عرض خااص بمكشات : للشعراء؟؟

[ضايعه بالبر]

صباحكم ورد
بما انني مصممه
عندي عرض للشعراء وهي تصميم خلفيه للقصيدة للشاعر وبشروط معينه منها:
1- القصيدة تكون فيها وصف للطبيعه او او الخيل او الجمال او اي شي يتعلق بمكشات..

2- لكل شاعر قصيدة واحده بالاول وترك الفرصه لغيره من الشعراء في التصميم ويحق له تصميم قصيده اخرى له بعد الانتهاء من الشعراء الاولين
ولكم تحياتي

[جرير]

حياك الله
لو توضح اكثر
مسابقة بالتصميم ام بالشعر ام بكلاهما

[ضايعه بالبر]

هلابك اخوي..
ماقصدته يعرض الشعراء هنا في القسم اجمل قصائدهم في البر او الخيل او الطبيعه,,
وانا بدوري اصمم لكل شاعر قصيدة واحده لكل شاعر خلال هالاسبوع
واضع لها خلفيه هذا ماقصدته وبعدين اذا حب الشاعر ان اصمم له قصيدة اخرى
يكون بعد اسبوع من تصميم قصيدته الاولى حتى يعطي للاخرين فرصه

[مدهـوش]

حياك الله أختي الكريمه


ولا عجب الكرم من اهله والتفنن والتصميم يدل على حكمتك وتفوقك


بالنسبه لي.......




أبن مخيمـــر
حالي اللي كل ماطاب عود في رداه=لي ثلاث سنين والحال عيا ما يطيب
الآطباء ماتفيده ولافاده ادواه=اشرب دواها وكنه على كبدي عطيب
حن قلبي حن ذود(ن) تزايد له إضماه=ردها اللي ماعرف وسمها عند القليب
وبري حالي كما بري العود اللي براه=لابراه الدبا وخلته مثل السبيب
سبة اللي راح عن داري وشراعه طواه=غاب عن عيني وخياله عيا لايغيب

[الشقردي 205]

الطلب مخالف للشروط

[أسير المساري]

أتوقع الأخت قصدها قصيدة صوتية يعني تنزلها بمقطع صوتي

[الشقردي 205]

ونسيت أختي اهم شي تكتبين بالتوقيع / حمودي الظفيري . . .

[ضايعه بالبر]

ابشروا لكم ماطلبتم ان شاء الله
واخوي انا اقصد كتابيه وليست صوتيه
شكرا لكم انتظروهن هنا قريب جدا

[عاشق الحجاز1]

التوفيق للجميع

[يوسف الخليفة1]

نشكر صاحب الموضوع على هذه الخدمة


وفضلا لا أمرا المشاركات تكون من قصائد الأعضاء


حسب طلب صاحب المشاركة لأن المنقول مخالف للشروط



ومن أراد توقيع خاص به فإليه الرابط التالي


http://www.mekshat.com/vb/showthread.php?t=271322 (http://www.mekshat.com/vb/showthread.php?t=271322)


وتقديري واحترامي

[ضايعه بالبر]

كلام سليم وبالتوفيق فعلا القصيدة ليست صوتيه ولكن من انتاج الاعضاء

[ضايعه بالبر]

التصميم الاول اتمنى يعجبك اخوي عبرود
http://www.almlf.com/get-10-2010-almlf_com_9g24d54c.gif[/URL (http://[URL]http://www.almlf.com)]

[جرير]

جهد طيب ومشكور
.....

[وافي السبيعي]

فعلأ موضوع ممتاز من الأخت الكريمة ولي عوده ومشاركة بحول الله

[فهد الهلالي]

اشكرك ياأختي الغاليه على هذا المجهود الطيب
حقاً انتِ بارعه بجمال التصميم
وهذا يدل على حسن اختيارك وذوقك الرفيع
وهذه قصيدتي فضلا لاامرا ان تجعليها تتعطر بفن ابداعك
ارجوا لكِ التوفيق


ازريت افكر واخذ العلم واجيب
للي لهم في حزة الطيب نبراس
قعدت ادور لي حروف واساليب
ماغير افكر واضرب اخماس باسداس
يامحمد التركي ترى الطيب من طيب
عرق الندى يندى ولوكان يباس
ابوك وجدك معتلين المصاعيب
نسل الاحرار اللي تعلت على الراس
يامرحبا واهلين براعي المواجيب
يامرحبا ترحيبة برقها ألماس
يبرق سناها من علو المراقيب
كن الرجم من برقها فيه مقباس
والسيل حدر من علوا المصاخيب
يارد على حد الوطا عقب الافلاس
وتباشروا بالسيل ربع ٍ واجانيب
عقب السنين الممحله كنها الفاس
يشذب شجرها مثل فعل المشاذيب
خلا غصون الطلح بالقاع يباس
حتى عروقه مالقت له مقاضيب
تشطبت قيعان جو ٍوالاطعاس
وجاها الفرج في حزة الشمس لمغيب
يوم سيلت في خبةٍ تطرب الراس
وسميةٍ يسقي حياها المجاديب
تناقلوا اخبارها جملة الناس
عشرين ليله والشغايا مصابيب
متماسكات محدرات على سا س
في روضه يسمع مسيل المساريب
كنه يتدفق من مواسير غطاس
والبل صار ٍ مثل زول الرعابيب
تجمل ٍ في حفلة زاهي اللباس
عقب الهجيج بين ذيك الدواعيب
تسري على صم الرضم حزة اغلاس
صفق الرضم بخفافها والعراقيب
مثل المقمع وثائر الملح نداس
واليوم اشوفه ياعطيب المضاريب
مرباعها ربله وحمض ٍ وبسباس
عقب الحَلًم وقراد وابل مجاريب
صار الشقى بمطارد الذود نوماس
واللي لهم بالسوق ابل ٍمجاليب
تفرقوا مابين ناشد و عساس
احدٍ حدر من يمة العرق ومصيب
وحد ٍ نزل في خبةٍ تشبه الطاس
واهل الولع بالطير نقاله الطيب
اللي لهم في هدة الطير قرناس
خطو اشقرا زيزوم عدل المناكيب
طلعه وكاد مايبدد لك احساس
اليا كفخ خلا الحباري مصاليب
وحول عليهن مثل رمح لجساس
الموت جاهن واقتفاهن مراعيب
وتزاحمن ما بينهن جالهن باس
وزانت اعلوم ٍللعرب والمعازيب
مع شبةٍ ما بين دله ومحماس
ونجر ٍ يلجلج لا عواء عويت الذيب
يسمع قنيبه من وراء سبعةارماس
هيل ومسمار وصفراً مزاهيب
ريحة ابهاره تقعد اللي بهاعماس
وصلوا على اللي ماشي بحق ومصيب
محمد اللي خصه الله الىالناس



فهد الهلالي
( الشيخ مسكين )

[ضايعه بالبر]

هلا فيكم اخواني...
مشكورين على المرور
وابشر شاعرنا باصممها لك قريب هنا

[ساحووق]

جزيتي خيرا

[ضايعه بالبر]

بانتظار مشاركه اخرى لك اخوي حمودي الظفيري

[ضايعه بالبر]

تسلم اخوي وياك

[مدهـوش]

اشكرك اختي الكريمه على التصميم


جميل ورائع ودون مجامله تنسيق جميل


اشكرك على ماتقدمينه من عمل طيب واثابك الله على ماقدمت


دمتي بخير

[خوي الشاص]

الله يقويكي ويعطيكي العافيه ومجهود تشكرين عليه

[ضايعه بالبر]

تسلمون اخواني تستاهلون

[ضايعه بالبر]

وهنا التصميم الثاني اتمنى يعجبك اخوي فهد والجميع
http://dc12.arabsh.com/i/02233/5lw3c6ktg72q.gif (http://arabsh.com/5lw3c6ktg72q.html)

[فهد الهلالي]

اشكرك ياختي الغاليه على هذا المجهود
تصميم رائع في القصيده
بس لو كانت الخلفيه ماهي سوداء كانت من الطبيعه اعتقد افضل
لعشقي للطبيعه
ومع هذا اعجبتني جدا جدا
شاكر افضالك
تحياتي

[نديم المجره]

مشكوره اختي
الله يسعدك
وهذه القصيده مع المناسبه


المناسبه:

اثناء رحلتنا في اجازة الربيع1431هـ الى فياض شعيب الخشيبيه (50 كم شرق لينه) ورغم التوسلات للاستاذ / سعود بن عبدالرحمن الكردي (قائد الرحله) الا انه رفض تمديد الرحلـه . وانا بدوري رفضت المساعده في طي الخيام والتجهيز للرحيل علما بأنني وشقيقي عبدالله وبندر القحطاني-من لينه- الذين جهزنا المخيم حيث وصلنا قبلهم بيوم كامل(من حبنا للبر) قادمين من المنطقه الشرقيه(865كم) وسعود ومجموعته قادمين من عرعر(470كم).
ذهبت إلى احد الرجوم المطله على الفيضه اشاهدهم وهم يطوون الخيام والفرش فهاجت قريحتي بهذه الابيات التي آمـل ان تنـال استحسانكـم :



ياسـعــود تكـفى لايـفـكـون الاطــنــاب=ياسعـود تكـفى قلهـم بس لـيـلـه

نـفـسي تـشـلع كـل ماشـلع مـنـســـاب=طـواري الـفـرقا عـلـيـنا ثـقـيـلـه

يـومٍ طـويـتـوا فـرشـكــم خـافـقي ذاب=كـن الضماير وسط حـر الملـيلـه

ياسعـود شفي من هـوى البر ماطــاب=خلوا حـبـيـس الـدار يبرد غـليله

يكـفـيه من طـول السنه صكـت الـبـاب=ويكفيه من طول السنين المحيله

خـلوه يسـلى عـن هـمـومه والاتـعـاب=ويسج رجله بالفياض الـظـلـيـلـه

والصبح يشرف له على راس مرقـاب=ويشم ريح الشيح وسط الخميلـه

خـمـيـلــةٍ خـضـرا تـقـل مابهــا تــراب=فيها الزبـيـدي مثل روس النثيله

وريح البختري والنفل مثل الاطـيـــاب=تـنعـش قـلوبٍ بالحـنايا عـلـيـلـه

وباللـيـل حـول الـنـار تلـتـم الاصحـاب=وتبدا السوالف والعلوم الجميلـه

وكـن الكـواكـب فوقـنا والقـمـر غــاب=جمرٍ تـنـثـر في مهـب المـسيلــه

وماحلى الصبا لجـت مع الصبح تنسـاب=يحوشها ضوح الفجر في شليلـه

بالـبـر نـسـلى عن هـوى تلع الارقــاب=اللي عـلى شـوفه نسوق الجليلـه

ونسلى عن هـمـوم المدينه والانـشـاب=ونرتاح من بعض النفوس الرزيله

يالله طـلـبـتـك يالــولـي رب الاربـــــاب=تـديـم انـعــامٍ عـلـيـنـا جــزيـلــــه

وتغفر ذنـوب اللي من الـذنب قـد تــاب=يارب وفـقـنا لـدرب الـفــضـيــلــه

والخاتمه صلوا عـلى سـيد الاحـبــاب=رسول رب البيت راعي الـوسـيـلـه



احمد بن عبدالرحمن العريفي

(نديم المجره)

[ضايعه بالبر]

ابشر اخوي فهد بصمم لك بخلفيه من الطبيعه انتظرني فقط بعد مشاركة الشاعر نديم المجره

[ضايعه بالبر]

اخوي نديم المجرة اتمنى تعجبك:

http://www.almlf.com/get-11-2010-almlf_com_a9ahbrgp.gif[/URL ([URL]http://www.almlf.com)]

[نديم المجره]

اخوي نديم المجرة اتمنى تعجبك:

http://www.almlf.com/get-11-2010-almlf_com_a9ahbrgp.gif[/URL (http://[URL]http://www.almlf.com)]

اختي العزيزه
مشكوره على المجهود
ولكن لم توفقي في اختيار التصميم المناسب
وذلك لاختيارك رمز الصيد وانا اكره الصيد بجميع انواعه
وذكرت لك المناسبه ليساعدك في اختيار التصميم
حيث انني مغرم بالبر فقط ولم اتطرق لاي نوع من انواع الصيد
دامت لك المسرات
تحياتي

[ذيب طي]

الشكر الجزيل اختي الكريمه على حسن تعاونك
وهذه القصيدة ارجوا ان تكون على هذه الخلفية
http://sub3.rofof.com/img4/09msyun8.jpg


شالوك فالسطحه عقب ماتوذيت
يوم المراوح صايرت ثقالي
لاعاد يشتغلن وانا خارج البيت
وسط الطريق وعيني اللي تصالي
حرارة الموتر تخبط كما ليت
يولع ويطفى في ظلام الليالي
احتار فكري فالسبب مويه او زيت
او في الكتاوت والله اعلم بحالي
ياددسني خابرك ذيب ليا جيت
اقضي مشاويري تفز لمنالي
ياددسني وانذاع صوت لك وصيت
من سالف الازمان تخدم رجالي
ترقى سنود(ن) يوم لمك تعزويت
وتقطع فيافي ماشكيت الهوالي
واليوم حالك يكسر الخاطر وليت
ماشافتك عيني ولاضاق بالي
وان حل تقصير فعذرك ترجيت
وانته كريم وتقبل العذر حالي
لكن لو تبغى الصدق منه لو بيت
حقيقه وتنقال ولابه جدالي
كل المواتر ذاقت اوجاع تشويت
لكزس ورنج وباص نادي الهلالي

[بنت النسب]

ماشاء الله عليك ياخوي
ويعطيك الف عافيه

[ضايعه بالبر]

نديم المجره
ابشر ابغيرها لك بعد طلبات اخواني
ولايهمك

[نديم المجره]

نديم المجره
ابشر ابغيرها لك بعد طلبات اخواني
ولايهمك

شكرا لسعت صدرك واهتمامك
وانا بالانتظار
دامت لك المسرات
تحياتي

[مكرم الضيف]

انظر المشاركة اللي بعدها

[مكرم الضيف]

هذا رابط القصيدة وشكرا لك على تعاونك ودماثة اخلاقك:



http://www.mekshat.com (http://www.mekshat.com/vb/showthread.php?t=352028)
/vb/showthread.php?t=352028 (http://www.mekshat.com/vb/showthread.php?t=352028)

[طفران بس بطران]

عل االسحاب اللي تردم تردام /يردم على دارن سكنها كحيلان
رجلن ليا جيته تحزم تحزام/ماشين في السكة كما مشي الاخوان
يمشي على وضح النقا رجلن امام/يمشي كما ماشي ابوبكر وعثمان
رجلن عزيزا مايحب الحرام/رجلن سواليفة تطرب للاذان
رجلن عن النمات صايم صيام/رجلن كريما مايرضا الايهان
عل االسحاب اللي تردم تردام /يردم على دارن سكنها كحيلان

[مكرم الضيف]

وينك يالضايعه بالبر