أفضل ساكتون هوائيه للصفار و الدخل تكفون ؟

[العليمي]

بسم الله الرحمن الرحيم
انا اعلم ان اكثر الناس تصيد بالشوزن . لاكن اريد ان اشتري ساكتون هوائيه وابي مشورتكم اي الانواع احسن لصيد الصفار والدخل والقميري ان حصل بعد لأني ناوي على المزارع هالمره . اهم شي ان تكون توصل مسافه بعيده وعطوني اسمها ونوع صناعتها والقيمه اذا توفرة ولكم جزيل لشكر . ويا ليت تكون سيق وجربتوها في الصيد. تكفون ردو بسرعه الله يوفقكم ..

[almojt]

بسم الله الرحمان الرحيم

افضل بندقية صيد هوائية هي د يانا 54

مجربة 100/100

جرب ودعيلي
http://www.mekshat.com/pix/upload/images/modell54.gif

[الخبير]

السلام عليكم
شف يا طويل العمر
الدخل زينه عليه ال 27 الماني
و القميري 85 أو 80
وانت طبعاً بالخيار
===============================

http://nobody.jeeran.com/jkduhpma1.gif

[الشاص]

والله شف ياخيي

مثل ماقال اخوي الخبير

لكن اذا ناوي تشتري بندق وحده لهن كلهن فخذ لك 85 واتوقع سعرها 1200 ريال على ماعتقد

و45 مثل ماقال اخوي almojt زينه بس ماعتقد انها في قوه 85

وال80 زينه بس عيبها ثقيله شوي وعاد انت ورايك

[عليان الليل]

اسأل مجرب
35 فايروخ وارد الرميح والله ما تنساه
وسعره 950

[السكب]

والله شف يالحبيب ........أفضل سلاح مجرب موديل 36 وارد الرميح أو بن سعود لون الخشب أدهم ترمي على كيف كيفك ............وانت بالخيار

[العليمي]

صراحه برمتو راسي. الساكتون 80 من الرميح سبق وشريتها وشوفوها منطوله عندي . لانها ثقيله بالحيل وصراحه ما صبرت معي بعد سنتين خبطت (( حدها عصفور ولا يموت بعد)) . الرميح بنادقه تتفكك مساميرها بعد سنتين وربط وشغله مهو انا الحالي حتى واحد من اخوياي شاري من الرميح ونفس الشغله تتفكك.
انا ناوي اجرب ساكتونات محل الرمايه الي في الرياض.
بس ما قلتولي افضل الصناعت وكذلك هل أخذ حجم الرصاص صغير ( مقاس اربعه ونص) أو رصاص كبير (مقاس خمسه ونص) . ومشكورين على سعة الصدر

[hly]

الله الرحمان الرحيم

افضل بندقية صيد هوائية هي د يانا 54

مجربة 100/100

جرب ودعيلي
http://www.mekshat.com/pix/upload/images/modell54.gifوين تباع فيه فرياظ ونا مستعد ألاحقها لحقان

[a7md al-q9em]

ياخوي غير الالماني لاتدور

80 للقميري وللصفآروالسمان ومثل هالطيور الي نفس الحجم

ولاكن الدخل ماترمي فيهآ بـ الـ80 لانها قويه عليه وتقطعه ومثل ماقالو الاخوان

مشكلتها ثقيله وبالنسبه لي كنت ارمي فيها كل شي صغير وكبير و100%

تقبل مروري

[أبوعبدلله99]

ياخوان المضوع له سبعت سنين 7 سنين وراكم رادين عليه؟؟؟

[الشبل العجمي]

رجع الوسم والشباب يبون يفيدونه والزوار والأعضاء يستفيدون


تحياتي أخوكمــ/ الشبل العجمي

[ابوطلول]

ياخوان المضوع له سبعت سنين 7 سنين وراكم رادين عليه؟؟؟
الله يرجك ياابو عبدالله والله اني تمزعت من الضحك كنت متحمس مع الموضوع لاوقلت الحل عندي يوم جيت اكتب الرد والا القى كلامك واهون ههههههههههه...

[..SnipeR..]

السلام عليكم

ياخوي خذلك 36 ديانا من عند الرميح وانشاء الله تعجبك دخل وصفارى وتنافس حقين الشوازن:d
وانا مجربها لي الحين 8سنين وانا استخدمها ممتازه

[hly]

حطمتني يخوي ونا كنت مشتاق للرد شكرن شباب بس زين خليتني أضحك على عمري

[عاشق الفتك 20]

يا خووووووووووي لي الدخل والفري والصفار و القميري خذلك34 ديانا
وتبي تشوف الفرق

[أبوعبدلله99]

ههههههههههه عادي صارلتي زيكم بالضبط رديت ولا شفت التاريخ

[وليد المعلم]

انا ارد للفايده عندي ديانا رصاصه كبيره من حوالي 15 سنه من انا 2 متوسط و الحمد لله الى الان مافيها كلام

[مطارد الغيوم]

بسم الله الرحمن الرحيم
انا اعلم ان اكثر الناس تصيد بالشوزن . لاكن اريد ان اشتري ساكتون هوائيه وابي مشورتكم اي الانواع احسن لصيد الصفار والدخل والقميري ان حصل بعد لأني ناوي على المزارع هالمره . اهم شي ان تكون توصل مسافه بعيده وعطوني اسمها ونوع صناعتها والقيمه اذا توفرة ولكم جزيل لشكر . ويا ليت تكون سيق وجربتوها في الصيد. تكفون ردو بسرعه الله يوفقكم ..
السلام عليكم ورحمه الله وبركاته

في الفتره الاخيره كنت عازم النيه على شراء ساكتون هوائيه جديده واحالة القديمه للتقاعد
وطبعا مثلي مثل غيري من الاخوان الي محتارين في اي نوع ياخذون وكانت الحيره منقسمه على نوعين وهم
- الديانا ماغنوم
- الباتريوت
وذلك لقوتها المعروفه

ولكن خلال عمليه البحث تعرفت على الساكتون التركيه هاتسان (hatsan) رقم الموديل 135 وقمت بالبحث عنها في الانترنت والحمد لله تم الاقتناء عن قناعه تامه والشركه حاليا تركيه تركيه وفي السابق كانت تركيه انجليزيه

واحب ان اذكر لكم بعض المميزات
- سرعه الرصاص ,ويلاحظ انها متفوقه على الماغنوم والباتريوت (تتوفر ب3 مقاسات للصتم)
http://www.mekshat.com/pix/upload04/images178/mk123461_speed.gif
- الوزن
الخشب 4 كيلو
الفايبر 3.6 كيلو

- النيشان متماسك بشكل مبهر وغير قابل للاهتزاز
http://www.mekshat.com/pix/upload04/images178/mk123461_123.gif
- زناد مذهب جميل الشكل
- عظم السبطانه في اسفل البندق عباره عن قطعه وحده وليس قطعتين بمفصل مثل بقيه البنادق الهوائيه
- مسكه البندق جدا مريحه
- السبرنق الخاص بالبندقيه يتكون من 47 لفه ( وهو سابقه في عالم البنادق الهوائيه)

العيوب

العيب الوحيد الي واجهني في هذي البندق هو ان كسرتها جدا قويه ويبي لها واحد ياخذ عزم ولا يتهاون فيها وممكن تتعب في كسرها داخل السياره
ولكن انا اشوف انه عيب بسيط مقارنه بسعرها ومزاياها

السعر

السعر منافس جدا
فهذه القوه الجباره مقايل 1200 ريال

الوكيل
الرمايه (ويوفر جميع قطع الغيار)

وهذي الصفحه الخاصه بالموديل 135 الي تكلمت عنه على موقع الشركه في الانترنت
http://www.hatsan.com.tr/airguns_mod_135.asp
اتمنى اني وصلت المعلومه المطلوبه ولا نبي الا دعوه في ظهر الغيب

(الرجاء عدم النقل بدون ذكر المصدر)

الموضوووع منقووول من مواضيع اخوووي قصاااص

[قصيماوي]

انا ناوي اشتري خرازة او ساكتون ويش تنصحوني فيه واي نوع منهن مع العلم ان عندي شوزن ام خمس بس فشقها غالي شوي ابي شوركم يالربع

[taal0]

انا ناوي اشتري خرازة او ساكتون ويش تنصحوني فيه واي نوع منهن مع العلم ان عندي شوزن ام خمس بس فشقها غالي شوي ابي شوركم يالربع
خذاسكتون 85وبس

[مجنون سلفر]

انامتاكدان الديانا34حلوه للدخل والقميري """

[قصيماوي]

مشكور اخوي وماقصرت انا لقيت سكتون ديانا 35 جديدة 1400 بدون تصريح وانا ماعرف عنها شي ويش رايكم فيها

[smb916]

36 ديانا وبس

[فل ابشن]

أن كانك تبي شي ينفع للدخل لا تبعد عن 27 افضل شي للدخل وان كانك تبي للقميري والصفار فخذلك 85 ولا تبعد عن الاماني لأنه احسن شي والباقي تعبان

[أبوباسم455]

أخــوي إذا كنت تبغى بس دخل أنصحك تأخذ 27 ألماني فايروخ وارد الرميح !!
وإذا كنت تبغى دخل وصفار جميع أنصحك بـ 35 ألماني فايروخ وارد الرميح !!
وإذا تبي ترتاح وتريح مـخـك خذ لك فايروخ ألماني 85 للدخل والقميري والصفار وماراح تندم !!
بـس أهــم شــيء وارد الرميـح لأنه الوكيل والباقي تقليد !!








http://dc03.arabsh.com/i/00113/5cvbd8pn7ipm.gif









http://dc03.arabsh.com/i/00099/fz6vdqqe8do9.gif

[قصيماوي]

شكلي ثقيل عليكم اشوف مااحد رد علي ؟؟؟؟؟؟

[فل ابشن]

انا ناوي اشتري خرازة او ساكتون ويش تنصحوني فيه واي نوع منهن مع العلم ان عندي شوزن ام خمس بس فشقها غالي شوي ابي شوركم يالربع
والله إذا كانك تبي شي ينفع لصيد الكبير والضبان والوبران فخذلك خرازة صح انها اغلى في الفشق لاكنها تفكك من كسرت الساكتون 80 وفوق الثقيله والمتعبه أرجو اني ادتك

[قصيماوي]

مشكورين ع الردود انا شريت نوريكا اسباني90 ب1250 مع ضمان سنة وتصريح ويش رايكم فيها

[أبوحمزه]

مشكورين ع الردود انا شريت نوريكا اسباني90 ب1250 مع ضمان سنة وتصريح ويش رايكم فيها


ممتازه جدا الله يطعمك من صيدها

[جربوع 200]

ماقنوم 350

[مكشاتي 33]

35= دخل +صفاري

[مزن الشمال]

هههههههههههههههههههههههههههههههههههههههههههههههههه هههههههههههههههههههههه

[control 21]

ماقنوم 350



راد على الموضوع بعد 10 سنوات وشهر ..:good2:
ذاك الوقت مافيهه ماقنوم 350

ههههههههههههههههههههههههههههههههههههههههههههــ ..@@

[Desert.man]

الله المستعان ذالك الوقت نبيطات

[صاروخ الغطغط]

نرد على الموضوع ولا نتركه والله تفاجئت يوم قال خوينا له 7 سنين

[طبعي رويلي]

السلام عليكم ورحمت الله وبركاته... اخوي سنايبر لو سامحة ساكتونك من النوع الجديد ولا القديم الي منحووته ولك جزيل الشكر :f

[ابونص.]

السلام عليكم ورحمت الله وبركاته... اخوي سنايبر لو سامحة ساكتونك من النوع الجديد ولا القديم الي منحووته ولك جزيل الشكر :f

الله يهديييييك راد على الموضوع بعد 12 سنة
هههههههههههههههههههههههههههههههه لاحول ولاقوة الا بالله

[Crazier]

تتوقعون وش صار على راعي الموضوع :>

13 عمر والله

[أبوصالح9]

بشرنا ياراعي الموضوع كم جاك من العيال؟؟؟؟؟؟؟؟

[برق 81]

الله اعلم اللي دخلوا هالموضوع من ذاك الوقت من اللي مات ومن اللي حي ومن اللي توظف ومن اللي تزوج ومن ومن ومن .... الله يرحمنا برحمته ❤️

[مكشاتي 33]

الله اعلم اللي دخلوا هالموضوع من ذاك الوقت من اللي مات ومن اللي حي ومن اللي توظف ومن اللي تزوج ومن ومن ومن .... الله يرحمنا برحمته ❤️


احححساسي تممماما هههههههه

[FJ3230]

الرجال صيد وقضى وشرى سكتون وعطاها الحين ولده الصغير

[xsxs90]

لا ويقول اعلم ان اغلبكم يصيد بالشوزن
والله كان الشوزن امره بسيط مع الاغلبيه :D

[محمد ابن عيد]

..
الله المستعان
ايام زين الصفاري تلقى الرجال الله يذكره بالخير
شبع منهن وعين خيـر

[حلم واقعي]

هههههههه الموضوع مكتوب يوم كان عمري 13 سنة
عز الله ان الدنيا تركض ركض والعاقل الي يغنم زمانه ،،

[مكشات المدينة]

كل عام وانت بخير ،،،
بعد 13سنة
هههههههههههههههه
ههههههه

[حمدي الرشيدي]

كلن يقول نوع اخر من السكتوان. ،،خذلك ،85 للقمري والحمام والصفار وكل شي. تراي صت فيها ضب. ،،هههه

[المتلولس]

الله المستعان 13 سنة

[ibrahem 888]

طيب ديانا 40 زينه ولا لا ؟

[شعلونكا]

عندي ديانا ٣٤ ممتازة بكل شي صدت فيها دخل حلوة

[حلال المشاكل]

بلا ساكتون بلا بطيخ خذلك شبكة تقش لك الطيور قش

[خالد الخطير]

بلا ساكتون بلا بطيخ خذلك شبكة تقش لك الطيور قش

طريقتك يبي لها مزارع

لكن المناطق العاديه مجبر على الساكتون