&&&سيارات شركات نقل اموال الصرفات&&&

[محب الزويليات]

السلام عليكم ورحمة الله وبركاته


كثير منا يشوف سيارات الصرافات تبع نقل الدارهم لكني اعيب عليهم سواقتهم العجيبة
يجي وراك يمشي طبلون فان الجمس على الطرق الدائرية و الرئيسية ولايراعي السيارة
اللي قدامه
وقد صار لي موقف مع احدى السيارات كان بيسبب لي حادث انقلاب لكن الله ستر
والاحظ شي اخر و هو ان سياراتهم معدومة و مصدمة مع كل الجهات

ياخوان اللي عنده معلومات عن هذة السيارات و عن اسباب سرعتهم الدائمة واشكال سياراتهم
لايبخل علينا لا نه شي ملفت للإنتباه

[الفتله]

تصدق يعلم الله اني ملاحظ هالشئ مثلك

الى درجه تهور خطير وقطع اشارات وسرعه ..

[احمد الشمال]

مادري صراحه
عندنا بالشمال قليله السيارات النقل ونادره ولم الاحظ الشيء هذا

[ن م ر]

يذلون على الدراهم واناخوك

[أبو نـآيف]

ماينلام

تبيه يوقف عند اشاره ومعه 5 مليون ؟

[ALBDRANE]

الذيب في القليب

[عاشق z71]

يالله ياني استمتع عليه اذا واحد منهم سوالي مثل هالحركات

بدايه قلت واحد منهم مطفوق بس بعد فتره طلعوا كلهم مهبل

عموما انت دز قدامه وكع فرمل او تعال جمبه ووره جنب الموتر بعينه


صدقني وقتها بيدور اقرب مدخل خدمه ..

[عرق رملان]

نعم صحيح عليهم ملاحظات كثيره مرررررره
بخصوص قيادتهم للمركبة
لانهم يدرسون انهم يحملون دراهم كثيره ويجب ان يحميها !!!
حتى لو اجبر على صدم السياره الي امامه
وعادة مثل السواقين الخاصة بسيارات نقل فلوس البنك تكون اعصابهم مشدوده خاصة صغار السن
ويكنون متهوريين جدا جدا
وقد حصل لاحد الاخوان موقف معهم تقول مطارده بولسية ولكن الفرق ان المجرم الي هو خويي هو يطارد سياره البنك لانهم صدموه بدون سبب وانحاش وخذ يمطارد من الشمال الى الجنوب
الين انتبهت احد الدوريات الامنية وتدخلت في الموضوع ووقفته بالقوة

المهم نصيحة يا اخوان:
اذا شفت زول سيارة البنك ابعد عنها .. لانه ممكن يصدمك ببساطة

[ابو كعب]

اذا شفتها ابعد عنها وانا اخوك تراها حديد* حديد

[rpk]

اقول وش يخافون منه ان كان فيه خوف فهو منهم لان جميع السرقات الحاصله لسيارت نقل الاموال هي من حراس الامن انفسهم يعني حاميها حراميها

[فهووودي 7991]

اخوي تعال شفهم في حي المربع

موجودين دايم في محطة ادريس خلف الجوازات امتداد طريق العليا

كل مواترهم صيانه من الي جاه

والأشارات موذينا في السرعه وقطع الإشارات وسواقته الله بالخير

مأدري هل الفلوس الي يشيلها يخاطر بأرواح الناس فيها

[عآشق الحره]

قبل فتره س قرأت خبر بجريده انقلاب سياره نقل اموال وتوفى السايق على طريق سفر

[شاص]

نفس الملاحظة !

لدرجة أن واحد منهم أشغلني وأنا رايح للدوام وفي زحمة الرياض ..

[ملك الفكتوريا]

امس في خدمة خريص وانا بسيارة شفروليه صغيره


جاي مقلع من وراي ويلف يسار بغى يدخل راعي لكزس الصبه

ويرجع يدخل فيني


انا لو داري امس ومعي الفكتر تونست معه

[shabrsh]

والله وان ااخووك بعض الاحيان اني ارحمهم

تلقى معه بالسيارة ملايين وراتبه 2000 ولا 2500

وعلى اعصابه . اما سواقتهم شيء ثاني

بس شو بدك تؤؤؤؤل

[سلومي سار]

في حال معه فلوس مصرح له بكل ماذكر من مخالفات


ويوجد معه دوريات للحمايه


اما في حال لم يكون معه فلوس


فتعتبر تجاوزات ويعاقب عليها لو تم الابلاغ عنه


وهناك تعاون بين شركات نقل الاموال والحكومه في حال نقل اموال كبيره

الحكومه تغطي الشوارع بطريقه سريه لحين استلام وتسليم الشحنه


والله اعلم


(حط في بالك لو يكون معك مبلغ بسيط وتبي توديه البنك ولا بتعطيه حد وش يكون موقفك اكيد معلن حالة الطواري لحين وصولك مبتغاك فكيف بمن يحمل ملايين معه واول من بيتهم فيها هو)ِ

[السلمان2010]

الله يعينا وياهم ويهديهم غصب عليهم اااااامين

[عبد الله 99]

هههههههههههههههههه الله يذكرك بالخير
ذكرتني بأخوي الي اكبر مني صدموه مع ورا و مع الحماس كع فرامل و وقفهم غصب الى ان وصلت لمدة اليد و لولا تدخل الناس الموجوده كان ذبح
وودك تنزل و تمحطهم بالعقال اجل عشان وصخ دنيا اودي شيبان و حريم و عيال صغار للموت
و قبل شهرين تقريبا حادث لها السياره على شارع الوشم مع وفاة لعائله وش تبينا نسوي لاكن حسبي الله و كفى ,,,,

[عاشق الطرمبه]

يالله ياني استمتع عليه اذا واحد منهم سوالي مثل هالحركات

بدايه قلت واحد منهم مطفوق بس بعد فتره طلعوا كلهم مهبل

عموما انت دز قدامه وكع فرمل او تعال جمبه ووره جنب الموتر بعينه


صدقني وقتها بيدور اقرب مدخل خدمه ..



صدقت والله اذا صرت مرووق ولقيتهم مافي الا طردي في الشوارع وبعض الناس اللي مروقة تلحقنا وينخرشوووون بمعنى تجيهم ام الركب :)

[escape_man]

اخوي شغال بشركة خدمات وعندهم فرع خاص بنقل الاموال والممتلكات الثمينة

حتى اداريين الشركة يعانون من هالحونش

شباب .. لا ثقافة .. لا تعليم .. صيعية .. وعطوهم مدرعات ..

لغم الراس وقضب الخط

الافضل هو الابتعاد قدر الامكان عنهم .. ان صدمك ولا صدمته فالخطاء عليك 100%

[التعـ King ـديل]

حسب معلوماتي معهم صلاحيه مايوقفون ابد لا عند اشاره ولا حتى ساهر يحاسبهم على السرعه

بشرط يكون محمل فلوس مو فاضي .. لانه لو قطع الاشاره وهو فاضي يدخل بمشاكل مالها اول ولا اخر

مثلهم مثل الاسعاف بس الفرق بين الاثنين واحد يشيل اوادم والثاني يشيل دراهم الاوادم

لكن انه يلف عليك او يحدك لا هنا معك حق تعترض ..

[سعلي]

اعجبني واحد منهم ليتني مصورة لكم
لاندكروزر منقلب بالدوار من السرعة
يعني هو وقريشاته وكريشاته منسدح واغبني على من يتعرمشه همممممممم

=====سعـــــــــــــــلي=========

[قمة افرست]

الموضوع ومافيه شباب طايشين استغلوا ان الامن في صفهم واي مشكلة اوحادث بيقولون مشتبهين فيك
يطاردنا ولا وين عايشين في شيكاغوا
ولوفرضنا تعرض للسرقة من يقدر يسرق اويفتح مثل هالسيارة المدرعه الايكون مدجج بانواع الاسلحه
يسمعون ان سيارات حمل الاموال تحتاج حماية وتنبهيات يمكن كتاب من التحذيرات للسواق حتى مخه تعبى صار يمشي وكان احد بيسرقه
الكلام هذا والحذر الشديد في الدول الي برى الي واحد مجرم يبغاله سريه توقفه اما بلدنا امن وامان وناس تخاف الله لو احتاج مساعده 1000من يساعده ماهو بيسرقه حتى لوحصل بعض الفرديات البسيطة يبقى مجتمعنا متمسك بدينه وقيمة والي نشوفه خوف غير مبرر اطلاقا

[كاشت وحداني]

بحكم التجربه معاهم
اولا السياره مصفحه وليس من حقه المخالفه او السرعه حتى لو معاه فلوس
وفي حالة وقوفه عند جهاز صراف لتغذيته يتصل على الدوريات ويطلب دوريه تؤمن له الحمايه حتى ينتهي من تغذية الصراف .
وسبب السرعه اللتي تلاحظ عليهم هناك سببين
1- انهم ملزومين بعدد معين من الصرافات لتغذيتها يوميا حتى في فترة ما قبل الرواتب من 7 الصابح تقريبا الى 9 المساء نبرم على اجهزة الصراف .
2- احيان عند طلب دورية قد تستغرق ساعه او تزيد حسب الظروف الامنيه حتى تحضر دورية وتؤمن الحماية مما يؤدي الى التاخير في تغذية صرافات اخرى وعلشان كذا يسرعون علشان يلحقون على الصرافات .
ولكم تحياتي

[راعي العوجاء]

حسب معلوماتي معهم صلاحيه مايوقفون ابد لا عند اشاره ولا حتى ساهر يحاسبهم على السرعه

بشرط يكون محمل فلوس مو فاضي .. لانه لو قطع الاشاره وهو فاضي يدخل بمشاكل مالها اول ولا اخر

مثلهم مثل الاسعاف بس الفرق بين الاثنين واحد يشيل اوادم والثاني يشيل دراهم الاوادم

لكن انه يلف عليك او يحدك لا هنا معك حق تعترض ..

غير صحيح واحد من الشباب كان في توقيف المرور وكان معه سواق اسعاف قطع اشارة علشان كان وراه حاله طارئه وعمل حادث سحبوه على التوقيف لانه للاسف ما عندنا تنسيق بين القطاعات في الخارج سواق الاسعاف يبلغ عن الطريق حقه ويتم فتح الاشارات له وعندنا قدام عيني اسعاف عالق في زحمة اشاره ومستعجل ودورية المرور واقف يتفرج ولا حاول يساعده ويفتح له الاشارة

[عاشق الفكسار]

حسب معلوماتي معهم صلاحيه مايوقفون ابد لا عند اشاره ولا حتى ساهر يحاسبهم على السرعه

بشرط يكون محمل فلوس مو فاضي .. لانه لو قطع الاشاره وهو فاضي يدخل بمشاكل مالها اول ولا اخر

مثلهم مثل الاسعاف بس الفرق بين الاثنين واحد يشيل اوادم والثاني يشيل دراهم الاوادم

لكن انه يلف عليك او يحدك لا هنا معك حق تعترض ..

ما اتوقع هالكلام صحيح لانه لو لهم صلاحية قطع الاشارة كان ركبو سفتي وبواري زي الدوريات عشان يقدر يقطع الاشارة , مب يقطع الاشارة وبس والناس ما تدري عنه

[ابوصالح77]

والله وان ااخووك بعض الاحيان اني ارحمهم

تلقى معه بالسيارة ملايين وراتبه 2000 ولا 2500

وعلى اعصابه . اما سواقتهم شيء ثاني

بس شو بدك تؤؤؤؤل

:good2::good2::good2::good2::good2::good2::good2:: good2::good2:

[((ابوملاك))]

والله ثم والله اني امس جاي من الرياض وشفت راعي سيارة صغيره صدامن سيارة بنك وسيارة الرجال راحت وطي الوجهيه كله راحت وسيارة البنك بس انعوجة شوييييييييي

لانه مصفحه ولا همه احد

مصفحه من شركه خاصه للتصفيح ضد الرصاص وضد القنابل بتشكل عليه انت بس تدري وش تسوي ؟

اذا صدمك

الحقه وحاول تحده ودق على كل اخوياك وطردي وراه الين يوقف والعن والديه وخذ لك مليون علشان تصلح به موترك لحد يفهم غلط ^_^