معقوله في ناس كذا ؟؟ قصتي مع السياره أخت الجديده

[زقم]

السلام عليكم


والله يا جماعه ما كان ودي اكتب هالموضوع بس يوم شفت البعض يعرض سيارته للبيع ثم يكتب انها سليمه والبدي وكاله وبعدما تفحص


تلقى فيها عذاريب الدنيا واذا سألته قال مدري يمكن من الي قبلي ؟( طيب يخوي من اول قل مدري عن الموتر )


عموما انا بقولكم موقف مر علي شخصيا - الله لا يعيده -
عزمت قبل ثلاث سنين تقريبا على شراء سياره جديده من وكالة العيسى ( لومينا 2007)
كانوا مسوين عليها عرض اتذكر كان السعر 64 الف تقريبا
المهم وانا في الصاله عندهم اشوف الأسعار والمواصفات قابلت واحد من الزملاء السابقين في الدراسه وسلمت عليه وبعدما
سألني عن هدفي من زيارة العيسى وبينت له الهدف فقال لي انه شايف لومينا (( أخت الجديده )) وما شيه دون الأربعة الآف كيلو وقراطيسها عليها
وان راعيها حادها علي ب 52 الف وترددت واني مواعده العصر اليوم في المعارض
الصراحه انا جازت لي السياره- يعني بوفر 12 الف ريال والسياره تعتبر جديده
سألته وش اللون ووينها فيه ؟ فقال لي في اللون الزيتي وتلقى الرجال اليوم العصر في ساحة معارض الشفا
ما صدقت خبر انا ورحت العصر للشفا وبالفعل لقيت السياره وراعيها بجنبها ( رجال سيماه سيما الخيرين لحيه وثوب قصير ومظهر ماعليه كلام )
شفت السياره بالفعل زي ماقال الرجال بلاستيك الوكاله على المراتب وقراطيس الأرضيات
وفاتح الرجال الكبوت تحلف ان الموتر ما دق سلف ابد ..
المهم سألته انا بكم قال لي 54 الف قلت اني جاي من طرف فلان وانت حادها عليه ب 52 الف
قال توكل على الله عطني دراهمك ...قلت طيب يخوي الموتر جديد ..قال بها اللفظ ويشهد ربي
(( شوفة عينك والله حتى البلاستيك ما فكيناه !!! ))
جيت بكتب له شيك عيا وقال ابي كاش ( وكان وقتها البنوك تفتح العصر ) زرقت للراجحي وسحبت له المبلغ وسلمته كاش ومشى الرجال
ثاني يوم استلمت السياره ما فيها شي وحليوه وسافرت بها خارج الرياض وما لاحظت الا
كأن فيه صوت هواء وقلت بقول للوكاله
يشيكون هالموضوع اذا وصلنا لفحص ال 5000 كيلو
ما اطيل عليكم
يوم رحت للجميح ( مشتراه من الجميح ) قالوا لي ان السياره هذي (فل داميج - يعني هلاك كلي !! ) وساقط عنها الضمان !!
قلت وشلون يعني هلاك كلي ؟
قالوا يعني الموتر هذا حسب ملف الصيانه عندنا صاير عليه حادث انقلاب وكان بنظام تأجير منتهي بالتمليك وأخذت السياره
شركة التأمين وصلحوه خارج الوكاله !!
وبعد البحث والتدقيق واعادة تشييك السياره بدقه مع مهندس السمكره
وجدت ان كلام الوكاله صحيح وان الموتر فعلا تعرض لحادث انقلاب ..
طبعا انا طلعت من الوكاله على معارض النسيم ( كرهت الموتر من جد ) ويوم ضلوا علي العالم وصل السوم الى 50 الف ريال
وكل ما قلت لهم ترى الموتر منقلب تفرقوا
وظليت على هالحال يومين او ثلاثه
المهم جاني واحد من اهل حايل قعد يزاود على السياره الين وصلها 56 الف ريال !!
قلت له ترى السياره منقلبه وما فيها ضمان
قال اجل هونت ... قلت اني داري انك بتهون بس هذا الصدق ...المهم بعد نص ساعه رجع علي وقال وشلون السياره في الخط
قلت حلوه بس فيه صوت هواء ببها السايق
قال مكينتها :- قلت والله ما اعلم بس الوكاله يقولون مكينتها وقيرها زينه والشاص زين بس انها منقلبه وهلاك كلي يعني كلش مغير ..
قال راحت بأربعين بعيوبها ... قلت نصيبك
وفعلا الرجال خذ السياره واستخدمها والى الحين وهي معه ( كلمني قبل ثلاث شهور يسلم )


هذي قصتي مع الي غشني - الله يسامحه ... وآسف اني طولت عليكم بس حبيت احط القصه للعبره والعظه
اذا بتشتري من احد سياره
لا تثق في الكلام وافحص الموتر عند ورش معتمده لكي تتطمأن

[ابن عكاش]

كلامك صحيح يالغالي وماعلى كلامك تعقيب
وفعلاً لاتثق بكلام احد حتى لو كان ظاهره الخير الناس تغيرت والله المستعان
لاهنت وجزاك الله خير على نصيحة لإخوانك

[عبدالله المطيري]

تصير يالغالي والله يعووضك خيراً منها

وهو وين يبي يروح بيلقاها قدامه


على طاري سالفتك واحد من العيال معه جيب gxr

باعه بحول 80000 ريال فيه رفرف وكبوت وماشي 210000


يقول بعد فتره طويله مريت المعارض ولا موتري قدامي اعرفه عرف


واوقف عنده كم يسام يالطيب قال 97000 ريال قلت كم ماشي قال مخزن مامشى الا


70000 كم والبدي قال على الفحص الموتر جديد يقول والله اني شكيت بقدراتي العقلية


الموتر اعرفه واعرف رقم لوحته قلت مافيه الا مشخ بسيط بالباب واروح عند الباب الا مشخي موجود


المهم رحت لراعيه وقلتله خف ربك هذا موتري قبل وماشي كذا وكذا وفيه كذا خف ربك يقول ولا كأنه يسمع

[وبل]

كلامك في محله ,,,,وكثير سمعنا سوالف على هالرتم ..

وانا قبل فترة كاد احد الشريطيه ان يغشني بكامري واقف عليها الموديل (اخر موديل نزل) ,,,,ويقولي ابد على الشرط من الصدام لصدام لا ومن زود البجاحه يقولي افحص ((للتخدير))

فسبحان الله دخلني الشك وبعد التقليب بالسيارة ,,,وبعد مانزلت جلده الباب حق الراكب لقيت الفضايح لقيت السمكرة والتعديلات وكسر القزاز والصدا بالبدي الداخلي ...

فقسم بالله بغيت اكسر خشمه قدام الناس لولا تدخل بعض المارة ,,,,,,هاللي مايخاف الله ....

يجب عليك عند شراء مستعمل الا تثق باحد ايا كان ...شكرا

[نقاء المطوع]

الناس تغيرت وانا اخوك اذا بتشري موتر افحصه مسمار مسمار لاتخلي مسمار الى تشوفه يمكن مبوز ويحوسالك الدنيا بعدين لاكن الله يكون بعونك ومثل هذا الي باعك تدوره لين تحصله اهم شي تجيب الرجال وتعرف انت وش تسويبه لاكن الله يكون بالعون وبعدين كثير امور الغش موتر ماشي 90 الف برمجه اقدر ارجعه لك اصفار بس الي مايخاف الله وكثير من الناس يفجر الموتر مكينته متهالك والبدي نضييف مابه شخطه وبعد فتره تندم عليه ولا تحصله مصقط عليه مكينه وبلاوي ولا بغاء يبيعها رجعها وكاله وباعها

[أطلال نجد]

الله يعوضك خير أخوي زقم

على فكرة حركة اللحى وتقصير الثياب هذى منتشرة عند بعض شريطية السيارات للتمويه وأنا أعرف كم واحد منهم في معارض الشفاء

الذمة معدومة الله لا يبلانا

[عالي الكيف]

الله يعوظك بخير مما خسرت

والحمدلله الخساره بالفلوس معوضه

[زقم]

حيالله الجميع كلن بأسمه

شرفتوا الموضوع وبالفعل هالوقت قلت مخافة الله عند البعض سبحان الله وكأنه بيخلد في هالدنيا !!
ما يدري ان فيه حساب وعقاب
ما يدري انه ما راح يتوفق في دنياه
سبحان الله

[أبو أسامة]

وعليكم السلام ورحمة الله

الله يعوض عليك ويوفقك وين مارحت وعسى الله يثبتك دوم ...... تصدق بالله صار لي أكثر من موقف لكن الحمد لله بسبب خبرتي السابقه في العمل كشريطي صرت أعرف وأفحصها بنفسي ولا أضطريت أشاور .... لكن تصدق أنا ما يقهرني غير اللي يعرض موتره بالنت وإذا طلبو العالم صورة تنقى أحسن صورة للموتر أو أخذ صورة ما تبين إلا أنها سياره بس يعني ماهي واضحه .... من المواقف اللي حصلت لي هي بعد ما شفت جيب ربع نيسان 96 فل نظيف من الصورة ومعروض بالنت بأحد المواقع أخذت الرقم وأتصل على صاحبه طلع بحفر الباطن وأتفق معه على نهاية الأسبوع عشان أشتري الموتر المهم يوم جيته أبي أفحص الموتر قال تقهو وأخذ من الوقت حتى قبل المغرب بعشر دقائق وأنا أقول أبي أفحص وهو يرد خل نتقهوى و خل الجو يبرد حنا بعز الصيف المهم يوم فحصته على أننا قبل المغرب بين معي إن الموتر مسمكر كله وحرارته أتش بس هو رابط الأمبير من جوى عشان ما يتعدى الربع طبعاً توقع مني لأن حرارة الموتر كانت مستحيل أنك تفتح الكبوت أحترقت أصباعي قام يصرف بعذر حرارة الجو قلت رح أفتح كبوت موتر وأن دوبني جاي من الرياض قام يتفلسف ويطلب الفحص بالورش ويوم كلمته ليش الصورة بالنت تدل على أن الموتر بقمة النظافة وأنك قلتلي أن بديه توب رد بعذر بغيت ( أصفقه أطلع تعب السفره فيه ) قال الصورة للموتر أول ما أشتريته عام 2001 م والكلام هذا عام 2010 يعني ما أقول إلا حسبي الله عليه طلعني على الفاضي .... وصدقوني راح تلقون جميع أنواع التلاعب بالنت .... يعني أنتبهوا .....

وبالتوفيق للجميع

[عاشق القمر]

تصدق اول ما شفت قصتك

هونت اني اشتري سيارة مستعمل

يا جديد ولا انتظر الين اكمل فلوسي:mad:

[alkongrs]

الله يعوض عليك وحسبي الله على من غشك وغشنا


هذا زميل اخوي يقول راح يبي موتر وسيم الموتر والرجال وافق جاه واحد قال نزلي ال500 للولد يقول تشوفه وهو يتكلم ترحمه قلت خلاص نزلت الخمس ميه
يقول من بكرى بروح ياخذ دراهمه الى الى قاعد يشحد ينزله ال500 على المكتب ومدد السيقان قاله خوي اخوي الله لايوفيك لا دنيا ولا اخره دامك لعبت علي رد عليه الشريطي بكل وقاحه موب انت اول واحد العب عليه

احذرو من ذي بعد يجيك ويتشحد عشان 500 او 1000 عشان تنزله

لاحول ولاقوة الى بالله
الزمن ماتاثق بحد الى الفحص

[محنك]

إن كانه داري ... تتوقع إن الله يوفقه
سوف يراها قريباً
عياله مايوفقهم الله ,, تجارته تكسد .. صحته تذهب .. أمواله تذهب فجأة
لأن أكل الحرام ينبت حرام ...
والتوبة من هالأمور فيها صعوبة ... لأن الواحد ينساها مع الوقت وخصوصا إنها تتعلق بمصالح العباد وليست مع الخالق وحده سبحانه ... والقبر صندوق العمل .
أن كانه مايدري فعفا الله عنه ,,
وإن كانه يدري فعفا الله عنه أيضاً ..

[زقم]

اخوي عاشق القمر

لو خليت لخربت وانا أخوك وتأكد ان الصادقين والأجاويد أكثر من النصابين

لذلك اقولك ولنفسي وللجميع

يا أخوان اليوم ترى الفحص متوفر وامكانيات الورش تطورت وصار فيه فحص كمبيوتر وفحص بدي وشيصان...الخ
وكله ما يكلف 300 ريال يعني بالعربي 300 ريال لا عادت اخسرها اليوم ولا اخسر آلآف بكره ..

[راعي النياسين]

اخوي لاتهمك المظاهر

المفروض الله يهديك انك فحته حتى لو انها ماشيه 100 كيلو افحص علشان تتطمن والفحص كله مايكلف 250 ريال

الله يعوض عليك وحسبي الله ونعم الوكيل

[ايدي باور]

الجديد هو الحل ؟؟؟

اوووووه تذكرت ,,, حتى بعض الوكالات تبيع عليك مصدوووووم

اقول مابالفار فارن طاهر

[أطلال نجد]

وعليكم السلام ورحمة الله

الله يعوض عليك ويوفقك وين مارحت وعسى الله يثبتك دوم ...... تصدق بالله صار لي أكثر من موقف لكن الحمد لله بسبب خبرتي السابقه في العمل كشريطي صرت أعرف وأفحصها بنفسي ولا أضطريت أشاور .... لكن تصدق أنا ما يقهرني غير اللي يعرض موتره بالنت وإذا طلبو العالم صورة تنقى أحسن صورة للموتر أو أخذ صورة ما تبين إلا أنها سياره بس يعني ماهي واضحه .... من المواقف اللي حصلت لي هي بعد ما شفت جيب ربع نيسان 96 فل نظيف من الصورة ومعروض بالنت بأحد المواقع أخذت الرقم وأتصل على صاحبه طلع بحفر الباطن وأتفق معه على نهاية الأسبوع عشان أشتري الموتر المهم يوم جيته أبي أفحص الموتر قال تقهو وأخذ من الوقت حتى قبل المغرب بعشر دقائق وأنا أقول أبي أفحص وهو يرد خل نتقهوى و خل الجو يبرد حنا بعز الصيف المهم يوم فحصته على أننا قبل المغرب بين معي إن الموتر مسمكر كله وحرارته أتش بس هو رابط الأمبير من جوى عشان ما يتعدى الربع طبعاً توقع مني لأن حرارة الموتر كانت مستحيل أنك تفتح الكبوت أحترقت أصباعي قام يصرف بعذر حرارة الجو قلت رح أفتح كبوت موتر وأن دوبني جاي من الرياض قام يتفلسف ويطلب الفحص بالورش ويوم كلمته ليش الصورة بالنت تدل على أن الموتر بقمة النظافة وأنك قلتلي أن بديه توب رد بعذر بغيت ( أصفقه أطلع تعب السفره فيه ) قال الصورة للموتر أول ما أشتريته عام 2001 م والكلام هذا عام 2010 يعني ما أقول إلا حسبي الله عليه طلعني على الفاضي .... وصدقوني راح تلقون جميع أنواع التلاعب بالنت .... يعني أنتبهوا .....

وبالتوفيق للجميع

سالفتك ذكرتني بسالفة واحد من الأصدقاء شاف أعلان مصور بيع جيب بالقصيم

يقولي هذا الصديق تواعدت أنا والرجال وطلعت من الرياض متوجه للقصيم على الساعة 07:00 الصبح

المهم يوم وصلت عاني وقابلت الرجال طلع الجيب اللي معه غير الجيب اللي شفته بالصور ؟؟!

نفس السيارة لكن فيها دقات من كل جهه وكفراته غير اللي بالصور والسيارة بشكل عام حالتها حاله

الظاهر أنها صور للسيارة لكن قبل كم سنة !!

سبحان الله

[زقم]

يخوي انا مدري وشلون يتهنى الي ياكل مال اخوه المسلم بالباطل !!!

يغش وهو يدري انه يغش وعادي ما كأنه سوى شي .. يخوي ذولي ما يدرون ان فيه شي اسمه عقوبه !!

ما يدرون ان الظليمه اثرها تجي له في الدنيا والآخره !! وأنه ماراح يتبارك ماله ولا عياله !!

سبحان الله

[ابوحسن ...]

كثير من الي مايخاف الله ما الا ماندر

[الهرم]

الله يعوض عليك

والله قبل سنتين او ثلاث رحت للقصيم معي سياره ابسويلها تلميع عقب ما شريتها كابرس ss

المهم فيه محل قريب من معارض القصيم يلمع تلميع جيد والله نسيت اسمه

يشتغل فيه كان ماخنتني الذاكره (عامل تركي الجنسيه )

المهم جلست اسولف معه قال تبغى ارجع لك عداد الطبلون

قلت تعرف؟
قال ايوه وكثير من الشريطيين يجون معهم سيارات فخمه لكزس + جيوب + وارجع العداد

قلت طيب هذي عداد الالكتروني
قال عندي طريقه واعرف

قلت ياشيخ خف ربك انت تساعد على غش الناس
حرام عليك

والله يوم ذكرته بالله عصب وراح

الخلاصه
ـــــــــ
اللي مايخافون من الله
حتى السيارات الجديده يلعبون فيها حسبي الله عليهم

[مغتراب]

خذ هذي السالفة اجل .

عزمت على شراى لا ند كروزر وبعد المشاور قالو لي ياتاخذ هدد عادي ولا فكسار تماتيك اقوى في العزم من الجكس ار التماتيك بس العادي ماحبيته مع زحمت الرياض وقلت اجل مالي الى الفكسار التماتيك وبعد التدوير بالمعارض وروحات والجيه اتصل علي واحد من الشباب وقال في احدى المواقع بالانترنت معروض فكسار 2006 وشكله نضيف من الصوره واتصلت على راعية وقابلته وشفت الموتر وقلت له كن الموتر مرشوش بابه وملمع قال ايه مرشوش الجنب الايمن كله قلت والسبب قال طايح علية سقاله ورشيناه كامل الجنب عند البازعي قلت مدام االرجال صدق معي مايهم اهم شي يكون القير والمكينة وتماسك الموتر مضبوط والرش مو مهم لواحد بيستخدم ويوفر مبلغ قلت اجل بكره الوعد عند مركز كارتك علشان نفحص الموتر كامل قال يرجال مايحتاج تفحص خذ الموتر وجربه وفر على نفسك 600 ريال قلت لا والله لازم افحص قال اجل افحص المكينه وبس اوفرلك قلت ماشي وبكره جب فواتير الي قلت عليها حقت الرش الي في البازعي قال انشاء الله ويوم جاء بكره وتواعدنا عند المركز ودخلت الموتر وسويت الفاتوره فحص كامل مكينة وبدي ماودي اطول عليكم بعد ماخرج التقرير صار الموتر مرشوش الجنب الايمن كامل مع سمكره وباب الشنطة والتنده بسبب انقلاب والله ماعرفت وش اقوله الا الله يسامحك بس . فاالفحص مطلوب والله ياجماعة الخير اخسر 1000 ولا تخسر الووف . معليش على الاطالة بس لكي يعتبروا الاخوان .

[فنجال شاهي]

لا حول ولا قوة الا بالله

شي عجيييب ويقشعر لها البدن

[عبدالرحمن السالم]

الله يعوض عليك ويرزقك بالسياره إلى تسر الخاطر
واحد من اخوياي خويه بالدوام يقول معه يوكن 2007 يقول مايعرف بأمور السوق والسيارات ويبي يسافر خارج المملكة ودخل معارض النسيم وتجمعو عليه الشريطيه قاله واحد تبي موترك يجيب سعر قال دخله الحراج وهذاك على نياته ودخل الموتر وباعه بـ 35 ألف لاحول ولاقوه الا بالله وهو واقف يتفرج المسكين
نصيحه إلى مايعرف للمعارض والشريطيه لايروح والا ياخذ معه واحد فاهم ولسانه متبري منه لان ماينفع معهم الا كذا

موفق خير يالغالي

[ابو صاالح]

المشكله ان امثال اللي باعك كثير ، ويستغل المظهر عشان يمشي سوقه ، والمشكله ان امثالك قليل ، جزاك الله خير وكثر الله من امثالك ، احتسب ما يضيع حقك ، تاخذه بالاخره ابرك لك من الدنيا ، موفق ولعله تكون درس لك

[العاذر]

خذها قاعده (( الموتر النضيف مايباع ))) ألا نادرا وقليل جدا

[لهذام]

نصيحه المستعمل لاتشتريه الا ومعك واحد خبير خبير خبير فالمواتر من سمكره ومن المكينه وغيرها خله يفحص الموتر بنظرته ، لاتدرعم وانت ماتعرف شي ثم تبلش ، وافضل السيارات المستعمله التي تكون عند شخص قريب وتعرفه زين وتعرف موتره وكده للموتر ، اما طب السوق واشقل هذي مصيبه.
والحين الله المستعان الذمه انعدمت الا عند من رحمه الله ، يلهث ورى المال لو كان حرام .

[عزيز 3333]

- سجل عندك واحد من العيال ... لومينا 2006 ..بأكياسها ومعربن الموتر (سليم )
يوم فحص لقاها مصدومة ورفض يرجع العربون !! حصل الي حصل لين رجعة

- سجل عندك واحد من العيال ... كابرس 96م الموتر شاريه وماشي معه زي الحلاوه شارية من واحد يقول انا فاكه من الوكالة باسمي ... بعد فتره حصل مشكلة في باب الراكب اضطر يفك الباب ( القزازة ) حصل ختم ارامكوا !!!!!!!

وش تقول

[الربذي]

السلام عليكم



هذي قصتي مع الي غشني - الله يسامحه ... وآسف اني طولت عليكم بس حبيت احط القصه للعبره والعظه
اذا بتشتري من احد سياره

لا تثق في الكلام وافحص الموتر عند ورش معتمده لكي تتطمأن

وعليكم السلام لاتثريب عليك اخوي انت ماجور وهو مازور حمار التاجير اجلكم الله هو قد توقع وظن فقط يكون واحد متفق معه لان شكله متلبس باهل الدين والاستقامه ونحن مالنا الا الظاهر وهو ظاهره زين مثل سيارته ومن داخل اجرم وسيارته مقلوبه طبعا متفق معه انه يعرض سيارته وله مبلغ من المال وبعدين هو كلامه مدغم وهذا ديدن الشريطيه الغشاشين والله الموتر شوفت عينك كلامه من ناحيتك تفهم انه مايحتاج وهو يقصد انه شوفت عينك ماظهر منه تمام والخافي اغرك بشكلي !!!!!!!!!!!!!!!!
انت عمله نادرة اليوم بزمن المادة ولانزكي على الله جل وعلا احد اخوي وش سيارتك وهل ترغب ببيعها ؟
اخي الكريم كنت ببريدة قبل تسع سنوات اشتريت سياره ب24الف وسحبت له 5000 الاف كان يوم خميس ماادري جمعه مقفل البنك وقلت انا من حائل وابي انقلها هناك يوم السبت ان شاء الله احول لك المبلغ قال تم ياوليدي وهذي صورة بطاقتي كان اسمه حمد الحربي ورح عليها واذا جاء يوم السبت حول لي 19الف وانقلها !!!!
ومايضيع شي الي يروح بالدنيا اسمنا لاقينه يوم العرض الله اكبر مااجمل اليقين
رحت وفعلا حولت له الفلوس ونقلت سيارته بنفس اليوم
والحمد لله هذا من فضل الله .
مره اشتريت هوندا الله لايعيدها من سياره قالي صاحب المعرض بعد ان قررت شرائها بس مادفعت الفلوس الله يعينك عليها قطعها نار نار وخرباتها تبي تكلفك تصدق دفعت له الفلوس فقط في بالي حفاظ على كلمة الحق لاني لو قلت هونت زعل منه صاحب الهوندا وبدا يكتم الحق فعلا اشتريتها ويارجل كلفتني بلاوي خرب القير وصلحته ب2500 خربت المكينه انفقعت بعد اقل من شهر وكلفتني 5500 وبعتها ب3500 حرااااااااااااج
وانا مشتريها ب8500 ريال
وخسرتني 5500+2500 ثمانية الاااااااااف
من غير كل يوم تقريبا وانا بسطحه وعلى الصناعيه
والله كرهت هوندا بعدها كره كره ماادري وشو تصدق اكره شركة سيارت عندي

[زوم]

الله يعوظك بخير مما خسرت

[فاقدخوي]

الله يخلف عليك
وكم واحد اكلها قبلك من اللي مايخافون الله

بس همهم فلوس × فلوس

[الحضرمي2006]

الله يعوض عليك أخوي الزقم ويرزقك الحلال
والله يعطيك العافية على تنبية أخوانك وتحذيرهم

[محمد 1429]

السلام عليكم ورحمة الله وبركاته

نصيحه للجميع في حال شراء السيارة افحصها لدى الوكالة لن صار لنا موقف اخذنا سياره من احد معارض السيارات بالرياض الى مركز من المراكز المعروفه وجلس يفحص فيها لين قال امين وبالنهاية قال السياره زي الفل ما فيها الا ضربه خفيفه بالرفر اليسار الخلفي مع العلم ان السياره كان فيها حكات بالرفرفين الامامي يمين ويسار ولا صلحت متروكه مثل ما هي لما ودينها لوكاله طبعا بعد ما شرينها لقينا السياره جيتها ضربه مع الوجه يعني لا تثق بفحص المراكز
وبحذركم بعد من شي بعيد شوي عن الموضوع من الوكالات لما تدخل سيارتك عندهم وفيها اي مشكله اول ما تجي تستلمها اطلب منهم انك تشيك على السياره بنفسك وشوف اذا كان التغير تم او لا للقطع لن النصب شغال في كل مكان

وسلامتكم

[مكشاتي 2011]

السلام عليكم


شف ونا خوك

اذا تبي تعرف ان السياره مسمكره ولا لا

كيف تعرف أن السياره (المستعمله) قد حصل لها حادث عند الشراء!!!!!!!!!!!



أولا: يجب فحص جسم السيارة في النهار ويجب أن تكون السيارة نظيفة من الخارج وإذا

تعمد البائع أن تكون السيارة وسخة ومغبرة من الخارج بحجة عدم وجود وقت لغسلها فتأكد

أنه يحاول إخفاء شيء عنك .

ثانيا:اليك الطرق التي تكشف بها عن أثر الحادث في أي سيارة ؟!

1) إنعكاس الصورة : -

حيث أن الخطوط يجب أن تبدو مستقيمة وإنعكاس الصورة على جسم السيارة يبدو ممتاز

وبدون تموجات .

2) الخطوط :-

وهي طريقة أخرى تمكنك من الكشف عن تعرض السيسارة لأية حوادث حيث يكون غير

متناسق ، فهو مثلا عريض في القمة وشبه متلاصق في نهايته( إستخدم هذه الطريقة في

ملاحظة كل الخطوط الموجودة في السيارة).

3) حدود الصبغ :-

أمهر الفنيين في أحسن الورش لا يمكنهم تجنب ترك أثر عند صبغ جزء من السيارة بسبب

حادث أو ما شابه ، لذا حاول أن تبحث عن أثر الحدود التي تتركها عملية صبغ جزء من

السيارة وهذا الحد هو الخط الذي يتكون بين الصبغة الأصلية والصبغ الجديد ، كما يمكنك

الكشف عن آثار الصبغ في الزوايا التي يصعب صبغها بطريقة جيدة مما يترك أثر.

4) الأجزاء الغير مكشوفة :-

من الأماكن التي تستطيع الكشف بها عن حالات الصبغ ، إفتح أبواب السيارة وإنظر إلى

(الربلات و الكابلات والبراغي) ، كما يمكنك فتح غطاء المحرك وملاحظة براغي التثبيت

والتي تبين أن هذا الغطاء تم فتحه وإعادة تركيبه وهو ما يدل على أثر لحادث في مقدمة

السيارة .

5) زوايا النظر المختلفة :-

في بعض الأحيان يصعب الكشف عن أماكن صبغ السيارة وخصوصاً في الجانب ولكن يجب

عليك أن تغير من زاوية الرؤية لتتأكد من أنه لا يوجد أثر لإختلاف الصبغ .

6) أماكن تكون الصدأ وطريقة المغناطيس :-

في حالة وجود نقط من الصدا يجب عليك البحث بدقة عن مثيلاتها لتعرف حجم الصدأ

المتكون في السيارة ومن الأماكن التي يمكنك البحث فيها أرضية السيارة من الداخل ،

أطراف الأبواب ، زوايا الصندوق الخلفي و أطراف هيكل السيارة عند العجلات . وبإمكانك

أيضاً إستخدام مغناطيس صغير وحاول أن تلصقه في الأماكن السفلية مثل أسفل الأبواب

وهيكل السيارة الجانبي ، إذا كان هناك كمية صدأ كبيرة تحت صبغ السيارة (وهي التي لا

يمكنك رؤيتها) في هذه الحالة لن يلتصق المغناطيس مما يدل على تأثر هيكل السيارة بشكل

كبير بالصدأ .


7) الهيكل الأساسي للسيارة :-

تحتاج هنا إلى رفع السيارة والبحث في الهيكل عن أية آثار لضربات أو صدأ أو أثر لحام ،

في حالة وجود مثل هذه الآثار تاكد أن السياره قد حصل لها حادث أو غير صالحه

[مكشاتي 2011]

وبا لتوفيق

[عاشق الكروزر]

تصدق اني بايع جي اكس ار 2003 قبل 4 سنين مظروب وجهه وبابين ورفرف خلفي يمين قوي

بعته وهو مصدوم ب95 لاحد الشريطية بمعارض النسيم واعرف المعرض زين المهم بعد 3 شهور

رحت ومعي واحد الا وهذي سيارتي بنفس المعرض مصلحة ومظبطة وسأله الرجال فيه شي وقال الشريطي مشخ خفيف هنا

والباقي وكالة....ومسيوم ب115......وانهبل خويي وقاله اتق الله هذي سيارتنا وفيها وفيها.....

المهم بعد كم يوم لقيتها مع واحد وسألته للبيع قال كم تسومه قلت فيه صدوم قال مافيه الا المشخ الي قاله لنا الشريطي...

ورحمته الصراحة وماعلمته ان السيارة لي سابقا وانها مصدومه

ولا حول ولا قوة الا بالله

[زقم]

شكرا للجميع على التفاعل

[trailblazer04]

الله يعوض عليك ويرزقك بالسياره إلى تسر الخاطر
واحد من اخوياي خويه بالدوام يقول معه يوكن 2007 يقول مايعرف بأمور السوق والسيارات ويبي يسافر خارج المملكة ودخل معارض النسيم وتجمعو عليه الشريطيه قاله واحد تبي موترك يجيب سعر قال دخله الحراج وهذاك على نياته ودخل الموتر وباعه بـ 35 ألف لاحول ولاقوه الا بالله وهو واقف يتفرج المسكين
نصيحه إلى مايعرف للمعارض والشريطيه لايروح والا ياخذ معه واحد فاهم ولسانه متبري منه لان ماينفع معهم الا كذا

موفق خير يالغالي


مع احترامي لجميع الاغنام هذا الشخص يستاهل لقب ابو جرس

مثل هالاشكال واجد يضحكون عليه الشريطيه ولا رجع عند جماعته قعد يبكي ويقول الشريطيه والشريطيه

طيب قالوا له بـ35 الف خلاص صدر حكم بهالمبلغ ؟؟؟؟

مايقدر يقول لا؟؟؟؟

35 الف هذي قيمتها بعد 9 سنوات

وفي كلمات اعتز فيها :
(القانون لايحمي المغفلين)
(ان لم تكن ذئبا اكلتك الذئاب)

[التعـ King ـديل]

كلامك على متمه

انا صار لي موقف شريت باترول ورحت فحصته عند ورشه بالشفا .. قالي الموتر سليم ومحركاته نظيفه

وفعلا رجعت للمعرض وشريته .. وبعد ثمان شهور جيت ببيعه والموتر على كلام الورشه وكاله البدي

جاني شريطي وقام يعيب بالموتر مرشوش جنبه ومدري وشو وكلام الشريطيه قلت له الموتر نظيف وقام

يتفلسف علي ويقول انا ولد سوق واعرف المرشوش من الوكاله .. المهم وانا وياه نتكلم قلت له خلنا

نشوف غيرك ناس تبي تستخدم قام الشريطي يصارخ ويقول لايجوز تبيع موتر مرشوش على انه وكاله

ورفع صوته وتجمعو الشريطيه وكل واحد يعزز لخويه لحد ماتجمعو علينا العالم كلهم .. والشريطيه

يقولون للشريطي خويهم بكم يصلح لك قال ب 30 والموتر على وقته يسوى 50 وقامو يضغطون علي

بعه يارجال مرشوش الموتر .. المهم انا طنشته ومشيت من المعارض ومن بكره رحت لمعارض الشفا

ودخلت الساحه شافني واحد ملقوف ولا يدري عن كلام الشريطي صدق ولا لا قال مب هذا الموتر امس

بمعارض النسيم قلت الا قال مرشوش وتقول انه وكاله شلون قلت له انت فحصته قال لا فحصه الشريطي

امس وقال مرشوش وقعدت على ذا الموتر شهر كل ماادخل سوق يقولون اني كذاب قلت ياولد مابدهاش

وانقز الوكاله واطلب فحص كامل للبدي والمحركات ويعطوني تقرير ان الموتر وكاله محركات وبدي

وارجع للمعارض والتقرير معي وكل من فك ثمه وريته التقرير لحد مابعته على واحد يعرف القصه

وراح الوكاله وتاكد وشراه مني ب 55

[البرتقالي]

كلامك على متمه

انا صار لي موقف شريت باترول ورحت فحصته عند ورشه بالشفا .. قالي الموتر سليم ومحركاته نظيفه

وفعلا رجعت للمعرض وشريته .. وبعد ثمان شهور جيت ببيعه والموتر على كلام الورشه وكاله البدي

جاني شريطي وقام يعيب بالموتر مرشوش جنبه ومدري وشو وكلام الشريطيه قلت له الموتر نظيف وقام

يتفلسف علي ويقول انا ولد سوق واعرف المرشوش من الوكاله .. المهم وانا وياه نتكلم قلت له خلنا

نشوف غيرك ناس تبي تستخدم قام الشريطي يصارخ ويقول لايجوز تبيع موتر مرشوش على انه وكاله

ورفع صوته وتجمعو الشريطيه وكل واحد يعزز لخويه لحد ماتجمعو علينا العالم كلهم .. والشريطيه

يقولون للشريطي خويهم بكم يصلح لك قال ب 30 والموتر على وقته يسوى 50 وقامو يضغطون علي

بعه يارجال مرشوش الموتر .. المهم انا طنشته ومشيت من المعارض ومن بكره رحت لمعارض الشفا

ودخلت الساحه شافني واحد ملقوف ولا يدري عن كلام الشريطي صدق ولا لا قال مب هذا الموتر امس

بمعارض النسيم قلت الا قال مرشوش وتقول انه وكاله شلون قلت له انت فحصته قال لا فحصه الشريطي

امس وقال مرشوش وقعدت على ذا الموتر شهر كل ماادخل سوق يقولون اني كذاب قلت ياولد مابدهاش

وانقز الوكاله واطلب فحص كامل للبدي والمحركات ويعطوني تقرير ان الموتر وكاله محركات وبدي

وارجع للمعارض والتقرير معي وكل من فك ثمه وريته التقرير لحد مابعته على واحد يعرف القصه

وراح الوكاله وتاكد وشراه مني ب 55

ياليت كل الناس مثلك يالذيب كان قطعنا دابر الشريطيه
اللي شغلتهم تغليظ الأيمان من العصر لين اذان المغرب
عليهم من الله ما يستحقون

[ابونبيل]

لا تصق بأحد وانت بالمعارض

ثانيا فيه محلات تفحص السمكره بجهاز عليه لون احمر =اي مسمكر ومصقوع... اصفر= اي فيه ضربه ومعدله بدون رش اخضر = سللللليم دق سلف وامش

والله يعوضك بالي خسرت

[Riyadh City]

الله يعوضك يالغالي

بس مع إحترامي لك سيارة ما مشت كم كيلو تباع بأقل من سعرها الحقيقي بـ 12 ألف ,, بصراحه شي يدعو للريبه ..

لازم تفحص لازم تفحص لازم تفحص خاصه إذا كانت خبرتك بالسيارات قليلة
لأن الواضح أن خبرتك ضعيفه مره في إكتشاف عيوب السيارات والدليل السيارة فل داميج وما لاحظت الفرق .
هذا أعتبره درس لك وبعض الدروس تكلفنا واجد ,,
بس لو أنا منك كان ما أبيع الموتر بهالقيمة على الأقل أستخدمه وأكرفه وأحلل فلوسه وبعدها أبيعه لو بريال

بس يلا كل دقه بتعليمه ومعوض خير

[ابوصالح77]

مشكلتنا نتعامل مع الناس حسب مظاهرهم ، وهذا خطأ فادح
الله يعوضك خير

[زقم]

الأخوان جميعا جزاكم الله خير

وأخص بالشكر اخونا مكشاتي 11 على المعلومات المفيده

[زقم]

مع احترامي لجميع الاغنام هذا الشخص يستاهل لقب ابو جرس

مثل هالاشكال واجد يضحكون عليه الشريطيه ولا رجع عند جماعته قعد يبكي ويقول الشريطيه والشريطيه

طيب قالوا له بـ35 الف خلاص صدر حكم بهالمبلغ ؟؟؟؟

مايقدر يقول لا؟؟؟؟

35 الف هذي قيمتها بعد 9 سنوات

وفي كلمات اعتز فيها :
(القانون لايحمي المغفلين)
(ان لم تكن ذئبا اكلتك الذئاب)

قل الحمد لله يابن الحلال

ترى فيه ناس على نياتها ويصدق الناس على اساس انهم مسلمين

اعرف واحد - من اطيب الرجاجيل - ومحبوب والي في يده مهوب له ..ويصدقك لو تقوله
اي شي
مثل هالنوعيات هم من يقعون دائما في ايدي حيالة المعارض

وبعدين ترى كلمة القانون لا يحمي المغفلين هذي مهيب في الإسلام

لذلك منع الإسلام تلقي الركبان والنجش ومنع بيع الغبن بينما هي حلال عند الغرب
بدعوى ( القانون لا يحمي المغفلين !! )

[مخاوي الخيال]

الله يعوضك

[عبدالعزيزف]

مثل ماقال ابونبيل لا تصدق بأحد وانت بالمعارض
والذمة عندهم بحر

[ولد التواجر]

حياك يا زقم ..

يا رجال ربع خويك وااجد ..

طبعا الموتر التيما نيسان .. يوم أجيه شراي كان الموتر ماشي 35 الف ..

الرجال حادها 32 الف !! طبعا قال انه يشتغل في الندوة العالمية للشباب الاسلامي .. المهم قال ترى فيه طقة خفيفة في الكبوت .. فتحنا الكبوت و لا خرطوش الهواء موب موجود قال تراها بسيطة تلقاها في اقرب محل قطع غيار المهم انا كنت ما ادري وش السيارات و خذتها على كلامه ..

المهم القطعة درت ابو فروع الحمراني عجزت القاها و حتى الموزعين .. غير كذا اول ما خذت الموتر يهرب فريوون و الكهرب منحاس يدق اشارة بسرعة و الموتر متفكك و هو ما مشى الا 35 الف !! ..


و اقول لكل بياع لا تنسى حديث الرسول اللهم صل و سلم عليه ( إذا صدقا و بينا بورك لهما في بيعهما ) أو كما قال ..

[أبوحمد 505]

أخوي أنا كنت أدور سيارة ورحت لحراج الشفا

وكان في بالي ياكورلا ولا كامري ولا أكورد على حسب النظافة والسعر

المهم جاني واحد ملتزم وقال والله أني راحمك لا تطيح في واحد غيري ويلعب عليك

أن كانك رجال مستخدم نصيحة لا تفوتك الأكورد هذي وجلس يحلف أنها لمدرس كبير في السن ومحافظ عليها
وترا السيارة مايضرها الشكل الخارجي للمستخدم أهم شي المحركات ومن ناحية المحركات أرقد وأمن وكالة
المهم أشتريتها وبعد فترة والله طلعت فيها علل الدنيا كلها مروحة أديتر مساعدات ركب مقصات كهرب
وسبحان الله ذيك السيارة من يوم شريتها لين بعتها وهي خساير في خساير

المهم دقشني شايب على موترة وتنازلت عنة قلت لة بس مابي منك إلا ورقة أصلاح قال يالله خلنا نروح للمرور ناخذ الورقة وحنا واقفين قلت طيب وهينا كانت الصدمة والمفاجأة طلعت السيارة مسروقة ومفحطين عليها وصادمين وجادعينها

الله يعوضنا ويعوض جميع المسلمين أخيرا السيارة بيعت تشليح بعد حادث اليم

[مكشاتي 2011]

مثل ماقال ابونبيل لا تصدق بأحد وانت بالمعارض
والذمة عندهم بحر



هذا الكلام