شوركم يالربع!!!

[عبر الأجواء]

بسم الله الرحمن الرحيم
السلام عليكم ورحمة الله وبركاته:
خلال فترة مضت ليست بالبعيدة كنت أفكر بدورة غوص
بس الغوص اذا مامعك شلة حقين(((بحر)))
ولا اجلس تصور مع عدة الغوص والشهادة
شرايكم اخذها ان كتب الله وراد حاليا أو مستقبلا
وابعدوا الحماس من الشور يعني ماهو شخص يحب البحر أو الغوص يقول خذ والعكس صحيح.

[saber02]

والله يا اخي هذا الشي الوحيد اللي يكون الشور فيه شورك والقرار قرارك
واذا على رفقة البحر ترى الشباب مايقصرون
لكن انت الك هوى ولا فورة حماس

[حياتي البحر]

وعليكم السلام ورحمة الله وبركاتهاقترح عليك ان تحاول ان تجد لك زملاء في المنتدى او من خارجه عندهم هواية الغوص ومن ثم توكل على الله وخذ دورة غوص

[A B D U L L A H]

إذا ضروفك تسمح ولديك " وقت فراغ "

ليش " لآ " يا اخي

اما بخصوص ( الزميل ) فربي مكثر الروابط بالمملكه الحمدلله

تعاون ورحلات وجمعات

والقرار يعود لك آخرآ

مع الأخذ في الحسبان ( سبب دخولك مجال الغوص )

والله يختار لك مافيه الصلاح والخير

[عبر الأجواء]

شكرا لكم على مروركم وتفاعلكم
ناخذ راي هذا وشور ذاك
والخير في ما يكتبه الله

[ابوعموري]

اذا انت من سكان المنطقة الشرقية
الله يحييك وفي شباب يحبهم قلبك ولا نقصان في المناطق الاخرى
والقرار قرارك انت

[طلال الجهني]

من شاورك دخل في ذمتك

اسمع وانا اخوك انت حدد توجهك ( انا اللى فهمته انك غير مستقر وواظح في شراء العده . مخلى الامر مرتبط بالمجموعه )

طيب اخوي فكر بلامر جيداً

اذا كنت دون غواص انقاذ ومستقبلاً تبي هلدوره يشترط عليك العده وتكون لك شخصياً ( غير مؤجره )

يعني فكر مستقبلاً وخصوصاً اذا عندك الامكانات الماديه جيده الان ( خذها و ماتندم )

ولكن

اذا كنت تبي مجرد غوص من فتره اللى فتره حسب الرغبه و الاصدقاء . فاقول لك احسب الفتره بين كل غوصه و غوصه . بمعنى اذا كنت تغوص مره وحده او مرتين بالشهر فانا اشوف شرائها مسئلت مضيعه للمال . واذا كنت تغوص اسبوعي فاشريها بدون مشوره لان الاجار بياكلك بهلحاله .

( هذا رائي اللى اطبقه على نفسي )

والله يحفظك ويرعاك و ينير دربك

[DIVE STAR]

عزيزي هل ترغب في الغوص؟

اذا كان جوابك نعم فاذهب لاقرب مدرب وتعلم تحت يديه

بمجرد وصولك ودخولك الدوره ستجد زملاء معك لهم نفس همومك

وستجد بعد الدوره روابط بجميع مناطق المملكه ولله الحمد

واختصر الطريق واذهب للمدرب واذكر له مخاوفك وسيدلك على قروبات الغوص المجاوره لمنطقتك

اهم شي ارجع واعيد

هل لك رغبه في الغوص؟

[sea lover]

نصيحتي لك وأنا اخوك توكل على الله وخذ الدوره..

وترى المعدات ماراح تاخذها من اول يوم..

في معدات ايجار وتمشي الحال..

وبعد الدوره احكم ..إن جازلك الوضع استمر.. وهذا الي انا متوقعه..

وإن ماجازلك ماخسرت شي بل بالعكس تكون خضت تجربه جديده وفريده من نوعها..

ولا تخلي شي في خاطرك..وعيش حياتك بكل تفاصيلها..

تحيتي لك..

ابو نايف

[عبر الأجواء]

جمل الله حال هالرجال الطيبين

صراحة احراج ارد على من واترك من
عالعموم
شكرا لكم على مساهماتكم وتفاعلكم الرائع
والموضوع تحت الدراسة والخير فيما يكتبه الله
وعلى فكرة انا اتابع المنتدى من فترة خاصة البحر وماأدراك مالبحر لكن اطلاعي اكثر من المشاركات
شكرا لكم مرة أخرى