وش رايكم باللكزس 470

[almosos911]

يااخوان ابي اشتري لكزس 470 بس ابي اخذ رايكم فيه

هل هو ينفع في الطعوس لاني بصراحه تعينت في منطقه 100 كيلو طعوس فتكفون عطونا رايكم والي عنده علم بمواصفاته وميزاته وعيوبه لايبخل علينا

[الشقردي]

وصفك غير وااضح
هو انت تبي تقطع فيه 100 كيلو طعوس كل اسبوع (راعي حلال مثلا), ولا قد رحت 100 كيلو طعوس ولا ولا ولا...
عموما لوتوضح أنت وش تبيه له بالضبط:
بس للبر وعندك سيارة للمدينه, ولا تبيه لكل شئ, وكم راكب معك في العادة وهل أنت متحير بينه وبين سيارة ثانية , كم محدد ميزانية لشراء السيارة ,.... معليش طولت عليك
لكن عطنا التفاصيل وابشر باللي يسرك من الاعضاء وبالمشورة الطيبة

واسلم وسلم

[شاص]

اللي أعرفه أنه ماهو بعيد من ال في إكس آر .. لكن إذا كنت تبي موتر كد ومد عندك الـgx المطور (هدد قطري ) أو الفيتك (نيسان سفاري 2002 وطالع )

[Somebody]

السلام عليكم ورحمة الله وبركاته

اخوي بالنسبة للكزس سيارة دفع رباعي وفخامه لا يعلى عليها ولكن انت ذكرت انه المنطقة

اللي تعينت فيها 100 كيلو طعوس ما فهمت قصدك بما فيه الكفايه ؟؟؟؟

المهم اذا بغيت تشتري تويوتا لا تشتري اقل من 8سلندر V8 وبشرط قير تماتيك واسأل مجرب ولا تسأل طبيب..

بصرااااااااااااحه التويوتا 6 سلندر سيارة من ناحية الاستخداااام زينة ولكن موتر مكينتة محشورة ويبين ذلك عندما

تمشي بسرعة 120 يكون ضغط المكينة 3 RPM يعني صوت المكينة وخصوص اذا دابرك الهوى عااالي جداً

بعكس 8 سلندر تمشي 180 وهنا ليست مدعاااه للسرعة يكون ضغط المكينة 3 ونص RPM لا وازيدك من الشعر


بيت في الطريق الطويل صرف VX-R اقل عن GX-R بكثير .. واذا انت تذهب الى مناطق رمليه فالفرق واضح

8سلندر يسير براااحه تااامه في الرمل وممكن ما تسحب الهوى بينما 6 سلندر لازم تزيد السرعة وتسحب الهوى..

ايضاً ال GX-R يصرف ماطوره زيت حتى ولو لم تسرع واسأل اي شخص يعزك عن الموضوع .........

المهم 8سلندر وراااح تعرف معنى كلااامي هذا .........

صدقني كل اللي قلته لك من واااقع تجربه

وربي يوفقك وين ما وجهت .......


تحيااااااااااااااتي


دمتم بخير

[almosos911]

اولا مشكور لكل من
somebody
وشاص
وشقردي على ردودكم الرائعه
علشان اوضح اكثر
انا راح امشي مسافة 700 كيلو على طريق مزفلت هاي وي ولا اروع

بعدين من الزفلت الين المنطقه الي انا فيها 100 كيلو رمل يعني الطعوس 100 كيلو

الوضوع هذا راح يكون كل اسبوع يعني اروح يوم الجمعه وارجع يوم الاربعاء
وشكرا

[عاشق الأشهب]

أنصحك بلهدد Gx وبس موتر بران

[ماجد الشمري]

حرام تاخذ لك جيب لكزس في مثل هذي الظروف ..
خصوصا ان جيب الكزس راح يتغير قريب وسعره كل ماله طلوع ...
خذ لك سوبرسفاري جديد ولامستعمل من الشكل الجديد ماشي شوي احسن لك ... لأنه مع قوة وكثرة الطعوس ممكن تنعدم عليك المساعدات الهيدروليك ، والنيسان اذا بغيته خذه بشاشة عشان ما تضيع ..





اخوكم ماجد الشمري

[الضاحي]

اللكزس 470 موتر لايعلى عليه ... وانا اسوقه من 2001 بعد ماكان معي لاندكروزر Vxr والفرق كبيييير لصالح اللكزس .
والآن معي 2005 ولاأروع .

[اسيزو 4x4]

السلام عليكم ورحمة الله وبركاته


أنا مع جدي 2004 والله تعبان من ناحية :

1 ثقيل بالنفود أنا مجربة والله ماينفع أبد

2 حساس جدا

3 الهدد أزين والباترول أزين وأزين لك

4 مثل ماقال أخوي ماجد الشمري المساعدات الهدروليكية تندمر مع الرقيات والنزلات

5 ولك حرية الأختيار ...

.

[almosos911]

شكرا يااخوان على ردودكم الي راح اخذها بالحسبان

[مارشال]

انصح بالباترول قير عادي ..... فقط

[جلمود1]

تبي نصيحتي وهاذي نصيحه واحد راعي خبره اشتر هايلكس دفرنسين وكده وبعد ما ترجع لديرتك وتتعين فيها اشتر اللكزس حراااااااااااااااااااااااااااااااااااااااااااااااا اااااااام والله حراااااااااااااااااااااااااااااااااااااااااااااام تلعب في اللكزس في طعوس وخطوط

[nahham]

الظاهر اخو الفي اكس ار

[بو خليفه]

لوحظ أن هذا الجيب بالنسبة لك حلم و هذا حلم لا يكون إلا في تجد و مدينة أبو ظبي هم الذين يحلمون بالكزس
ومن المعروف أن لكزس 470 محاولة لتقليد رانج روفر و المرسيدس و هذه الجيبات الدفرنشات ميكانيكي و ذات جودة عالية و يوجد ضمان مدى طويل أما الكزس الضمان على هذه مدة وجيزه
من الراي الشخصي لا يمكن استخدام لكزس بشكل يومي أما أنك تستخدم للعائلة و البر و السيارة صغيرة استخدام يومي كي تحافظ عليه
أو تستخدم جيب آخر صغير مثل كيا سبورتج أو توسان هونداي ديزل أو عليك بالإيسوزو ديزل جير أوتوماتيك و هذه وجهة نظر

[s3ed]

عليك ب VXR قير عادي


مجرب انا عندي واحد موديل 2000 وقاطع بة 400 الف اهم شي ربخ الهوا عن التواير
وتوكل على الله



اللكزس حلو وماعلية كلام بس القير الاتوماتيك في الرملة وخاصة لمسافات طويلة وطلوع ونزول يحر القير

[almosos911]

والله يااخوي لاحلم ولا شي لكن الظروف حدتني عليه
لان اهم ماعندي راحتي وسيارة قيمتها فيها لم تجي نبيعها
اما بالنسبه للرنج روفر والله مايسوى قيمته وخراباته واجدولما تجي تبيعه يطيح بقووه وهذا الكلام عن واقع تجربه مع اني ماكنت اطلع فيه البر الا يمكن 5 مرلت خلال اربع سنوات وشكرا

[الرسام_8808]

السلام عليكم ورحمة الله وبركاته انا عندي لك gx قطري مواصفات كامله 2006 ماشي 750 فقط كيلو وهذا الجوال للمفاهمه 0505268808 الرسام