مشاكل الطرق بالرياض +++ مشاهد يومية

[ملك الفكتوريا]

بسم الله الرحمن الرحيم


الموضوع اليوم نقاش عن أوضاع السائقين الأجانب وخاصة الأسيوين منهم



وراح أعطيكم مواقف ومتأكد أنها صارت لكم




1- تكون ماشي 80 مثلا بالمسار الاوسط والبنقالي سواق بالمسار الايسر وخشم سيارته عند الرفرف الخلفي ولا اللي تعداك دامه جاء باليسار والا هدا وبعد عنك وبالاخير تضطر انك تسرع عشان يفتح الخط للقادمين من المسار الايسر والاهم من هذا كله ان الامر هذا سبب خطير له حوادث كثيره




2- نفس وضع المثال الاول وكنت تبغى تلف تدق اشاره ما يهدي ويدخل بخلفك ويعطيك فرصه او يتعداك ويعطيك فرصه وهو الافضل


3- التاكسي بس يشوف زبون ضرب فرامل ويجنب يمين والعالم وراه والفحمات وصلت للحديده من قوة الفرامل حتى ولو كانت جديده :mad:


4- طريق الملك عبدالله بالاتجاه للشرق يكون سريع ومفتوح و أربع مسارات والسرعه المحدده 90 والحين مع ساهر تمشي 85 تقريبا تتفاجئ بسيارة قدامك ماشي تقريبا 60 وما يفتح الخط لك بسهوله ورجله على الفرامل واذا فتح لك رجع بسرعه

يا مرورنا العزيز مثل ما فيه حد أعلى للسرعه حطوا حد أدنى للسرعه لإن الاشكال هذي سببت زحمه وتصادم من الخلف وهي ظاهرة يوميه



5- مشكلة الاجانب العرب والحوداث الكثيره منهم مع التكاسي ومن يداوم بالملز يعرف قصدي



6- الاجنبي العربي يسرع في مكان ما يستحق سرعه والطرق السريعه مسبب ازمه














وبالاخير اترك التعليق لكم

[ساحووق]

مادمرنا غير هالسواااقين والم**** يجيك مدرعم والله مايدري وووش السااالفه.....
الله يعين

[فهد العوني]

زحمات الشوارع وحوادث السيارات العمالة هم أحد الاسباب

[عبدالله27]

السلام عليكم بالنسبه للموضوع هذا يستحق النقاش وبشده لان وللاسف العماله يسرحون ويمرحون في بلدنا واحلف بالله انه في بلده لم يركب السياره ان كان ركب احدى وسائل النقل فهو ركب على ابوصابر (الحمار) اكرمكم الله وان تطور ركب سيكل مقاس 24 لان بصراحه عندنا يركب سياره اخر موديل ومن النوع الفارهه واذا كان ماشي قدامك مسوي زحمه والمشكله الكبرى فينا حنا سلمناهم الخيط والمخيط (السياره والشارع )ولو حصل بينك وبينه نقاش رد عليك (ايس فيه) ورجو من لديه سائق خاص الحذر منهم سبق وان سمعت من واحد الاصدقاء ان السائق في وقت الصباح يتحول هذا السائق الى كداد يعني ليموزين على سيارة مكفوله واخينا ماهو داري عنه بحكم الدوام

[.أبوعبدالرحمن]

يا ابن الحلال استمتع انت في الرياض

لا بد من الصبر وحاول تقرا وردك يا أخي استغفر الله الواحد من يوم يطلع من بيته الى ما ياصل للدوام وهو يسب ويشتم بهل الاجانب اللي حايسين الشوارع عليك ، ولكن لو الواحد يذكر الله ويحتسب الاجر انه يداوم من اجل التصدق على عياله والا والديه وامش على راحتك واطلع قبل الدوام بساعة ونص عشان اذا شفت اللي يتمشى باليسار ما تنزعك معك وقت طويل والله العظيم لو أحكيلكم عن اللي يصير كل صباح ما احد صدقني لكن تعودنا وبالذات شارع علي بن ابي طالب وشارع الاحساء وشارع الستين وطريق الخرج عند الصناعية القديمة هينا الهبال

[fof6666]

مع احترامي لصاحب الموضوع أنا أحس إن السعوديين مب قليلين شر خصوصا هالبزارين

وأكثر الحوادث سببها الشباب المتهور ثم التكاسي

[himo]

يعطيك العافية على الموضوع
بس احس ان الموقف رقم 1 و 2 هذا يتكرر توقعته بس معي لاكن اتوقع ان الوافدين يتعمدون ذلك بسبب :-
1. توفير البنزين مثلا
2. الابتعاد عن الهواء
3.رفع ضغط المواطن

[كديان]

3.رفع ضغط المواطن

هههههههههه
يعين الله يا رجال مالك الا توسع صدرك و تركب سدرك

[مكسر الشوك]

انا سبق وجيت الرياض بصراحه الشوارع وسيعة مرة ومع ذلك زحمة السيارات غير طبيعية الناس ماتركد كل واحد يسقط على الثاني عجلين وعدم الأهتمام الواحد يسوق وهو يتلفت او يسولف مع البزارين ولا يكلم بالجوال كأنه جالس في بيتة
الحوادث بشكل متكرر يعني لازم في كل شارع حادث او حادثين
والله كرهت الرياض مع انه جاني وظيفة ماكنت احلم فيها بس تركتة والعوض على الله

[ابوو زيد]

انا ما يقهرني وما يبط كبدي الا اذا جيت بخط سريع وانت ماسك الايسر يجي قدامك اجنبي تبيه يوخر ما يوخر تقول شارع ابوه

والي العن من كذا اذا جاك بيفتح لك الخط ضغط فرام يهدي ثم يروح يسار والخط فاضي

لو جيت مسرع وهو مسك فرام وش بيصير والله اني انقهر من الحركه هذي

والا تمشي على خط وفاضي الخط يجيك واحد اجنبي ماسك اليسار وما قدامه احد وكل شوي ضاغط على الفرامل

[راعي النياسين]

اسباب اغلب الحوادث

العماله وخصوصا البنغالي والبكستاني والهنود هذولا كلهم يسوقون سياكل في ديرتهم ويسوقون عندنا ديناليات وتاهو ويوكون

[ملك الفكتوريا]

مشكورين على التفاعل يا شباب

[kASER-999]

اصبر بس كم سنه وتشوف البنقاله والبكستان كيف يصرون
احنا راح نروح نشتغل عندهم مثل البنقاله عندنا الحين
وما خرب البلد غيرهم هم والتكرين ليتهم يمنعونهم من الدخول للسعوديه ماورهم غير المشاكل

[ابوعقل]

مشكور على الموضوع




3- التاكسي بس يشوف زبون ضرب فرامل ويجنب يمين والعالم وراه والفحمات وصلت للحديده من قوة الفرامل حتى ولو كانت جديده :mad:




كنك تشوفني امس


والله العظيم صدمته


واوقف وقوله ليش توقف بالمسار اليمين


يقول دقيت اشاره !!!!!!!!!!!!!


طيب واذا دقيت اشاره الشارع صار لك ؟؟


المهم الحمد لله سيارتي ما جاها شي

مخش بسيط


واروح واخليه عند زباينه اللي عنده

[مجنون نحم]

يا شيخ الله يلعنهم حقين التكاسي وراعين القرمبعات هم اساس البلا

[كديان]

انا ما يقهرني وما يبط كبدي الا اذا جيت بخط سريع وانت ماسك الايسر يجي قدامك اجنبي تبيه يوخر ما يوخر تقول شارع ابوه

والي العن من كذا اذا جاك بيفتح لك الخط ضغط فرام يهدي ثم يروح يسار والخط فاضي

لو جيت مسرع وهو مسك فرام وش بيصير والله اني انقهر من الحركه هذي

والا تمشي على خط وفاضي الخط يجيك واحد اجنبي ماسك اليسار وما قدامه احد وكل شوي ضاغط على الفرامل


يا شيخ الله يلعنهم حقين التكاسي وراعين القرمبعات هم اساس البلا


الله يهدينا وياكم جيعا ياخوان
ماودنا توصل للعان

[النبع الصافي]

اللموزين ما يوقف بعد الحادث إلا عشان ورقة الاصلاح بس
إذا كان الخطا عليه طلع التامين وإذا عليك شب يبغى فلوس

[saas-des]

الخطاء من التخطيط

[فيصل التميمي]

المشكلة الاساسية هي من السواقين واصحاب التكاسي وصغار السن الذي لايبالون بالسيارات

الاجنبي لايهتم بقواعد المرور ومثل ماقالت لابد انه يكون هناك حد ادنا للسرعة مثل الدايري الحد الاعلى 120 والحد الادنى في المسار الايسر 110 او 100 واقل من ذلك يعطى مخالفه
والقيادة في الرياض سيئة ومتعبه الى درجة اننا مانتوقعها