يا أهل ترهيم الدوافير لاتبخلون علينا

[عظيم سآري]

السلام عليكم ورحمة الله وبركاته


الله لايهينكم يالربع


رحت تو بشتري دافور ماجاز لي وضع دافوري القديم من زمان ودي اغيره


المهم حصلت دبه 5 رطل بريموس سويديه بــ 120 ريال


وحصلت راس بريموس هندي كبير بـ 80 ريال وصغير بـ 60 ريال



وشرايكم انا قلت بجرب اشتري الراس واشوف وضعه على الدافور اللي عندي


يمكن تضبط الشعله :good2:


وابي رايكم انا جازم اني اشتري الراس..

بس السؤال اشتري الدبه حقت الغاز ولا لا ؟؟ :)


ياليت تفيدونا اذا كان راس البريموس الهندي زين



تحاياي

[M Fox]

راس البريموس الهندي ممتاز لكنه مهب بجودة الأول ..

بالنسبة للدبة أنصحك ما تغيره اذا صار به تنسيم غير البلف فقط ..

[عظيم سآري]

اخوي الله يعطيك الف عافيه ماقصرت

بس انا اقصد الدبه حقت بريموس السويديه القديمه حصلتها بـ 120


ومدحوها ناس واجد


انت يمكن تقصد الدبه اللي عندي..... صينيه وماش ماجاز لي وضعها


المقصد طال عمرك انا برهم دافور وراس ثاني



تنصحني اشتري دبة بريموس اللي بـ 120 واشتري راس بريموس هندي او راس PKL هندي ؟؟؟


لان راس PKL قالي واحد نفس جودة البريموس الهندي وارخص منه بـ 20 ريال ؟



انا نويت اشتري الدبه وراس PKL ... ابي راايكم مع ان الاجمالي 170 او 200 ريال ؟؟

[سطام vip]

بسم الله الرحمن الرحيم

اخوي عظيم ساري

يالطيب الدبه الي تمتلكها اذا ما تعاني من صدا او ضربات ليش تغيرها؟؟ مثل ما قال اخوي فوكس

وبعدين ليش تشتري دبه بريموس؟؟ عند الايطالي بنفس الجوده ويتفوق على البريموس بالبلف بعد وسعر مناسب جداً

----

صحيح ان حجم الدبه والضغط فيها يزيد من قوة اللهب ولكن انت مشكلتك في الراس

وليس في الدبه يعني لا تفكر انك اذا غيرت الدبه بتقوى الشعله بشكل قوي

جرب غير الراس الي عندك وان شاء الله تضبط الشعله وبيطربك دافورك

من ناحيه الراس الهندي البريموس يعتبر ممتاز وفيه عيب واحد انه يقصر النار من حاله

وهذي حلها موجود في المنتدى

ملاحظه سعر الراس الكبير لا يتعدى ال70 ريال انتبه

واذا تبي راس مرهم مر على محلات البريه ويضبطون لك واحد يحبه قلبك

وبالتوفيق لك والله يكتب لك الي فيه الخير

دمت بخير

[عظيم سآري]

الله يعطيك الف عافيه

طيب راس PKL شركته هنديه

مع العلم انه نفس البريموس الهندي

يمكن مافيه المشكله حقت التقصير


ويمدحه راعي محل له خبره بالدوافير

وبالنسبه للترهيم ماعندنا الا رحال والمرباع وكم محل بس مالهم خبره بالترهيم

[سطام vip]

هلا بك اخوي والراس pkl

سمعت عنه انه طيب وشعلته ممتازه بس ما ادري عن عيوبه لاني ما جربته

ولعل الاعضاء يعطونك تجاربهم معه

بالتوفيق لك

[محلات الكشاتة]

يمكنك مرور المحل

ومشاهدة الدوافير المرهمه

وأنواع الروس

وياهلابك ياعم

[ابوصالح77]

الله يعطيك الف عافيه

طيب راس PKL شركته هنديه

مع العلم انه نفس البريموس الهندي

يمكن مافيه المشكله حقت التقصير


ويمدحه راعي محل له خبره بالدوافير

وبالنسبه للترهيم ماعندنا الا رحال والمرباع وكم محل بس مالهم خبره بالترهيم

هلا بك أخوي
كلهن زينات سواء البريموس او الـ PKL أو الفوكر الإيطالي
والترهيم بسيط ركب هواية ووسع المامة
عندك الحماد في بريدة شارع الصناعة من شمال
تقبل مروري

[مشراف]

راس البريموس الهندي ممتاز
وخذ معه الدبة الأصلية لبريموس
وانس الموضوع بإذن الله
عندي دبة البريموس اكثر من 15 سنة ولا واجهة معها أي مشكلة وقولتهم اكرفه كرف حمار اكرمك الله انت واللي يمر على الموضوع
فقط غيرت الراس الاصلي القديم ببريموس الهندي اللي تقول عليه ابو خمسين لان الراس الأول طلب مني السموحة من كثر الكر والتجدع والمراضخ بالمكاشيت
واسلم وسلم
وتقبل مروري

[rami52]

معليش ياصاحب الموضوع على المداخله يمكن تفيدك

انا عندي اخذت الراس الهندي ابو قداحه ولاحظت انه في رفع النار الشعله ماتثبت احاول افك الراس وأغير الشربوش بواحد سويدي ومقوي الشعله بأيطالي بس هل هو ينفك لانه ماودي اخسر الراس كجرم لانه ميزتة بالقداحه
وش السوات يالاخوان احد يفيدني او مرت عليه

[مفتون صيد]

لا تغير الدبه وانا اخوك اذا مافيه اي مشكلة والتنسيم دواه قطع الغيار من ابر وغيرها
اما اذا كانت صينيه ماانصحك فيها كناحية امان والا كدة مع ناس

ولا تعدى الايطالي سواء في الدبه والا الروس قووووووووووووووية والا الهندي لانها نفس السويدي
اما السويدي انا مقاطع له بسبب رفع بعض الاخوان اسعاره في هالمنتديات مما جعله اتوماتيكيا يرتفع سعره من قبل التجار ولا فيه فرق ولا تقنية كله كلام ما اقتنعت منه ابدا الماده وحدة والمصنع واحد اذا الجودة واحدة

[جوالة]

المهم حصلت دبه 5 رطل بريموس سويديه بــ 120 ريال



أخوي الله لا يهينك من وين شريت السويدية ؟