودة القديم عز الله ماتعديته :good2: ،،،

بيض الله وجهك يالنشمي على المشاركة الرائعة والمفيدة ....



لاهنت على الأطراء الطيب ولا عليك زود

الي عندي 120 * 220

وفي أحد الرحلات نام معي ولدي 8 سنوات (خفت عليه من البرد والمسرى تالي الليل)

حشرته بالزاويه وأحلى نومه

أرى أن عرضه مناسب

والواضح أنك دب ولاينفع معك الا سقف خيمه عمود :)

أسمح لي بهالمداعبه

[سعود محمد]

تلقاه عند القاضي . برق الحيا . السنيدي وخذ المقاس 1.50*220 . لون اخضر

[ابوياسر1971]

ههههههههه حلوة كبير :p

طيب فراش الخليج وين ألقاه ؟؟

وأشكرك على مشاركتك بيض الله وجهك يالغالي .....

صباح الخير اخوي عاشق السيل , الفرش روعه بمعنى الكلمه ودافي بس مثل ما قلت تحط تحتك فروه بطانيه اي شي عن التزحلق لانه بدون شي تحتك تغدي تقل تفحط بطين لابغيت تطلع منه وتلقه برق الحيا او السنيدي .

[عاشق السيل]

والله يخوي اني بديت اعيد النظر في مفرش النوم حقي

صحيح اني مفصلة على مزاجي وسيع وقوي ودافي
لكن حجم كبير
ثقيل
يتعبك لفة وتسفيطه:(


لذا قررت التالي ..:p
ابحث عن اصغر حجم في السوووووق
وبس:good:


والدفى الله يخلي البجاماااات ادبلها والعافيه:good2:


لا إفراط ولا تفريط !!

يعني ما ىخذ واحد صغير قوة وأموت برد ولا آخذ واحد كبير قوة وألبش بتسفيطه وتحميله !!!!

سلمت يالذيب على المشاركة .....

[عاشق السيل]

لاهنت على الأطراء الطيب ولا عليك زود

لا هان راسك



الي عندي 120 * 220

هذا عز الطلب !!



والواضح أنك دب ولاينفع معك الا سقف خيمه عمود :)

ههههههههه

علشان تدري إني ماني دب ترى فراشي عرضه 90 وأنا فيه مرتاح وله معي عشر سنين

بس ودي أكبر شوي علشان أتقلب براحة أكثر :good2:



أسمح لي بهالمداعبه

تمون يالغالي ...



شاكر لك متابعة الموضوع يالنشمي ...

[عاشق السيل]

تلقاه عند القاضي . برق الحيا . السنيدي وخذ المقاس 1.50*220 . لون اخضر

ماقصرت يالذيب بيض الله وجهك ....

[عاشق السيل]

صباح الخير اخوي عاشق السيل , الفرش روعه بمعنى الكلمه ودافي بس مثل ما قلت تحط تحتك فروه بطانيه اي شي عن التزحلق لانه بدون شي تحتك تغدي تقل تفحط بطين لابغيت تطلع منه وتلقه برق الحيا او السنيدي .

هههههههه يادافع البلا إلى هالدرجة التزحلق !!!

أنا أخاف من التزحلق وخاصة إذا صار الواحد مبطي عن أهله يمكن ***** طووووووط ;)

شاكر لك الفزعة يالذيب بيض الله وجهك ......

[خشم العرمة]

انا مثلك عندي الدريويش من مبطي وحبيت اغيرة وكنت محتار وبعد مشاهدة موضوع ابو مها جزاه الله خير
رسيت على الصحراء وشريته وجربتة الفراش دافي وقوي امطرت علينا ديمة وحنا كشاته مامعنا خيام الربع قامو للمواتر وانا دخلت راسي في الفراش وكملت نومتي واسمع صوت المطر على الفراش ولادخلة ماء ولا شي

يعيبة شي واحد اول ماتدخل الفراش تقول مكبوب فيه موية باردة شوي ولا انت دافي لان مثلك خابر البوليستر بارد او يمكني حساس بزيادة :) بس عب لك مطارة موية حارة وذبها في الفراش قبل تنوم تدخل الفراش تقول نايم فوق ملة
الفصول الاربعه ماجربتة لكن الربع يمدحونة ولو ان الطبقية اللي فوق مهيب تنزاني والخوف من دخول الماء

بالتوفيق يارب

[عاشق السيل]

انا مثلك عندي الدريويش من مبطي وحبيت اغيرة وكنت محتار وبعد مشاهدة موضوع ابو مها جزاه الله خير
رسيت على الصحراء وشريته وجربتة الفراش دافي وقوي امطرت علينا ديمة وحنا كشاته مامعنا خيام الربع قامو للمواتر وانا دخلت راسي في الفراش وكملت نومتي واسمع صوت المطر على الفراش ولادخلة ماء ولا شي

يعيبة شي واحد اول ماتدخل الفراش تقول مكبوب فيه موية باردة شوي ولا انت دافي لان مثلك خابر البوليستر بارد او يمكني حساس بزيادة :) بس عب لك مطارة موية حارة وذبها في الفراش قبل تنوم تدخل الفراش تقول نايم فوق ملة
الفصول الاربعه ماجربتة لكن الربع يمدحونة ولو ان الطبقية اللي فوق مهيب تنزاني والخوف من دخول الماء

بالتوفيق يارب

رايك سديد والصحراء دخل مزاجي أكثر من غيره ،، ومن ناحية برودة الفراش ماتهمني لأني بكون لابس صح :good2: ،،

بيض الله وجهك يالذيب على المشاركة الرائعة ....