""""""تنضيف الكلبليتر لاندكروزر 93......؟""""""""

[لاند93]

السلام عليكم ورحمة الله وبركاتوا

يالله انك تحي اعضاء منتدى العظيم منتدى مكشات..

يا ذيابه انا معي موتر لاندكرور 93 فكسار,,

وابي انضف الكلبليتر .. طبعا انا قبل مده ركبت له طقم اصلاح

طبعا كل الي اعرفه اني اشتري البخاخ سي دلكو ,, هل هذا البخاخ مضبوط ولا فيه غيره وهل الوكاله يبيعون بخاخ خاص له ..

والسؤال المهم وهو..؟؟؟

س-كيف طريقة تنضييف الكلبليتر الصحيحه.؟

س-وهل اثناء التنضيف اخلي السياره تشتغل.؟وكيف الطريقه البخ في الكلبليتر والسياره تشتغل..؟

تكفوون يارجال يا ذيابه افيدوني ... اخوكم منزووق <<<طالب سلف انت هع..:D

اخوكم ابوعبدالله.

[لاند93]

فوق الــ 20 مشاهده ولا رد ..

افاااااااااا وينكم يالقروووم..

[VX-R2001]

الله يساعدك
الاخوان يمكن يفيدونك انا ما عندي اي خبرة بمكائن الكربيتر

[ALOTAIBI]

لاند93 , تنظيف الكاربوريتر لازم يطلع من المكينة ويتفكك وبعده يتنظف بالبخاخ سي ديلكو تنظيف كامل قطعه قطعه وبعد ذلك بالبنزين واعتبرها توضيب , والقطع اللي تحتاج تغيير غيرها مثل ما سويت تركيب طقم اصلاح

ونصيحتي غيره كامل , اذا موترك يستاهل ومحرك ممتاز , لان هذه الطراز من الجيوب الكاربوريتر اذا سوى مشاكل من تدخين وصرفيه بنزين لازم يتغير بواحد وكالة ,



تقبل مروري

[كبسولة2]

بأمكانك تنظيفه وهو راكب مكانه بتشغيل السيارة حتى تحتمي

ورش البخاخ ايسي ديلكو عليه مع دعس بنزين بيد والرش بيدك الاخرى

وهكذا حتى تنتهي العلبة بعدها تدعس له بنزين حتى تحرق بقايا الكربون المتبقية

أو تمسك به خط وتسرع عليه

[العنابي 616]

السلام عليكم
إذا كانت سيارتك فيها تقطيع أو مشاكل من الكربريتر فغالبا البخاخ ما راح يفيد لازم تروح عند ورشة محترمة و يفكون الكربريتر قطعة قطعة ينظفونة و يغيرون الخربان أنا كان عندي مشاكل و سويت مثل ما قلت لك و الحمدلله السيارة رجعت تمام التمام
أما إذا كانت السيارة سليمة و تبغا تسوي لها صيانة من باب الحرص فطريقة إستخدام البخاخ مكتوبة على العلبة بالتفصيل نصيحة سو مثل ما هو مكتوب و إترك عنك كلام الناس على شان تحصل على أفضل النتائج

[لاند93]

لاهنتم يالذيابه

[الحارثى محمد]

اذا سيارتك تستاهل انصحك بالجديد من الوكالة
تنضيفه ما راح يفيد