سؤال ضروري جزاك الله خير عن كفرات بالون دانلوب

[راعي النياسين]

السلام عليكم ورحة الله وبركاته

اخواني انا ناوي على كفرات بالون ولقيت الدانلوب مقاس 85 الي هي قريبه من الماكسس 900 بس اكبر منه واعرض

كيف استخدام الكفرات وهل يستاهل 430 ريال للكفر الواحد

او اخذ الماكسس 900 8 غاط علما بان سعره حاليا 420 ريال

ارجو الرد ضروري لاتبخلون علينا بخبراتكم

[أخو ريان]

والله الماكسس التايوان ابو جمل حجم 900 لايعلى عليه ان لقيته لاتشاور

ويليه نفس المواصفات لكن فيتنامي

ومن شاورك دخل ذمتك وهذا اللي انا جربته

وعسى الله يبارك لك فيما تشتريه

[راعي النياسين]

هلا اخوي انا مجرب ابو جمل مشكلته بموج بالخط وحجمه صغير كنه سلق

عكس الدانلوب يجيك اكبر من ابو جمل واعرض بشي قليل

ننتظر باقي الاراء الله يجزاك خير يالغالي

[ابو نواس]

الدنلوب وانا اخوك لين على السيارة حتى لو هواه 50 ولكن النقشة ما تطول يسحت بسرعه
انا ما استعمل الا هو من 5 سنوات ( 6 غاط ) وياخذ معي من 8 إلى 10 اشهور ولكني شايب على مهلي
اما الماكسس يفيدونك اللي جربوها
اسف طولنا عليكم

[مخاوي الذيب07]

اخوي تبي الافضل ركب كفرات عاديه احسلك من البالون لنو كنت مركب اربعه واتفجرت كلها علي لنو دخلت منطقه فيها حجار زي السكاكين ومن بعدها توبه اركب بالون