إلى أصحاب الشروكي .. تعال ابسألك كم سؤال

[أبو يوسف]

السلام عليكم ورحمة الله وبركاته

فكرت جديا بشراء شروكي استعمال امريكي
الأسئلة كالتالي

1- هل الاستعمال الامريكي مجدي ؟؟
2- الشروكي هل تنصح به ؟؟
3- كم اسعارهن تقريبا ؟
4- هل هناك مشاكل خطيرة في الشروكي ؟؟


ولا تبخلوا علينا بالشور والنصيحة


مع التحية

[العطة]

السلام عليكم ورحمة الله وبركاته

كان معي شيروكي موديل 94 كرفته كرفل الويل مارحمة ابد شرريته ماشي 270 الف وبيعة بعد اربع سنين مرة طمرة به عقم بسرعة 60 كيلو
1- نعم مجدي
2- نعم
3- بيعته بعشرة الاف
4- نعم الكرونة والحرارة لكن ابعد عن النفود واذا صملة مشاكلة لها حل

واي سؤال انا حاضر

ابوعبدالاله

[أبو يوسف]

ابعد عن النفود ؟؟؟

يبي لها حل


أنا اقصد اسعار الاستعمال امريكي بطاقة جمركية ما طلع له لوحات

ومشكور على تكرمك بالاجابة


مع التحية

[مهراس]

السلام عليكم ورحمة الله وبركاته:
أبو هديل شوف موضوع سفاري ولا شيروكي تراني قربته لك.
أبوفهد

http://www.mekshat.com/pix/upload/images10/mk6074_cwolney.jpg

[جرير]

يارجال تبي شوري ابعد عن الشيروكي

جربته ولا عاد اعودها ان كان انت راعي بر عليك بالياباني وبس
ويدل السلعه ثمنها
صيانه سيئهوغير متوفره في كل المناطق
خرابه كثير
وكاله تعبانه
مساحته صغيره
واطي مع الطرق الرمليه
بالرمال لك عليه
قطع الغيار غاليه
و
و
و
و
و

الدوج دجو هله باسبوع.. سعر التتن مايلقونه
...

http://www.mekshat.com/pix/upload/images10/mk15396_20050910(003).jpg

[هضبه الدخول]

الاخ ابو هديل انصحك بالأبتعاد عن الشروكى وعليك باليابانى تويوتا ونيسان ومستبيشو وسوزو

[الشاقي]

هلا ابو هديل
ارسل رسالة خاصة للعضو سهيل1
عنده شيروكي مطلعه جديد عام 2001 ومعه الى اليوم
ممكن انه يفيدك اكثر

[سهيل واحد]

هلا ابو هديل
ارسل رسالة خاصة للعضو سهيل1
عنده شيروكي مطلعه جديد عام 2001 ومعه الى اليوم
ممكن انه يفيدك اكثر


مشكور يالشاقي على الرد على الاخ أبو هديـل .. وترى اسمي صحيح زي ما ذكرت لكن تصحيحاً لك و للاخوان رقم 1 كتابةً (سهيل واحد)

الأخ ........... أبوهديل

السلام عليكم ورحمة الله وبركاته ..،

نعم انا املك شروكي كلاسيك 2001 Classic من الشكل القديم سعة 4.0 ..قير اتوماتيك .. طلعته من الوكالة في رمضان 1421 ..
اللي ابقولك عليه يخص الشروكي اللي مطلع من الوكالة اللي في السعودية .. لاني ما ادري اذا فيه فرق بينه و بين شروكي استعمال امريكي ..

شف يا طويل العمر .. انا من يوم طلعته لا وقف بوجهي لا شعيب و لا نفود و لا طين و لا رباضات ولا حزوم .. يعني لا رمل و لا غيره .. ارقد و آمن .. (وانا ما انا ملزوم اني أحلف) والله الذي لا إله الا هو اني ادخل وانزل من اماكن ما يجيهن لا لاندكروزر و لا سفاري ولا شاص و لا غيره.

ما قد واجهني خرابات فيه .. ما عدى ما يحصل في جميع انواع السيارات ..
مثل غيرت له مرة واحدة: طرمبة ماء .. سيور .. هوبات (لاني مشيت على الفحمات و هن ممسحات)
لاحظ ان السيارة لها معي 5 سنوات

نجي لأسئلتك :........
1- هل الاستعمال الامريكي مجدي ؟؟
زي ما قلت لك انا ما قد استخدمت الاستعمال الامريكي .. لكن اقدر انصحك بشي واحد و هو انك توديه لورشة سيارات ساب اللي بشارع الضباب (اذا صارت الغرفة التجارية على يسارك وانت بالاشارة ووجهك جنوب .. في زاوية الاشارة الشمالية الغربية تقع وكالة سيارات ساب) بالورشة عندهم فلبيني نص شايب والدتة أمه بوسط مكينة شروكي .. حط السيارة عنده و قله افله فلي و عطني تقرير عنها .. و التقرير ما يكلفك كثير.

2- الشروكي هل تنصح به ؟؟
نعم انصح به وما يعيبه الا الآتي :

صغر حجم المرتبة الخلفية و المسافة بينها و بين النافذة.
صوت الهواء الخارجي لكثرة و جود التنسيمات بالزجاج و البيبان (مقصودة)
غلا قطع غياره
3- كم اسعارهن تقريبا ؟
على حسب نظافة الموتر و خلوه من الصدمات المعدلة

4- هل هناك مشاكل خطيرة في الشروكي ؟؟
لم يواجهني اي مشكلة خطيرة

أخيراً اذا انت يابو هديل راعي بران و قنص فعزالله ان الشروكي الموتر المطلوب .. وترى جميع ما قلت في ردي هذا مبني على خبرتي لبعض انواع الجيوب الاخرى .. اللي ما يرهمن مع الشروكي بالصحاري و الرمال.

وعساي يابو هديل افدتك و اي سؤال انا رسم الخدمة

تحياتي لك

سهيل واحد


،،،،،،،،،،،،،،

[البنتلي]

لاصحاب الشروكي
فيه ورشه فلبيني اسمه نستر على شارع الامير بندر في وسط محطه متخصص شروكي
عنده شروكيات بالهبل وشغله زين و(رخيص)
لان مهو بكل الورشات تعرف للشروكي لان خراباته واجد
الي عنده شروكي يمر عليه ويشوف كثر الشروكيات
ويريحك يجيبلك قطع شروكي من عند المطيويع

[أبو يوسف]

اشكركم على النصايح
وهذي ماهي غريبة على المكشاتيين شرواكم

سؤال لأهل المعرفة : وين المعارض اللي القى فيها استعمال امريكي
لأني لفيت الصالات اللي على الدائري الشرقي بين مخرج 11 و 10 ولا لقيت مع انهم مشهورين بسيارات الاستعمال الأمريكي

كل الشكر لكم
مع التحية
أبو يوسف

[الوشاح]

ابو هديل .. شف ونا اخوك ..

لاتشتري شروكي إلا وانت مقتنع ..!! لأنك تبي تواجه رفض وبأصرار من الناس .. بسبب سمعة الشروكي السيئة .

الشي الثاني ... ليش تدور امريكي؟؟ خذ سعودي احسن لك .. والفرق بالسعر مايسوا .. والسعودي افضل بلاشك ..

الشي الثالث...كم راصد ميزانيه لسيارة علشان اقدر اساعدك .. لأني توي مشتري شروكي واعرف اسعارهن...(اختياري) :)

اخوك .. ابو صالح

[أبو يوسف]

اسف على التأخر عليك اخوي بالرد

الميزانية وانا اخوك 35 وتحت
لقيت بهالاسعار جراند شروكي سعودي بس 8 سلندر
والمشكلة السعودي ما تضمنه لأن ربعنا ما يرحمون الموتر

ومشكور على ردك

[raaayk]

شف وانا اخوك


انا توي شاري شروكي باب واحد موديل 2000

واحد من الربع شاري موديل 2001 ...... بابين الون رصاصي فل قير تماتيق دريش تماتيك بدون جلد ولا فتحة ... وماخذه من واحد قبل ما يدخلة للمعارض شاريه 39



وتبي شوري دور لك من السعودي ... لأن السعودي يجي من الوكالة على المواصفة والمقاييس السعودية.... يعني بأذن الله منتب مواجه لا مشاكل حرارة ... ولا غيرة


وانا مثلك يوم جيت اشري الشروكي ,.... احترت لكن قالي خوي لي منصح انصحك بالسعودي ...لأننا نسمع كلام واجد عن الأمريكي


والاستعمال الأمريكي مهنا زود عنا ... الدعوا توفيق من رب العالمين

اخوك

[الطله]

اولا مساكم الله بالخير ياشباب انا كان عندى شروكى 94 واستعملته 4سنوات وماشكيت منه شى سوى الحراره وركبتله ترمستات شفر 165 لان ترمستات الشروكى حجمهن 195 وصار معى اوكى وكرفته بالبر كرف شريته ماشى 125 ومشيته 480 وبدى يدخن وجفت الماكينه واستعملته بس تبى نصيحه لا تاخذ استعمال امريكى لان المواصفات تفرق اولا يجيك الراديتر عين وحده وكلات الخليج 3عيون هذى اللى شفته فى الامريكى وقطع غياره معقوله بالنسبه لسيارات الثانيه وانا اللى كان عند وكالةالكويت البهبهانى وسامحنا على القصور

[الاصفر]

السلام عليكم
يا بو يوسف انا والله على قولت الناس من شروكي الى شروكي لو تحطه بالمقارنه مع السيارات الثانيه يفرق بالسرعه والنشاط والقوه وبسعر وهذا مهم بعدين انا ابي انصحك نصيحه وعلى قولتهم اسال مرب ولا تسال طبيب انا عندي يا تفكه من الوكاله على ايدك ولا اشتر امريكي جديد يعني ما استخدم في الخليج وهذا لاسباب عديده
ثاني شىء اذا فلوسك كاش تعال الكويت وابشر بعدز لانها بكثره بس القير العادي نادر واغلا طبعا
انا بعطيك اسعارها بالدينار وانت احسبها
2001 لمتد كامل والكامل وجه الله ب3000 دينار وعليك الحسبا وانت نازل
واشتر شروكي وبيزرقك الله

[أبو يوسف]

اشكركم على المشاركة

وتم شراء شروكي استعمال امريكي 99 والحمد لله


مع التحية

[مهراس]

السلام عليكم ورحمة الله وبركاته:

مبروك يابو يوسف على الجيب هل هو شيروكي أو قراند شيروكي؟ اذا حبيت تسأل عن الشيروكي تفضل