للبيع قطـع عشره دفرنسين مصفــح بالرياض (يصلح مشروع تجديد)

[أبو راكان101]

http://www.mekshat.com/vb/%3Ca%20href=http://arb-up.com/qm5rr2ejhh4x/DSC00678.JPG.html%20target=_blank%3Ehttp://files03.arb-up.com/i/00316/qm5rr2ejhh4x_t.jpg


السلام عليكم ورحمة الله وبركـاته
جمـــس حوض قطــع عشرهـ اللون كحلــي 87 الاستماره سارية المفعووول
ــــــــــــــــــــــــــــــــــــــــــــــــــ ـــــــــــ
للي يرغـــب في تضبيطـــــه او ترهيمـــــه
لأن هالسيارات (القطع عشرهـ) خفيفه عالتعديلات وتضبيطاتها غير مكلفــــه خصوصاً وقت المكاشيت قريب يدخــل او دخــل
قطع غيارهااا رخيصه جداً ومتوفـرهـ واللي يبي اي قطع من برى برضو نساعده بإعطائه المواقع او ندله على واحد من الشباب هذا شغلته قطع غيار جموس ونيتات كلاسيكيــه
قبل اسبوعين نفضت السيارهـ ميكانيكياا التهريبات الصووف وكرسي المكيــنه تم تغييرهـ
وغيـر الرمانات (المانيه أجود من الوكاله) والفحمات والقماشات وليات الفرامل كانت ناشفه بس مافيها شيء وتم تغييرها السست الأمامي الأيمن والأيسر تم تغييرهـ جديد
وسوى اصلاح للدودهـ بالمخرطـه (كان فيها تهريب بسيط) السيارهـ مكينتها 350 صوتها ناعم جداً مشاء الله فيها نص عمر يعني بتعطيك سنه قدام تروح وتجي
ــــــــــــــــــــــــــــــــــــــــــــــــــ ــــــــــــــــــــ
القيـر حديد 3 تغييرات الدبــل حديد شغال << اقول حديد << لأن اللي بالسوق اغلبه المنيووم يطق اذا احتـــر
الشـــــــــــاص خالي من (كسور او ضربات او ميلان)
ــــــــــــــــــــــــــــــــــــــــــــــــــ ـــــــــــــــــــــ
السياره مبدئيا شكلها مقبول طبعا يبي لها كفرات وهذا شيء ضروري وجنوط لأن صاحبها السابق ماخذ كفراتها وجنوطها
طبعا الجنوط 8 مسامير وعارضها للبيع
ــــــــــــــــــــــــــــــــــــــــــــــــــ ــــــــــــــــــــــــ
يبي لها بويه يبي لها ترتيب من الداخــــل بيكلف 1400 ريال عند متخصص جموووس ولايشيل هم راح ادله على كل شيء
وباقي لها مساعدات فقط ويطلع الموتر << جاهزز للبــر
ــــــــــــــــــــــــــــــــــــــــــــــــــ ـــــــــــــــــــــــ
شباب اتوقع الصوره ماتبي تطلـــع الصامل يعطيني ايميله عالخاص واسف ماعندي الا صوره وحده بس انشاء الله تفي بالغرض
والا يكتب رقم جواله وانا ادز له الصووورهـ
ــــــــــــــــــــــــــــــــــــــــــــــــــ ـــــــــــــــــــــ
*السياره سيمت سومات كثيره بس اغلب اللي يسوم يبي سياره يعشق ويطلع للبـر مايبي يشتغـل بالموترخاصه السيارات الكلاسيكيه هذي لابد تحظى بإهتمام و قيمته في متناول اليد للي بيمخمخ على السياره *

تـــــــم بـــــيـــــع السيارة .. بارك الله للمشتري والبائع

[برق القصيم]

هلا بك اخوي راكان
والله يرزقك البيعه الطيبه
هل المحركات والدفرنشات مابهن تهريب

[أبو راكان101]

تم اصلااااااااااااااااح السياره من جميع التهريبااات قبل شهررررررر تقريبا بقطــع اصليـــه وربلات اصليه
والفواتيـر موجووده للي يبي يطلـع
اسف شباب مشاركاتي لاتتيح لي الرد على الخاص ارجو منكم الإتصال على الرقم او وضع جميع استفساراتك بالخااص والإيميل لكي اتمكن من الرد عليكم

[برق القصيم]

لك رساله على الخاص يابوراكان

[أبو راكان101]

برق القصيم تم الرد على رسالتك

تحياتي لك

[رحال شمال]

اخ ابو ركان هو هذا الجمس والا غير الي عارضه العضو ابو خطاب . انا لي نظر بالموتر بس القيمة على الاظافات التي ذكرت مرتفعه وانا اخوك وانا والله ادور قطع عشره الشكل ذا بس هذا يحتاج واجد . عمود الدبل فيه والا لا وكيف الدفرسات . والله يرزقك البيعة الطيبة .



http://www.mekshat.com/pix/upload04/images185/mk125954_66867250b2.jpg

[أبو راكان101]

هلا فيك اخووي رحال الشمااال صحيح هذا الموتــر اللي سبق وعرضه الأخ ابو خطااب
الله يجزاهـ خيـر حاولت انزل الصوره ماقدرت
والسعر انا اقول انه معقوول وارسل لي سومتك عالخاص انسام الموتر الى الأن بـ 10500
طبعا سومه جاتني على الخااص بـ 10 الاف وعن طريق مكالمـه بـ 10500

[رحال شمال]

وانا اخوك ما سوينا شي عشان الى له رغبه ممكن يجد صوره .

ما قدرت اسجل بموقع نادي الجمس . مهو راضي معي . وما قدرت استفسر .

عندي استفسار بسيط :

كيف الدبل وعمود الدبل + الدفرنسات + ( سبب التغير الى 8 مسامير ) وهل الدفرنسات القديمه موجوده ؟

[أبو راكان101]

*هلا فيك اخووي رحال الشمال بخصوص التسجيل كان النادي << في حالة تطويــر واتوقع ان الوضع الآن استقــر بإذن الله
*الدبـل على كلام راعيـه اللي قبلــي انه شغااال وعمود الدبـل ماكن من ضمن البيعــه مااقدر احكم واقول لك عن الدبــل الا بوجود عمود دبـل واسف لوجود اشياء اساسيـه بالموتر كنت اصلحها باقي ماوصلت لتضبيط الدبـل والتشييك عليــه
طبعا التغييــر إلى 8 مساميـر << برضوو من البائع السابق << وهــي من ضمـن المقومات اللي خلتنـي اتمسـك بالموتـر شووي واشريـه صحيح بيثقل عالموتـر شيء بسيط بس بيكون اجود من 6 مساميـر يتحمل اي ضغط زايد او جوور على الموتـر ( يتحمل اقوى من 6 مسامير)
*لا والله اسف الدفرنسات القديمه غير موجودهـ .

[ابو خطاب]

وانا اخوك ما سوينا شي عشان الى له رغبه ممكن يجد صوره .

ما قدرت اسجل بموقع نادي الجمس . مهو راضي معي . وما قدرت استفسر .

عندي استفسار بسيط :

كيف الدبل وعمود الدبل + الدفرنسات + ( سبب التغير الى 8 مسامير ) وهل الدفرنسات القديمه موجوده ؟

السلام عليكم . . فزعه :
للتوضيح الكارونه 12 مسمار للي تجي على دفرنس 8 مسامير اقوى تحمل وتكد وتمد اكثر من الكارونة 10 مسامير اللي تجي في دفرنس 6 مسمامير . . ويمكن تغيير العكس فقط من 8 مسامير الى 6 مسامير او من 6 الى 8 . . حسب الجنوط المتوفرة. دون ان يؤثر هذا على حجم الدفرنس.
نسبة تحويل الكارونة لهذه السيارة العزم للكارونة 13\41 = 3.15
طبعا هذا الرقم يعطي عزم و خط بدون صرفية بنزين او حرارة على دورات منخفضة لمحرك 350 .
( هذا توضيح فني فقط دون ادنى مسئولية عن نظافة السيارة او تزكية لها) .

[أبو راكان101]

تم بيــع السيـــارهـ الله يوفقه ويرزقــــه وبنحاول فيه يصور لنا المشرووووع انشاء الله من البدايه إلى النهايه

يعطيك العافيه يابو خطاب