شوركم ياشباب في فكسار 8 سلندر موديل 98

[مفخرة فورد]

السلام عليكم
يالربع فيه جيب فكسار موديل98 / 8 سلندر /قيرعادي / خلفية لكزس / دفلوك / فتحة سقف / 2 تانكي بنزين / قزاز كهرب / ثلاجة / مكيفين , فيه سمركة في الرفرف الخلفي باقي البدي سليم.
وشو من لحية بهالمواصفات وهل ينشد به الظهر والا مشاكله كثير ؟؟
وياليت تذكرون حدود قيمته للي يعرف , لأني ماأعرف في هالانواع . والله يجزاكم خير

[عبدالرحمن1980]

والله ياخوك اذا سعره مناسب وممشاه قليل خذه واذا كان غير ذلك فما انصحك به لان الموديل قديم شوي

[سرطوقا]

بالتوفيق اخي الكريم ، اللند مايبي له كلام لاتنسى تشيك على المكينه والقير والدبلات

كم ماشي ؟

السعر بين 55 الى 65 الف ريال

[هماليل البرد]

قيمتة من 50 الى 55

[العنابي 616]

الموتر ما عليه كلام
و يسواله 74 يزود أو ينقص شوي

[مفخرة فورد]

جزاكم الله خير كل باسمه

الماكينة والقير والدبلات سليمة ماشاء الله
العداد فوق 300 ألف
الكفرات اعطيها 50%

وعندي هالاسئلة
1 ماهي أبرز العيوب في هالنوع والموديل ؟
2هل يجي منه ون و تو و ثري والا بس فل كامل ؟

وهل هو خليجي بهالمواصفات ؟


3الدبل الخفيف هل أقدر افصله بواسطة زر ؟ وعلى كم يفصل بالخط ؟



وجزاكم الله عني كل خير

[VX-R2001]

اخوي اولا موتر ينشد فيه الظهر والفيكسار قليل المشاكل
يفصل على 195 كم والدبل ينفصل بس يبيله واحد شاطر ومبروك مقدما

[ابن عكاش]

تبي راي مواصفات الموتر حلوه وميزة الفكسار والجكسار غالباً تكون مع شيبان وناس راكده يعني الموديل صح قديم بس انظف من جكس 2007م مفجر وهدرزات وغيرها
حاول تكسر راس راعيه في السعر لأن القديم يبيله نفض من تحت بحكم القدم وبإذن الله ترتاح وكنك تسوق 2007م كلامي من واقع تجربه

[كم كيلو باقي]

الله الله بالفحص وانا اخوك .. ومبااارك مقدما

[دورانقو]

انتبه الموتر قدييييييييييييييييييييم

[ياوجودي]

انتبه الموتر قدييييييييييييييييييييم


أخوي لاينتبه لأن فلوسه على قد الإنتباه.. شي أكيد لو معه قيمة الجديد بينتبه.

أخوي راعي الموضوع الموتر ينشد به الظهر والبطن بعد ماشاء الله تبارك الله يطربك وقليله خراباته.
اسأل راعيه غيّر سير التايمن متى آخر مره؟ واذا ماغيره وحان وقت غياره حط فوق قيمته 4.100 ريال قيمة الغيار عند البازعي لأن المكينه مكينه لكزس. وهذا مهوب عيب بالعكس عزم وطرب لان السير كل 150.000 تغيره. يالله العافيه.

السعر من 55.000 الى 65.000

[فل ابشن]

هذا طال عمرك فل كامل لأنه فيه فتحه وونش اما عن السعر يفيدونك الاخوان

[الشقردي]

أخوي لاينتبه لأن فلوسه على قد الإنتباه.. شي أكيد لو معه قيمة الجديد بينتبه.

أخوي راعي الموضوع الموتر ينشد به الظهر والبطن بعد ماشاء الله تبارك الله يطربك وقليله خراباته.
اسأل راعيه غيّر سير التايمن متى آخر مره؟ واذا ماغيره وحان وقت غياره حط فوق قيمته 4.100 ريال قيمة الغيار عند البازعي لأن المكينه مكينه لكزس. وهذا مهوب عيب بالعكس عزم وطرب لان السير كل 150.000 تغيره. يالله العافيه.

السعر من 55.000 الى 65.000

كلامك في محله, بحكم استخدامي للسيارة فهي سيارة ينشد بها الظهر والقير العادي أكثر تحمل ((اللي معي اتوماتيك))
وفي شئ بخصوص هذه الموديل افحص عمود الكردان لأن هالموديل كان فيه عيب مصنعي
وطريقة الفحص اما توديه لمركز متخصص او تدعس الى 140,160 اذا تحس الموتر فيه رجة من تحتك في وسط السيارة معناها يبي تغيير (يكلف 900 ريال غير اجرة التركيب, ناسي بكم)
مع اني ما أحب السرعة لكن يلزمك تمشي الى 160 عشان تشوف ثبات الموتر
وتأكد من التهريبات وأي شئ أسفل السيارة من جلد ومقطات وعكوس...
بالتوفيق.

[عبدالله27]

قديمك نديمك

[مفخرة فورد]

الله يجزاكم خير كل باسمه
وآسف على التأخير في الرد لانشغالي
وتم الشراء ولله الحمد السيارة طيبة وراقت لي وعسى الله يبارك لنا ولكم في المال والحلال آمين

اخوي VX-R2001 : أنا قصدي طال عمرك اذا أقدر أفصله يدوي عن طريق زر موجود عليه رسمة 4 كفرات ! لما اكبسه تولع لمبه في الطبلون ولم اكبسه ثاني تطفى اللمبه ! هل هذا خاص بالدبل الخفيف ؟ ( اعذرني ترى مااعرف في هالنوع )
اخوي ابن عكاش : الله يجزاك الجنة .
اخوي كم كيلو باقي : الله يبارك بعمرك وحلالك ومالك .
اخوي دورانقو : مثل ماقال اخوي عبدالله27 : قديمك نديمك :D
اخوي ياوجودي : وفقك الله على هالنصيحة .
اخوي فل اوبشن : السيارة مابها ونش ومواصفاته :
مكيفين - تانكيين - مثبت سرعة - فتحة سقف - دف لوك - خلفية لكزس - الابواب قزاز كهرب - القير عادي.
اخوي الشقردي : فحصته فحص شامل ب200 ريال والموتر ولله الحمد طيب ومابان فيه اللي قلته , لكن اذا مايبين الا على سرعات عالية مشكلة :(

واكرر شكري لكم جميعاً