rexton

[خب النوم]

السلام عليكم ورحمة الله وبركاته
سؤال يا جماعة الخير من عنده معلومات عن سيارة rexton الديزل
و شكرا للجميع

[اسيزو 4x4]

ريكستون الدايو الكوري >>>>>>>>>>>> نصيحة أنحش عنة ....

ودور على اليابان وبس....


.

[صدام]

السيارة ممتازة جدا وما عليها كلام..

كورية و ليست باسترالية ولا تايلندية..

ماطور مرسيدس قديم والقطع أغلبها مرسيدس

المكينة 5 سلندر

ضمان 3 سنوات أو 100 ألف

ثلاثة صفوف مقاعد ومكيف خلفي

ديزل أو بنزين

تبدأ الأسعار من 73 ألف حتى 100 ألف للفل كامل (بنزين-فتحة-اوتوماتيك)

انا اخذت اخوه الموسو الونيت، ونشرة صورته في موضوع لكن للأسف ماحد حتى قال لنا مبروك!

http://mekshat.com/vb/showthread.php?t=28133


وهذه الكلمات قيلت فالركستون (الوحش) وجدتها في أحد المواقع:

قل لمن يمدح لنا ال في اكس ار
كوكب المريخ اقرب من زحل
ليت قبل يقول ما قال استشار
كان علمته بتفصيل الجمل
يمكن يعدل في رأيه والقرار
ويمدح الأفضل في اشعاره بدل
ادري ان أحيان صعب الاختيار
والرجوع الصعب خير من الفشل
موتري ريكستون على طول اشتهر
بين كل الناس يوم انه نزل
كوريا صنعته للناس الكبار
والحمول الجايرة لها جمل
جابه الزاهد وللزاهد شعار
تاجر ناجح ولا عمره فشل
قبلنا ساقه عميد ومستشار
لا شي به علة ولا شي به خلل
مدهش للعقل خاطف للنظر
من تشوفه حار عقلك واختبل
رايع في المشي اذا خذ له مسار
ماسك خطه وعنه ما عدل
دورته فن اذا لف لف ودار
وطلته روعة اذا اقبل وطل
مكنه الماني عليها الاستكر
وقيره الماني وازراره دبل
المواتر كلها منه تغار
لا قربت منه يعروها الخجل
لو يطول الخط ساره ثم سار
ماتمله لا ولا الريكستون يمل
لا عطيته دعسة في الحال طار
في وقتٍ قياسي لمقصوده وصل
تسمع الحنه وتبصر له غبار
لا لمحته رايح والا قفل
الطريق الصعب ياخذها هزار
ما يهمه سهل يمشي او جبل
ان مشا يمشي بخطه ماعثر
كان خطه يابس والا وحل
ان تبي تطلع شدا والا شعار
استعن باللي لها الموقف اهل
في مسيره لها مهارة واقتدار
البطولة دوم ياخذها البطل



وأي سؤال في الركستون أنا حاضر..

تحياتي،،

[الوشاح]

خب النوم

انحش ونا اخوك وتراي لك ناصح

انا بغيت اشتريه لاكن ربك ستر

الموتر يغريك بسعره ومواصفاته وفخامتة لاكن ياخذ حقه بعدين

ولاتنسى المقوله الشهيره ... اشتر لتبيع

..........................

محبك .. ابو صالح

[اسيزو 4x4]

أخوي صدام أولا : مبروك الموتر والله يعطيك خيرة ويكفيك شرة

الموسو >>>> أنا واحد أعرفة شرى موسو أخضر 2002 والله يقول أبي أبيعة ماعاد أبية بريال

وما لقي من يقول له بكم ....

وكيل تعبان وسيارة فاشلة ...>>> الدايو

وبالنسبة للياباني اللى تقول أسترالي وتايلندي هذا تجميع فقط وليس قطع >>>>> القطع ياباني ولكن تجمع ( اي تركب ) في تايلندوأستراليا....

ولك كل تحية وتقدير يالغالي وسامحنا ...