يااخوان كيف اعرف ان ممشى السيارة حقيقي ام لاتعرفون عمايل اهل الطمع الاعمى مايفرق عنده

[الربذي]

السلام عليكم

اخواني

كيف اعرف ان ممشى السيارة حقيقي ام ان العداد قد تم التلاعب فيه
هل هناك فحص يثبت الممشى الحقيقي وهل كفاءة المكينه بنسبه كذا وكذا يدل على الممشى
لقيت سيارة ماشيه 150 الف وموديلها 2003 وصراحه ودي اعرف هل ممشاها حقيقي لان خوياتها بالسوق ممشاهن 280فما فوق

فاياليت انتبادل الخبرات من هذا الجانب الذي كثر به الغش والتدليس على المسلمين واكل اموالهم بالباطل
ونسمع الكثير عن القصص واكتشاف ان الممشى غير حقيقي

مثال واحد عن طريق اوراق السيارة لدى الصيانه اكتشف انها جات للفحص عند 53 الف وهو مشتريها وممشاها فقط 32الف

اخر سيارته باعها وهي ماشيه 460الف وجدها مرجعه الى 260

جاري باع سيارته وهي ماشيه 14الف فقط ولقى الي اشتراها منه مرجعها الى 4الاف فقط
اخر مرجعها من 470الف الى 180الف

اتسائل هل هناك طريقه للكشف عن هذا التلاعب والغش

[فهد 333]

بالنسبه أنك تحصل سياره موديلها 2003 وماشيه 150 الف والثانيه ماشيه اكثر او اقل شي طبيعي يمكن السياره مخزنه
لكن التلاعب وارد وموجود واللي ميخافون الله كثير
بالنسبه للمعرفه الحقيقيه لممشاء السياره يقولون وكالتها تعرف لكن انا ماجربت بس سمعت هاللاكلام
وبالتوفيق

[الربذي]

بالنسبه أنك تحصل سياره موديلها 2003 وماشيه 150 الف والثانيه ماشيه اكثر او اقل شي طبيعي يمكن السياره مخزنه
لكن التلاعب وارد وموجود واللي ميخافون الله كثير
بالنسبه للمعرفه الحقيقيه لممشاء السياره يقولون وكالتها تعرف لكن انا ماجربت بس سمعت هاللاكلام
وبالتوفيق
ياهلا بك اخي فهد اشكرك لتفضلك بالتعليق مشكور اخوي

[abo_hoor]

حياك الله اخوي الربذي
والله انا ماقدر اقولك ان يكون ممشى حقيقي
بس فيه سيارات عندنا بالكويت تحصلها موديل مثلا 2003 او اي موديل وممشي قليل ممكن تحصلها سيارة كانت عند
وحده وهي من بيت للدوام وفيه ناس مايرحون كثير يعنيمن بيت للدوام او عنده سياره ثانيه من دوام وهذا ترا حاصل جدااا
بس عاد لازم نفرق ان فيه ناس تغش يعني ناخذ الحطيه منهم الله لايكثر من امثالهم
تقبل تحياتي لك اخوك ابو حور

[الربذي]

حياك الله اخوي الربذي
والله انا ماقدر اقولك ان يكون ممشى حقيقي
بس فيه سيارات عندنا بالكويت تحصلها موديل مثلا 2003 او اي موديل وممشي قليل ممكن تحصلها سيارة كانت عند
وحده وهي من بيت للدوام وفيه ناس مايرحون كثير يعنيمن بيت للدوام او عنده سياره ثانيه من دوام وهذا ترا حاصل جدااا
بس عاد لازم نفرق ان فيه ناس تغش يعني ناخذ الحطيه منهم الله لايكثر من امثالهم
تقبل تحياتي لك اخوك ابو حور
صدقت اخوي ابو حور كلامك عين الصواب جزاك الله خيرا لمرورك الكريم
وياهلا باهل الكويت.

[shabrsh]

هلا اخوي يالله حيه

فعلا موضوع مهم ولازم نتناقش فيه

بس الاسف ما فيه حل ولاكن بعض الشباب يقوول رح لم الوكالة وهي تعرف الممشى

والله اعلم .
ولد عمي باع لكزس ماشي حدود 300 الف بعد فترة

لقها بمعارض الرياض مرجعه الي 135 الو 153 الف

فعلا موضوع يقهر

[بني ظبيان707]

اسمع كلامي واسفط اقرب كهربائي محترم يعرف بالمواتر
وهو يعرف تراها سالفه ما تحتاج كلام انا اشهد انهم خبره هههههه

[مؤشرات]

أخي الربذي تختلف أنواع السيارات التي يمكن الشك بالتلاعب بالكيلو
هناك أنواع من السيارات تستبعد أن تكون ممشاها غير حقيقي ,ويوجد أنواع يجب عليك أن تتأكد من ممشاها هل هو حقيقي أم لا
إما عن طريق التشييك بالوكالة والنظر الى تاريخ التشييك
أوعن طريق شخص يعرف للسيارات.

[سحاب1]

الشريطيه اللي ما يخافون الله ما تركو شي حسبنا الله ..
ومن نا حية سيارة قديمه المديل ممشاها اقل من بعض السيارات الاحدث ممكن ..
لان البعض لا يسافر عليها ومشاويره قليله او مخزنها..

بالتوفيق اخوي..

[س6ك7ب]

السلام عليكم ورحمة الله وبركاته
حيا الله أخواني المكشاتية
أعتقد حقيقة الممشى تتبين من موديل السيارة وفحصها
والكشف على طابلون السيارة والنظر في مسامير الطابلون هل هي مخدوشة أو جديدة يعني فكت بالمفك قبل كذا ولا لا
هذا اجتهادي والمعذرة على القصور
وحسبي الله على من غشنا
يقول رسولنا محمد صلى الله عليه وسلم ( من غشنا فليس منا )

[You Like Me]

وعليكم السلام والرحمه

المشكلة يا اخ س6ك7ب مو شرط تكون المسامير مخدوشة
يعني لازم يكون فك الطبلون لتعديل الممشى ... إحتمال يكون فاك الطبلون لسبب آخر
خصوصاً ان التعديل على اغلب السيارات من مديلات معينه يتم ترجيع الكيلو
عن طريق جهاز يوصل في كمبيوتر السياره
يعني بدون فك طبلون .

واحد من الشباب باع هايلكس مديل 2004 ماشي 400 الف وزود
بعد اسبوعين حصله في معارض الشفا يقول الموتر مو غريب بس متغير
الشريطي عديم الذمة والضمير لمع السياره وغير شمعات ولوحات جديده
حيث كانت لوحاته قديمة ام ثلاثه ارقام ورجع الكيلو إلى 135 الف
يقول جيت للرجال مو هو خويي اللي بعته السياره
يقول من زين فيه بغيت اشترية :D
بس تذكرت في سيارتي ضربة في الشاص وهو خابرها وخابر مكانها
يقول والله يوم نزلت تحت وطليت الا هذي ضربتي موجوده
سأل اللي في السياره قال هذي سيارتك قال لا والله سياره شايب لنا
ومريض من سنين ما حركها ويبي يبيعها وطلب مني انزلها السوق
يقول خوينا لقيت الناس مجتمعه عليه
وفضحت فيه قدام الناس وخليت اللي ما يشتري يتفرج عليه

وهذا شي من لا شي من اللي يحصل بالتلاعب في السيارات
يعني استغفر الله يرضى ياكل هو وعياله حرام بس مايرضى بالخساره
او الربح القليل الله المستعان

اخوي الربذي
موضوعك جداً مهم
ويليت الاخوان اللي قدرو يتوصلون لحل
لهذه المشكلة يفيدونا مشكورين
وريحونا من معدومي الذمة والضمير

[أبو نـآيف]

مستحيل لا الوكاله ولاا الكهربائي يقدر يكشف لك هل مفصول او مرجع

الي يكشف لك دفتر التشييكات على السياره وغيره اطلب الله

[الربذي]

هلا اخوي يالله حيه



فعلا موضوع مهم ولازم نتناقش فيه


بس الاسف ما فيه حل ولاكن بعض الشباب يقوول رح لم الوكالة وهي تعرف الممشى


والله اعلم .
ولد عمي باع لكزس ماشي حدود 300 الف بعد فترة


لقها بمعارض الرياض مرجعه الي 135 الو 153 الف



فعلا موضوع يقهر

ياهلا ومسهلا اخويshabrsh صدقت كيد الشريطيه صاغر عن صاغر يتوارثون الغش من زماااان !!!!!!!!!!!! واحد اعرفه تمام المعرفه وانسان صدوق ولانزكي على الله سبحانه احد
يقول عام 1397او1398 بهالحواري طقيت سيارة جديدة ومشيت عليها حتى مليت يقول مشيت عليها 14الف كم وتعتبر بذاك الحين ممشى ماهو سهل بعتها على واحد كان عيني تشوفه انسان لحيته تغطي صدره وقعدت ادور سياره بعد كم يوم الا هالكسياره مثل سيارتي سلمت عليه الا هذا خويي عرفته وهو ماعرفني يقعد يمدح بالسيارة وانها مامشت الا 4الاف فقط لا ياالنصاب قلت خلاص ابي اشوف الاستماره انا يمكن اشتري السياره ويطلعها لي من الدرج الا هذا اسمي الرباعي قلت له تعرفني قال هاه يوم تغير وجهه قلت انا صاحب السياره الي بعتها عليك ماشيه 14الف والحين ماشيه 4الاف فقط يقول وينقلب الوديع الى وحش ويرفع صوته انت لاعاب ماانت شراي قلت انت الاعب انت الغشاش تستغل دين الله والحيه الي واصله سرك لغش المسلمين يالي ماتستحي تاكل الحرام اقولها بصوت مرتفع يقول وينظر في ويمشي بسرعه يبي الفكه فغشهم قديم حسبي الله عليهم

[google-999-]

مستحيييييييييييييييل احد يعرف

[alimuhammed]

ممشى السيارة ما يفرق شيء
و خاصة على هالسيارات الجديدة اللي تمشي 400 الف و فوقها وهي حالتها ولا اروع

المهم الممشى المعقول كل سنة 30 الف

و على فكرة 30 الف جور تكفي لهلاك السيارة

و انا عندي 150 الف ممشى عادي و عقل افضل من 30 ممشى استهبال و مقاومات ونحوها

فأهم شيء انك تفحص السيارة من محركات و بدي و شاصي و نظام تعليق اذا لاحظت عليها مشاكل فتركها ولو ممشاها قليل

اما سيارة ماشية كثير و تجدها مليانه فهذه السيارة التي ستريحك

الممشى لا تعتبر به فربما يكون منقص الطبلون او مغيره او السيارة كانت تعاني طول سنواتها من الخرابات فمن حين ما طلعت من الوكالة وهي من ورشة لورشة
فالبركة في الدابة المباركة و السيارة تعتبر دابة

و في الحدث عن رسول الله صلى الله عليه وسلم قال: (ان اليهود كانت تقول ان كان لابد فالشؤم من ثلاث البيت والدابه والزوجه).

[الربذي]

اسمع كلامي واسفط اقرب كهربائي محترم يعرف بالمواتر


وهو يعرف تراها سالفه ما تحتاج كلام انا اشهد انهم خبره هههههه

بني ظبيان هل فعلا جربت ولا سمعت احد جرب

[معدات ثقيلة]

السلام عليكم

من غير المعقول ان تجد دعسات البنزبن و الفرامل مستهلكة او ممسوحة جزئيآ
و السيارة جديدة و مشيها قليل

و نفس الشي ايضآ على المقود و القير .. خصوصآ القير العادي يكون واضح
كثر الأستخدام على جلدة القير و مع الزمن والأستخدام تكون ملساء

و اكثر التلاعب في المشي يكون على السيارات الجديدة لأنة يفرق كثير في سعرها

فلا يعقل ان السيارة ماشية 10 الاف فقط و كفراتها ممسوحة !!!
او فلاترها مستهلكة او فحمات الفرامل منتهية !!!

و ايضآ كثر الجلوس و الأستخدام يبان على المقاعد و صعب اخفائة

و كل ما قدمت السيارة و زاد مشيها كان اكتشاف التلاعب اصعب

و الله يكفينا وياكم شر المتلاعبين و الغشاشين .

[الربذي]

السلام عليكم

من غير المعقول ان تجد دعسات البنزبن و الفرامل مستهلكة او ممسوحة جزئيآ
و السيارة جديدة و مشيها قليل

و نفس الشي ايضآ على المقود و القير .. خصوصآ القير العادي يكون واضح
كثر الأستخدام على جلدة القير و مع الزمن والأستخدام تكون ملساء

و اكثر التلاعب في المشي يكون على السيارات الجديدة لأنة يفرق كثير في سعرها

فلا يعقل ان السيارة ماشية 10 الاف فقط و كفراتها ممسوحة !!!
او فلاترها مستهلكة او فحمات الفرامل منتهية !!!

و ايضآ كثر الجلوس و الأستخدام يبان على المقاعد و صعب اخفائة

و كل ما قدمت السيارة و زاد مشيها كان اكتشاف التلاعب اصعب

و الله يكفينا وياكم شر المتلاعبين و الغشاشين .


,وعليكم السلام يامعدات ثقيله اشكرك اخوي وهذي اول مشاركه لك صارت في موضوعي مقدرك لك وياهلا بك اخ عزيز
كلامك عين الصواب

[wafi5665]

ممشى السيارة ما يفرق شيء
و خاصة على هالسيارات الجديدة اللي تمشي 400 الف و فوقها وهي حالتها ولا اروع

المهم الممشى المعقول كل سنة 30 الف

و على فكرة 30 الف جور تكفي لهلاك السيارة

و انا عندي 150 الف ممشى عادي و عقل افضل من 30 ممشى استهبال و مقاومات ونحوها

فأهم شيء انك تفحص السيارة من محركات و بدي و شاصي و نظام تعليق اذا لاحظت عليها مشاكل فتركها ولو ممشاها قليل

اما سيارة ماشية كثير و تجدها مليانه فهذه السيارة التي ستريحك

الممشى لا تعتبر به فربما يكون منقص الطبلون او مغيره او السيارة كانت تعاني طول سنواتها من الخرابات فمن حين ما طلعت من الوكالة وهي من ورشة لورشة
فالبركة في الدابة المباركة و السيارة تعتبر دابة

و في الحدث عن رسول الله صلى الله عليه وسلم قال: (ان اليهود كانت تقول ان كان لابد فالشؤم من ثلاث البيت والدابه والزوجه).
اوافق هذا الرأي...واضيف عليه الأستخاره...وعسى ربي يبارك

[سهيل رفحاء]

عندي لك طريقه سهله اول شي تفتح الكبوت وتلقي مربع صغيره به

فيوزات اعتقد اسمه ضفيره شيك عليه اذا لقيت سلك احمر ملعوب فيه

تراه فاصل عداد السرعه



والطريقه الثانيه فيوز تحت السياره عند القير بعد شيك عليه


واذا فيه طريقه ثانيه مادري عنها وان شاء الله الاخوان ميقصرون






اخوك سهيل رفحاء

[الربذي]

أخي الربذي تختلف أنواع السيارات التي يمكن الشك بالتلاعب بالكيلو

هناك أنواع من السيارات تستبعد أن تكون ممشاها غير حقيقي ,ويوجد أنواع يجب عليك أن تتأكد من ممشاها هل هو حقيقي أم لا
إما عن طريق التشييك بالوكالة والنظر الى تاريخ التشييك
أوعن طريق شخص يعرف للسيارات.

بس البعض يطلعها جديدة ويزور الوكاله على الف كم وبعدها مايجي للوكاله

[الربذي]

الشريطيه اللي ما يخافون الله ما تركو شي حسبنا الله ..
ومن نا حية سيارة قديمه المديل ممشاها اقل من بعض السيارات الاحدث ممكن ..
لان البعض لا يسافر عليها ومشاويره قليله او مخزنها..

بالتوفيق اخوي..
اخوي انا سالته هل هي معه من الوكاله قال لا مشتريها من واحد له معه سنه ونصف
انا اثق بالكثير الا الشريطيه فهم لايرون الا المكسب بل هناك ذمه عند 1من مائة الف
شريطي يقول نشتري سياره ونكتشف انا غشينا فيها وش نسوي نكتم هذا العيب ونبيعها براس مالها
الا يعد ذلك غش محرم يقول لو علمناه بارت بيدينا ولا خسرنا فيها ؟؟؟؟؟؟؟؟؟؟!!!!!!!!!!

[مجرد وسم]

ترا تحصل سيارات ممشاها قليل

انا اخبر لى ددسن موديل 2001 ماشيه 58 الف مع شايب من البيت للاستراحة ولاهو راعى روحات وجايات



بس بعضهم مايخاف الله يلعب بالطبلون لعب واولهم الوكالات اللى تبيع السيارات مستعملة

[أبوالمثنى]

حسبي الله على الي يكذب على الناس

يالربع تكفون القوا لنا حل

[الجني العبد]

ياااكثرهم بعد ،، واحد ييقول شايف شاص 2010 بطريق الدمام سافط الــ 200
يوم سقط عليه لقى العداد مايتحرك ..
وهالشريطي يروح يبيعها بالمعرض ويقول مامشب 15 كيلو

[صاحب الكشتات]

اتوقع فيه اشياء تدل على الممشى القليل من ناحية نظافة السيارة من الداخل بمعنى لمعان الجدية وليس التلميع ومن داخل الكبوت وبالذات الاشياء الرصاصية مثل العازل الحراري الي خلف الماكينة والنيكل ايضا ولكن لابد من الخبرة والفراسة في ذلك اتمنى للجميع التوفيق

[الربذي]

السلام عليكم ورحمة الله وبركاته
حيا الله أخواني المكشاتية
أعتقد حقيقة الممشى تتبين من موديل السيارة وفحصها
والكشف على طابلون السيارة والنظر في مسامير الطابلون هل هي مخدوشة أو جديدة يعني فكت بالمفك قبل كذا ولا لا
هذا اجتهادي والمعذرة على القصور
وحسبي الله على من غشنا
يقول رسولنا محمد صلى الله عليه وسلم ( من غشنا فليس منا )
وعليكم السلام
صدقت اخوي
اللهم صلي وسلم على سيدنا محمد

[النبع الصافي]

اللهم صل وسلم على نبينا محمد
والغش بكل محل بس توقع وأنا أخوك هاليومين أنتبه من اللي غشك لا يضربك ولا يهوش عليك ويقول اسكت

[أطلال نجد]

أتذكر سنة من السنوات أبن عم لي كان معه هايلكس جديد 1997 على وقته

نزلت أنا وياه معارض الشفا بالرياض وبعناه وكان ماشي وقتها 25 ألف أتذكرها زين

المهم بعناه على راعي معرض معروف !

بعد كم يوم دخلنا المعرض نفسه ندور سياره لنفس الرجل بس صغيرة كامري أو كرسيدا

ولقينا سيارتنا الهايلكس صافطة في آخر المعرض وعداده 12 ألف !!!!

وعليه ورقة مكتوب فيها سعر خيالي ! تقريباً قيمة جديد !!

---------------------------------------------------------------------

أفضل حل هو السؤال والشراء من الثقات المعروفين والفحص عند المراكز الحديثة المعروفة ولكن

أشرط عليهم يعلمونك كم ممشى السيارة الحقيقي قبل الفحص

وكم هي نسبة استهلاك الوقود وقوة المحرك قبل وبعد الاستعمال

كل هذا يبين بالجهاز ويعطيك عليها برنت مفصل , على هالأساس يبين عندهم

إلى حد كبير إذا السيارة ماشية كثير أو لا .

تحياتي

[ذيب البطين]

في المحلات الي بالشفا بالرياض عند المعارض اتوقع هم الي يرجعون العدادت
لو تروح تسئله عن السيارات الي رجعوها ازين
لاني قد سمعت واحد من الشباب بدوام معي يقول هم يرجعونها

[أطلال نجد]

أحب أضيف

تأكد من ملمس مقود السيارة والمراتب خصوصاً مرتبة السائق

أيضاً ملمس مسكة عصا القير وفرش السيارة والدواسات ( البنزين / الفرامل / الجلنط ) أحيان تكون ممسوحة , والكفرات وقوة إضاءة السيارة الداخلية والخارجية

ترى السيارة اللي ماشية أكثر من ممشاها الحقيقي يبين عليها بمجرد النظر لهذه الأمور البسيطة .

[الصقر الحربي]

واحد من اخوياي قبل شهر تقريبا شرا له كامري 2002 ماشيه 93الف
والحقيقة السيارة من يوم تنظر فيها أو تركبها تقول ماشيه 400 الف من القربعه اللي فيها
هذه واضح إن فيها تلاعب بالممشى
أما في سيارات 2003-2002 تلقى ممشاها 160إلى170الف يكون واضح فيها من مركبها ونظافتها

[عبدالرحمن1980]

شف ياخوك مالك الاتشتري مستعمل امريكي وامرك لله وحسبي الله على من يلعب على الناس

[ن م ر]

السيارة اللي عدد ملاكها كثير انحش عنها حتى لو موديلها جديد
سيارات لكزس من موديل 2004 وجاي تقدر تطلع المشي الحقيقي لها وهذا أكده لي أكثر من شخص
ناظر في أسفل السيارة وشف التهريبات والجلد اذا هي منتهيه تدل على استهلاك شديد للسيارة
تأكد من كراسي المكينة والقير لا تكون مفكوكه وهذي طريقة جديدة للتلاعب
مثلا : شخص يشتري جيب 2011 ويفك مكينته ويركبها على سيارته الـ 2009 والقديمه يركبها على الـ 2011 ومحد يكتشف هالشي بسهولة
ويبيعه ما نقص من قيمته الا 1000 أو 2000 ويكون معه مكينة جديدة في موتره بأقل الخسائر
أيضاً لو بغيت تشتري سيارة من الوكالة لازم تشيك عليها لا يكون فيها رش وسمكره
كثير من الناس اشتروا سيارات جديدة من الوكالة واكتشفوا فيها رش


أساليب الغش والخداع كثيرة
ولكن ما نقول الا حسبنا الله ونعم الوكيل

[قطب 999]

اذا لك معرفه في الفحص الدوري لانهم يسجلون الكيلو عند كل فحص

[ثورة الشك]

هل تصدق بان الشريطيه اكثر ذكاء تبي تعرف انااقولك

الجيب اذا ماشي 40الف مثلا جي اكس ار 2007لجله مرغوب اول شي يغيرون الشكمان كامل من المكينه لان لونه يتغيرمع الاستعمال

يقيرالكفرات طقم الوكاله يبدل اويصفرالعداد تقبيره ولصقات بيضاء مثل اللي تجي على السيارات الجددمن عند

محلات الزينه ويبيعه انه مخزن لم يستخدم ب180الف

ايش رايك

[بني ظبيان707]

بني ظبيان هل فعلا جربت ولا سمعت احد جرب


ايه مجرب بسياره اللنتار 2010 :redcar: ماشيه 30 الف:D ورحت اقرب كهربائي بعد مارسلوني عليه شباب عطاهم العافيه:p
كله ماغير يفك الطبلون ويشوف اسلاك الفيوز وشي ثاني واذا خبير بيعرف اذا تغير فيها شي لانه مثل مسامير الجوال لا انلعب فيه يبان
واي خدمه تحت امرك:good2:
:BUTT1:
:BUTT1:

[الربذي]

وعليكم السلام والرحمه



المشكلة يا اخ س6ك7ب مو شرط تكون المسامير مخدوشة
يعني لازم يكون فك الطبلون لتعديل الممشى ... إحتمال يكون فاك الطبلون لسبب آخر
خصوصاً ان التعديل على اغلب السيارات من مديلات معينه يتم ترجيع الكيلو
عن طريق جهاز يوصل في كمبيوتر السياره
يعني بدون فك طبلون .


واحد من الشباب باع هايلكس مديل 2004 ماشي 400 الف وزود
بعد اسبوعين حصله في معارض الشفا يقول الموتر مو غريب بس متغير
الشريطي عديم الذمة والضمير لمع السياره وغير شمعات ولوحات جديده
حيث كانت لوحاته قديمة ام ثلاثه ارقام ورجع الكيلو إلى 135 الف
يقول جيت للرجال مو هو خويي اللي بعته السياره
يقول من زين فيه بغيت اشترية :D
بس تذكرت في سيارتي ضربة في الشاص وهو خابرها وخابر مكانها
يقول والله يوم نزلت تحت وطليت الا هذي ضربتي موجوده
سأل اللي في السياره قال هذي سيارتك قال لا والله سياره شايب لنا
ومريض من سنين ما حركها ويبي يبيعها وطلب مني انزلها السوق
يقول خوينا لقيت الناس مجتمعه عليه
وفضحت فيه قدام الناس وخليت اللي ما يشتري يتفرج عليه


وهذا شي من لا شي من اللي يحصل بالتلاعب في السيارات
يعني استغفر الله يرضى ياكل هو وعياله حرام بس مايرضى بالخساره
او الربح القليل الله المستعان


اخوي الربذي
موضوعك جداً مهم
ويليت الاخوان اللي قدرو يتوصلون لحل
لهذه المشكلة يفيدونا مشكورين

وريحونا من معدومي الذمة والضمير

اذاتعرف الممشى الحقيقي احسن
يعني ودي اشتري سياره ممشها الحقيقي 300الف ولا اشتري سيارها ممشاها 250الف ومرجعه 200الف

[Abu Mryea]

الموضوع صراحة في الصميم

أنا أعرف ناس واجد ماهو شرط أنهم شريطية

بعضهم مستخدم .. وهو اللي مطلع السيارة من الوكالة

ولكن يفصلون العداد علشان يشمله الضمان

وبعضهم يجيب سيارات من أمريكا وقبل أي شئ ينقص العداد

وبعض السيارات والله لو هو أكبر شريطي ... مايعرف أنه منقص العداد من نظافة بعض

السيارات اللي تجي من أمريكا


أنا جبت جمس من أمريكا 2005 حوض

ومعروض في المنتدى

قالوا لي نقص العداد علشان ينباع ... يعني لازم يجرون الناس معهم على طريقهم


لكن بالنسبة للسيارات الأمريكية ( نصيحة لوجه الله ) :

اللي يبي يشتري سيارة استخدام أمريكي ... ويبي راحة البال

لابد يستفسر عنها برقم الشاصي عن طريق موقع ( الكارفاكس ) و موقع ( الأوتوتشك )

لأن الكثير من السيارات وخصوصا اللي تجي من أمريكا منصين عدادها

حتى بعض الصالات المعرفة صارت عندهم هاذي الطريقة

حسبنا الله ونعم الوكيل

[أطلال نجد]

موقع الكار فكس لهم بالمرصاد

المشكلة في العرب اللي هنا واللي هناك وإلا الأمريكان ما يسوونها أبد

وتعتبر جريمة عظيمة عندهم يُحاسب عليها القانون الله يخلف علينا :(