المساعد الشخصي الرقمي

مشاهدة النسخة كاملة : ما هي أسباب بنشر الكفر أو انصلاخة أو انفجارة؟؟؟


طخيمان
05/09/2005, 07:43 PM
بسم الله الرحمن الرحيم
حبيت أسأل واستفيد من خبرة الناس اللي أعلم مني بالسيارات عن أسباب بنشر الكفر وانصلاخة و انفجارة ولكم مني جزيل الشكر.
طخيمان
14/09/2005, 06:53 PM
وين الردود يا جماعة.
اسيزو 4x4
14/09/2005, 10:46 PM
السلام عليكم ورحمة الله وبركاته

لا تستعجل على رزقك يابعدي :D

الكفر لما يكون ظغط الهواء ناقص والسيارة مسرعة ينصلخ

الكفر لما يكون محبل من كثر الوقفة ينصلخ

قدم تاريخ تصنيع الكفر سبب آخر

إهمال تخزين الكفر بشكل صحيح سبب آخر

كثر الرقع في جوانب الكفر سبب آخر

عدم موازنة جميع هواء الكفرات على عيار واحد سبب آخر

ولك كامل التحية أخوك أبو حمود
.
أبـ [مطلق] ـو
14/09/2005, 11:42 PM
ماقصرت أخوي اسيزو ..

لكن لازم تنتبه للكفرات دايم

لأنه لو فيه كفر محبل ما دريت عنه يمكن ينصلخ لا سمح الله

وأنا ألاحظ ان تحبيل الكفر أخطر شي


تحيااتي

.
ماجد الشمري
15/09/2005, 06:02 AM
اخوي ابو مطلق ...
بعد من اهم اسباب الانصلاخ درجة الحرارة ولازم نختار كفرات تستحمل درجات حرارة عالية وتصنيفها يكون مكتوب على الكفرات من الجنب ، ويفضل استعمال غاز النيتروجين بدل الهوا العادي لأن ناقليته للحرارة قليله ..
وعندك الكفر كل ما عرض كل ما صار اكثر قابلية لدخول المسامير فيه وهذي عن تجربة بسيارة عرض كفراتها 235 غيرتها بـ 255 واظطريت اغير كفر كل اسبوع تقريبا لين ما شلتها ...
عندك ضغط الكفر مهم خصوصا لتجاوب السيارة فكل ما زاد ضغط الكفرات صار فيه اوفر فلات وبالتالي يصير تسامك الكفر سئ واذا نقص صار فيه اندر فلات وايضا التماسك سئ وممكن يسبب حوادث خطيرة ..








اخوكم ماجد الشمري
حد السيف
15/09/2005, 07:40 AM
السلام عليكم ورحمة الله وبركاته
الغالي ابو الطواري
الف شكر على هذا الموضوع
ومن اسباب انفجار او تسلخ الكفر ايضا السرعة العالية
حيث ان بعض الكفرات تكون مصممة خصيصا للسرعات المتدنية وتكون سرعة السيارة اعلى من من مواصفات التصنيع لهذا الكفر او ان الكفر مصنع من مواد اقل جودة
لذلك يتم النصح دائما عند تغيير الكفرات ان تكون مثل سابقتها المصممة لها او اعلى من المواصفات التي كانت بالسيارة
شكرا للجميع وبانتظار المزيد من المشاركات


محبكم حد السيف