الحذر ... الحذر من تربيط الكفرات بالمسدس الهوائي -يوجد صور-

[منتعش]

السلام عليكم ورحمة الله وبركاته
حي الله أخواني الفضلاء .
هذا موقف حصل لي وهو :
بنشر الكفر في أحد الشوارع ، وقمت برفع السيارة وفك المسامير وفجئة :eek:
وأنا أفك أنكسر المسمار الأول :(
وبعدين أنكسر الثاني :mad:
وجبت البنشري وفك وأنكسر معه المسمار الثالث والرابع والخامس :looney:

ويالله أنفك السادس وغيرت الكفر وصرت أمشي على مسمار واحد .
والله لا يوريك أمشي (20) ومسوي زحمه في الشارع .
وسألت البنشري والميكانيكي وش السبب فقالوا :
( السبب هو الربط بالمسدس الهوائي )
والأفضل الربط باليد ، وهذه صورة بعد الكسر :
http://www.mekshat.com/pix/upload/images10/mk7805_s3010004.jpg

http://www.mekshat.com/pix/upload/images10/mk7805_s3010005.jpg

http://www.mekshat.com/pix/upload/images10/mk7805_s3010006.jpg

وياأخوان بعد اللي حصلي أنصحكم عند تغيير الكفرات أو أصلاحها أن تجلس عندهم ويكون الفك والربط باليد .
أصحاب المحلات ما يبون كذا ، والمسدس أسرع لهم ، بس أنت أيضاً حافظ على سيارتك .
والله يحفطكم ويرعاكم .

[علي التميمي]

مشكور يالمنتعش

على التنبيه

[بن سليم]

بعد التحية والاحترام :

أخوي العزيز :

منتعش

أولاً :

الحمد لله على سلامتك

ثانياً :

كلامك صحيح 100% . . .

وأنا أوافقك الراي عند تغيير الكفرات أو أصلاحها أن تجلس عندهم ويكون الفك والربط باليد .... لان المسدس يشد الصواميل بكل قوة

ولوتطلع للبر لوحدك لا تستطيع فك الصواميل بمفتاح العجل لما يسببه المسدس من شد عليها وإسأل مجرب ولا تسأل طبيب ...

تحياتي . . .

أخوكم : بن سليم

[عاشق الجبل]

الأخ : منتعش


كلامك صحيح ولكن يجب عليك مراقبة كل شخص يشتغل بسيارتك مهما كان هذا الشغل لأن بعضهم لايخاف الله أو جاهل

أنا أنقطم علي 5 مسامير لنفس السبب الذي تشتكي منه .

المشكلة ليست في مسدس الشد والفك المشكلة أنه يدخل الصامولة في المسمار بالمسدس ويشد على طول والسنه راكبه غلط

والصحيح أنه يبدأ بربط الصامولة باليد حتى تتوقف ثم يشدها بالمسدس وبالنسبة للفك لامشكلة فيه .


لذا يجي علينا جميعآ مراقبة البنشري اذا بدأ يربط المسامير خاصة عند تركيب كفرات جديدة

[بو خليفه]

أيها المنتعش هذا الموضوع من أهم المواضيع التي لم يتحدث عنها أحد و حصلي نفس الموقف و بعده لا تربيط إلا باليدوي والمسدس الهوائي عيبه أن البنشر في عجله و يلوس معه لكن يشده بقوة دون أن يتأكد أن الشد سلس
و الله يعطيك العافية على هذا الموضوع

[اسيزو 4x4]

الحمد لله على سلامتك يا أخوي منتعش

والله كلامك صح وعين العقل بعض البناشر ما يخافون الله يهستر بالسيارة ويلعب بها لعب على حساب أنة يخلص بسرعة ويصرفك ويالله شف زبون ثاني وشغلة كلة خربطة ولزم الواحد يشوف ويقعد عند راس البنشري مثل ما يقول المثل ( حلال تودعة بعة ) و (من غاب عن عنزة جابت ولد )

والله يجزاك خير ويبارك فيك على التنبية يالنشمي

[ابو عمر 87]

السلااااام عليكم

اخوي المنتعش والله ماادري هل المشكله من المسدس الهوائي ولا من المسمار نفسه لاني انا واجهت نفس المشكله بس ما ادري وش السبب يمكن على حسب نوع السياره و في الصوره شكل مسمارك مسمار لاند كروزر الجنط الكروم و الله اعلم

[al-nashmi]

الأخ : منتعش


كلامك صحيح ولكن يجب عليك مراقبة كل شخص يشتغل بسيارتك مهما كان هذا الشغل لأن بعضهم لايخاف الله أو جاهل

أنا أنقطم علي 5 مسامير لنفس السبب الذي تشتكي منه .

المشكلة ليست في مسدس الشد والفك المشكلة أنه يدخل الصامولة في المسمار بالمسدس ويشد على طول والسنه راكبه غلط

والصحيح أنه يبدأ بربط الصامولة باليد حتى تتوقف ثم يشدها بالمسدس وبالنسبة للفك لامشكلة فيه .


لذا يجي علينا جميعآ مراقبة البنشري اذا بدأ يربط المسامير خاصة عند تركيب كفرات جديدة


اخونا منتعش مشكور على التنبيه..

اخواني الكرام...

مثل ما قال اخونا عاشق الجبل..

المشكلة من عدم تركيب الصاموله على السنة بشكل صحيح.... وكذلك بسبب.. ان بعض العمالة لا يعرفون كيفية استخدام المسدس الهوائي... بالشكل الصحيح..

المسدس الهوائي لة عدة وزنات للشد ، عالي ، ومتوسط، ومنخفض..

والمفترض ان يوضع على المتوسط بعد ان يركب الصامولة ويشد ها باليد اولآ

الحمد لله من عرفت هذا النوع من مفاتيح العجل وانا استخدم هالطريقة واقف على رأس العامل لمراقية الشغل ولا صار عندي مشكلة .


سلامي للجميع

[جندل]

بسم الله الرحمن الرحيم

السلام عليكم ورحمة الله وبركاته
الأخ : منتعش


كلامك صحيح ولكن يجب عليك مراقبة كل شخص يشتغل بسيارتك مهما كان هذا الشغل لأن بعضهم لايخاف الله أو جاهل

http://www.mekshat.com/pix/upload/images10/mk9107_1_v_big.jpg

[أبوأحمد98]

الله يستر ..فعلا يجب أن تربط المسامير باليد ..لكن راعي البنشر كسووووول يربط بالمسدس ولو قلتله اربط بالمفك بيدك ماعطاك وجه ..على العموم مشكور أخوي ((منتعش))على التنبيه

[حـاتـم]

صادق اخوي المنتعش بس عندي ملاحظه السبب من الي ركبه لان المسدس ممتاز بس لازم يركب السمار وبعدين يشد بعظهم يربط وبس من العجله ويصير اما مائل ولا غيره

ولكن اباخذ نصيحتك بعين الاعتبار وماراح استعمل المسدس ابدا

وشكرا

اخوك / حاتم

[s3ed]

الأخ : منتعش


كلامك صحيح ولكن يجب عليك مراقبة كل شخص يشتغل بسيارتك مهما كان هذا الشغل لأن بعضهم لايخاف الله أو جاهل

أنا أنقطم علي 5 مسامير لنفس السبب الذي تشتكي منه .

المشكلة ليست في مسدس الشد والفك المشكلة أنه يدخل الصامولة في المسمار بالمسدس ويشد على طول والسنه راكبه غلط

والصحيح أنه يبدأ بربط الصامولة باليد حتى تتوقف ثم يشدها بالمسدس وبالنسبة للفك لامشكلة فيه .


لذا يجي علينا جميعآ مراقبة البنشري اذا بدأ يربط المسامير خاصة عند تركيب كفرات جديدة





صدق كلام اخوية عاشق الجبل
انتة عندك تويوتا اكيد انا واجهت نفس المشكلة

[aziz2727]

الحمد لله على سلامتك والله
وحقيقة دائما" يحذورن من استخدام مفك العجل الهوائي واذا كان ولا بد فيمكن استخدامه في فك الصواميل اما في الربط فيفضل اليدوي
وسلامتك وسلامة الجميع من كل شر

[شـهـاب]

لا وفيه عيب ثاني بعد


اذا شديت المسمار او فكيته بالمسس الهوائي تطير بوية الجنط خاصة جنوط الههايلوكس السود تطير من هذا

مشكور خيو

[مشغول]

هلا اخوي المنتعش .. جعلك تنتعش دايم

انا اول مرة اسمع عن لاندكروزر بست مسامير :confused: :p :p

وبعدين من اللي فك المسامير :mad:

[النفود الشرقي]

السلام عليكم

كلامك صحيح 100%....
بس أنا أقول لو يصنعون مسدس حساس إذا شد الصامولة ياقف ...يا رجال هذي صعبة عليهم
لو يصنعون واحد يمشي بالهون أنتسان زين ماهوب يمشي مليون وإذا شد الصامولة ياخذ له ألف دورة ألين تصير دائرية الشكل ;)

[منتعش]

هلا وغلا بأخوي : علي التميمي
والله يعطيك العافية على مرورك الطيب . والله يحفظك .

[منتعش]

حي الله أخوي : بن سليم
المشكلة فينا أننا نحط الموتر ونمشي ونقول متى يخلص ؟
الله يعطيك العافية على مرورك ومشاركتك القيمة .
ودمت في رعاية الله .

[منتعش]

حي الله أخوي : عاشق الجبل
والله إنك صادق لازم نشرف على سياراتنا ونتابعها ونشوفهم وهم يشتغلون .
وأشكرك على المعلومة القيمة .
والله يحفظك ويرعاك ويسددك .

[منتعش]

هلا وغلا بالمحب : بوخليفة
تراك كبرت راسي .
وهذا المنتدى ما فتح إلا عشان تبادل الخبرات وحل المشاكل التي تصيب الشخص والتحذير ...
والله يحفظك ويسددك .

[منتعش]

ياهلا وغلا بالحبيب الغالي : أبوحمود
البنشري ما يبي إلا فلوسه وشغل ( قلبه قلبه ) وإلا شغل مرت أبو .
والله يرعاك ويوفقك لكل خير .

[منتعش]

هلا وغلا بأخوي المحب : ابوعمر87
وأشكرك على مرورك الطيب والله يحفظك ويرعاك .

[مشغول]

الله يصبحك بالخير اخوي الدبيبا المنتعش

الله يحفظك كم مرة قلت لك .. اكتب الردود في رد واحد .. لا تكتب كل رد بالحالة .. بهذه الطريقه تثقل الصفحة ..

وهذا الموضوع زد تكلموا فيه المشرفين من قبل .. وانت بكيفك ولا يكون همك زيادة عدد المشاركات .. وانت اصلا ما يحتاج مواضيعك كثيرة ممتازة والله يوفقك ويرعاك يا بعدهم ...

[الجنوبي]

الا خ العزيز
المنتعش
قبل فتره عملت بنشر للاند كروزر 99 مسامير gxr1
وانحلت الصواميل وتقطمت الماسا مير
وغيرت طقم كلمل من قطع غيار قال انه اصلي
وبعد التجربه صارت تنحل الصوا ميل من حا لها
وبازت المسا مير وتقطمت
وقلت يمكن موب اصلي
رحت وشريت من الو كيل المعتمد طقم كامل
وبعد التجربه انحلت الصوا ميل من حا لها وطقطمت المسا مير
مالك بالطويله
وبعد تغيير الطقم الرا بع
جرب يا خذ المكا نيكي من كل جنط صا موله
وسلكت السياره ........المقصود
ان الصوا ميل التي يبيعها الوكيل ليست اصليه
وهذا من وا قع تجربه فقد اخذت اربع اطقم مسمار وصا موله
من اكثر من وكيل وكلها شبه بعض ولا تنشد على الجنط حيث يبقى فراغ بسيط
ومع المشي تنحل الصوا ميل .....................
حبيت انقل لكم التجربه ربما تكون هذه الحا له هي التي واجهت المنتعش
.................................................. ...........

[منتعش]

حي الله الجميع وعذراً على التأخير في الرد وأشكر الجميع على تفاعلهم الطيب .

أخوي : al-nashmi
والله كلامك صحيح .
بس من منا يطبق :confused:



أخوي : جندل
خلاص من اليوم ورايح لابد من المراقبة في الصيانة ومتابعة الأعطال والوقوف فوق راس العامل.



أخوي : أبوأحمد98
وأزيدك من الشعر بيت لوقلت له الكلام اللي قلته قال : لايهمك أنا عندي خبرة ثلاثين سنة والمسدس ما يضر . :no2:



أخوي حاتم
خذ مني لا تستعمل المسدس مهما كان.. لوتربط بيدك .




أخوي : s3ed
وعاشق الجبل يقول شي غلط !!!!!!!! :good:




أخوي : aziz2727
الله يسلمك ويعافيك أخوي الغالي




أخوي شهاب
صدقت أخوي المحب وكذلك في النيكل تروح لمعته وتتقشع بويته .



أما أنت يا (((( مشغول )))) ;)
أما أنت يا مشغول فشغلك عندي :mad:
ما كملت معروفك وجلست معي أشوي حتى أخلص وبعدين وش اللي شاغلك ( عشان كذا دعيت عليك وحصل اللي حصل ) .
ولا تدقق (5أو6) أخطأت من شدة الحزن . :no:

[منتعش]

هلا وغلا بأخوي أبوعبدالله
عشان كذا حطيتلك رد خاص .
أقولك مرة ثانية : ترى بدعي عليك ثاني مرة وبعدين تندم وما يحصل شي . :j
ونسيت أقولك سلمني على ((( أبوتركي ))) سلام حار :D :D :D





هلا ومرحبا أخوي الغالي : الجنوبي
والله كلامك خوفني :eek:
والمشكلة إني مسافر اليوم .

[أبـ [مطلق] ـو]

السلام عليكم ...

أخوي منتعش .. ماقصرت يالغالي

يعطيك الف عافيه .. الصراحه موضوع قوي جداً

وجزاك الله الف خير

ومن ناحيتي أنا جيب الوالد غيرنا ثلاث مسامير

والله يعين

تحيااتي

.

[منتعش]

ياهلا وغلا بأخوي الغالي : أبومطلق
لا لا لا أنتبه لموتر الوالد وشيك علي باقي المسامير والصواميل .
والله يحفظك ويرعاك ويوفقك لكل خير .

[ابو_حمد]

وعليكم السلام الحمدلله علي لامتك ((((( الحقية كثير ماتحصل والبناشر مع الاس لوجيت وقلتلة تعرف كرباء سيارات اوبيوت طق صدرة انا موجود (((((((( صرنا مهكة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الصيـ2003ــاد]

اخواااني السلام عليكم ورحمه الله وبركاته


مشكووور والله اخوي المنتعش

انا واجهتني نفس المشكله لكن ربك ستر انكسر مسمار واحد بس والسياره لاندكروزر
وانا اتوقع ان المشكله بس بالاندكروزر

وتقبلوا تحيااااتي اخوكم /الصيااد

[منتعش]

حي الله أخوي العزيز : أبوحمد
والله إنك صادق ، ما يبي إلا اللي في جيبك .
ويعطيك العافية على مرورك الطيب .















هلا وغلا بالمحب : الصيـ 2033 ــاد
الله والعالم في جميع السيارات اللي تستعمل المسدس الهوائي .
وسررت بمشاركتك الجميلة .
وفي حفظ الله ورعايته .

[salehhd]

مشكور على التنيبية

ويعطيك العافية

[منتعش]

حياك ربي وبياك أخوي : salehhd
والله يعطيك العافية على مرورك الطيب .

[nahham]

كلامك صحيح مائه في المائه

اكلتها علقه مره بنشرت في خط طويل والله ما فكيت الصواميل الا بعد المشاكل وفزعة المسافرين اللي وقفو لي جزاهم الله خير

[منتعش]

ياهلا وغلا بأخوي الغالي : nahham

.الله يسلمك من كل شر أخوي المحب .
وهذه مشكلة ثانية ، أحياناً من حرصنا أو من المسدس الهوائي يربط على الصواميل حيث الواحد يالله يقدر يفكها .
الله يعافيك ويحفظك من كل شر وأشكرك على مرورك الطيب .

[رسلان]

شكرا لكم على التنبيه ...
وشكرا للاخوان جميعاً على الزيادة والتوضيح ....

[a.الخثلان]

اتوقع إن المسامير لسيارة نوع تيوتا

وهذي مشكلة سيارات تايوتا غالبا ما تتكسر مساميرها فالمعاناة مع تايوتا أما أغلب السيارات فلا مشكلة مع مسامير الكفرات

[ابو درع]

الله يبارك فيك والله غايبه عن البال

ماقصرت يالمنتعش ..

[منتعش]

ياحي الله الأخوان :
مرحباً 1000 بأخوي الغالي : رسلان
وتسلم أناملك على المشاركة ويعطيك العافية .



ياهلا وغلا بأخوي : الزينون
فعلاً سيارتي جيب تويوتا
وماقصرت على مشاركتك المتواضعة .



ياهلا ودرزن غلا وياحبيلك بأخوي المحب والغالي : أبودرع
وأشكرك على تواضعك واسهامك في الموضوع .
والله يرعاك ويوفقك لكل خير .

[النفود الشرقي]

أخوي المنتعش

الظاهر أنك ناسيني

وعلى العموم تراني غيرت أسمي


ومشكوووور......................................... .................................................. ........

[منتعش]

عذراً ... عذراً ...
أخوي : مستر بن أووووو :d نسيت

معليش أخوي : النفود الشرقي
مثلك ما ينسي يا الغالي .