المساعد الشخصي الرقمي

مشاهدة النسخة كاملة : البرادو من عنده خبره فيها .


الصياد الكبير
08/09/2005, 02:29 PM
بسم الله الرحمن الرحيم

أنا ياإخواني من الدوحه بدرس في المملكه ( مكه ) بغيت سياره للخطوط من مكه ل الدوحه او غيرها من مدن المملكه وش تنصحوني بسياره فورويل


ووش رايكم بالبرادو 3 ابواب (6سلندر) قيمتها في الشركه حوالي 110000 ألف ريال ؟

تصلح للخطوط ولا لا ؟

لا تبخلون بالرد علي يا شباب .
مثابر
09/09/2005, 01:52 AM
اشتر وانت مغمض او يكون ولا تنسى القير توماتيك وفل كامل
الصياد الكبير
09/09/2005, 12:49 PM
جزاك الله تعالى خير على الرد ... لكني ما أداني القير توماتيك ... سألت الشركه عن 3 بيبان 6 سلندر فول أوبشن قير عادي يقولون مافيه ... قلت لهم أسوي طلبيه قالو مايصير وش الحل يا جماعه ؟
اسيزو 4x4
09/09/2005, 11:24 PM
ليش ما تاخد ربع تويوتا ؟؟؟ أزين لك ومشية بالخطوط ممتاز وقوي ...

.
الشقردي
10/09/2005, 11:30 AM
أخوي الصياد الكبير و لايهونون الربع
أصبر شوي لأنه نازل جيب جديد من تويوتا أصغر من البرادو شوي ونفس مكينته وثلاث صفوف مراتب اللي هو شبيه بالباث فايندر من نيسان ,
أتوقع هالسبارة بيكون لها شان مهوب بسيط
وسعرها اليوم واحد أعرفه سأل عنها عند وكيل تويوتا بالرياض من 90 الى 100 ألف
الصراحة يستاهل.
الصياد الكبير
10/09/2005, 12:47 PM
السلام عليكم ورحمه الله وبركاته

أخوي ايسوزو الربع ما فيه كماليات يعني شوي ماينفع ومشكور على الأقتراح وجعله في ميزان حسناتك

الشقردي شوف هذا انا كتبت الموضوع http://alsaha.fares.net/sahat?128@236.hIOAsWVgOCg.0@.1dd824b2 عن الفوتشنر , بس ماينفع مافيه مثبت سرعه و4 بيبان شوي كبير علي , والبرادو تقدر تقول أقتنعت فيها , الأخوان من السعوديه والأمارات في أحد عنده فكره أذا أقدر أطلب برادو 3 بيبان 6 سلندر قير عادي فول أوبشن ++++ المشكله في القير عادي مافيه وقالو لي الوكاله في قطر ماتقدر تطلبها . . . مايصير . . . . ( في واحد من الأخوان قال لي أرسل للشركه الأم في اليابان أن الوكاله الموجوده بالدوحه تقول أنها لا تستطيع طلب السياره الفلانيه بلمواصفات المطلوبه . . . وبتشوف الشركه يراسلون الوكاله في الدوحه بالموضوع . . . )
البيـرق
10/09/2005, 12:52 PM
السلام عليكم ورحمة الله وبركاته
اولا اهلا وسهلا بك يالصياد الكبير بين بلدك واهلك............
ولكم معزة خاصة يا اهل قطر والامارات عندنا...........
وانكانك راعي خطوط وما تبي الاسيارة فور ويل (دفع رباعي)
انصحك بالاندكروزر وفي البر اغداع وكنج في الخط......
البيـــــــــــــــــرق........
بو خليفه
10/09/2005, 01:14 PM
يوجد في البرادو صوت قزوز و المكيف غير بارد
الصياد الكبير
10/09/2005, 03:04 PM
البيرق جزاك الله خير وماعليك زود يا أخوي الكروزر غالي شوي ( البرادو وش رايك فيها ) .

هلا والله يا بوخليفه هذي المشكلتين في كل الموديلات ولا ... يعني مثل مايقولون مشكله من المصنع ؟
اسيزو 4x4
12/09/2005, 12:32 AM
طيب وش رايك بالرنجلر الشيروكي مواصفات كاملة ...

.