استبنة اليوكن ، علقت عندي .. ممكن فزعة يالنشامى (يوجد صور)

[almohandis]

أحبتي الكرام
عندي اليوكن 2007
وسمعت قبل فترة إنو فيه مشكلة وهي تعليق الاستبنة، ( الكفر الأسبير )
فقلت أتلقف وأجرب قبل ما يقع الفاس في الراس وأتعطل فعلا ثم أبلش، وبالفعل جربت ولقيت الاستبنة معلقة بالفعل،
طريقة التعليق:
الونش يلف معك وينزل، بس الاستبنة لاصقة فوق، يعني تنزل معي حدود خمسة سم وبعدها تثبت مكانها، والونش ينزل لوحده...
الصور قد توضح لكم المقصود


هذي صورة الاستبنة وهي معلقة بوضعها الطبيعي
http://www.archive.org/download/YukonSpareTire/11.jpg (http://www.archive.org/download/YukonSpareTire/11.jpg)
إضغط على الصورة لعرضها بحجمها الطبيعي في صفحة جديدة


وهنا تلاحظون الونش نازل والأخت استبنة معلقة فوق ما أدري وش تنتظر
http://www.archive.org/download/YukonSpareTire/12.jpg (http://www.archive.org/download/YukonSpareTire/12.jpg)
إضغط على الصورة لعرضها بحجمها الطبيعي في صفحة جديدة

هنا صورة مقربة للاستبنة وهي معلقة
http://www.archive.org/download/YukonSpareTire/13.jpg (http://www.archive.org/download/YukonSpareTire/13.jpg)
إضغط على الصورة لعرضها بحجمها الطبيعي في صفحة جديدة


أحد مرت معه المشكلة يا إخوان فلا يبخل علينا بالحل مشكورين . . .
أخوكم حفيد جده

[البدائع ابداع]

والله جرب حق الصدأ يمكن ينجح معك

[كم كيلو باقي]

مادري والله أول مره اشوفها بالشكل هذا

بس فيه حل يمكن ينفع معاك .. رح شارع فاضي ونط مطب على سرعة متوسطة .. وشف ممكن تكون ناشبة بس

[HAS5SAN]

اسمع يالحبيب
نزل الونش مثل في الصورة رقم 2 أو رقم 3
ثمن أرصع الكفر من الخلف للأمام
برجولك كنك راصع لك راس يهودي
بس تكون بكل ما أوتيت من قوة
فقط لا غير

[عشق الجنوب]

مساء الخير
ابد امرها بسيط نزل الونش وأمسك القطعة المعلقة وحاول تفكها على جنب بمطرقة او ماصورة طويلة بشكل دائري حتى ينفك معك معلقة من الصدأ او معلق السنن لصامولة الونش
ولا تحاول تطعج الماسك ممكن يخرب الونش
وشيك بعد ماتنزل الأستبنة على الونش يمكن الخوابير مفكوكة ختى لوتلحمة من جديد
وتقبل مروري!!
واتمنى اكون افدتك حصلت معي بسيارتي

[السلمان2010]

حاول ترجع الونش وتخليه مرخي عشان مايطيح الكفر
بعدين حول تحريك الاسبير برجلك
ان شاء الله بتجي معك

[عبد الله 99]

صارت لي نفس هالمشكله على يوكون 2008 على خط الكويت و بعد الاتصالات قالو حط العفريته تحت الكفر و ارفعها و ارفع الى اخر شي بعدين نزل العفريته و بتنزل معك
اتمنى افدتك

[trailblazer04]

انا عندي نفس المشكله على التريل بليزر

عشان كذا نزلت الاسبير بعد بقس وقطيته بالشنطه


انا اموت واعرف مين اللي اقترح يحط الاسبير تحت والله غبي

مشاكله كثيره مثل التعليق ويتعبك بالبر ياليت لو يسوون مثل جموس من 92 الى 99 يكون بالشنطه ولا في الكبوت زي البيجو القديمه<< :D الكفر يذوب مكانه

[almohandis]

والله جرب حق الصدأ يمكن ينجح معك

أخي الكريم البدائع ابداع،
لا أظن المشكلة مشكلة شيء مجيم، لكن فيه حاجة معلقة جوا، لأن اللي عليه الحركة وهو الونش نزل معي..
شكرا لمرورك




مادري والله أول مره اشوفها بالشكل هذا

بس فيه حل يمكن ينفع معاك .. رح شارع فاضي ونط مطب على سرعة متوسطة .. وشف ممكن تكون ناشبة بس

أخي كم كيلو باقي؟ ما أدري والله كم باقي :D
أنا بغيت أجرب، بس بصراحة خفت تنفك وتقطع لي الواير نفسه ولا تسوي لي مشكلة أخرى عويصه،
ما عندك غير هالحل الله يحييك؟




اسمع يالحبيب
نزل الونش مثل في الصورة رقم 2 أو رقم 3
ثمن أرصع الكفر من الخلف للأمام
برجولك كنك راصع لك راس يهودي
بس تكون بكل ما أوتيت من قوة
فقط لا غير


أخي الكريم
HAS5SAN

حلك خريب لكن بغيت أقول لك حاجة، ما ضربته لكن هزيته بقوة لحد ما خفت ينقطع الواير، وفي جميع الجهات أفقي يمين شمال شرق غرب، ورأسي فوق تحت، ودون فائدة

هل جربت أنت هذا الحل من قبل؟ أو تعرف احدا جربه؟
شكرا لمرورك..

[AbO-iBr3hEm]

كنت طالع أنا وواحد من الربع يوم رجعنا أنفجر الكفر علينا ، جلسنا ساعة ونص علشان ننزله ، وبالأخير نزلته ..

شف نزل الونش إلى آخر شيء ، وبعدين أظغط الونش ونزله تحت ، وراح يمشي إن شاء الله معك ، كما في الصورة 1 ..

[ولد وايل..]

شف يا عزيزي...

نم تحت الكفر وهزه هز الويل ويبي يطلع ...

ارفع الونش للاخير عمن نزله للحد اللي يوقف عنده وانزل شوي (يعني يكون الكفر مرتخي ويتدلى) همن هزه ويبي يفك معك

[asdali]

جرب نسم الكفر يمكن محشور

[almohandis]

مساء الخير
ابد امرها بسيط نزل الونش وأمسك القطعة المعلقة وحاول تفكها على جنب بمطرقة او ماصورة طويلة بشكل دائري حتى ينفك معك معلقة من الصدأ او معلق السنن لصامولة الونش
ولا تحاول تطعج الماسك ممكن يخرب الونش
وشيك بعد ماتنزل الأستبنة على الونش يمكن الخوابير مفكوكة ختى لوتلحمة من جديد
وتقبل مروري!!
واتمنى اكون افدتك حصلت معي بسيارتي

أخي عشق الجنوب، يبدو أنني وجدت ضالتي فيك :)
لأنك عايشت التجربة، لكن للأسف أخي لم أفهم الطريقة!
فماذا تقصد بالقطعة المعلقة؟
وهل هي واضحة في الصور؟ ثم كيف طريقة تحريكها بالمطرقة أو الماصورة؟
كتب الله أجرك؟




حاول ترجع الونش وتخليه مرخي عشان مايطيح الكفر
بعدين حول تحريك الاسبير برجلك
انشاء الله بتجي معك


جربت الطريقة لدرجة إني لفيت الكفر حول نفسه أكثر من لفة وما هنا فايدة ..
شكرا لمرورك أخي السلمان.

[ابوعقل]

صارت لي نفس هالمشكله على يوكون 2008 على خط الكويت و بعد الاتصالات قالو حط العفريته تحت الكفر و ارفعها و ارفع الى اخر شي بعدين نزل العفريته و بتنزل معك
اتمنى افدتك

هذا الكلام الصحيح

وهذي الطريقه موجوده بدليل المالك ((الكتلوج))

ـــــــــــــــــــــــــــــــــ

شف العفريته

مربوط فيها قطعتين حديد

هذي القطعتين اغلب الناس يحسبونها للكفرات وهذا غلط

هذي القطعتين تحطها تحت العفريته

تصير مثل شكل الهرم

وتنزل السبير فيها اذا هو معلق

[almohandis]

صارت لي نفس هالمشكله على يوكون 2008 على خط الكويت و بعد الاتصالات قالو حط العفريته تحت الكفر و ارفعها و ارفع الى اخر شي بعدين نزل العفريته و بتنزل معك
اتمنى افدتك

أخوي عبدالله
هذا الحل لقيته في النت، ولكن ما مشى معي، ما أدري نفذته بشكل صح ولا لا؟
حطيت العفريته على نفس الونش من تحت، ورفعت لين آخر شيء، بعد وضع الحديديتين طبعا اللي ترفع لك العفريته
وما هنا فائدة!!!



انا عندي نفس المشكله على التريل بليزر

عشان كذا نزلت الاسبير بعد بقس وقطيته بالشنطه


انا اموت واعرف مين اللي اقترح يحط الاسبير تحت والله غبي

مشاكله كثيره مثل التعليق ويتعبك بالبر ياليت لو يسوون مثل جموس من 92 الى 99 يكون بالشنطه ولا في الكبوت زي البيجو القديمه<< :D الكفر يذوب مكانه

أخوي trailblazer04
بس انت قفزت نقطة مهمة وهي لب الموضوع: كيف حليت المشكلة؟

[عشق الجنوب]

مساء الخير
في الصورة رقم 3 فيه الماسك الخاص بالونس اللي نازل منه من الوسط سلك الونش قطعة الحديد هذه حاول تحركها بطريق دائرية ( يعني بجنب) هي ماسكة بالونش بسبب الصدأ ومعلقة
واتمنى افدتك واذا ما خارج الوضع ابد على الخاص ارسل جوالك وشكرا

[رويال4446]

انا صارت معي نفس المشكلة بيوكن2003 بس من حسن حضي اني كنت منزل السبير لما جيت اركبة علق علي الونش وبعته وهو على الحال<<والسبير حاطه ورا.. بس صديق لي صار له نفس المشكلة وغير المكرة كاملة وهي250على ما اعتقد<<وغيرة عند ورشة عاادية جدا

[HAS5SAN]

أخي الكريم
HAS5SAN
حلك خريب لكن بغيت أقول لك حاجة، ما ضربته لكن هزيته بقوة لحد ما خفت ينقطع الواير، وفي جميع الجهات أفقي يمين شمال شرق غرب، ورأسي فوق تحت، ودون فائدة
هل جربت أنت هذا الحل من قبل؟ أو تعرف احدا جربه؟
شكرا لمرورك..

أجل هذا أتوقع أنه مسمار أمان أجل جرب هذى الطريقة
وجدتها في النت وهي عن تعليق كفر الإستبنه " الاسبير "
كما في الصورة أدناه

http://www.picamatic.com/show/2009/09/29/11/17/5273431_bigthumb.jpg (http://www.picamatic.com/view/5273431_scan0001/)
عندما ينزل الواير ويبقى الإستبنة معلق

والكثير من ملاك اليوكن يذهبون للورش ويدفعون المبالغ الطائلة التي لا داعي من دفعها
بل وقد يقومون بعمل توليفات مكلفه وغير مجديه
والبعض قد يتورط في سفر ولا يستطيع فعل شيء فيقوم بتحميل السيارة على سطحه وقد يكون معه عوائل فتكون المشكلة مشكلتين او قد لا يجد سطحه فيترك السيارة ويبحث عن من يقله الى اقرب محطه " يعني انواع الهجولة " أو قد يضطر لشراء كفر وهو لديه إستبنة
وانا شخصياً عانيت من مشكلة التعليق وكنت أخشى أن اقع يوماً في مأزق لا احسد عليه إما في سفر أو في ليل أو ..أو . لذلك حاولت أن اجد لها حل في منتديات السيارات وفي النت بشكل عام ولم اجد الا
من يقول غيّر مكينة رفع الإستبنه بأخرى جديدة " وهي غاليه "
او من يقول غيّرها بمكينة الرفع الخاصة باللاند كروزر
او من يقول إذهب للمخرطه وخلهم يقصون وصلة التأمين التي في الواير " سبب التعليق " وهذا خطأ إذ قد ينقطع عليك الواير فتفقد الإستبنة " هذا إذا ما سبب لك حادث إنقلاب او تسبب في حوادث للآخرين ممن هم خلفك "
أومن يقول ولف عند الحداد تروس ومواصير بطريقه مختلفه عن شد بلدها وخرم الصدام و.. و..
وجميع من قال او نصح أعلم علم اليقين أن هدفهم المساعده وفعل الخير
ولهم مني كل حب وتقدير ولولا الله ثم هم لما حاولت البحث وإيجاد الحل

وهي في الواقع ليست مشكلة كبيرة وإلا لما جاء ذكرها في كاتلوج السيارة
بل هي حالة عاديه قد تمر علينا في اي لحظة ولو أننا تمعنا في الكاتلوج قليلاً لما إعتبرناها مشكلة

بفضل من الله عز وجل وبعد الإطلاع على الكاتلوج وجدت الحل
وهو أن تضع العفريته تحت واير الإستبنة بالضبط كما في الصورة أدناه
http://www.picamatic.com/show/2009/09/29/11/17/5273439_bigthumb.JPG (http://www.picamatic.com/view/5273439_123/)
طبعاً تضع تحت العفريته القوائم التي معها " الي مثل الرجول " حتى ترتفع بالقرب من الإستبنى ثم تقوم بالرفع حتى تتوقف العفريته " الى الأخير " ثم تقوم بالإنزال مرة أخرى ثم تنزل الإستبنة بالهندل كما هو متعارف عليه ستجده نزل معك بكل يسر وسهولة وبدون حيرة ولا تعطيل وبدون ورش ولا بنقالة يضحكون علينا

[1231]

هع هع انت بعد نفس الشي.

آسمع يالذيب قد صارت معي مرتين.


بموتري جمس حوض 2006 .


الحل الي لقيته ..


تركب الليور عادي كنك تبي تنزل السبير.. بينزل السلك والكفر محله مانزل.


مد يدك للكفر وفره بشكل دائري فره حول نفسه.

وخلك تفره تفره تفره (صحيح بتتعب شوي بس وش تسوي :D) ماتاخذ الا الكفر نزل معك بس انتبه لانه بينزل بقوه والسلك مرتخي .

لاتكون جالس تحته ولاقريب منه لانه بينزل بقوه وبيجلس يتدلى يمين يسار قدام ورى.

والله يستر.

اتمنى دعوه طيبه.


لآحول ولاقوه الله بالله.

[almohandis]

حيا الله الجميع كل باسمه
وأعتذر لغيابي بسبب السفر والعيد .. ويؤسفني أن أقول أنني جربت جميع ما ذكروا الشباب دون جدوى ومازال الكفر معلق :(


كنت طالع أنا وواحد من الربع يوم رجعنا أنفجر الكفر علينا ، جلسنا ساعة ونص علشان ننزله ، وبالأخير نزلته ..

شف نزل الونش إلى آخر شيء ، وبعدين أظغط الونش ونزله تحت ، وراح يمشي إن شاء الله معك ، كما في الصورة 1 ..
الفاضل AbO-iBr3hEm الطريقة غير واضحة لي للأسف.




شف يا عزيزي...

نم تحت الكفر وهزه هز الويل ويبي يطلع ...

ارفع الونش للاخير عمن نزله للحد اللي يوقف عنده وانزل شوي (يعني يكون الكفر مرتخي ويتدلى) همن هزه ويبي يفك معك

أخي ولد وايل
ما هزيته وبس إلا بغيت أقلب السيارة من الهز :mad:



جرب نسم الكفر يمكن محشور

أخي asdali
الكفر مش محشور لأنه ينزل معي حوالي خمسة سم ثم يوقف مكانه وتشوفه يتدودل ;)






هذا الكلام الصحيح

وهذي الطريقه موجوده بدليل المالك ((الكتلوج))

ـــــــــــــــــــــــــــــــــ

شف العفريته

مربوط فيها قطعتين حديد

هذي القطعتين اغلب الناس يحسبونها للكفرات وهذا غلط

هذي القطعتين تحطها تحت العفريته

تصير مثل شكل الهرم

وتنزل السبير فيها اذا هو معلق


أخوي أبو عقل
سويت الحركة ولا نفع للأسف
رفعت العفريته على بلوك كمان حتى آخر مستوى لها دون فائدة...

[almohandis]

مساء الخير
في الصورة رقم 3 فيه الماسك الخاص بالونس اللي نازل منه من الوسط سلك الونش قطعة الحديد هذه حاول تحركها بطريق دائرية ( يعني بجنب) هي ماسكة بالونش بسبب الصدأ ومعلقة
واتمنى افدتك واذا ما خارج الوضع ابد على الخاص ارسل جوالك وشكرا

حياك الله وبياك يا عشق الجنوب
سأقوم بالتجربة وأرد لك يالطيب..

وإن ما نجحت أرسلت لك الرقم .

لاهنت.

[راعي المقانيص]

اذا عندك عتله وانا اخوك اقرص لها وباذن الله تبي تجي مطبحه صاروخ لكن انتبه ليدك والا رجلك لاتصير حول الاستبنه

[زعيم الصيادين]

لانزلت الاستبنه 5 صانتي الي تقول خل السلك حقه شبه مشدود ورفس الاستبنه علطول تطلع كد صارت معي وفكت عاد الله بالرفسه

[ابراهيم الضيو]

الحل عندي وانا ابوهندي اخوي عندك حلين الاول انك تخلي لستك بين الكفر والشاص لان الكفر مع الحراره يلصق بالحديد الثاني تخلي هوالكفر مو محجر يعني فيه ليونه والسلام

[المدينه ديرتي]

السلام عليكم ورحمة الله وبركاته ..

اخوي المهندس اذا تقدر تقلي ايش الحل لانه معي نفس المشكله . اذا امكن تعطني الحل .

وتسلم

[على رمشي تمشي]

عند احد اخواني انفوي gmc كانت عنده الاستبنه تلعب يمين ويسار قمنا صبتناها بكرتون المهم بنشر وحاول ينزل الستبنه ولا قدر اتصل على وجيت حاولنا بشتى الطرق شوت ورجف ولافاد شرينا كفر ورحنا لورشة وفك لنا الونش قال انه خربان الحين الاستبنه بالبيت والونش عاقل بها ولاندري وش نسوي بصراحه

[صايد الصقر]

اخوي تنزل من حديدة موجودة عندك داخلالسيارة لها فتحة من عند اللوحة
تدخل الحديدة داخل وتلف فيها لين ماينزل الكفر والطريقة ههذي اغلب الناس اللي معاهم جموس مايعرفونة بس وين تلقى الحديدة مدري افتح الكتيب اللي جاء مع السيارة وطلعها

[السرب]

عندي نفس المشكله ... وبنتظار الحل الصحيح ... تحياتي

[almohandis]

حيا الله الجميع
بصراحة حاولت بشتى الطرق وجربت جميع الحلول من ركل وتشويت ولف وتدوير ورفع بالعفريته ...الخ
ولم تجدي معي

فقررت الذهاب لأحد الإخوة الفضلاء صاحب ورشة متميز في شغله ودائما أصلح عنده سيارتي،
ورفع السيارة وصادف إنو عنده ونش خربان مفكوك، فاستعنا به وحاول يعرف كيفية عمله، وبعدها أخذ حديده وسقطها في الداخل وفك التعليقه، ونزلت الكفرة ولله الحمد
ثم رش الجزء اللي كان معلق بمانع الصدأ وزيته وحركه لين تأكد إنه ماشي بشكل جيد.

ورجعناه مكانه، ومن يومها إلى اليوم ما جربت مرة ثانية خوفي أجرب فيعلق وأتحطم،
ولكن لابد من التجربة على كل حال لأنك تجرب أحسن من تطبق على أرض الواقع.
اللي يبغى رقم الورشة يراسلني ع الخاص وهي في حي المصيف في الرياض.

والسلام عليكم

[أبوحمزه]

علق الونش وفكيته مع القاعد هل يتصلح او يتغير

[كوتشي]

الحل بسيط جداً يا شباب
ارجع رجع الكفر الى مكانه يعني كنك بترجع الكفر مكانه وبتشده بس خذ لك عليه شوي في الشد وبتسمع صوت طقه صغيرة وبعدين نزل الكفر وراح ينزل معك
انا صارت عندي نفس الحركة ورجعت الكفر وشديت عليه وسمعت الطقه ونزل الكفر بكل بساطه
جرب وبأذن الله يضبط معك

[بن بليهد]

سويت جميع ما سبق



ولازال الكفر متعلق !!!!!



لكن باقي الوكاله مامريتهم

[قلم5]

شكله يوجد تأمين لان الكل يعاني من هذا الشيء