الدهناء محمية خبر ميه بالميه ,القصة جرت علي .....

[yaso]

سمعت ان المجاهدين يمنعون الكشاته من الدهناء في الحدود التاليه من خط رماح شويه شمال الى خط ام الجماجم حفر الباطن
هل احد من الاعضاء لديه معلومات اكيده وهل المنع عن الرعي والا فعلا حتى الكشاته ممنوعين من التخييم ارجو الاجابه لاننا مخططين بالعيد انشالله نخيم بالدهناء:f:l
تحياتي لمن شارك

[بن لويحق]

لا وانا اخوك مسمووح للكشاته والي ممنووع

الرعي فيها والاحتطاب والصيد

[نقاء المطوع]

يبن الحلال كثر السوال عنها من الاعضاء وكله كلام اشاعات انه منعو الكشاته والي منعوهم يمكن داخل مع طريق الابراج لانه قبل الحماية ممنوع المشي به ويمكن ردوهم وبعدين لعلمك الدهناء ماهي بقاله كل من جاها بيردونه بحر ماكبر منها اكشت ولا عليك بحد بس الممنوع الاحتطاب والرعي وغيره مسموح بالتوفيق والله يمتعك بالصحة والعافية

[الصمان 2]

شاهد هذا الرابط :


ممنوع دخول الدهناء حتى الكشاتة (http://www.mekshat.com/vb/showthread.php?t=346565)






.

[ملقاط بن جمر]

فيه موضوع كتبه واحد من الإخوان في المنتدى عن منع الكشاتة من دخول الدهنا وصار ضجة في المنتدى مابين مصدق ومكذب .. لكن غالبية الأعضاء في آك الموضوع قالوا إن القرار صحيح ..

بدور الموضوع وبحطه هنا إن شاء ..

[سيف خنذف]

واحد من الربع دخلها كشات يم رماح وقضبوه المجاهدين وبهذلوه وهو ماحطب ...يقولون حتى الكشاته ممنوع

لكن من جهة سدير الى هالحين ماوصلوه ... والله يعين

[أبو أيوب99]

لكن يا جماعة عطونا العلم اللي يجمد
على الشارب هي ممنوع التخييم فيها
والا لا أو هل فيها جهات ممنوعة دون
غيرها عطونا العلم قبل نمشي يمها:hot::hot::hot:

[لهذام]

شف موضوع اخونا المتحد ، الاعصل والدهناء

[سدير1400]

احترم وجهت نظرك واخالفك بها

اذا هم بيحمونها عشان كذا والكشاته وين بريحون بتقولي ارض الله واسعه والدهناء هي منوت اهل نجد اذا بتحرمني على حساب غيري فهذا ظلم

وانا معك اخوي نقا المطوع الدهناء مالها مثيل في منطقتنا ولا يأويها مجرمين والحمد لله منذ اكثر من عشر سنوات ونحن نكشت ونخيم فيها ولم نلاحظ لا مجرمين ولا على كلامك ارهابيين وحرامية
واعتقد انها ستكون محمية خاصة وليست عامه

[ابو سعود الغامدي]

عز الله اني ناوي اروح لها لاكن حتى من طريق منتزه سعد ممنوع ولا من رماح

[ابوخالد2004]

السلام عليكم ورحمة الله وبركاته
الدهناء محمية خبر ميه بالميه ,القصة جرت علي...
مشينا من الرياض يوم الخميس الموافق 21-11-1431هجري وصلنا دوار الصمان الي عند حفر العتش الساعة 3 العصر , اخذنا الدوار وتوجهنا شرق على طريق الرفيعه بعد ماتعدا الدوار بخمسة كيلو يجيك مركز المجاهدين على اليمين جديد توهم مزينيه , انا ظرهم واقول الله يجزاهم خير يبي يحمون الدهناء من البعارين والغنم , المهم مشينا حتى تعدينا اول عرق من عروق الدهناء ثم فرقنا يمين يعني جنوب ومشينا حوالي 7 كيلو كشتنا وحطبنا حق الكشته بس شبينا ضونا وتقهوينا غابت الشمس وحنا مستانسين ورايقين والحمد لله وسواليف وكلن مرتكي على فراشه ننتظر العشاء , بدينا نشوف نور سيارة متوجهن لمنا صاروخ لايمين ولا يسار من مسافه بعيده قرب لمنا وصلنا اثره قاصدنا , ومسك فرامل يجيله متر بسم الله وش السالفه اثره جيب المجاهدين وشغل السفتي , حنا بحلم او بعلم ونزلو سلام وعليكم السلام ,( إثباتاتكم) يعني بطقاتكم ليش قال انتم بمنطقه محميه عن الرعي والحطب والكشاته , عدل بدل مافيه الرجال ملزم مابغينا المشاكل عطيناه الثباتات وقال اذا تعشيتوا راجعونا بالمركز وراحو وخربت الكشته تعشينا وضفينا قشنا ورحنا للمركز وحنا وياهم وهداهم الله وعطونا اثباتاتنا ومشينا ونمنا بعيدين عن الدهناء
هذي القصة كلها وعذرون على الفلسفه من حر مابقلبي يعني وين نكشت بالثمامة او بقرب برحة بالرياض هذا الي ناقص
الحمد لله على كل حال وحسبنا الله ونعما الوكيل
عندي نصائح للي يبي يكشت بالدهناء المحميه
1- لاتحط حطبك بالارض حطه بالسياره لايشاف لانه اشغلونا عند الحطب
2- لاتنام بمكان مكشوف يعني تشاف من بعيد خلك بمكان صعب احد يشوفك
3- لاتولع لمبه لانها هي الي فضحتنا
والله يستر على الجميع ومع السلامه

[فهاد]

انا كتبت موضوع بهالخصوص ولكن اغلقوه وما ادري ليه؟!

ممنوع دخول الدهناء حتى الكشاتة (http://www.mekshat.com/vb/showthread.php?t=346565)

[المتحـ2007ـد]

محميه من صاحب السمو الملكي نائب وزير الداخليه احمد بن عبدالعزيز آل سعود

[اسد الطوارق]

بعد ما تواترت الاخبار وذكرلكم اكثر من عضو انها محمية
بما فيهم محدثكم انها محمية من واقع تجربة ليس من مجرد رأي او توقع
للاسف بعض الاخوان يشكك في كلامنا
واذا كان هناك واحد او اثنين استطاعوا دخولها
فهذا مايعني ان البقية كلامهم صحيح

شكرا لك صاحب الموضوع علما ان بعد شوي بيطلع كم واحد بيكذب الخبر[/SIZE]