وين خبرا الباترول؟؟؟؟؟؟؟؟؟؟؟؟؟؟؟

[عساك طيب]

مساكم الله با الخير يا الربع
وكل عام وانتم بخير

انا يا الربع شريت لي باترول ربع 2009 الله يباركلي فيه قولو امين
وحبيت اغير كفراته ماجزلي شكلها ولا ادري وش اركب قلت اركب جنوط هلل شكله زوين

السؤال يا رجال .؟.
1_ وش انسب جنوط هلل للباترول باجيرو ولا صيني تجاري وهل هي تتحمل الوعر ووزنه خفيف؟
وسمعت انه لازم تبريز وخرط وانا مدري
2_ الكفرات اركب بالون ولا دنلوب شاهين ولا ابو لبنه ولا اخلي حقات الوكاله؟
بس اهم شي اسلم من الرجه
3_ انا اشوف بعض اهل الباترول يركبون شيول على الاستبنه وجركل بانزين على الباب حبيت اعرف شلون تتركب ووين بركبونها


افيدوني الله يجيركم من النار
والي عنده اي اضافات او كماليات للباترول وحركات حلوه يقولي

[ابو عود]

عليك بالهلل الباجيرو اصلي
اترك التجاري

ولا جنوط الفتك الجديد

والكفرات دنلوب نقشة شاهين ولا هانكوك نقشة شاهين

وحركات النصب والجراكل هذي ماعندي خبره فيها

[عساك طيب]

لااااا هنت ابو عود

نطمع با الزود وين الزقرت

[ALBDRANE]

التبريزة تعطي الباترول منظر حلو

[العودالازرقhk]

للهلل الاصلي وكفر دانلوب شبيه الشاهين بس اللهلل اغلبها لازم رجه
ركب تانكي ماء تحت (بجوار الصدام الخلفي )
يايى استرالي خلفي
وفرار عند السليماني
والله يباركلك فيه ويعطيك خيره ويكفيك شره

[عساك طيب]

ماقصرت اخوي البدراني والعود الازرق

[VIP-503]

اذا كفراته للبيع انا شراي حقت الوكاله هي برجتستون ولا غيرها عطني خبر وبعد اذا جنوطه بعد للبيع انا شراي مع الكفرات 0535000979

[You Like Me]

السلام عليكم ورحمه الله وبركاته

الله يبارك لك في حلالك
ويعطيك خيره ويكفيك شره اللهم آمين

والله يالغالي انا اشوف مديل سيارتك
ينفع له جنوط الفتك نفس المديل بس اهم شي اصليه
عشان ما تشغلك بالرجه
كفرات دنلوب بس انتبه من الصيني تأكد ان ختم بن زقر على الكفر
يايات إستراليه
مساعدات مونرو خلفيه
مساعدات شاص اماميه
بطارية إضافية بملحقاتها وهذي بتخدمك اذا راعي مكاشيت
بالنسبة لقاعده الجركل انا ما دخلت راسي
لإنها فيها تخريق للبودي وشغلات مالها داعي
والسياره جديده حرام تلعب في بوديها
والقرار لك اذا الشغله تهمك
وبالتوفيق لك يالغالي

[المجمعة وبس]

انا معي اخو موترك

وكنت مركب هلل وكفرات بالون

لكن ذبحتني بالرجه بسبب الكفرات

كانك ماسكه على هلل ركب عليهن شياهين

[التعـ King ـديل]

بالنسبه للجنوط ركب هلل تجاري مبرز مع كفرات بالون 900 تايواني ماكسس

بالنسبه للجركل تلاقيه عند العليان او ابو سعود او البركات او الراجحي بالغرابي

وركب عليه خط 2008 خليجي الذهبي وفرار اسود من السليماني وبيطلع اوكي

بس هاه الله الله بصوره بعد ماتخلص ..

[عساك طيب]

الله لا يهينكم ما قصرتو
بس ماحد قالي الشيول او الحفار الي يركبونه على الاستبنه وين احصله ؟

[التعـ King ـديل]

عند العليان والمحلات اللي ذكرت لك بالغرابي

[الدبيخي]

اللهـ يعطيك خيرهـ ويكفيك شرهـ


ياخوي عطن رقمك وابشر باللي يسرك من ناحية الجركل

انا مركبهـ بدون تخريم ولا شي والحمدلله وبالعكس معطيه شكل وأسأل مجرب

وانا كان مالك بالطويلهـ تعرف محل خليجي يركبوهـ لك وقلوهـ بدون تخريم

وانا مركب جنوط فتك 17 ودنلوب مقاس 265 - 275

وماشاء الله رساوهـ ومهبولهـ شكل وخط

ورفعت الموتر يايات استراليهـ خلفيه واربع مساعدات شاص >> ولاتنسى تنزيلة القير 2 صانتي

أتمنى أني قدرت أساعدك

[ابو غريبه]

ماقصرتو الله لا يهينكم الجميع
الدبيخي دز رقمك لي خاص لا هنت

[alfazza3]

قاعدة الجركل قيمتها مع التركيب بـ 300 ريال وصراحه شغلت تركيبها عويصه .. والجركل الاسود 100 ريال
بس للعلم هي ماخصصت للاستخدام بل للشكل فقط

وبالنسبة للكريك الي ورا الاستبنه برضو تلقاه عند خليجي وقيمته 150 ريال الكريك مع القاعده

وأتمنى اني افدتك

[الدبيخي]

لبيه أبو غريبه ما اقدر اعطيك اياوهـ خاص لئن مشاركاتي قليلهـ

أغديك تعطين رقمك أنت وأنا ادق عليك بأذن الله