سؤال لاهل الخبره

[ابوحزااااااام]

الطير اذا ضاع منك كم يوم يجلس في نفس المكان ووين يتجه بعدها؟ هل يهاجر
علما ان الطير جير شاهين

[طارووح]

اخوي ابو حزام

الطير في اي وقت ضاع منك ؟؟

اذا وقت الظهر فا من الممكن ان الطير يحوم يقطع مسافه بعيده

او اذا كان في وقت العصر قريب من المغرب فالطير لايبعد عن المنطقه

وعلمآ بأن اغلب الطيور لا تتجه نحو الشمال واغلبها تتجه نحو الجنوب ...

[عايش الذرب]

الله يعقله ان شاءالله

تعتمد يابو حزام على ضياع الطير اذا حايم يمكن مايكون قريب من مكانه والهواء له دور قوي وسط طايح

نوع مغداء الطير هدد ولا تنكر .مور واجد تحكم الموقف لاكن انكان اخذ علف ومتنكر ولا ضايقته دور حولك الصبح

[ديوان العرب]

الله يعقله ايشالله

[راعي طلاع]

اخوي الجير نادر منه اللي يعبر واقصد التفريخ دور حولك وتلقاه

حنا غدى علينا تفريخ وقعد اسبوع ولقيناه عن مكان مغداه حول

80 كيلو بشرونا به الرجال اللي انشا الله بيبشرونك بانهم لقو الطير والله يعقله عليك......

[ابوحزااااااام]

الله لايهينكم جميع
الطير هديته الضحى على حمامه وتركها وتشابط معا وحش في الجو وعقبها كل منها راح على وجهه طيري راح شرق والوحش راح شمال ورحت يم جهت طيري ولي اسبوع ادور بنفس الوجهه ولا لقيته وحنا في هجره وسط البر تبعد عنا خميس مشيط200 كيلو غرب ونجران عنا 150 كيلو جنوب وعنا شرق محمية بني معارض 250ك
وفيه واحد يقول لي دور عند اهل الحلال لان الطير لازم ينزل يشرب ويتسبح
والمزارع مافيه الا مزرعتين والجبال عد واغلط وفيه واحد يقول لاتدور للجير في الجبال لانه ماتعود عليها

[صقار العروبه]

اخوي أنا مصقرت الجير لاكن الشيهانه والحر
إذا ملقيته ثاني يوم لاتدور حولك
بيكون ابعد أو هاجر إلا انكان ربك جابه
تقبل تحياتي اخوك سعد الحربي

[قرناس شماالي]

اخوي ابو حزام

الطير في اي وقت ضاع منك ؟؟

اذا وقت الظهر فا من الممكن ان الطير يحوم يقطع مسافه بعيده

او اذا كان في وقت العصر قريب من المغرب فالطير لايبعد عن المنطقه

وعلمآ بأن اغلب الطيور لا تتجه نحو الشمال واغلبها تتجه نحو الجنوب ...

:good2::good2::good2:

[الحمش1]

اخـوي ترى الطـيـور اذا بـترقد ((تعفر))
تلقـاه بـالحصـا الاسـود قبل المغـرب والفجر هـذولي الوحوش بس مدري عن التـفـاريخ والله
وترى اي طير مايرقد بالجـبال يرقـد تحت دون الجـبل بـالذرى علـشان الهـوى وادع ان الله يعقله والحلال مايضيع والله وفيـه شي مهـم جدا وان شـاء الله بـلقـاء فـيه الطـير ويـن المكـان الي دايـم تدعيبه ويـدعـونبه الصـقاقير تـرى طيرك هـناك ومـن واقـع تجربه طـيرتـي غـدت ولـقـيناهـا ورا المكـان الي ندعيـبه وانت دور بالمكـان الي دايم تدعـي به الطـير وان شـاء الله انـك بـحصـله وتبـشرنـا بعـقـلانـه

[مولع الصيد]

أخوي الغالي

الله يعقل عليك طيرك إن شاء الله
وهذي الطيور اللي ما يحسّب لغديتها وإلا لموتها ما صقر

والطيور إذا غدت ما تحكم عليها تعطي نسبة بسيطة للاتجاه لكن ليست أكيدة للأسباب التالية :


1- هذا طير وفي سماء بأختصار ( على كيفه ) يمكن تغدي فيه اتجاه الهواء ويمكن يعكس اتجاه الهواء .
2- الوحش يختلف عن التفريخ لأن الوحش يحوم ويغدي وهو يحوم أما التفريخ يغدي بطرد أو يتخفى عنك أو عن الطير الآخر ( عقاب أو طير مشابطه ) بأي شجرة أو نخله إذا كان قريب لك مزرعة . ( هذي حدثت لي هديت جير على كروان وشاف عقاب وضيعناه واشلوي له بكل مكان وحمامة وآخرها لقيته داخل بوسط نخله بين الجريد واطلع له الحمامه ما كنه يشوفني ) .
3- التفريخ غالباً تغديبه الهواء يعني شف اتجاه الهواء ورح باتجاهها وعلى حسب جرد الطير يعني ما رايح يوّقع إلا لين يتعب . ( وهذا هديت جير على حبارى (تدريب ) ومع الهواء غدت فيه وعلى دقات الجهاز حصلته على مسافة 90 كيلو وهو مواصل طياره إلا أنه وقع في جبل حوالي نصف ساعة واستمر بنفس الاتجاه )
4- الوحش ( الحرار ) يمكن بوقت الحوم يتجه باتجاه الهوى لكن اليوم التالي ( ممكن ) يعكس الاتجاه وهذا طيرين لي وحوش حرار غدن حوم وباليوم التالي عكس الاتجاه واحد عكس الاتجاه مسك مسافة 90 كيلو بعد اسبوع وجتني صورته للبيع ولا شفته إلى يومك . والثاني ضاع حوم باتجاه الهواء وبعد (12) يوم مسكه واحد واتصل علي وكان عكس الهواء مسافة 200 كيلو .
5- وطير وكري ضاع من خوينا من مربطه وضاع من موقعه وبعد 4 أيام مسك على بعد 1000كيلو .
6- شيهان جني عش ضاعت وإلى يومك هذا ما شفناها .
7- طير لي حر ضاع وقت الدعو نزل عليه عقاب ومن بكره وجدته قريب من المكان .


كل هالحكي علشان تعرف أن الطير ما أحد يرسم لك اتجاهه من اليوم التالي احتمال كبير تلقاه لكن إذا زاد عن يومين الله يعينك ويعوضك ويبقى أملك على الله سبحانه ثم على يد أهل الذمة والناس الطيبه .
والجير يمسك رايح ينزل على البيوت إذا كان هدي وشف القرى اللي حولكم واسأل عنه ،،

هذا والله يعقل عليك ويرزقك بالنادر الوحش وأنت جالس تدور طيرك ،،،

وتقبل فائق تقديري ،،،

[عابر الموج]

أخوي الغالي

الله يعقل عليك طيرك إن شاء الله
وهذي الطيور اللي ما يحسّب لغديتها وإلا لموتها ما صقر

والطيور إذا غدت ما تحكم عليها تعطي نسبة بسيطة للاتجاه لكن ليست أكيدة للأسباب التالية :


1- هذا طير وفي سماء بأختصار ( على كيفه ) يمكن تغدي فيه اتجاه الهواء ويمكن يعكس اتجاه الهواء .
2- الوحش يختلف عن التفريخ لأن الوحش يحوم ويغدي وهو يحوم أما التفريخ يغدي بطرد أو يتخفى عنك أو عن الطير الآخر ( عقاب أو طير مشابطه ) بأي شجرة أو نخله إذا كان قريب لك مزرعة . ( هذي حدثت لي هديت جير على كروان وشاف عقاب وضيعناه واشلوي له بكل مكان وحمامة وآخرها لقيته داخل بوسط نخله بين الجريد واطلع له الحمامه ما كنه يشوفني ) .
3- التفريخ غالباً تغديبه الهواء يعني شف اتجاه الهواء ورح باتجاهها وعلى حسب جرد الطير يعني ما رايح يوّقع إلا لين يتعب . ( وهذا هديت جير على حبارى (تدريب ) ومع الهواء غدت فيه وعلى دقات الجهاز حصلته على مسافة 90 كيلو وهو مواصل طياره إلا أنه وقع في جبل حوالي نصف ساعة واستمر بنفس الاتجاه )
4- الوحش ( الحرار ) يمكن بوقت الحوم يتجه باتجاه الهوى لكن اليوم التالي ( ممكن ) يعكس الاتجاه وهذا طيرين لي وحوش حرار غدن حوم وباليوم التالي عكس الاتجاه واحد عكس الاتجاه مسك مسافة 90 كيلو بعد اسبوع وجتني صورته للبيع ولا شفته إلى يومك . والثاني ضاع حوم باتجاه الهواء وبعد (12) يوم مسكه واحد واتصل علي وكان عكس الهواء مسافة 200 كيلو .
5- وطير وكري ضاع من خوينا من مربطه وضاع من موقعه وبعد 4 أيام مسك على بعد 1000كيلو .
6- شيهان جني عش ضاعت وإلى يومك هذا ما شفناها .
7- طير لي حر ضاع وقت الدعو نزل عليه عقاب ومن بكره وجدته قريب من المكان .


كل هالحكي علشان تعرف أن الطير ما أحد يرسم لك اتجاهه من اليوم التالي احتمال كبير تلقاه لكن إذا زاد عن يومين الله يعينك ويعوضك ويبقى أملك على الله سبحانه ثم على يد أهل الذمة والناس الطيبه .
والجير يمسك رايح ينزل على البيوت إذا كان هدي وشف القرى اللي حولكم واسأل عنه ،،

هذا والله يعقل عليك ويرزقك بالنادر الوحش وأنت جالس تدور طيرك ،،،

وتقبل فائق تقديري ،،،

كلام اخوي صحيح اضيف شي اخر استخدم النقل لعل وعسى الطير يشوفه ويجيه الله يعقله ان شالله