شريت موقد Coleman Model 400 ولا عرفت له (فزعتكم)

[شاهي ربيع]

السلام عليكم
حياكم الله

شريت موقد من نوع كولمن
موديل Coleman Model 400

واليوم استلمته من البريد (واصل) لكن ماعرفت له
مكتوب عليه Oil
لكن مدري هو يشتغل على البنزين او القاز او غيرها

واذا في أحد عنده مثله أو شبيه له
ياليت تطرحون لنا تجاربكم
وهل هو صالح للطبخ؟؟ والشاهي؟
والا له استخدامات أخرى؟
ويعطيكم العافيه مقدماً

شاهي ربيع:good2:

[goldwater]

صوره للموقد لاهنت

[شاهي ربيع]

سم هذي صورتين (زياده الخير خيرين) بس علمنا وش اعبيه قبل اتهور واعبيه بنزين 95:D
http://www.spiritburner.com/fusion/fbbuploads/1273784080-DSCN3203_opt.jpg
http://img.auctiva.com/imgdata/3/6/2/3/5/2/webimg/404804874_o.jpg

[goldwater]

السلام عليكم
انا عندي كولمن من نفس الشركه واستعمل معه بنزين ٩١
ومااعتقد فيه اختلاف
شوف تقرير اخوي ابومها
انا لو مكانك اجرب بنزين ٩١

[شاهي ربيع]

فيه بومب ؟؟ ماودي اجرب فيه انا ويخرب
كيف طريقة اشعاله؟؟ لان فيه بومب مدري وش فايدته؟؟ لازم اضغطه كل فتره والا ايش
اسألتي كثيره بس ابي اعرف قبل اجرب عشان ما اجيب العيد

[مكرم الضيف]

التفاصيل في هذا الرابط

http://www.mekshat.com/vb/showthread.php?t=222707

[أبو مها]

الاخ شاهي ربيع
السلام عليكم ورحمة الله وبركاته
الموقد هذا يعمل على البنزين
http://www.mekshat.com/pix/upload03/images122/mk23101_coleman peak 1 400kopie - 1982.jpg
ويجب عليك مراعات النصائح التالية قبل الاستخدام:
http://dl.dropbox.com/u/2642786/%D8%AF%D9%84%D9%8A%D9%84%20%D9%85%D9%88%D9%82%D8%A F%20%D9%83%D9%88%D9%84%D9%85%D8%A7%D9%86%20%D9%A5% D9%A3%D9%A3.jpg

[اصيل نجد]

بارك الله فيك يابومها والله شرحت وفيت والفائده عمتنا كلنا لاان فيه معلومات مادريت عنها لولى شرحك هذا والمعزز بالصور ماقول غير الله يوفقك ويرد ك لوطنك سالم غانم وينولك اللى بالك ويستر عليك تحياتي لك

[بن.حسن]

اخي شاهي ربيع

اشكرك على تقتك بي ومبروك ما شريت

الله يطعمك من خيره ويكفيك شره

وما بعد رد الاستاذ ابو مها رد

عطاك العلم الأكيد

تقبل تحيتي

-------------

[شاهي ربيع]

يعطيكم العافيه جميعا وأشكر أخي أبو مها لتجاوبه وشرحه الكافي والوافي ومشرفنا القدر بن حسن
وجميع من مر من هنا .. اليوم راسلت البائع وقال لي انه يعمل على :
The stove works on white gas, Coleman stove Co makes this
gas

ممكن أحد يوضح لي هل يقصد بالقاز الابيض البنزين؟ او ايش

[الكاسر205]

ارجو ان الاعضاء افادوكـ

[شاهي ربيع]

^^
شهادتي فيهم مجروحه
أفادوني وزود والله

[مكرم الضيف]

القاز الابيض هو الكيروسين حق الفوانيس

[شاهي ربيع]

عبيته اليوم بنزين91
لكن ماشتغل :(
وش الحل؟؟
انا عبيته وفتحت الصمام الاحمر وشبيت بالولاعه من فوق
لكن مافي شي يشب!! مافي بنزين طالع من عند الرأس عشان يشب
وش رايكم

[no fear 78]

والله كفيت و وفيت يا أبو مها خبير كبير

الله ايهنيك فيه يا شاهي ربيع

[أبو مها]

يعطيكم العافيه جميعا وأشكر أخي أبو مها لتجاوبه وشرحه الكافي والوافي ومشرفنا القدر بن حسن
وجميع من مر من هنا .. اليوم راسلت البائع وقال لي انه يعمل على :
The stove works on white gas, Coleman stove Co makes this
gas

ممكن أحد يوضح لي هل يقصد بالقاز الابيض البنزين؟ او ايش

الاخ شاهي ربيع
يقولك البائع : هذا الموقد يعمل على وقود الطائرات ( البنزين الابيض)
أو وقود كولمان . إنتهى...

أخي الكريم هذا الموقد كما ذكرت لك يعمل على البنزين
ويفضل دائما إستخدام البنزين منخفظ الاكتان مع المواقد

وهنا تشخيصي للمشكلة حسب روايتك ولم أطلع عليه:
1- لعلك إستخدمت الكيروسين " القاز" وهذا الامر يسبب
عدم إشتعال الموقد أو خروج الوقود. وإن كنت فعلت ذلك
فلابد أن تقوم بفك رأس الموقد وستجد أسفل الرأس اسفنجه
دعة مفكوك حتى يتبخر القاز وبعد ذلك ركب الرأس وقم بضغط
الكباس حتى 30 مرة وضع فية بنزين 91 ثلثي التانكي
وافتح الصمام حتى يتسرب البنزين منه وتكون هذه العملية
خارج المنزل ودعة حتى يتبخر الوقود المتسرب وكرر العملية
وانتظر حتى يتبخر وتأكد من عدم وجود أي وقود على بدن التانكي
وبعد ذلك اضغط الكباس ثلاثين مرة حتى يكون ثقيل
وإفتح الصمام وأشعل الموقد.

2- عطل في الجنريتر وهو الانبوب النحاسي فوق العين.

3- جلدة الكباس .

وإن كنت في الرياض
يمكنك إرسال رقمك على الخاص لمساعدتك في حل المشكلة

أخوك أبو مها

[العاذر]

وش لون تشتري شي ماتعرف تشغله مع احترامي لشخصك الكريم

ثانيا: عندك دوافير الغاز ماليه السوق وريح راسك من البنزين واخطاره

ثالثا اذا انكب على عفشك البنزين او تسرب راح تحشرك الريحه حشر في السياره

تحياتي وتقديري لك

[الواااكد]

ابعد عن الشر وغنيلوه

[شاهي ربيع]

يامال الجنه يابو مها عز الله انك ماقصرت
راح يتم التواصل معك قريبا باذن الله

[شاهي ربيع]

وش لون تشتري شي ماتعرف تشغله مع احترامي لشخصك الكريم

ثانيا: عندك دوافير الغاز ماليه السوق وريح راسك من البنزين واخطاره

ثالثا اذا انكب على عفشك البنزين او تسرب راح تحشرك الريحه حشر في السياره

تحياتي وتقديري لك


هلا اخوي .. اولاً ياقلبي يومني أشريه أنا قاري عنه وأحسبه أسهل من كذا
وهو متوفر شبيه له لكن أقل جوده في محلات الرحلات عندنا.
الشي الثاني: كل شي له ميزته .. وعندي دافور غاز لكن من باب حب التجربه والتغيير
الشي الثالث: ان شاء الله موب منكب على عفشي واذا بنشوف على الـ إذا بنتعب ونشوف كل شي سلبي.
وعموما كلن ينام على الجنب اللي يريحه :good2: