المساعد الشخصي الرقمي

مشاهدة النسخة كاملة : ابي اغير ماكية الباثفندر القديم......من يعرف


nahham
05/09/2005, 08:59 PM
السلام عليكم

ياجماعه عندي باثفندر قديم 94 وما ودي ابيعه معجبني خقيف وحليو لكن ماكينته روحت والصراحه ما قصرت

قلت اغيرها بمكينة احسن واقوى منها واقل مصروف من نيسان

اذا احد جرب او يعرف اي نوع من المكاين تركب واي المكاين احسن بس تكون بنزين مثل الاول

علمونا جزاكم الله خير
العطة
05/09/2005, 10:38 PM
وعليكم السلام ورحمة الله وبركاته

عليك بالديزل بشرط يكون تربو
مكاين السوزو ممتازة اسال اذا تركب
او مكاين يابانية تجي تربو
والله يوفقك

ابوعبدالاله
جيب ربع
06/09/2005, 01:15 AM
أخوي ركب مكينة باث فيندر موديل 2003 وطالع خذها من التشليح
أنا ماجربتها بصراحة بس أتوقع تركب واسأل أي محل تشليح
عاشق الجبل
06/09/2005, 01:55 AM
الأخ : نهام

مع أحترامي لأراء الأخوان


صعبة جدآ تجمع بين القوة والأقتصاد في صرف البنزين

اذا لابد فمثل ماقال الأخ : العطه ..... والله يعينك على الحرارة
ع.ف.الدرويش
06/09/2005, 06:57 AM
صعبة جدآ تجمع بين القوة والأقتصاد في صرف البنزين


السلام عليكم ورحمة الله وبركاته
:)
نهام.. صدق عاشق الجبل بمــا ذكره
لذلك أقترح عليك بأن تبحث عن القوة وترخيها شوي من ناحية الصرف :d
وإتجه للمكائن الأمريكية المستعملة;)
أو مكينة باثفايندر 2002 وطالع..!
والله يوفقك لكل خير

أبو فهـــد
كايدهم -777-
06/09/2005, 08:07 AM
السلام عليكم اخوي نهام
في مكاين مستعمله تجي من اليابان في الامارات بس ماعرف سعر مكينه الباثفندر ؟
ولاكن مكينه لاند كروزر استعمال اليابان سعرها بين1500-2000درهم
الطبيب
06/09/2005, 09:05 AM
يا شباب

الرجال يقول باثفايندر موديل اربعه وتسعين

يعني مكينه 2400 ماهي مثل مكينة الجديد

ونوع هذه المكاين اسمه (( 230z )) اذا ماني غلطان

هذا والله اعلم

والسلام ختام
الوشاح
06/09/2005, 10:44 AM
وعليكم السلام

تبي مكينه قويه ....خذ مكينة سدرك .. وتبي تسرك انشألله .

محبك....ابو صالح .
عاشق الجبل
06/09/2005, 03:30 PM
الأخ عريفجان

ماتركب مكينة السدرك على قير 4 سلندر
salehhd
06/09/2005, 10:21 PM
السلام عليكم
مالك الا زي ماقالو الشباب ركبلك مبيكنة تيربو وارد اليابان اذا كان ماتركب عندك الا 4 سلندر

او مكينة ددست جديد من 2003 وطالع وهي 2700 و160 حصان

طبعاً حط في بالك اذا غيرت قوة المكينة لازم تتغير القير

واذا تركب 6 سلندر ركب مكينة باث جديد
غضنفر
07/09/2005, 02:09 AM
يبن الحلال تركيب مكينة جديدة راح يكلفك (سعر المكينة+شغل اليد+اشياء اخرى مثل القير,الظفيرة,الأديتر,........)
وما هو مضمون وانا اقترح عليك تبيع الموتر وتجمع قريشات وتشري موتر آخر والخيار لك
الوشاح
07/09/2005, 10:58 AM
صدقت ياعاشق الجبل

إذا جزم يركب ... يركب مكينة وقير
ع.ف.الدرويش
07/09/2005, 12:51 PM
يبن الحلال تركيب مكينة جديدة راح يكلفك (سعر المكينة+شغل اليد+اشياء اخرى مثل القير,الظفيرة,الأديتر,........)
وما هو مضمون وانا اقترح عليك تبيع الموتر وتجمع قريشات وتشري موتر آخر والخيار لك

:D إقتراح جميـــل جداً
يجمع قريشاته وياخذ له موديل 2000 وطالع
تسلم يا black path
وبارك الله فيك
شاص
07/09/2005, 01:27 PM
وأنا أرى راي أخونا black path لأنك إذا غيرت المكينة والقير بتبتل تغير وتعدل وترهم وتصرف دراهم
راعي السنع
07/09/2005, 02:09 PM
أنا معي موديل 94 ايضا وكنت ناوي أغير المكينة قبل ثلاث سنوات لكني تراخيت ..
أذكر اني كلمت واحد صاحب ورشة خاصة وقال ان مكينة السدرك تركب على الباثفايندر مباشرة بدون تغيير قير أو أي ترهيم ..وقالي أيضا انه مركب مكينتين ويبي يركب الثالثة واذكر ايضا اني طلبت منه النصيحه ونصحني بتغيير المكينة وعرض علي اني اروح لمه واجرب موتره قبل ما أجزم ..
لكني ماجزمت مع ان مكينة موتري تنقص من شريته قبل خمس سنوات .. اذا جا الشتاء قلت لنفسي خلها اكدها بالبر .. واذا جا الصيف قلت خلها اكدها بالخطوط وبتلت على هالحال .. والحين ناوي ابيعه ..
( بغيت انسى .. تذكرت انه قال ان بعض مكاين السدرك السلف يجي يسار وبعضها يمين ونسيت ايهم اللي تركب )..
nahham
08/09/2005, 08:35 PM
جزاكم الله كل خير ما قصرتو والله

ابشركم عندي وعندكم خير ما هو بخل ولا قل لكن انا راغب هذا النوع ومعجبني بالراحه والطمن

كلام راعي السنع هو اقرب شي رحت للتشليح في الحاير وقالو لي نفس الكلام

قالو لا تغير اي شي مكينة السيدرك اصلا هي شد بلاده في امريكا وبعض الدول

ومحتار الى الحين وصاير مثل راعي السنع

صح المكينه تنقص وبدت تحمي بعض المرات وهذا اللي خوفني فيها

اخاف توهقني

الله يعين
salehhd
09/09/2005, 01:12 AM
السلام عليكم
كد الموتر لين يوقل امين

واذا طقت المكينة ذيك الحزة غيرها
والله يوفقك
بواسامه
12/09/2005, 10:23 PM
ركب مكينة ددسن بخاخ من الجدد :good:
تركب صح ولا مشاكل ولا وجع راس
وفكر انك بتبيع اذا مو شد بلده ولا حوله زبونه ثقيل وصعب
وللمعلوميه ان معي اخو موترك والله دلع وخفيف ظله
والله ماردني عن اي شعيب ولا نفد وونيس وودي اضيفه بدفتر العايله
وماراح افرط فيه ووظبته وماشي من سنتين بس ليتني مركب بخاخ
بقيمة التوضيب

وسعة الصدر بموتر البر انك ما تخاف عليه ابد
لاهم مشخ من شجر ولا جرف في شعيب :D
احفظه ولو شريت جيب جديد وقيمته ماتسوى سعة صدرك
لالالالالاتبيعه :no2:
nahham
18/09/2005, 11:12 AM
ابو اسامه

كان معي واحد واتعبني بضعف العزم وبعته و شريت ايسوزو تروبر

لكن تحسفت و اشتريت باثفندر 94 مره ثانيه وصاحبه الله يجزاه خير شايل المروحه ومركب بدالها مراوح كهربا سوبارو

من جد فرق العزم وفرق صرف البنزين

صحيح المكينه تصرف شوي لكن ما يخالف مقدور عليها

المشكله في التسخين

متعبني والله

تسلم
بواسامه
18/09/2005, 10:58 PM
ان والله ياخوي اللي خلاني اوظبه مراوح السوبارو الله لايعيدها
nahham
19/09/2005, 09:51 PM
افا

انا اقول انها ازين

اجل اغيرها واعود للاوله

لكن شكلي بغير ماسينه سيدرك

دلوني شباب لورشة في الصناعيه فيها هنود ورحت لهم قالو نركب لك ماكينة سيدرك تركب بدون اي تعديل

وجالس اشاور نفسي

وبيني وبينك الماكيه تدخن واجد

شكرا لك
salehhd
19/09/2005, 11:59 PM
استخير وتوكل على الله

ولاتنسى ان صرفية البنزين راج تتغير غليك من 4 سلندر الى 6
nahham
20/09/2005, 04:45 PM
هلا اخوي صالح

هذا اللي محيرني اربع سلندر وتشرب بنزين شرب اجل وشلون السته

الاخ ابو اسامه

البخاخات افضل لكن ما تلقى اللي يضبط الكهرباء

والتلفيق صعب
بواسامه
21/09/2005, 08:51 PM
اشتر مكينه كامله
مايبيلها كهربائي
خذها كلها مع دينمو مع كمبرسور مع فلترها ونم
راعي السنع
23/09/2005, 02:16 PM
لاتخاف من البنزين .. لاني سمعت من ناس مجربين ان الصرفية اقل ..
وعموما حتى لو كانت اكثر لاتنسى ان الموتر يبي يصير طلقة وخفيف ..
nahham
24/09/2005, 04:19 PM
هلا بكم

كلامكم صحيح

وعزمت ان شاء الله اركب ماكينة سيدرك 6 سلندر

بارك الله فيكم
salehhd
24/09/2005, 05:47 PM
على بركة الله
وودنا تقولنا بعد ما تركبها كم كلفت وايش انطباعك عنها
nahham
26/09/2005, 05:12 PM
ان شاء الله اخوي صالح

ابشر باللي يسرك
بواسامه
29/09/2005, 10:55 AM
تكفى اذا ركبتا ومكينة سيدرك عطني خبر
عن التكلفه ونشاطها واللصرفيه

نبي ركب مثلك بس الله يعينا على الفحص بيسقطونه
nahham
03/10/2005, 10:48 AM
هلا ابو اسامه

نبي ركب مثلك بس الله يعينا على الفحص بيسقطونه

متأكد من الفحص ؟


بسالهم اول
صنيتان
25/01/2006, 06:24 PM
يا اخوان الله يجزاكم خير انا شريت باثفندر 92
والمكينه ينقص زيتها كثير
وش رايكم ؟
تكفون يااهل الخبره
*ريشه*
25/01/2006, 07:09 PM
من رايي تجمع لك كم من قرش وتاطى على الريال شوي

خذ لك من 2001 وفوق معي واحد موديل 2005 الصراحة بالنشاط خذ وخل .. لكن 2001 برضه تقريباً نفس القوة ..
وسعره النظيف منه 45 وجاي ..
بارك الله فيك ..

حياك ربي
salehhd
26/01/2006, 12:41 AM
الاخ ريشة

السلام عليكم

موديل 2000 الى 2002 يختلف اختلاف كلي عن 2003 الى 2005 من ناحية المكينه

لان ال 2000 مكينه 3.3 لتر 180 حصان

اما الجديد فمكينة 3.5 لتر ويولد 250 حصان وهي نفس مكينه الزد والانفنتي والالتيما ويختلف ايضاً في المقاعد والجنوط
tomas73
26/01/2006, 01:44 AM
ركب مكينة الدتسن الدبل لا ترهيم والقير لا تغيرة اذا هو ما بة شي ولا تنسى ظفيرة البخاخ والكمبيوتر2001 وما تبعها وبالتوفيق يا اخوي
فرخ الشياهين
26/09/2006, 04:30 PM
انا عندي الحل وده للنسيم وبعه
طال السكوت
25/10/2011, 09:27 PM
انا عندي الحل وده للنسيم وبعه


يا فرخ الشاهين :director: , الله يصلحك الاخ ( نهام ) يقولك :


ان الجيب اللي معه عاجبه واجد ولا يمكن يبيعه


تجي انت بكل سخافه وتقول بيعه


اذا الباثفندر مو عاجبك او انت متولع بسيارة ثانية ليش ترد , و تقوله بيعه


انت شريطي ؟؟؟ :confused:


ايش هالناس اللي ترفع الضغط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
اخ ( نهام )


الجيب اللي لا تبيعة مهما يكون :no2: , الجيب حلو و خفيف وقوي ومريح بعد


صلحه قد ما كلف يكلف ;) وراح ترتاح


وخل عنك كلام راعين الهايلكس والربع اللي مضحوك عليهم :looney:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ


اسف ع الاطالة فقط



.
سيف وقلم
25/10/2011, 11:49 PM
الموضوع له خمس سنوات الله المستعان