هل هناك بديل عن لي ماطور الهواء ((أبوجمل ))

[وادي النوم]

اخواني الاعزاء

ماطور الهواء أبوجمل من أفضل المواطير لكن يعيبه

اللي الأصفر حيث إنه عرضه للتمزق من الحرارة عند تعبئة الهواء

فهل هناك هناك لي أفضل من هذا اللي .

افيدونا جزاكم الله خيرا

[دايت]

انا عندي نفس الماطور بس ابو لي اسود ..

وهلك اهلي لاجيت اعبي الكفر هواء ..

ياخي فتحة التعبية ثقيلة ..

عجزت القى لها حل..

[You Like Me]

المشكلة مو في اللي الاصفر
المشكلة في العيار نفسه الاول اللي جاء مع الماطور
جلس معاي سنه وخرب العيار اخذت لي آخر طبعاً العيار ما يجي لوحده
لازم تشترية مع اللي كامل
اخذته من الوكيل وماكمل 3 شهور والان خربان

[ساهر اليل2010]

أنا الحين صار له 3 شهور ولاشفت أحسن منه والحمدلله
ولا أتوقع فيه بديل أحسن منه

[الرياضي1111]

انا عندي نفس الماطور بس ابو لي اسود ..

وهلك اهلي لاجيت اعبي الكفر هواء ..

ياخي فتحة التعبية ثقيلة ..

عجزت القى لها حل..

كأني سمعت انهم يغيرون فتحة التعبة يحطونه زي حقكت اللي الاصفر بس مدري وين ؟

ياليت الاخوان يفيدونا ..

وانا جربت الاثنين ابو لي اسود افضل بكثير ..

[ساهر اليل2010]

ولا ركب عليه لي من شركة ثانية زينه زي(البعير)
هههههههههههههههههههه

[ساهر اليل2010]

ولاركب الأسود دامك مجربه وتوكل على الله بس

[terke mekshat]

انا عندي نفس الماطور بس ابو لي اسود ..

وهلك اهلي لاجيت اعبي الكفر هواء ..

ياخي فتحة التعبية ثقيلة ..

عجزت القى لها حل..


ضع عليها زيت وستصبح خفيفة جداً وهناك حل آخر على هذا الرابط

http://www.mekshat.com/vb/showthread.php?t=187678

[خشم العرمة]

انا عندي نفس الماطور بس ابو لي اسود ..

وهلك اهلي لاجيت اعبي الكفر هواء ..

ياخي فتحة التعبية ثقيلة ..

عجزت القى لها حل..
نفس وضعك المشكلة من القفل الفضي يعلق بس لقيت له حل شوي زيت ويمشي حالة

[ابو عبود565]

ياشباب غيرو لي تحصلونه عند محلات قطع الغيار حق الكلبريتر تحصلون احجام مختلفه خذ الحجم الي يركب على الوصله الي طالعه من الماطور والوصله الي تركب في بلف السياره
انا مجربها كان اصفر ورحت فريت محلات قطع الغيار وحصلت الي ابيه
للمعلوميه (اصغر من لي الغاز بشي بسيط )

[وادي النوم]

شكرا للجميع

لكن أين اجد قطع غيار الكلبريتر

[المشوار]

ركب لي غاز الاصلي

لون احمر فاتح وركب فيه المكبس الي يركب في الماطور

انا مجربه وممتاز جدا مركب لي طول 15 متر

والسلام