شركة ساماكو شارع الضباب والمدير اللبناني

[غالي]

السلام عليكم ورحمة الله وبركاته


اولا: ولله الحمد والمنه لن اتهم احد كذبا (لأني اخاف الله سبحانه وتعالى)


لكن اذا رأيت مجرماً ماذا اسميه ؟


هل اسميه رجلا صالحاً؟


هل اقول له فلان والنعم ؟



أم اقول كلمة الحق والتحذير منه ؟ رغم انني اعلم حتى الآن اي شخص منكم لايملك سيارة جيب بورش من وكيلها بالمملكه سماكو



الحكايه أقصها عليكم وأنا اتحيسب على 3 اشخاص في فرع شارع الضباب:


انا أملك جيب بورش كايين ، وظهر لي صوت في أول الممشى فقط ، ومريت ورشه وركب الفني معي وقال هذي صوت رمانه اماميه .


قلت متأكد ؟ قال : نعم.


قلت منيب مصلح موتري الا بالوكاله ما أضمن الورش ورحت بالسياره الوكاله يوم الخميس وقلت لهم فيه صوت وركب معي فلبيني منهم (حسبي الله عليه ونعم الوكيل) وسمعته الصوت قال اوكي سمعته ! لازم نكشف عليه قلت اوكي


ورجعنا للأستقبال باكستاني بجديله اسمه نويد اكرم (حسبي الله عليه ونعم الوكيل الأخر)
وكلمه الفني الفلبيني فيه صوت لازم نكشف عليه اول نتأكد


قلت اوكي انا ابسافر الجمعه وبرجع يمكن الاربعاء رد لي على الجوال قال: اوكي وبتخلص تقريبا الاحد وهي خالصه اذا عرفنا السبب


والحقيقه اني سافرت وجاء السبت ولم يتصل والاحد لم يتصل وانا اتصلت عليه وانا برا المملكه قال نص ساعه اكلمك (هذا موظف الاستقبال نويد)


ولا كلم ويجي الاثنين برضو ماكلم وانا اتصلت عليه قال نص ساعه وبرضو ماكلم وكلمته وكنت معصب من اسلوبه وقلت له (ترا منيب طفل قدامك ووكلمة الرجال وحده مااشتغلتوا فيها قلي مااشتغلت ولا تلعب علي )


قال لا شوي وبكلمك


ويمر ساعه ويكلم قال هذا الصوت من المقصات ولازم تتغير سعرها 5300 وشغل يدنا ب2400 قلت اهم شيء الصوت يروح ؟ قال: شوووررر


قلت طيب غيرها ماعندك مشكله


وارجع الاربعاء وكان وصولي العشاء المهم ماخلصوها والخميس رحت لهم ماخلصوها توهم يشتغلون فيها وبيخلصون ولقيت لمبة الهيدروليك مولعه (عمرها ماولعت علي) قلت للفلبيني ليش مولعه ؟ قال انت جايب الموتر وهي مولعه (حسبي الله عليك ونعم الوكيل كذب في كذب :mad:) المهم عقب رده هاته قالوا يمكن الحساس ماركب زين وتعال السبت ، رحت السبت بدون مااتصل عليهم لقيتها برا قالوا غيرنا المقصات قلت راح الصوت ؟ قال لازم تغير الفحمات الصوت منها !!!!!!!!!!


صدمه قويه كن احد ضاربني على وجهي


قلت يابوي وش تقول انت ؟ الصوت راح والا لا ؟


قال انا قايلك فحماتك مخلصه لازم تغيرها !!!!!!!!


والله ياجماعه وربي شاهد علي سبحانه هذا كلامهم لي :mad:


قلت طيب دام الصوت من الفحمات على كلامك رغم اني عارف مو منها ليش ماغيرت الفحمات وخليت المقصات ما اشتكيت منها ؟


واروح لمديرهم ياجعل ربي ينتقم منه جنسيته لبناني بعوارض (مدري وش اسمه ماخذته)


دخلت عليه ياجماعه ورب البيت سبحانه كان يقول لموظف عنده وتكرمون على هالكلام يقول للموظف ((هذا حماااااااااار ابن حمااااااااااار يحسبنا حمير عنده !!!!!)) يقصد زبون بس ماادري منهو سعودي والا اجنبي ((واعتقد انه سعودي لان دخل اوربي معه كاريرا وقام يسولف معه والاسنان طالعه كلها ودخله بمكتبه الخاص !! )) يعني تحسونه جاي يحوس السعوديين فقط (مجرم)


قال للاستقبال وش السالفه ؟


قاله الاستقبال السالفه ويكذب يقول قايله لازم الفحمات تغيرها :mad:



قلت هيه يالاخو الصوت انا مدخل الموتر علشانه قلت لي مقصات وهالحين تقولي الصوت من الفحمات سود الله وجهك مدري تمزح انت والا كيف مدفعني فوق 7000 ريال ؟


المهم مصارخ وحوسه قلت لمديرهم تعال سق الموتر واسمع الصوت


راح وركب معه الفلبيني الي اشتغل على موتري وحدد المشكله وقالي بنرجع لك انتظرنا قلت طيب


ويرجعون اهو وياه (طبعا ريحة موتري طالعه مدعس فيه مديرهم لين قال بس أكيد )


نزل الفلبيني وركبني قال ماسمعت صوت !!!!!!!!!!!!!!!!!!! :mad:



قلت طيب ادخل بالحاره ووقف ثم امش عادي في القومه الصوت هو الي يطلع


المهم وقف ودعس بسرعه !!!



قلت يااخي الكريم خلك عادي لاتدعس بسرعه


المهم وقف ومشى عادي وطلع الصوت قلت له سمعت ؟


قال لا :mad::mad::mad::mad::mad:


قال مااسمع شيء


قلت وقف يمكن ماانتبهت له انت


ووقف ودعس بسرعه !!!!!!!!! هذا يستعبط والا وش سالفته ؟


اقسم بالله بغيت اسطره


قلت ياخوي امش عادي لاتسرعه محنا بسباق (وانا معصب )


قام ويرفع صوته الظاهر يبيها من الله


قلت امش طيب مثل العالم وتسمع


وانا اصارخ وياه بالسياره ومشى شوي وطلع الصوت قلت قلي بعد ماسمعت ؟


قال ماسمعت وصوت الموتر عادي !!!!!!!!!!!!:mad:



بالله ياجماعه وش بتسوون لوكم مكاني ؟ مهوب شيء يقهر مهوب هالخسيس مايستاهل يصير مدير شركه لها اسمها ؟



المهم قلت ارجع ويالله ثم يالله هذا قدامك مهوب وراك جعلك كانك سامعه وعارف جعل ربي يحرمك سمعك قل امين


انا متنرفز



قال بنفخه لييييييييش بتدعي عليااااااااااااا



قلت ابدعي قدامك ووراك وياجعلك الشلل ان كنت عارف اني على حق


المهم وانا اصارخ وياه وناظر طبلون موتري اثر مولعه لمبة الفرامل


طبعا لمبة الفرامل ماكانت مولعه عندي قبل


قلت والله انكم حايسين الموتر واللمبه مولعه


وكان رده علي (( اييييييييش ؟ انت ماتبي (( تدفع )) على سياره تسوقها ))


يعني من كلامه بيسرقني عيني عينك ((وللأسف سرقني وخلص دفعت الفلوس قبل لا اركب السياره ))


المهم وصلنا للوكاله قال تبي ندخلها نشوف لمبة الفرامل ليش ؟


قلت ماابي منك شيء جعلك تدخل بالعنايه كان فيك شر امين انقلع بس ومردي الوكاله بالبحرين والا قطر ابرك من وجيهكم على الاقل القى تقدير واحترام


مشى وخلاني


دقيت على رقمهم المجاني ومكانهم بجده على مااعتقد


وكلمتني موظفه قلت عطيني البووس اكبر مدير عندكم قالت مو موجود دوامه خلص لكن اذا عندك شكوى قدمها ونوصلها له


المهم طلعت السالفه كلها


وقلت كان بمكانه مدير الماني اقسم بالله كانت الوكاله ماشيه بكل احترم وحق ولا عمري انظلمت من وكالتكم وما اصلح موتري الا عندكم


لكن من يوم جاء ذا والسالفه خاربه حسبي الله عليه مجرم


قالت معك حق ومدري ويش


قلت قولي لمديركم انا اول زبون بيطلع يصلح موتره برا المملكه وان كان هاللبناني بيطاول بتلقون معي الف واحد



الزبده يااخوان تدرون الان انواع اصوات المقصات والطقطقه مع المطابات ماكانت فيه :mad:



ما اقول الا حسبي الله ونعم الوكيل ياجعل الي عارف منهم اني على حق ومتجاهله جعل ربي ينتقم منه ويزلزله



وكالات ياعالم صاروا حراميه من يوم يدخل فيها الجنسيات العربيه الا من رحم ربي


نهب وسرق



وهذا من تجربتي معهم والله العظيم كان مديرهم الماني وكانوا الموظفين لا ينشون ولا يهشوون ولا يدخلون عليه اصلا لان محد يشتكي وشغلهم عدل


لكن الان هالفرع صار بالي شفته لعب في لعب والظاهر هم الان (للفي اي بي ) فقط



عارف فيه ناس منكم بيقولون ليش سكت والله مانسكت على السالفه


لكن من بياخذ حقك ؟


الا ربك سبحانه (هذي الديره للأسف وهذا واقع)



تحيتي لكم واسف على الاطاله لكن حبيت احذر من الفرع


وسامحوني يالمشرفين وامانتكم تخلون الموضوع والله شاهد علي سبحانه هذا الي صار معي وربي فوقي

[asdali]

وعليكم السلام ورحمة الله وبركاته

اعانك الله اخوي غالي والله ياخذ حقك منهم , اللي اعرف ان صاحب الشركة سعودي ويمكن يفيدك .

غير كذا بتلقى ورش متخصصة غير الوكالة في اصلاح السيارات الفخمة في الرياض وجدة والشرقية واسعارها مقبولة , الوكالة اشتر القطع منها وغير كذا ابعد .

شي آخر بما انك غيرت المقصات الامامية كاملة فاعتقد الوضع هين في معرفة سبب الصوت , والافضل الان تراجع كذا ورشة متخصصة لتحديد مصدر الصوت بعدها لكل حادث حديث.
انصحك تتابع شكواك ضد مدير الفرع

وتذكر ما عند الله شي يضيع يمكن خسارتك بعض المال وحرقة اعصابك دفعة بلا وربي يعوضك خير.

[غالي]

وعليكم السلام ورحمة الله وبركاته

اعانك الله اخوي غالي والله ياخذ حقك منهم , اللي اعرف ان صاحب الشركة سعودي ويمكن يفيدك .

غير كذا بتلقى ورش متخصصة غير الوكالة في اصلاح السيارات الفخمة في الرياض وجدة والشرقية واسعارها مقبولة , الوكالة اشتر القطع منها وغير كذا ابعد .

شي آخر بما انك غيرت المقصات الامامية كاملة فاعتقد الوضع هين في معرفة سبب الصوت , والافضل الان تراجع كذا ورشة متخصصة لتحديد مصدر الصوت بعدها لكل حادث حديث.
انصحك تتابع شكواك ضد مدير الفرع

وتذكر ما عند الله شي يضيع يمكن خسارتك بعض المال وحرقة اعصابك دفعة بلا وربي يعوضك خير.


الله يجزاك خير اخوي

وتدري الان صوت المقصات ماكان موجود (الان طقطقه مقصات مع المطاب مدري هم مركبين لي مستعمله ومتقاسمين الدراهم هالثلاثه ) والا مدري وش السالفه


وتدري ولا ذكرتها بموضوعي الهيدروليك الامامي الان صار ينزل حيل مع الوقوف !!!

مبرمجينه غلط الظاهر

لكن قد مااقدر حتى القطع ابشتريها من الخليج البحرين قريبه الله لايحرمنا من الخليج بس ووكالاتهم

وحسبي الله على اللبناني والفلبيني وابو جديله (الحريمه) حق الاستقبال باكستاني مدري هندي

شاكر لك اخوي تحيتي لك :good:

[stranger]

الله يعينك
والله لو اني مكانك ما اطلع السيارة من عندهم الا بالشرطة هذولي اكلوا خلق الله
وكنت اتمنى لو انك موصي احد يراجعهم وانت مسافر على الأقل يعرفوا انه في احد موجود هم الظاهر عرفوا انك مسافر واخذوا راحتم هذا اذا ما كانوا استعملوها فترة سفرك
ولكن ما اقول الا حسبي الله ونعم الوكيل على مثل هذي الاشكال
وان شاء الله انها دفعت بلا لك

[الوشاح]

مرحبا
انشب بحلقهم لاتفكهم
اول شي اكتب ثلاث خطابات وارفق رقم جوالك وبريدك الالكتروني
الاول للوكالة بأسم المدير
الثاني للشركة الأم بألمانياء او بورش الشرق الأوسط بدبي
الثالث لوزارة التجارة

لو كل من تعرض لضلم طلب حقه كان ماضاعت حقوقنا

[وضح النقى]

الله يعينك ويعوض عليك

[السنع كله]

ارسل رسالة للشركة الام شف لك مترجم ولاتخليهم
ارجع وقل رجعوا لمقصات القديمة لان الصوت ماصار منها ورجعوا لي فلوسي ولو تشوف لك محامي لان شغلهم حرامية وغبن وسرقة للمواطن وقلة احترام تكفى لاتخليهم

[ابو محمد سعيد]

كلنا معك قلبا وقالبا حتى ترجع حقك متاااابعه يااداره ثبتوا هالموضوع..

[AbuSeif]

مرحبا
انشب بحلقهم لاتفكهم
اول شي اكتب ثلاث خطابات وارفق رقم جوالك وبريدك الالكتروني
الاول للوكالة بأسم المدير
الثاني للشركة الأم بألمانياء او بورش الشرق الأوسط بدبي
الثالث لوزارة التجارة

لو كل من تعرض لضلم طلب حقه كان ماضاعت حقوقنا



:good: :good: :good: :good:

اقترح عليك نفس اقتراح اخوي الوشاح

دمتم سالمين

[عاشق الماركيز]

ياخي قسم برب الكعبه*************** تراه موتر غالي وفخم وشينه وانت تمشي بالشارع تسمع اصوات وامسك الي اشتغل بالسياره واركبه واقرب مركز شرطه علمهم ووورهم الفواتير وورهم خربات السياراه لاانك الحين خليتهم بيسونها مع ناس غيرك ماتدري ومن امن العقوبه ساء الادب ومعليش يااخوان بس يعلم الله اني انقهرت





تم تعديل المشاركه
بواسطة مشرف القسم
بدوي جنوبي

[ذيب الذباحية]

الله يعوض عليك ويصبرك .. وياليتك تبادر من الآن في بيع السيارة ولا تاخذ غير الياباني نصيحة خاصة يوم ذكرت قيمة المقصات 5300 ؟؟!! هذي وانا اخوك قيمة توضيب قير ومكينة وعليها ضمان بعد .

[900]

الله يعوضك
ولا حول ولا قوة الا بالله

[منفلوط]

لاتسكت
مومشكله اطلع صلح سياراتك بأي مكان بس لاتسكت على هذولا
لو انت بتسكت وانا بسكت وهذا بيسكت مين اللي بيشتكي ؟؟؟؟؟
لو تاخذ الموضوع بطولة بال وطقطقـة
الى متى وحنا مضحوك علينا ويضحك علينا حتى البنقالي وندفع فلوس ولانقول شي
هذي مو طيبة الا ضعافه والله

[بدوي جنوبي]

لا حول ولا قوة الا بالله

ليتني ما قريت موضوعك
قهر وغبن

لكن شوف يا اخ غالى
احنا شعب طيب بزيادة وعاطفى ونثق بالجميع

المفروض تشيك على سيارتك كل يوم من وقت ما نزلتها عندهم
ودائما لازم يحدد لك عطل السياره قبل تمشي ما عنده
ويعلمك القطع اللى تحتاج تتغير وكم تكفة القطع
وكم تكلفة شغل اليد

هم متعودين على كذا حقين الوكالات
لاننا للاسف نرمي سيارتنا عندهم
وبعدين نتصل او هم يتصلوا علينا ويقولو السياره تحتاج تغير كذا وكذا وكذا

وهم في الاصل كذابين مستغلين الوضع
ياخى انتظر ولا تروح من عندهم خلك نشبة في حلوقهم
حسسهم ان علة وما ينضحك عليك واسئل عن كل شيئ بيغيره
وسبب التغيير ودائما اطلب فواتير بأسماء وارقام القطع
وفاتورة شغل اليد .

والقطع القديمه يعطيك اياها .


المفروض يوم قالوا ان المقص يحتاج تغيير
كان قلت لهم اوكي لا تغيرو القطع حتى اجى اشوف القطع التالفه .


عموما حصل اللى حصل
وهذا درس لنا جميعا

والله يعوضك خير


ملاحظة /
ارجوا عدم الخروج عن مضمون الموضوع
واتمنى كتابة الردود التى تساعدنا في الوقايه منهم

[راعي كيف]

حبيبي الغالي غالي

روح يمه ورجع السيارة وقله السيارة تعطلت من يوم جيتها لكم والخراب اللي فيه ماصلحتوة إذا مارجعلك حقك
خذ حققك بيدك وترانا معك هذي الكلمه قالها عسكري ( خذ حققك بيدك ) لأنك ماراح تاخذ حق منا
هذولي تطاولو علينا ويبليلهم تأديب
وعندك حل ثاني ( حط السيارة قدام الوكاله وكتب عليها شكواك بالعربي والإنجليزي والألماني )ونزلها باليوتيوب تراها تنفع
وبخصوص الشكاوى خاطب الشركه الأم وراح تأخذ حققك بالغصب


وكانك تبيه بالمطاق ولعنه الخامس ابشر بالفزع ارسلي بالخاص وبشر بعزك ( بس بشرط ان الفلبيني مايعرف كرتيه :) )

ابو عرادة
راعي مشاكل :)

[سهيل تميم]

لا حول ولا قوة الا بالله... الله يعينك فعلاً شي يرفع الضغط

مثل ماقالو الاخوان .. ارسل ايميل للشركة الام وللإدارة الي بالسعوديه .. وان شالله تجيب نتيجه ..

مجربه مع وكالة تايوتا والحاج حسين رضا وجابت نتايج ممتازه..

[بدوي جنوبي]

حبيبي الغالي غالي

روح يمه ورجع السيارة وقله السيارة تعطلت من يوم جيتها لكم والخراب اللي فيه ماصلحتوة إذا مارجعلك حقك
خذ حققك بيدك وترانا معك هذي الكلمه قالها عسكري ( خذ حققك بيدك ) لأنك ماراح تاخذ حق منا
هذولي تطاولو علينا ويبليلهم تأديب
وعندك حل ثاني ( حط السيارة قدام الوكاله وكتب عليها شكواك بالعربي والإنجليزي والألماني )ونزلها باليوتيوب تراها تنفع
وبخصوص الشكاوى خاطب الشركه الأم وراح تأخذ حققك بالغصب


:)

انت لين هنا كويس :).



وكانك تبيه بالمطاق ولعنه الخامس ابشر بالفزع ارسلي بالخاص وبشر بعزك ( بس بشرط ان الفلبيني مايعرف كرتيه :) )

ابو عرادة
راعي مشاكل لا توهق الرجال
والحمد لله ما ضاع حق ورا مطالب

لو الفواتير موجوده يروح قسم الشرطه ويقدم محضر شكوى ويثبت بالفواتير
وان السياره باقي خربانه ما تصلّحت .

نبي حلول حقيقيه
حتى نستفيد جميعا




اى رد مخالف سيتم حذفه

[oula]

اخوي غالي اسمع شوري وا ن شاء الكريم بتدعي لي
اول شي طلع رقم الهيد اوفس في الامارات حق سيارات البورش وقدم الشكوى وبإذن الله بتلقى الحل اللع يطيب خاطرك
زميلي يشتغل في الجميح ميكانيكي وهو الي علمني عن الهد اوفس يقول لي اي شركة كلم الهد اوفس لاتتعامل مع ربعنا يقول والله ينفضون الوكيل نفض الشر لدرجه انه علمني سالفة واحد غيرو له كفرات وبواجي وزيوت وشغلات كثيره بس عشاان مايرجع يشتكي عليهم
بلنسبة للبورش حاولت اني ادور الهد اوفس المكتب الرئيسي ماعرفت اوصلة اللغه ماتساعد كثير تعرج :)
والله يورينا يوم في الاجانب << منقهر منهم

[همس الغدير]

الله يعظم اجرك امثالك واجد مثل هـ المواقف هذي لكن حسبنا الله ونعم الوكيل

[قريش الاول]

ارتفع ضغطى الفين
اقسم بالله انك حبيب ولو انى مكانك كان سويت النون ومايعلمون
اقل شى اقفل البوابه بسيارتك وخل الى مايشترى يتفرج واقلبها حراج
ولا تتحرك من عند السياره وقلهم بلغو الشرطه اذا لكم حق
فيه عينات خذوهم بالصوت

هذول مايبغالهم الا كذا

[سلفاريو]

رغم انني اعلم حتى الآن اي شخص منكم لايملك سيارة جيب بورش من وكيلها بالمملكه سماكو...؟؟؟؟؟؟؟؟؟؟؟
ياخي اذا معاك فواتير لا تسكت رح القسم واشتكي هذا من حقك ...

[سطام الدرعية]

اخوي غالي خذ موترك وروح لمركز سيارتي قسم الصيانة { بورش } الي على طريق العروبة بالرياض قبل مستشفى العيون وافحصها هناك عندهم فنيين ممتازين صراحة واسعارهم معقولة..........
بـــــس{ تـــــكـــفـــــــــــى} وتــــرا الـكــلـــمــة تــــهـــــز الــــــرجـــــــــال لالالالالالالالالالالالا تــــســـــكــــــت عــــن حـــقـــــــك ارجـــــــــــــــــــــــــــــــــــــــــــــــ ــــوووووووووووووك .

واسف على الاطالة { انقهرت}

[ابورايف]

الله يعوضك
ولكن مازالت امامك فرص لتشتكي على هذا المجرم
حسبي الله علية ماحد خرب ديرتنا الا هذا واشكالة

[هوايتي مكشات]

الله يعينك ياغااالي

[ABU SALEM]

رجع السياره لهم وقل خربانه وخذ الفواتير منهم ولا تطلعها كلم الشركه الام وبتشوف النتيجه وبيبوسون ارجولك قبل خشمك علشان تتنازل اهم شي لازم اوراق

[رحال الصمان]

اخي غالي اولا ارسل فاكس شكوى للشركه الام ثانيا ارسل ايميل ايضا للشركه الام ولامانع من التكرارمع مع ايضاح وسيلة الاتصال بك حصل معي عن تجربه وذليتهم ذل وجرب وقل غشيتني لان الخواجات ماعندهم لعب لعيون مصالحهم فقط ارفق صور الفواتير وشف النتيجه ولاتحرمني من الدعاء اما الطقطقه الخفيفه فقد حصلت معي في سيارتي المرسيدس وهي عند بداية ممشى السياره تسمع طقطقه متتاليه تختفي مع السرعه وخفت السياره ماتوصلني الوكاله قلت امر على راعي الورشه القريبه قال بسيطه يارجل غير فحمت الفرامل الخلفيه قلت بسيطه غير الثنتين وماكنت مقتنع قلت الخساره سهله ومن شهرين مسمعتها ابدا ولله الحمد ارجوان يكون لكلامي صدى وتقبل تحياتي

[الذيب 14]

الله يعينك ويعوض عليك

[مغتراب]

الله يعينك ويعوض عليك . لاكن لو بغيت رائيي وعلى كلامك بتروح تصلح سيارتك برا المملكة روح لدبي وفيه هناك الشركة الام بشرق الاوسط وقدم شكواك عليها ورفق معها الفواتير وتقرير السياره . وانشاء الله ينصفونك وياخذون حقك . واخيراً اقول يازين التيوتا وبس ههههههههه

[ابوغزاي]

يااخي الحبيب اعتقدالحل الوحيدوالسريع هوانك تتفاهم مع المديرباسلوب القوة وان لزم الامرلاتقصرمعة المقصدمن كلامي ليس الضرب فقط ولاكن حتى تحضرالشرطة وياخذونك انت والمديرولاتتنازل حتى يحولونكم على المحكمة وعندالشيخ تنكشف الحقائق وسوف يتأدب معك ومع غيرك 00
فواللة يااخوان اني لااحب هذة الطريقة ولااشجع عليها ولاكن مما رأيت وسمعت مثل هذة الواقعة وراحت برداوسلاماعلى هؤلاءالخونة00
فالمعذرة يامشرفنابدوي جنوبي فعندالضرورةتباح000000
حفظكم اللة ورعاكم
استغفراللة واتوب الية اذاكنت مخطي

[دورانقو]

ليش حذفتو ردي انا اقول ومازلت اقول اللبنانيين ماجانا منهم الا الردى لاجانا فنيين زي الناس ولا علماء ولا ولا الخ وترا اغلب المدراء منهم غير مسلمين

الله لايبارك باللي رزهم

[hamido]

الله يعينك قسم بالله غبن ولا وكالة دير؟؟؟؟

[N-xterra]

عادي جدا لأنك في السعودية

لا حسيب ولا رقيب ولا أحد يجيب لك حقك ، أضف على ذلك حكومتنا الرشيدة تدعم لبنان واللبنايين وتوطى على صوابرنا

عادي جدا لا تزعل كل الشعب متعود على قولة القذافي في وصفه للشعب السعودي

يقول أتمنى يكون عندي شعب زي الشعب السعودي مهما ينظلم ويهان لا يشتكي!!

وأحسن حاجه يعملها تمجيد المسؤول والحاكم

تحياتي لك

[Bader-M]

تدي وش المشكلة
الفواتير التي تقوم بتوقيع عليها
تجد بعض الملاحظات مكتوب عليها
مثل
- الحادث لا قدر الله اثناء تجربة الفني للسيارة (لا تتحملها الشركة)
- اي قطع يتم تغيرها وحتى وان لم تكتب بالفاتورة فانت لمزوم بدفع تكلفتها

وحنا نوقع لا خيار لنا
اتعلم لماذا
اما اتعمل الصيانة خارج الوكالة عندها يكون الضمان لا يشملك
او تعمل الصيانة في الوكالة فيقمون بغير قطع سليمة و تكلفة الايدي العاملة تكون الضعف تقريبا

تدري وين المشكلة
1-حماية المستهلك (اذا كان الرقم المجاني لا يتم الرد عليك )
2- المحاكم (الاجرات والمراجعات تاخذ وقت طويل جدا)
3- الشرطة (خلها على ربك بس )

والمثل يقول

اذا غاب القط لعب الفار

تحياتي اليك

[Bader-M]

خذ هذا الرقم

الرقم المجاني لوزارة التجارة والصناعة
لتلقي الشكاوي وجميع المخالفات التجارية


(العروض الوهميه & الامتناع عن البيع & التعديل بالمواصفات القياسية & الغش تجاري & المغالاة في أسعار السلع الغذائية والاستهلاكية )


8001241616

على قلتهم
اذا مالقحت ماظر الجمل

[اخو سعود]

لا تخلي حقك نافداك تكفا

[ملك الفكتوريا]

يلعن ام القهر مثل هاللبناني كان يطارد السعودي بديرتهم عشان ليره

والحين مسوي فيها


المشكلة يا جماعه وش هي شهاداتهم ووش جامعاتهم

[ابا الأفلح]

الحل وبكل بساطه خلك جزوم واجمع جميع الادله والكلام من صغير الي كبير ورح قدم فيها خطاب لرئيس قسم الشرطه الي بالحي نفسه هذا اولاً
وبعد ذالك اخذ نسخه من خطاب الشرطه وترجمها ترجمه صحيحه الترجمه 15 ريال الي اللغه الانجليزيه واللغه الالمانية وارسلها لكل من الوكاله الام بألمانيه وراجو انك توضح اسم المدير البناني وجميع من اشترك بالموضوع وجميع التفاصيل وراسل نسخه الي وزارة التجاره او كلمهم بالتلفون لان عندهم تلفون مجاني ثالث شي سكر مدخل الوكاله بالسياره نفسها بعد ما تقدم البلاغ لاحض بعد ما تقدم البلاغ عشان تكون انت اول من اشتكى واكتب على السياره لافته توضح ما حصل واذا احتجت اي مساعده هذا رقم جوالي افيدك بالي تبي 0505261676

[البيـرق]

والله يا انه قاهرني............لاتخليه افضحه ارسل ايميلات

ولا تدفع شي وان دفعت استرد فلوسك كامله بس بدون ماتخلي له حق عليك

والله يااللبنانين ماكلين الديره اكل رواتب عالية ورشوة وتزوير....واحتيالات

اعرف مدير في شركة تسويق لو تسمع بس وش يقول من فعايلهم تمسك راسك وانت يالسعودي عندهم غبي وفلوسك كثيره

والشرهه على اصحاب الشركات يحسب ان الشغل مايمشيه الا هاللبناني وتكرم عينك عمو

لاحول ولا قوة الا بالله

[bader_max]

اهنيك على صبرك وتحملك

اتوقع لو اني مكانك كان واحد مننا بالسجن

[الربذي]

[QUOTE=ابوغزاي;5484122]يااخي الحبيب اعتقدالحل الوحيدوالسريع هوانك تتفاهم مع المديرباسلوب القوة وان لزم الامرلاتقصرمعة المقصدمن كلامي ليس الضرب فقط ولاكن حتى تحضرالشرطة وياخذونك انت والمديرولاتتنازل حتى يحولونكم على المحكمة وعندالشيخ تنكشف الحقائق وسوف يتأدب معك ومع غيرك 00
فواللة يااخوان اني لااحب هذة الطريقة ولااشجع عليها ولاكن مما رأيت وسمعت مثل هذة الواقعة وراحت برداوسلاماعلى هؤلاءالخونة00
فالمعذرة يامشرفنابدوي جنوبي فعندالضرورةتباح000000
حفظكم اللة ورعاكم
استغفراللة واتوب الية اذاكنت مخطي[/QUO

اخوي ابو غزاي رجاااااااااااااااااااااااااااااااااااااااااااا

للفظ الجلالة يكتب بدوووووووووووووووووووووووووووون نقط على الهاء اكتبه هكذا الله



صاحب الموضوع الله يعينك التصيمخ قد حصل معي قبل يصلحوها قال ايه نسمعه دفعوني وقالوا صلحناها
طلعت الا نفس الصوت ركب معي قال مااسمع شي .............................!!!!!!!!!!!!!!!!!!!

[ابو خالد 1992]

ياجماعة الخير لو يجزم مننا 200 شخص بس ونخاطب الشركات الأم بالفضائح الحاصلة من الوكلاء فالبلد وكل شخص يذكر مشكلتة من تعامل سيئ واستغلال وعدم توفر قطع للغيار و مبالغة في الاسعار وللي عنده صور فواتير او فديو للتعامل المذل مع الستهلك بإذن ا لله 6 شهور تشوف تويوتا ونيسان و فورد وبورش وجميع الوكلاء الفاشلين متغيرين , مع أن الخطأ من وجهة نظري المتواضعة كان سببها طيبتنا اللي هم يشوفونها غبااااااااااء فياليت ينزل موضوع مستقل من احد الاخوة اللي عنده خلفية عن طريقة تقديم الشكوى يوضح فيها ايميل ورقم هاتف الشركات مع توضيح كيفية كتابة الخطاب و طريقة التواصل كاااااااملة مع الشركة الام قسم الشكاوي مباشرة . ويا ليت ناخذ الموضوع على محمل الجد لأنك هنا بتردد يابلادي واصلي ....

[كاشخ999]

حرام والله
عطيتهم دراهمك وخربوا سيارتك، والله ماعطيهم ريال واحد وبيني وبينهم الشركه والمحكمه عيال الحرام

[فيصل التميمي]

تكفى لاتخليهم اشكهم ارفع فيهم الى الشركة الام وكل محامي وحنا معك قلب وقالب
امثال هالبناني يلعب في البلد ونحن ابناء البلد ينصب ويسرق ونصكت اشكهم ولاتخلي حقك يروح

[السلمان2010]

الله يعينك عليهم

[مقلع الرمث]

عمي معه بنوراما دخلها الوكاله وكل يوم طالعين له بخراب واكثر انوار الطبلون اشتغلت

وتهاوش هو وياهم الين قال بس وطلعها ودفع فوق 25 الف والا استفاااد

[PATHFINDER 4]

ما اقول الا الله يعينك ولاتترك حقك بسهولة اقعد على حلوقهم

هذي الوكالة المفروض تستقبل العميل بكل رحابة صدر لانه جاي يدفع لها فلوس

اما عندنا للاسف تبي حياك الله ماتبي طق راسك بسبعين جدار

[vxr 2002]

رجاء خاااااااااااص لاتسكت عن حقك ومماطلتهم لك0

وكنت أتمنى أنك لو رحت لفرعهم الثاني اللي على طريق خريص أتوقع أفضل 0
لكن عااا العموم حنا وأنا خووك قلبا وقالبا معك 0
أبشر بعزك باللي تبي ,,,

[Ra3e aljeep]

مشكلتنا يا هـالسعوديين طيبين للأسف ونستحي كثير
تربيتنا لها دور
وعلوم الرجال لها دور
ماتربينا في الشوارع مثلهم
وهذا خلا الاجانب يطمعون فينا
اسمع بارك الله فيك :
اولاً: شيك على السيارة عند ورشه واخذ تقرير بحالة السيارة
ثانياً: رجع السيارة لهم وقل لايزال الصوت شيكوا عليها وخل السيارة عندهم
ثالثاً: اتصل على الشرطة وقدم بلاغ وخل يصير قضية
رابعاً: ارسل شكواك للشركة الام في المانيا والشركة في دبي وارفق الفواتير وصورة الشكوى
خامساً: اطلب المقصات القديمة حقت موترك ولا تتركها لهم مهما صار
الله يوفقك وينصرك عليهم

[سوالف]

الله يكون في عونك

ونصيحه ارسل او اتصل على المكتب الاقليمي بدبي
وابلغهم بالمشكله وكيف انه اللبناني المسؤول <لازم تعرف اسمه)) وكيف انه يقوم بالتلاعب

المكتب الإقليمي لشركة بورش :
بورشه الشرق الأوسط م.م.ح
ص.ب.54299 , المنطقة الحرة لمطار دبي_إ.ع.م
هاتف:2995911_4_971+
فاكس:2994911_4_971+


ترى الالمان حريصين اكثر منك على سمعتهم

والله يوفقك ويسهل أمرك

[ابونواف 999]

الله يعينك بس لاتتركهم شرشحهم في المتديات واشتكهم في كل محل
وماضاع حق وراه مطالب

[ذيب الداهية]

لا تسكت وأنا خوك عن حقك
تبقنا نسوي أجتماع قدام مقر الشركة ابشر
وبيتي قريب من شارع الضباب ..
نشوف معهم حل يا يصلحونها وترد زي أول ولا نضف هـ لبناني لأقرب مركز شرطة ..

[اسهيل]

الشوام هذولا حاقدين على السعودي كن السعودي ذبح ابوهم الشييئ الثاني يعتقدون انا اغبياء ليه لان اسعودي كاش اغلبهم وتلقه يدفع بدون مايسال وتعودو يجي واحد يغيرون السيارة له كلها بسبب صوت ياخي احسن ورشات الي مديرها سعودي يعطيك حقك ويقدرك

[((ابوملاك))]

لا يردك الا ابو عقفه

هذا اللي يمشي معهم سالفة محامي ما محامي عندهم محامي

رح امسكه وادبجه دبج لا خلص الدوام طلع كل خراب وكل ريال دفعته فيه

[دورانقو]

يلعن ام القهر مثل هاللبناني كان يطارد السعودي بديرتهم عشان ليره

والحين مسوي فيها


المشكلة يا جماعه وش هي شهاداتهم ووش جامعاتهم

اخاف اقولك يحذفون ردي هههههههههههههه

[جبلاوي]

السلام عليكم
انا املك بورش كايين 2005 امريكي


فيه شي مهم عائلة الشربتلي وكلاء بورش من الاغنياء جدا وهذه الوكالة هي نقطة في بحر من ممتلكاتهم واخذوا وكالتها لعشقهم للسيارات اكثر من الفائدة التي يبحثوا عنها


للاسف الشركة يديرها مجموعة نصابين وفاكريين ان اللي عنده بورش يعني راح يدفع بدون ما يسأل

نصيحة لا تتركهم خذ حقك بالغصب ترى راح يعطوك اذا نشبت بحلوقهم

[ابو باااسل]

اولا الله يعوضك خير

ثانيا
صلح سيارتك في اي وكاله ثانيه وطلب تقرير منهم بالخربات و بالاصلاحات والكشف
ثالثا
بعد ما تطلع سيارتك وكل شي اوكيه ارفع قضيه ورفق صور من الكشف قبل وبعد الاصلاح ورفق اوراق الشركه الاولى النصابين معيها وكتب عريضه عند محامي وبكذا تكون موثقه بالاوراق وان شاء الله تاخذ حقك من عيونهم

الله يسهل امرك

[غالي]

ما أقول الا الله يجزاكم بالجنه ووالديكم

فعلا دعمتوني معنويا والله شاهد علي :good:


شفت الردود في المكتب بعد الظهر وكان فيه تقريبا 3 صفحات

شفتوا الي مسك الجوال وهو مايدري ؟


هذا الي صار معي

كلمت التلفون المجاني وهالمره عطوني المدير تبعهم (رغم انها أنثى لكن ان شاء الله عن عشر رجال ) اتمنى هالشيء ولمسته من كلامها ومساندتها لي

وبكلمتها يوم قلت الهديروليك ينزل قالت (لاااا الهيدروليك غاااالي لايخرب عليك سجلته عندي وسجلت اللمبه والاصوات الي طلعت لك والصوت القديم الي انت مدخل السياره علشانه)

وسألتني عن ممشى السياره كم مشيت عليه ((وانا مامشيت واجد ))

قالت اوكي

حنا بنتصل عليك ولازم نكشف عليه

قلت اكشفوا ولو تبون اجيبه هالحين ماعندي مشكله الموتر وضعه مزري جدا

لوني موديه للورشه كان قلت استاهل الي جرالي

لكن مدخله الوكاله ويصير الي صار لي !!! مصيبه


وبلغتها بالفاظ مديرهم (البذيئه قدام العملاء ) سكتت

قلت سالتك بالله اختي هل هذي الفاظ تطلع من مدير ماسك فرع شركه لها اسمها وقدام عملاء ؟؟

سكتت ماقالت شيء

قلت المهم اسمحولي انا ماحسيت الا داخل على عصابه مهوب وكاله تسند العميل

تلوموني ؟

قالت الي صار معك ماتلام


(المشكله يااخوان ماخذت منهم الا المسانده بالكلام وحتى الآن ماشفت فعل)

على كل

قلت هذا اخر اتصال لي معكم وان ماشفت استجابه ياسفني اني اتعدى حدود ديرتي واراسل المانيا علهم ياخذون حقنا اكثر منكم يالي تعرفون الدين وتتهيونون بظلم الناس

على كل يااخوان ان صار شيء جديد عطيتهم خبر


علما بأن لو طلبوا مني ادخال السياره بنفس الفرع انا (( ابرفض ))

وبيكون ردي عليهم :

دخلت سيارتي بدون شكوى وطلعت بخرابات !!!


كيف ان رجعت سيارتي لهم وعليهم شكوى مني ؟

وش بيضمني انهم مو مغيرين مثلا قطعه كهربائيه او قطعه سعرها غالي ؟

والله ياجماعه ان طلبوا مني ارجع لنفس الفرع شكلي منيب مرجعه لهم

بسبة ان الثقه انعدمت وهم عصابه جالسه للأسف

على قولة (اطلع باقل الخساير)

لكن ابطلب منهم اوديه للفرع الرئيسي في شارع خريص بما اني ماعمري رحت له ولا ادله حتى (كل شغلي كان بشارع الضباب)


على كل الله يجزاكم خير كلكم اعضاء ومشرفين بيض الله وجهكم وهذا مو غريب عليكم وقفة رجال

والي يقول (طق واخذ حقي بيدي )

اقوله وانا اخوك كم واحد مظلوم وخذ حقه بيده وأنظلم زود والظالم قدامه يضحك

ومازاد الا غبن فوق الغبن

(( والي أتوقعه ان هذا المدير يحمل جنسيه غربيه )) مجرد توقع لا اكثر ولا اقل

تحيتي لكم

[تناهيت]

تصرفك عين العقل يا غالي
قريت الموضوع اول ما نزلته وما أخفيك سأني ما حصل لك وما يحصل لغيرك من تلاااااااااااعب الوكلاء

حصل لي موقف مشابهه مع العيسى واشتكيت عليهم في جنرال موترز دبي وما قصروا فيهم

فلا يضيق صدرك وما ودي اقولك انك غلطان لأنك ما تابعت معهم أول باول
يعني لا يفكون شي الا وأنت في الصورة معهم وهذا النظام اللي يمشي معهم

على العموم اذا قدرت تمرهم وتآخذ منهم جميع القطع المستبدلة لانها أقوى حجه عليهم مثل المقصات وخلافه
ورايك سليم بخصوص الفحص مره اخرى لا تروح لهم اذا طلبو منك الشركة الأم الفحص اختر اي فرع غيره وهم ينسقون معه مثل ما حصل لي بالضبط

والله يعينك ونا اخوك

[غالي]

تصرفك عين العقل يا غالي



قريت الموضوع اول ما نزلته وما أخفيك سأني ما حصل لك وما يحصل لغيرك من تلاااااااااااعب الوكلاء


حصل لي موقف مشابهه مع العيسى واشتكيت عليهم في جنرال موترز دبي وما قصروا فيهم


فلا يضيق صدرك وما ودي اقولك انك غلطان لأنك ما تابعت معهم أول باول
يعني لا يفكون شي الا وأنت في الصورة معهم وهذا النظام اللي يمشي معهم


على العموم اذا قدرت تمرهم وتآخذ منهم جميع القطع المستبدلة لانها أقوى حجه عليهم مثل المقصات وخلافه
ورايك سليم بخصوص الفحص مره اخرى لا تروح لهم اذا طلبو منك الشركة الأم الفحص اختر اي فرع غيره وهم ينسقون معه مثل ما حصل لي بالضبط



والله يعينك ونا اخوك



شاكر مرورك اخوي تناهيت والقطع ابشرك عندي ماخذها

ودايم احرص بكل السيارات اني اخذها ومااخليها خصوصا الوكالات

اما الورش ممكن اشوفها بعيني واتركها عندهم (وهذا غلط ترا يااخوان ) ممكن الورش يغيرون لها جلد او خلافه ويركبونها لغيرك بعد تنظيفها على انها جديده

والله المستعان

وبالنسبه اني اكون عندهم (مافيه امل وانا اخوك)

لان الفحمات وهي الفحمات الي تتركب في ساعه اكثر تقدير

ان جبت السياره لهم اول الصباح على 8 مثلا يخلصونها العصر

ليش ؟


لان نظامهم نظام ساعات بشغل اليد

الساعه تقريبا ب 330 ريال

وهو على كلامه يوم يحسبلي ب2400 شغل يد يقول في 8 ساعات !!!!

يعني مسوي انه خصم

شاكر لك اخوي

[الربذي]

اخوي اكتب شكواك بقسم ملاك البورش اهم شي تفضح اللبناني ياهم حاقدين على اهل البلد حقد دفين وش السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[asdali]

ما أقول الا الله يجزاكم بالجنه ووالديكم

فعلا دعمتوني معنويا والله شاهد علي :good:


شفت الردود في المكتب بعد الظهر وكان فيه تقريبا 3 صفحات

شفتوا الي مسك الجوال وهو مايدري ؟


هذا الي صار معي

كلمت التلفون المجاني وهالمره عطوني المدير تبعهم (رغم انها أنثى لكن ان شاء الله عن عشر رجال ) اتمنى هالشيء ولمسته من كلامها ومساندتها لي




اطمأن ان شاء الله دام الامور وصلت دبي راح يتصلون عليك وتصلح الخراب بدون تكاليف مالية اضافية.

بانتظار اي مستجدات

بالتوفيق

[صقر نجد99]

وعليكم السلام

نعم اخوي الغالي اقرب قسم شرطة وقدم شكوى على الثلاثة الاشخاص واحضر الفواتير وطالب بتصليح موترك في ورشة محايدة وجب تقرير مفصل بكامل المبلغ وطالبهم بالمبلغ واذا تعذر الامر طالب بتحويل المعاملة الى المحكمة واطلب من القسم بأيقاف خدماتهم بحكم انهم اجانب وقد يسافرون وقدام القاضي طالب بحقك وبتاخذة ان شاء الله اهم شي لاتصكت وبكذا انت على حق

[.أبوعبدالرحمن]

أخوي أشوف إنك لو تهدي أعصابك شوي وتذكر الله


كلها ايميل واحد فقط للشركة الام بورش وينتهي موضوعك أنا صارت معي بنيسان والله مثل الالف وهذا ما رحت للأم رحت للبنت بدبي

[ابوطاقية]

اخوى المال يعوض والسياره تعوض والحمدلله على كل حال
انا مع الشباب في مايخص ارسال رسائل تبداء من الوكيل بالسعوديه وتنتهي بالمصنع بالمانيا
فاكس+ايميل على الوكيل بجدة وانتظر الرد وان لم يعجبك ردهم
فاكس+ايميل على وكيلهم بالشرق الاوسط والانتظار واذا لم يعجبك الرد
ايميل+جميع الفواتير الى المصنع بالمانيا وتذكر انك راسلتهم جميعا
(اذكر سالفه لاحد الزملاء قبل مده طويله اشترى سيارة من الجميح لا اذكر نوعها وكانت المشكله عدم توفر قطع غيار فكانت تنتظر عندهم شهور بالورشه خوينا طفش وقال ما اشتريتها عشان اوقفها بورشتهم قام وحبك ايميل شديد اللهجه وتهديد بحرق سيارتهم تحت مرئ الصحافه
ثاني يوم يتصل عليه وكيلهم بالشرق الاوسط يتأسف منه وقام بتعميد الجميح بتبديل السيارة بسيارة اخرى )

[عبدالرحمن1980]

شف يالغالي سياره المانيه لاتشتريها من المملكه لان الوكلاء ناصبين علي وعليك في سياره لاتتجاوز قيمتها 100 الف فما بالك بسياره ب300 والمانيه يعني بتصير النصبه اكبر واللقمه اكبر ما اقول الا الله يعينك ويرد لك حقك وحسبي الله ونعم الوكيل

[راع الوجعانه]

اذا كان عندك فواتير واثباتات مثل الفحص قبل التصليح وبعد التصليح
شف لك جريدة من هالجرايد أو صحيفة الكترونية ونزل معاناتك فيها وراح ينتشر الخبر لين ياصل المسؤول وبتشوف وش يسوي فيهم
بس المهم لا تسكت على حقك(ما ضاع حق من وراه مطالب)

[ابو سليمان 11]

اسف على حركة الهمجية الا راح اسوية لو كنت في مكانك
والله لااحط رجلي على رقبته والعن ولد ولديه

[غالي]

يأسفني ان ابلغكم اني اليوم زدت غبن فوق الغبن



اليوم كلمت رقمهم المجاني 800



والله ياجماعه قلت المهم انا ماابي ارسل لدبي وارسل للشركه الام المعاناة الي شفتها قالوا بنرد عليك بعد شوي



قعد ثلث ساعه تقريبا


كلموني قالوا يقول نويد إكرم (هذا الهندي الي بالاستقبال ) يقول انا قايله الصوت سببه المقصات والفحمات وكراسي المكينه !!!!!!!!!!!!!!!!!!!!!



:mad: تخيلوا ياشباب زاد عليها كراسي المكينه انا انصدمت



قالوا هذا الكلام قلت انتم حاطين مجرمين وبأسلوبكم كذا انتم تأيدونهم يعني ارسل واخذ كل الطرق ؟


قالوا هذا الكلام


يعني معنى كلامهم اشرب من البحر !!!!!!!!!


حتى قايلين لي يوم الاربعاء بنكشف عليه واليوم تخلوا عن الكشف ولا قالوا تعال نشوفه !!!!!!!!



والله ياجماعه شيء يغبن اقسم بالله


مدخل موتري مااشتكي من شيء الا الصوت بالقومه بس كن شيء يحك



والان والله مثل ماقلت اصوات بالمطابات :mad:



واليوم زادوا عليها انهم قايلين لي كراسي المكينه



الله يجزاه خير والجنه الي ينسخ موضوعي ويحطه بالمنتديات



ذولا مجرمين اقسم بالله لازم الناس تحذر منهم



والي قاهرني زود قوييين يعني ماخافوا من شيء



على كل انا ابشوف ايميل الي في دبي وبرسله باللغه العربيه + صور الفاتوره والكشف



والله ينصرني عليهم يارب



ودعواتكم لي ودعوتكم عليهم



واللهم لاتجعلنا من الظالمين يارب


وينصرنا على من ظلمنا ياعلي ياقدير


والله ماجاني الا الغبن والقهر والا هين الدراهم تروح وتجي بس ليش ننظلم ولا ناخذ حقنا




الله يعين واسف على الموضوع والاطاله

[ذيب البطين]

ويقولون سعوده

والله ماذبحنا يالسعودين الا هالاجانب مثل المنشر طالعين ماكلين وداخلين ماكلين

الله يعينك ومالك الا مثل ماقالوا الاخوان توقف سياراتك قدام الوكاله وتقدم الشكوى عليها
وتنشرها في اليوتيب والمواقع الثانيه بثلاث لغات عربيه والمانيه وانجليزيه
ولاتنسى الجرايد لو تعرف لك احد فيها او شي راح يكتب معاناتك فيها

[ابا الأفلح]

اخوي غالي طاوعني واخذ العلم مني ما راح ينفعك الا انك تبلغ الشرطه صدقني + وزارة التجاره
سولك خطاب رسمي واكتب فيه الي صار بختصار خير الكلام ماقل ودل ورح لم الشرطه ولم وزاة التجاره وراجع وحط جوالك عندهم واترك عنك دبي والا الرياض وحاول بيميل انك تبلغ الوكاله الام انك ممكن تسكر الوكاله وهذا نظام وزارة التجاره خوفهم يعني والله معك

[تيتشر]

صوره مع التحيه للمسؤولين

وخصوصا وزير التجاره ,,, يلعن أم القهر وين النظام ووين حماية المستهلك

اهلكونا واجهدونا وعلى ابسط حقوقنا مو قادرين يحافظون عليها

حسبي الله ونعم الوكيل

[الرَحال]

حسبي الله عليهم , ولاتسكت عن حقك , وتواصل مع الشركة الام ,حسبي الله عليهم , الله لايوفقهم

[دل البحار]

أخوي اسمح لي انت غلطان المفروض ما تسلمه السياره ويقعد يقص عليك مره مقص ومره فحمات لا تفتكر انهم بشهادات مهنية همه جايين حقين فك وتركيب لكن في الجد ما عندك احد من أول اللبناني الين الباكستاني اللبناني اش تخصصه لو عنده اختصاص ما يكون بهل طريقه لكن هوه موظف بواسطه وكله البلد واسطات والتعليم المهني ما عندك احد والفلبينيين ترى ببلدهم ما يعرفون سيارات لعلمكم وسيلة النقل عندهم الدراجات الهوائيه اش له والسيارات من اصله همه دراجات وقطارات او باصات سياحيه لشركات الباكستاني ابو رفق لو يجيك برفسور هوه باكستاني ما يتغير ابو نسافه
المفروض من الال تاخذ التقرير معاك من الصيانه قبل اي اجراء يسويه ولو طلع اي ملاحظه ترجع له السياره رفض اتصل 999 وتاخذ حقك وانتا باشا وحاط رجل على رجل لاتفتكر الشغله ما احد بيرد لك حقك لان الشرطه بتعطيك حقك وتوقف اللبناني عند حده وبكذا تكون ادبته وما خسرت الي خسرت (- بعدين سالفة رمان ما اعتقد يبيلها وكاله بسيطه جدآ شغلتها كلها كبس اي مجمع متخصص للسيارات بيصلحها لك . تحياتي

[غالي]

اخواني وانا ابحث بالانترنت عن شكاوي العملاء عن سماكو قابلني هالموضوع الي كتب من عام 2003

وكما ذكر الكاتب قولهم (نحن ندفع الكثير مقابل القليل) !!!!!!

المفهوم من الكلام سياسة الشركه قد مايقدرون يحاولون تدفيع العميل


وهذا الرابط ارجوا قراءته


http://www.swalif.com/forum/showthread.php?p=1302127 (http://www.swalif.com/forum/showthread.php?p=1302127)


واسف اخواني المشرفين على وضع الرابط

لكن الرجال مر بظلم مثل الي شفته

[نفيد ونستفيد]

اخويييييييي والله ما خليهم الا لين نفسي تعذرني
انشب للبناني واتهمه رسمي
ومن له حيله يحتال
دخل السيارة عليهم مرة ثانية واذكر اي خراب ثاني واذكر الخراب الأول الصوت
ولا عاد تطلعها من عندهم ولا توقع على خروج السيارة لين يروح الصوت وخذ ضمان
وطالب ورى شكواك بتعويض مالي ونفسي الخ لا وصيك

[الملك ابوخرش]

والله العظيم كانك تشوف قبل اسبوعين مزين البورش في خريص في تهريب في الزيت قابلت واحد هندي كان كويس مره قلت ميده اللبناني الي في التحليه في احد فوقه ابي اشتكيه لايرد على على تحويلته واذا دخلت عليه يتكلم من طرف خشمه قالي في واحد الماني بيجي بعد شوي وقله انتضرته الين جا وقلت ميده قال ميدي انا مدير هذا الفرع ومالي صلاحيه عليه وزباين كثير تقولي بس انا مالي صلاحيه عليه بتجيني هنا وتصلح سيارتك ماعندك اي مشكله رحله وشف الفرق مهوب زي ذا اللبناني ..........الله يكرمكم لا رح شف الجفالي اردا واردا يعطيك موعد بعد شهر وانواع الصلخ بدون مايشتغلون لا ولكزس صيانة 50000 الف يقولك 3500وتقوله ليه يقول تغير زيوت مدري مغير زيت طياره وانا مدري الله يكون في العون بس صلح في الورش ارحملك والله يعينا....

[mr guzai]

اذا انت مظلوم ادع لن يكون اقوي من الله وجربت الدعاء والله ناجح خاصة اذا انت مظلوم

[جول قميري]

والله شي يحزن فعلا
بلد ما تقدر تاخذ حقك ابدا ابد؟؟؟ وملعوب علينا نلاقيها من وين والا وين
وش هالعيشة هذي

ما اقول الا الله يعينك وياخذ حقك من هاللبناني الخسيس
واللي عندنا وعارفين بالظلم وساكتين.

[ابو عبدالله1]

كلم وزارة التجارة الغش التجاري صدق ياخذون حقك لانهم يصكون على راعي السجل يعني لاسفر ولامعاملات ولاغيره الين يراجع الوزارة
وفيه سالفة حاصلة قبل كم شهر واحد غشوه في فكسار الظاهر وجت الشركة وعوضته المبلغ كامل

[غالي]

والله ياجماعه خلوني اكلمك بجد وواقع

لا شرطه ولا وزارة تجاره بتاخذ حقك ((والا كان انحلت مشاكل الشعب بالي شافوه من الوكالات ولا قاموا يراسلون الشركه الام))

تضييع وقت ودق مشاوير والبلا عارف منيب طالع بنتيجه


ويكفي قصة واحد من الزملاء بالمكتب كبير سن وعلاقاته ماليه البلد على قولتهم

راح لسوري في شارع العروبه حق اثاث وستاير

ويعلم الله على كلامه شراء ب120 الف اثاث بيته كامل

واخرتها ماجابوا له الا ربع الي شراه ويقولون له اعلى مافي خيرك اركبه

راح شرطه قالوا مالنا اختصاص

راح للأماره وواحد يقرب له كبير فيها بدون ذكر اسماء وارسلوا شرطي معه

يحلف ويقسم بالله وعلى ذمته عاد يقول يقولي انا والشرطي (انا مستثمر ) والباب وراكم ترا والفواتير بلوها واشربوا مويتها

يعني حتى الاماره مانفعت وحولوه للمحكمه بعد سنتين و3 شهور تقريبا حكموا انه يرجع فلوس زميلي قال ماعندي كاش ابد

قالوا تجيب الاثاث اجل ((والرجال اثث وخلص من محل غيره)) يعني تخسر

المهم جاب له اثاث يحلف زميلي يقول اثاث أخس اثاث وخياط الله بالخير والقماش الوان مااخترتها

يقول وخذتها وانا راسي للأسف بالارض مافيه حيله ولا احد يحمي حقك


المهم هذي قصه مامر عليها سنه تقريبا يوم يجيب اثاث الرجال

وتبوني اتشجع واروح اشتكي !!!!!!!!!!!!


مااقول الا الله يخلف علينا

ولازم نحذر منهم وندعي عليهم وربي فوق الظالم

وبعون الله تعالى لو مسمار منيب شاري منهم ابشتري فحمات والقطع من برا السعوديه البحرين او قطر لانهم الاقرب خصوصا نسيبي بالشرقيه ويجي للرياض ويروح للبحرين لو انحديت اوصيه اي شيء احتاجه لو مقدرت اروح ومو مقصر ان شاء الله

اذا الله عطانا عمر بعون الله خل السبع الاف وشوي تنفعهم

اذا كانت الفحمات الاماميه فقط ب1500 غير شغل اليد + الهوبات الواحد ب900 ريال + البطاريه ب1300 تقريبا غير شغل اليد + الزيت الله يخلي لنا الورش الكبيره + غير لو احتجت اي قطعه لاسمح الله

لو بتحسبونها سنه الي اشتري منهم بتطق فوق 7000 بالراحه

وانصرافي عنهم اخذ حقي واحرمهم من فلوسي الله حسيبهم ويزلزلهم

تروح برا الديره ولا ياخذونها هالحراميه والله يعين


وحبيت اشكر كل من شارك ونصح واستشار ووقف معي بيض الله وجيهكم وكثر الله من امثالكم والله ينصركم على الظالم يارب العالمين

ويوريني فيهم عجائب قدرته سبحانه يارب

[ذيب الداهية]

والله قلوبنا محترقة عشانك
يا رجال رح أشتك وترك عنا سواليف المكاتب
أشتكهم بشرطة
أن لقحة ولا ماضرها .

[جبلاوي]

امس رحت لساماكو فرع جده واتكلمت مع مسؤول الصيانة عن عزم السيارة وابغاهم يجربوها
مع انها وارد امريكا

طلعوا جربوا السيارة وقالوا مافيها الا العافية لكن قالوا افضل اني اغير برنامج الكومبيوتر كاملا الا البرنامج الخاص بالسعودية

سالتهم بكم قالوا 2500 قلت في نفسي تحلموا والله

المهم سووا خصم الى الف ريال وبرضه مني مسويها الين ما احتاجهم صدق

وبالنسبة للقطع والصيانة الله يخلي الشركات الامريكية تلاقي فيها من الاصلي مرورا بالقطع المماثلة لجودة الاصلى الى التقليد المضمون وباسعار زهيدة جدا بالاضافة الى سيدي طريقة اصلاح او تغيير اي قطعة في السيارة

[fares2011]

شف لآ شرطه بتنفعك وأول مابيردووون مو تخصصنا
ولآلآلآلآلآ تجارة بتنصفك سملق بمعنى الكلمة
ولآلآلآلآ حماية مستهلك بترد عليك لأنهم جالسين
يخططووون لسلم روآآآتب جديد لهم علهم لآ يتهنووون فيه
ووو كل اللي سبق جربتهم مع وكالة برجستون الطلائع
ولآ نفع معهم شيء
لماذا لأني أنا واياك سعودي مغلوووب على أمرنا
فاكتب في النت وفضفض شوي عن نفسك
ومصيرك تنسى وعسى يارب ما تآخذ غيرها
من قهر وغبن !!
ولآ تحزن أنت سعودي في السعودية
لأن صاحبك اللبناني بديرته مايشغلووه سباك

[بدوي جنوبي]

نكتفى بهذا القدر من الردود

يغلق الموضوع