ابي ورشه تركب هنقلين للشاص

[عمر السحيباني]

بسم الله الرحمن الرحيم

السلام عليكم

ابي الله لا يهينكم محل يركب هنقلين للشاص شغله مضبوط
واحد قالي ورشة المواهب ولا المميز بالرياض طبعا
و وين افضل محل يركب شراع

وسلامتكم

[حبران والمسمى]

هلا اخوي عمر انا اليوم الصباح رحت لمواهب وطلبت هنقلين عقرب وتاكيين ماء وشنطة عزبة بالصدر مع تاني للبنزين وانحشت وخليتهم غاليين مرة وانا انصحك تدور غيرهم يكون سعرهم مقبول
يقول تكلف 5000ريال بعد المكاسر والا يقول 5900ريال البنغالي اسمه سلامات
هج وانا اخوك والمميز ما عندي علم بشغله والله يقديك على الخير

[فيصل التميمي]

اخوي الصناعية القديمة في كذاء ورشة شغلهم زين وخاصة في اخر الشارع حق الصناعية
فيه ورشة الرياض والنجاح وتلقاء عندهم هناقل جاهزه واسعارهم معقوله وشف شغلهم ان اعجبك فصل عندهم وقبل اسبوعين فصلت لي هنقل عند ورشة النجاح فيها يماني وهندي على الهايلكس 550 ريال والشراع تنزاني فصلته 280 عند محل في الغرابي عند حقين الخيام
وصورت الهنقل على السيارة

http://www.up-king.com/almaciat/8mphrnbkvk4iyg66sx3s.jpg (http://www.up-king.com/almaciat/8mphrnbkvk4iyg66sx3s.jpg)

[عمر السحيباني]

جزاكم الله خير
ماقصرتوا على المرور
شكرا لكم

[داير11]

بحايل فيه ورشة توارن شغل مسكت والشراع عند الاختيار

والاختيار عندهم شد كامل يعني حديد وشراع وسدو ولمبات وترنس وولعات وكلش

اذا تبي الشغل الزين لاتسأل عن الفلوس

[عمر السحيباني]

جزاك الله خير يا داير
بس انا ابي بالرياض

[خبوبي]

اخوي فيصل التميمي

ممكن تفيدنا بموقع ورشه الرياض و النجاح

لك جزيل الشكر

[بساط احمدي]

هج عن المواهب هججججججججججججججججججججججج

[عمر السحيباني]

اخوي بساط احمدي ليش اهج عن المواهب هل السعر غالي ولا الشغل دمار