اللغز الـثامن والاربعون ===حل اللغز(ورقة الغش)صاحب الحل(ابو عمر اللاحم)

[الناريز]

يعطيك العافيه اخوي غنام واسمحولي يالربع بعد اذنكم بهاللغز .......

ويش بنت حلاته بالصغر = كل ما كبرت تبلش راعيه
شيلته بلشه وطلعتها ذعر = تبي متمرس وعينن صافيه
لا لها مصنع ولا عليها سعر = وفزعته حلوه لدروب ناويه

[ابو عمر اللاحم]

هلا بخوي الناريز : وش رايك مهيب النخله

[صالح2]

اخوي الناريز مهيب الجمرة أو النار

[الناريز]

مرحبا بك اخوي ( نهار )
اما الرمعه مالك لوا . غير صحيحه




مرحبا بك اخوي ( صالح 2 )
اما الرمعه مالك لوا . غير صحيحه

[الناريز]

اخواني انا راح اوضح اللغز لكم بس بالتدريج واول توضيح
**** البنت هاذي تستخدم عادتن بالدراسه .
ولكم تحياتي :)

[ابو نجود]

اخوي الناريز ..عندي رمعة.......المسألة الحسابية(طرح-جمع-معادلة....الخ) وش قلت؟؟؟؟
مع تحيات اخوك ابو نجود....

[ابو عمر اللاحم]

اجل الرمعه الصحيحه هي : البرشامه

ولك تحياتي

[الناريز]

مرحبااااااااااا بكم جميعا وشكرا على المشاركه
اخوي ( ابو نجود ) الرمعه مالك لوا . غير صحيحه .

ويامسهلا بمن اصاب الهدف بعينه ..... صـــــــــح لــســانك اخوي نــهــار .

ولكم التوضيح **
اللغز يقول
انشدك عن بنت حلاته بالصغر === ( الشرح ) يعني البنت هذي كل ماكانت صغيره كانت احسن .
كل ماكبرت تبلش راعيه == ( الشرح ) يعني اذا كانت كبيره تبلش الطالب فيها .
شيلته بلشه وطلعتها ذعر === ( الشرح ) يعني من شال البرشامه يبلش بنفسه واذا طلعت البرشامه يخاف .
تبي متمرس وعين صافيه === ( الشرح ) يعني تبغى واحد متعود وشوفه زين .
لا عليها مصنع ولاعليها سعر == ( الشرح ) واضح
فزعته حلوه لدروب ناويه === ( الشرح ) يعني ان البرشامه تفزع للطالب الفاشل دراسيا .
**
هذا ولكم مني جزيل الشكر ...وانا لم اوضح إلا حتى تعم الفائده على الجميع ويسهل تقبل اللغز .

[الحقيقة ألم]

السلام عليكم
مساء الخير كيف حالك الناريز
بالله لاهنت ممكن اعرف معنى الاسم

تعبت وانا ادور بمعناه
مع جزيل الشكر
اخوك الحقيقة ألم