لاندكروزر 1988 يُسام بـ50,000ألف ريال ( يوجد صور )

[HAS5SAN]

بسم الله الرحمن الرحيم
السلام عليكم ورحمة الله وبركاته :
أنا لا أعترض على السعر فالكل حر بماله وحلاله
ولكن هل فعلاً يستحق هذا المبلغ .........؟
وفي الأخير صدق من سماه الذهب أو الشيك المفتوح


http://www.haraj.com.sa/userfiles5/2010-08-05/100805142530039174f43gunckg11k.jpg (http://www.haraj.com.sa/userfiles5/2010-08-05/100805142530039174f43gunckg11k.jpg)


http://www.haraj.com.sa/userfiles5/2010-08-05/100805142239314797mxuthi4u29hk.jpg (http://www.haraj.com.sa/userfiles5/2010-08-05/100805142239314797mxuthi4u29hk.jpg)


http://www.haraj.com.sa/userfiles5/2010-08-05/100805142659873717ipjcz64kshfn.jpg (http://www.haraj.com.sa/userfiles5/2010-08-05/100805142659873717ipjcz64kshfn.jpg)


http://www.haraj.com.sa/userfiles5/2010-08-05/1008051427385073729zpflzvp19fw.jpg (http://www.haraj.com.sa/userfiles5/2010-08-05/1008051427385073729zpflzvp19fw.jpg)


ركزوا في ممشاه .............؟؟؟



http://www.haraj.com.sa/userfiles5/2010-08-05/100805142408629990gntu2non53vz.jpg (http://www.haraj.com.sa/userfiles5/2010-08-05/100805142408629990gntu2non53vz.jpg)



!!!
ملطوش من الأخ ( حسونه ):D

[ن م ر]

ما شاء الله تبارك الله

فعلا سيارة اعتمادية وقويّه

ولكن مع الموديلات الحديثة والمواصفات المتطورة صعب جداً ترجع للوراء 22 سنه وتدفع نص قيمة سيارة موديل 2006 أو 2007

هذا رأيي وبالتوفيق

[العتيبي 88]

هههههههه سعر خيالي تلقى الي معطيه السعر يمني مافيها كلالام ...لو ابي ادفع خمسين بأخذ لي 97 اطلق واحد مو موديل قديم ...

نشكرك على اللطش ..

[فيصل العاني]

(كل صاقط له لاقط).........:D............
واهل العقول في راحة فية ناس ترغب القديم اذا كان نضيف وتعطي اسعار مبالغ فيها وتجد كلامهم مرتكز علئ قوة الصناعة القديمة :good2:ويقولون حديد ماهي مثل السيارات التالية كلها فيبر وكمبيوتر ومن اول حكة تنباع تشليح بس مايستاهل ذا السعر مهما كان نوعة وطبعا فية ناس واجد تبي تشترية يمكن باكثر من ذا السعر علشان نظافة الموتر.......مجرد تعليق بسيط والله المستعان:f

[احمد الشمال]

والله الموتر نظيف ماشاء الله تبارك الله
وصراحه على نظافته يستاهل 40 الف

[HAS5SAN]

اعتذر
طلع موديله 1989 مو 1988

[asdali]

هذولا الدقة القديمة اللي يشترونه(الناس اللي عايشين في الماضي ويبغون يموتون فيه)

[ن م ر]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور

والموتر فعلا نظيف لكن مهما كان مستحيل ادفع فيه هالمبلغ الخيالي

[كاشت وحداني]

الموتر يصلح يجهز للبر ويتم توقيفه ولكن ما يصلح استخدام يومي
يقعد واقف للمكشات فقط .
وبصراحه فيها قوة عجيبه وصبر
قد يكون هناك اقوى منها لكن هذه الموديلات فيها صبر عجيب .
هناك اماكن يمشي فيها لاتمشي فيها الموديلات الجديده من اللاند كروزر .

[كارلتون]

ماشاءالله تبارك الله
يستاهل الموتر النظيف ياخذ حقه

[الهوى جنوبي]

هههههههه سعر خيالي تلقى الي معطيه السعر يمني مافيها كلالام ...لو ابي ادفع خمسين بأخذ لي 97 اطلق واحد مو موديل قديم ...

نشكرك على اللطش ..
كلامك صحيح حضرمي دفع لولد عمي 45000 ريال في موديل 88 وماشي الموتر فوق المية الف بس صراحه تظيف وعي ما يبيع مع اني نصحته فرصه ما تتعوض لكن الموتر ثقيل مره وغير مريح اذا ركبت فيه يبغالك اسبوع راحه في الفراش

[Abu Mryea]

بصراحة يستاااااااااااااهل وبقوة

[طفران بس بطران]

اشترية لو بمليون بس ينفعني ويصير عملي وقوي حديدة هذا يكيفني

[جيبي جايزلي]

هذا الموتر دواه البر فقط قوه وصلابه واصلي ياباني الله يخلف على الجديد كبس في كبس وقطع تجاريه مواتر رزه بس والله انه يستاهل القيمه هذا واكثر بعد

[أبو تركي3]

أنا آرى أن الجديد أفضل من القديم .

[سليمان 10]

لايهمك ابوسست 97 وبس 000

[Ss7]

حتى ريحته من يوم يطلع من الوكاله لا صقة تفتح النفس خاصة المكيف لها حنين غريب
يستاهل صراحة أكثر , والله يطعم صاحبة خيرة ويكفيه شره والحسد

[الهاجس 354]

ما شاء الله تبارك الله
موتر نظيف ويستاهل القيمه
بس يقولك
حديد+قوه=تكسير ظهر:D:D

[قناص*07]

يستاهل الطييييب

[أبوريم ماس]

ماشاءالله تبارك الله
يستاهل الموتر النظيف ياخذ حقه

[(سكود)]

اذا تعرف صاحبه دلنا عليه ونااخذه بــــ(55الف وانت نعطيك 500ريال بالرغم ان عندي فكسار 2006لاكن الموتر هذا نادر بالفعل

[الحرالاشقر]

موتر حديد وعملي جدا
لكن مايستاهل هالمبلغ

[4*4]

من عوفي فليحمد الله

[ياوجودي]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور





والموتر فعلا نظيف لكن مهما كان مستحيل ادفع فيه هالمبلغ الخيالي



أخوي أبي منك خدمه لو سمحت. أبيك اذا قابلت هالشخص تسأله وتقول له
الـ2002 نفس مكينة الـ 2006صح؟؟ ونفس الشكل ونفس الهيكل يفرق الانوار والديكور الداخلي لصالح الـ2006 طيب ليه ماشرا 2006 ماشي 60 بنفس هالقيمه؟؟

معليش أخوي أتوقع إن خويك مغلوب عليه 1000%
صحيح لو اشترى موديلات 97 يمكن يمكن نأيده ونقول فيه ناس تقول لأنه دفرنسات فهو أقوى وافضل من الـ98 وفوق . لكن يشتري موديل دونه وفوقه نفس الهيكل والمحركات.

لا معليش الموضوع كذا يكون لعب عليه اسمح لي.

[توفيق البلوي]

انا استخدمت الجيوب القديمه والله مافي مثلها عمليه وقويه وقطع رخيصه
ومعاي الان جيب 82 والله يوم تشوف خشته تقول يوقف الحين ):
وانا ماخلي به ديره

ياليت معي قدره والله لو 55 الف لا ادفعها فيه

[khdt hgl'dvd]

يستاااهل القيمه

وانتم مغير ادورون الراااحه والوكالات تهلسكم هلس بصيانه وملعنت خير

اما الموتر ذا اللي ياخذه اضمله 30 سنه من بعد الله ما يحط ريال فيه
وخل عنكم المهايط الجديد والجديد كراتين

تدرون في جيب اشراع موديل 84 مسيوم 48 الف ولا باع ويبي فيه 50 الف
والموتر ماشي 5000 الاف فقط وموجود بالطايف وانا شفته
وكاااااااااااااااله بمعنا الكلمه كان حق الامير
هذي هي المواتر مهي موترنا اليوم
لكن مشكلتها العزم فقط ولا الباقي يهون الله يرزقنا

[صاحب الدرع]

قديمك نديمك لو التالي اغراك

[ابن علوان]

في نظر بعض هواة جمع السيارات المهم امتلاكها بغض النظر عن السعر

[بعيد الهقاوي6]

واحد أعرفه شاري GXR 2002 ماشي 60 الف بـ120الف ريال سعودي قبل حوالي 6 شهور




والموتر فعلا نظيف لكن مهما كان مستحيل ادفع فيه هالمبلغ الخيالي




فيه GX-R موديل 2002 ماشي 35 الف الموتر مخزن وارد البازعي ماعمره طب بر كفراته ماشاء الله لاقوة الا بالله شد بلد مافكت ابد والموتر واقف في بايكه ماعمر الشمس طقته

مسيوم 150 الف وعيا راعيه لايبيعه والموتر وكاله ماشاء الله وانا اشهد

[مسير عليهم]

هل هو مجدد والا شد بلد

[الضاحي]

من حكم في ماله فما ظلم

هذا الجيب له عشاقه يا اخوان

[HAS5SAN]

الأخوان إلى سألو
الموتر شد بلد ولا فيه أي تعديل أبد
وفي الآريل خربان ماطور الهواء حقه فقط وينزل بعد لكن ماينزل الآريل كامل
الموقع معرض السلام في ابها
ووالله أنني لا أعرف صاحب السيارة ولا صاحب المعرض ولكني
ناقل للموضوع من النت والله من النت وصاحب الموضوع ثقة
هو حسونه نائب المشرف العام لموقع تويوتا العربية

[ابويعقوب1]

والله واحد من الجماعه شاري نفس موديل الموتر بي 55 الف بس نظيف جداً الرجال يقولي ما تحصل مثل هاذي المواتر قوة وتحمل وكد والجديد قال كله كراتين

[قطب 999]

يستاهل النضيف وهالموديلات لن تتكرر

[الربذي]

طيب هو مشتريه قبل 22 سنه ب68الف ولان يسام ب50 معقوله استعمال 22 سنه وخسارته بس 18 الف انا سنه

[فيصل التميمي]

سعره مقارب لسعر الموديلات الحديثة

[قنااااص]

ماشاء الله

بس المشكله قديــــــــــــــــــــم لو كان نظيف

وفعلا كل صاقط له لاقط

[HAS5SAN]

شرفني مرور الجميع

[كاشت وحداني]

والله لو توفرت قيمته ما افوته
فيه مناطق وخصوصا في المنطقه الجنوبيه اتحدى الجديد يمشي فيها
وحتى ال 97 صحيح انه ممتاز بس في زمانه اما مع ال 89 وتحت ما ياكل عيش .

[مكسر الشوك]

يستاهل الزين