أستشيركم يالنشاما..!!!

[راعي عباث]

السلام عليكم ورحمة الله وبركاتة


أسعد الله صباحكم بكل خير..
يقولون يالربع ماخاب من أستشار .... وانتم أن شاء الله فيكم البركة
وأنا ودي بموتر اروح العمل وقضي مشاويري علية... والوالد الله يطول بعمره يبيني أشتري لي شاص 2011 رفارف علشان الختات للبر ويحمل عليه علف للبل...
وانا محتار به والا بسياره ثانية اتوماتيك
ترى مافيه ببالي سيارة معينة وانا اللحين ماودي أزعل الوالد ومحتار ..
وابي شوركم واللي ينصحني بالشاص يالليت يعطيني علومه وعيوبه لان الشاص الرفارف2011 الجديد مابعد جربته ولا ادري عن زينه من شينة
ومشكورين وأتمنى أفادتي عاجلآ

[باث 3]

أول شئ ترى شور الشيبان دايما طيب

وأنا أقول لك أشتر وأنت مغمض

والله يبارك لك مقدما

[عاشق السيل]

وعليكم السلام ورحمة الله وبركاته ،،

أول شي لازم ملزوم ترضي أبوك وتسمع كلامه وتنفذ اللي يبي بالحرف الواحد !!

ثاني شي خذلك سيارة صغيرة يابانية أو كورية تكون تماتيك تقضي لزومك ومشاويرك وتخلي الشاص لمشاوير البل والحلال ،،

والله يوفقك لكل خير ....