المساعد الشخصي الرقمي

مشاهدة النسخة كاملة : ش رايكم في جيب الطوارق 2005 مستعمل (ضروري رائيكم)


مرصاد
04/09/2005, 03:33 PM
السلام عليكم أخواني الأفاضل

أنا محتار بين جيب صوراق 2005 مستعمل او جي اكس ار مستعمل ( وش افقضل)

ثانياً كم سعر VXR 2004 مستعمل نظيف مخمل قير توماتيك وفتحة

أخيرا شفت في موضوع نزله أحد الأخوان عن الفورنر (تويوتا ) يقول انه بينزل هالموديل وش رايكم فيه هل هو قوي ويستاهل الواحد يفكر فيه بدل اللي فوق

أكون شاكر لكم ومابغى منكم الا النصيحة
غيّام
04/09/2005, 05:06 PM
ان كانك راعي بر ومقناص ابعد عن خرابيط التخصصي والتحليه بلا طوارق بلا هم التايوت لا تعداه انا انصح خذ هدد نظره وقوه ويمسك سعره عند البيع
_جنط مسخن_
04/09/2005, 06:39 PM
وانا صراحة ياخوي مرصاد اييد اخوي غيام...,
::
التويوتا مالك غيرة..
الذهين
05/09/2005, 09:53 PM
السلام عليكم ورحمة الله وبركاته

الاخ مرصاد

و انا مثلك حاط عيني على جيب طوارق ... مدري هاللي لقيه مستعمل كم ماشي و كم مسيوم ؟؟

و جزاك الله خير
ذيبان نجد
06/09/2005, 04:58 PM
أخوي مرصاد أنصحك تجمد على التايوتا وخصوصا الفي إكس آر.
ماجد الشمري
06/09/2005, 07:07 PM
اخوي مرصاد ..
الطوارق لايستهان فيه بالبر وانا شفت تجارب له وعلى العموم هو جيب مريح وممتاز واستهلاكه للبنزين ممتاز وبالبر بعد ممتاز واعتقد قدراته البريه لاتقل عن السيارات اليابانية وهو اخذ جائزة افضل جيب لعام 2005 .. لكن السؤال هل هو يستحمل الكرف ؟ ؟ما ادري ..





اخوكم ماجد الشمري
salehhd
06/09/2005, 10:07 PM
السلام عليكم
الطوارق سيارة قوية وجميلة ولا يستهان بها
لاكن تكمن المشكلة به في وكيله وصيانتة المرتفعة

وقطع غيارة الغالية والغير متوفرة

الانسان داماً يتوجة للسيارة المنتشرة لسهولة الحصول على قطع غيارة مستقبلاً وكذلك سعر مناسب وقت البيع
وتقدر تشوف كم سعر المتسعمل الي حصلته وكم كان سعرة في الوكاله راح تلاحظ فرق موبسيط
بالنسبة للاند سيارة قوية وعملية لاكن عيبها صرفية البنزن

ليش ما تاخذ باثفايندر افضل قوي ورخيص وشكله جميل خاصة الموديل 2006

قبل كل شي انصحك تستخير ترى من استخار ماخاب
الذهين
11/09/2005, 08:20 PM
السلام عليكم ورحمة الله وبركاته

بشر اخوي مرصاد وش صار عليك ؟
القناص
11/09/2005, 11:15 PM
والله يا اخوي مرصاد
وش اقولك

الطوارق فيه توازن وثبات على الطريق وفي البر والمنحدرات ماتوجد في التايوتا
والتجربه اثبات

الطوارق شوي اقصر من اللاند كروزر صفين مراتب فقط.

الطوارق يبي صيانه عند الوكاله كل 10الاف كم وتكلفك من 270 ريال الى 800 ريال حسب نوع الصيانه.

الطوارق فيه امان و تصفيح البودي ودعامات في جوانب السياره بتقنيه المانيه اقوى شوي ن اللاندكروزر

الطوارق في البيع مرغوب جدا جدا والوكاله تشتريه منك ان رغبت البيع.

شكل الطوارق مميز جدا وعلى قاعدة بورش كايين.

الطوارق من فولكس واجن والشركه هذي ما عليها كلام سيارات ممشاها في المعدل 300الف كم
كل ما تحتاجه الانتباه الى الصيانات الرئيسيه كل 60 الف كم وتغيير الجنزير اهم شي.

يمكنك ايضا تمديد الضمان الى 5 سنوات من الوكاله وتريح راسك .

اخيرا اذا ما اعجبك الطوارق ففكر جيدا بالباترول السوبر سفاري وعليك بصلاة الاستخاره والله يوفقك.

اخيرا الطوارق الماني وبسلامتكم.
اسيزو 4x4
11/09/2005, 11:24 PM
والله يا اخوي مرصاد
وش اقولك

الطوارق فيه توازن وثبات على الطريق وفي البر والمنحدرات ماتوجد في التايوتا
والتجربه اثبات

الطوارق شوي اقصر من اللاند كروزر صفين مراتب فقط.

الطوارق يبي صيانه عند الوكاله كل 10الاف كم وتكلفك من 270 ريال الى 800 ريال حسب نوع الصيانه.

الطوارق فيه امان و تصفيح البودي ودعامات في جوانب السياره بتقنيه المانيه اقوى شوي من اللاندكروزر

الطوارق في البيع مرغوب جدا جدا والوكاله تشتريه منك ان رغبت البيع.

شكل الطوارق مميز جدا وعلى قاعدة بورش كايين.

الطوارق من فولكس واجن والشركه هذي ما عليها كلام سيارات ممشاها في المعدل 300الف كم
كل ما تحتاجه الانتباه الى الصيانات الرئيسيه كل 60 الف كم وتغيير الجنزير اهم شي.

يمكنك ايضا تمديد الضمان الى 5 سنوات من الوكاله وتريح راسك .

اخيرا اذا ما اعجبك الطوارق ففكر جيدا بالباترول السوبر سفاري وعليك بصلاة الاستخاره والله يوفقك.

اخيرا الطوارق الماني وبسلامتكم.

كلامك عين العقل يالقناص ولا يهونون الأخوان إذا ما تبي الطوارق لاتتعدى السفاري الباترول خلك من التويوتا وأبو جميل

أنا شفت للطوارق تجربة في الصحراء الأماراتية والله ممتاز وقوي وإذا تبي اللي يستحمل خذ السياحي سعرة وكالة 130000 ريال

.
salehhd
11/09/2005, 11:56 PM
السلام عليكم ورحمة الله وبركاته

بشر اخوي مرصاد وش صار عليك ؟

اي والله بشر نباركلك علي اي سيارة
بو خليفه
12/09/2005, 01:01 AM
أخي العزيز
الطوارق جيد و فيه أدوات سلامه و أيضاً يتفوق على الياباني من ناحية السلامة و الدفع رباعي دائم و يوجد فيه نظام Tc هذا النظام يمنع الانزلاق و ممكن يقفل الدفرنش من يمين واليسار أوتوماتيكي
عيوبه الجير دائما يتلف و القطع غير مؤمنه
البديل عليك بالرانج روفر هو الأفضل
مرصاد
12/09/2005, 09:40 AM
اشكر جميع من قام بالرد على الموضوع الله يبارك فيكم

الصراحة زادت حيرتي وخصوصا من صاحب آخر رد (بو خليفة) روعني يقول القير دائما يتلف (صراحة قطع ظهري) وسمعت من بعض الاخوان ان ساماكو تعتبر من ازفت (وانتم بكرامة) الوكالات عندنا تدخل السيارة عشان تصلح مشكلة تطلع فيها مشكلة ثانية
افكر حاليا بالهدد القطري يمدحونه بس لو ان صداماته بيض كان شريت على طول
شفت لي واحد 2006 ماشي شوي حاده راعيه بي 130000 ريال شكله مغليه
اخوي الذهين الزين مايكمل وانا اعرف نفسي رجلي حاره على الموتر شكلي صرفت النظر لمزيد من التمعن والتفحص

ادامكم الله اخواني ماقصرتوا
fjjjjj
12/09/2005, 09:59 AM
الله الله بالتويوتا ترى مامثلة مثيل
مرصاد
12/09/2005, 02:23 PM
صح لسانك أخوي