ألفزعة ياراعين الجيوب الاندكروز الشكمان الامامي اللي يركب بالمكينة يصير زي جمرة الغض

[الزعيم222]

السلام عليكم ورحمة الله وبركاته 000
ياجماعة الخير ( انا معاي جيب لاندكروز 96 كلبليتر )
يوم امشي بالسيارة مسافة عشرة كيلو بسرعة 140 كم -- الشكمان الامامي اللي يركب بالمكينة يصير زي جمرة الغضى
رحت للصناعية وغيرت الدبة اللي قدام و الوسطية ونفس المشكلة ماتغيرت والميكانيكية طفشوني
الاول : يقول وزن ديلكو
والثاني : يقول وزن بلوف
والثالث: يقول غير البانزين
والرابع : يقول لازم فك راس المكينة
وكل واحد يعطيني راي من عندة --
وانا ما استغني عن رايكم - اللي عندة علم تكفى لايبخل علي فية تراني متورط ولااقدر اسافر على السيارة خايف منها
وجزاكم الله خير الجزاء

[قمري قيال]

اخوي عندي لاند 92 مع الجلد بالنفود يسوي نفس الحركه لكن عشره كيلو ويحمر الشكمان
ماادري ولا عمري ناظرت له
لاكن اذا كان الموتر حرارته تمام والعزم زين لا تعبث به واتوقع انها طبيعيه

[قناص*07]

اخوي عندي لاند 92 مع الجلد بالنفود يسوي نفس الحركه لكن عشره كيلو ويحمر الشكمان
ماادري ولا عمري ناظرت له
لاكن اذا كان الموتر حرارته تمام والعزم زين لا تعبث به واتوقع انها طبيعيه



:good2::good2::good2:
هذا طبيعي وانا اخوك باي سياره

اذا ما تشتكي من طيحة عزم ولا من صرفية بنزين والحراره طبيعيه
فحرارة الشكمان وتجميره طبيعي 100%

[باترول 4500]

وعليكم السلام

مثل ماقالوا الإخوان هذا شي طبيعي

[حصن زحام]

هذه القزوز طال عمرك,.
هذا الوضع طبيعي جدا كل سياراتنا تصير القزوز فيها مثل الجمر.

وعندي اقتراح أنك تفك رأس من يقول فك رأس المكينة.

[الربذي]

وعليكم السلام ورحمة الله وبركاته
انا كانت معي سيارة تويوتا فوررينر موديل 92 واذا مشيت مع الطريق ووقفت تصير القزوز حمراء وهذا امر طبيعي جدا حتى السيارات 2010 مع السرعه اذا وقفت بمكان مظلم تصير القزوز حمراء
لاتغير شيء خصوصا انك غيرت الكنداسة لانها هي اللي انا غيرت وماراحت التحميرة!!!!

[الزعيم222]

الله يجزالكم كل خير

[ن م ر]

هذه القزوز طال عمرك,.
هذا الوضع طبيعي جدا كل سياراتنا تصير القزوز فيها مثل الجمر.

وعندي اقتراح أنك تفك رأس من يقول فك رأس المكينة.



ههههههههههههههههههههههههه

لا توهق الرجال لأنه يبي يفك روس نص عمال ورش الصناعية

[الزعيم222]

ههههههههههههههههههههههههه




لا توهق الرجال لأنه يبي يفك روس نص عمال ورش الصناعية

هههههههههههههههههههههههههه
انشهد انك صادق

[الزعيم222]

مشكورررررررين وماقصرتوا ؟؟ والله اني لحد الحين بلشان

[حان الرحيل]

'طالما حرارة الموتر طبيعيه مالك ومال القزوز ان شل الله يجي لونه كحلي هذ ا حديد زهر لازم يجي كذا وخصوصا في الظلام

[ذيب زلفاوي]

انا شايف شاص جديد بالسريع كنداسته حمرااااا

[ابو فرح1]

انتبه وانا اخوك اعتقد ان الامر هذا غير طبيعي لازم تكشف على الموتر .

نصيحة لا تتأخر اكشف على موترك .

[MjNo0oN]

اخوي الامر طبيعي انا معي كامري يصير لها نفس الشي لاكن على السرعات العالي من ال160 ونازل للعلم مديل موتري 2008

[((ابوملاك))]

عادي ياخوي كل السيارات كذا

وكل سياراتنا كذا والحمدلله زي الحلاوة وورده

[علي101]

مو طبيعي
صارت مع صاحبي ( غير اقزوز جديد وتجاري وكنا نشوف الدنيا كلها تحت الكبوت منورة بالأحمر )
س- هل غيرت الإقزوز؟


فكر واستخر وغير وكالة

[الزعيم222]

جزاكم الله خير الجزاء لجميع اخواني اللي ردوا وتفاعلوا مع مشكلتي وساعدوني
ابشركم السيارة جاني واحد من الربع وشراها وبلغتة بجميع عيوب السيارة ومن ضمنهم
مشكلة التجمير 0000 لان البيع ذمة وضمير وهالدنيا ماتغني عن الاخرة

[الصويتي]

يا اخوي الوضع مو طبيعي

اما الأقزوز به سد هوا ما يطلع الهوا زين او انه فيه تنسيم

انا اقول لو تركب لك هدرز اريييح لك


تقبل والله والله يبارك لك فموترك