مهم بخصوص الشااص @@@

[(((.ابوتميم .))))]

السلام عليكم ورحمه الله وبركاته
سؤالي الله لايهينكم
هل فيه فرق بين الشاص 2010ابو 11سسته عن 2009 وتحت ابو 11سسته في الراحه والمناقز
ولا نفس الشي ؟؟
وفيه سؤال ثاني هل الشاص ابو 11سسته متعب في الاستخدام بشكل كببييير يوصل انك تبيعه وتندم على شراته والا في حدود المعقول وكلها مسئله وقت وتتعود ؟؟؟
تكفون الرد تكفون لاني انقلب راسي وانا افكر ومتحير واخاف اشتري واتوهق
بتقولولي جربه اناا جربته بس في بعض الاشياء ماتقدر تحكم عليه بتجربه لازم تداوم عليه
ومافيه احد امون عليه معه شاص
ملاحظة ( بتشري شاص عن هوايه مهوب حاجه له يعني اي موتر صندوق دبل يحل محله)

[أنا عنيزاوي]

وعليكم السلام ورحمة الله وبركاته


الإختلآف طآل عمرك بـ آلمحركات صار راسين بدال راس والديكور الداخلي

أما السست أفضل الـ11 على الـ8 لأنه مرغوب عند البيع ويمسك سعر

ولو يجيك يوم تحمل عليه أبو 8سست يكون كأنه هايلكس او ددسن نازل من ورى اما الـ 11 سسته لا ثابت :)

ومافيه فرق بالمطب كلهن نفس الشي .. الأكيد إن المناقز بك بك موب صايرن لكزس لو تخليه نظام تعليق

[عمر السحيباني]

الصراحه انا لي ثلاث شهور معي شاص
متعب جدا كان معي باترول قبله وكان مريح جدا

[داير11]

اذا تبي شاص لا تسأل عن المناقز اذا تبي الراحه اشتر سيرا

[هاوي سمر]

يا اخوي انا معي شاص 2009

وبالنسبه للمناقز فيه عدة حلووول

اول شيء عندك اول 6 شهور تبي تنبسط اذا بداء يناقز الموتر

ثاني شيء غير جنوط الشنبر وركب لك جنوط عراض ويخف المناقز

ثالث شيء ركب على الموتر تانكي ماء ويخف مناقز الموتر بشكل واضح

رابع شيء اذا كانت مشاويرك داخل الديره ولا تروح بعيد خل الكفرات بهن 25 ممتازه

خامس شيء اذا ودك تجرب موتري يا الذيب تراي بالخدمه الموتر وراعي الموتر تحت امرك

وصدقني دامك شباب عمرك ما وصل ال50 سنه تبي تنبسط وتستانس من المناقز

والله يوفق الجميع

[(((.ابوتميم .))))]

يا اخوي انا معي شاص 2009



وبالنسبه للمناقز فيه عدة حلووول


اول شيء عندك اول 6 شهور تبي تنبسط اذا بداء يناقز الموتر


ثاني شيء غير جنوط الشنبر وركب لك جنوط عراض ويخف المناقز


ثالث شيء ركب على الموتر تانكي ماء ويخف مناقز الموتر بشكل واضح


رابع شيء اذا كانت مشاويرك داخل الديره ولا تروح بعيد خل الكفرات بهن 25 ممتازه


خامس شيء اذا ودك تجرب موتري يا الذيب تراي بالخدمه الموتر وراعي الموتر تحت امرك


وصدقني دامك شباب عمرك ما وصل ال50 سنه تبي تنبسط وتستانس من المناقز



والله يوفق الجميع

الله يوفقك ويجزاك خير وماتقصر الله يطول عمرك
ومع الخطوط الطويله عادي ؟؟انت خابر الجامعه وغثاها :D

[عميد سامودة]

ابو 8 سست افضل من ابو 11 في الراحة وفي الخفه
ابو 11 سسته ما يمديك توصل عشاك للبيت يجننك في المناقز
وميزته الوحيده اذا انك راعي تحميل بالحيل

[(((.ابوتميم .))))]

ابو 8 سست افضل من ابو 11 في الراحة وفي الخفه
ابو 11 سسته ما يمديك توصل عشاك للبيت يجننك في المناقز
وميزته الوحيده اذا انك راعي تحميل بالحيل
لا والله مهنا زود تحميل اي سيارة صندوق تحل محله با التحميل
بس اني ما اداني ابو رفارف لانه طامن وشكله مااش

[(((.ابوتميم .))))]

................................

[كبسولة2]

الشاص مضر بالصحة العامة للأنسان ومن أضراره

أنزلاق غضروفي في الظهر مع الوقت

ألتهاب البروستات مع تقدم العمر

نسأل الله الحماية لنا ولكم

[(((.ابوتميم .))))]

الشاص مضر بالصحة العامة للأنسان ومن أضراره

أنزلاق غضروفي في الظهر مع الوقت

ألتهاب البروستات مع تقدم العمر

نسأل الله الحماية لنا ولكم
تقوله صادق انت والا تمزح :D:D

[صديق كلم رفيق]

الشاص مضر بالصحة العامة للأنسان ومن أضراره

أنزلاق غضروفي في الظهر مع الوقت

ألتهاب البروستات مع تقدم العمر

نسأل الله الحماية لنا ولكم

لا والله إلا طاح سوق الشاص :D كلش إلا البروستاتا :D

[كبسولة2]

تقوله صادق انت والا تمزح :D:D


لا والله إلا طاح سوق الشاص :D كلش إلا البروستاتا :D

ههههههههه

والله يا أخوان الكلام هذها أخذته من واحد من الشباب

يعشق الشاص من عام 92 إلى 2009 وأنقطعت عنه فترة

بعدها كلمني واحد من الشباب قالي فلان تعبان مازرته

قلت سلامات وش فيه قال جاه أنزلاق في الظهر

المهم زرت الرجال في بيته ولقيته تعبان وعند سؤالي

له هل أنت شايل حمل ثقيل ؟ طايحن من فوق شئ ؟

قال لا والله بلاي من الشاص الله لا يوفق من صنعه ومن ورده !!!!

هو علتي الي كسرت ظهري

المهم أخذتنا السوالف عن السيارات ومشاكلها على البشر

فقال واحدن معنا بالجلسه أعرف واحد جاه ألتهاب بالبروستات بسبب الجيوب !!!

والله أعلم هذا هو سبب كتابة ردي بالأعلى

[راعي 4500 EFI]

وعليكم السلام ورحمة الله وبركاته

أول شيء طول الله عمرك , بالنسبه للفرق بين 2009 و 2011 بالراحة سمعت انه مهنا فرق يسوى ..

الــ 2011 أريح لأن المراتب تغيرن ,,

وبالنسبه لسؤالك الثاني ..

أقولك من تجربه الى الان ..
انا معي شاص 2009 فاكه وكاله الى اللحين .. والله انه كسر ظهري الى ماقال بس ..
انا كل اسبوعين اروح للقصيم واجي ,, الله لايوريك ,, طبعاً انس شيء اسمه شرب شاهي بالخط ^_^
لازم توقف مثلي وتقهوى بعدين تمشي ..
فأقولك والله اني تندمت اني مشتريه من جهة وفرحان من جهة ثانيه .!!

متندم لأني مانوقعت ان الموتر الى هالحد يكسر الظهر ..!!
وفرحان بالموتر لان شكله هيبه ويوسع الصدر بالسواقه ..
انا الايام هاذي ادور لي موتر ثاني لاني يمكن ابيع موتري ..!

واحد من الربع كان معه 2006 على وقته مشاه اكثر من 150 الف وبعدين جاه بروستات بسبته فكرهه مع العلم انه راعي نياق وبر بس يقول : المواتر غيره كثير ..

فأقولك نصيحه لوجه الله , خذ جمس سييرا غماره , والله انه اريح من الشاص واقوى منه بمراحل وشكله زين مره ..

والناس كلما لهم يتجهون لمه خصوصاً من جرب الشاص وكسر ظهره مثلي ^_^


ون شاء الله اني أفدتك ..

[كبسولة2]

وعليكم السلام ورحمة الله وبركاته

أول شيء طول الله عمرك , بالنسبه للفرق بين 2009 و 2011 بالراحة سمعت انه مهنا فرق يسوى ..

الــ 2011 أريح لأن المراتب تغيرن ,,

وبالنسبه لسؤالك الثاني ..

أقولك من تجربه الى الان ..
انا معي شاص 2009 فاكه وكاله الى اللحين .. والله انه كسر ظهري الى ماقال بس ..
انا كل اسبوعين اروح للقصيم واجي ,, الله لايوريك ,, طبعاً انس شيء اسمه شرب شاهي بالخط ^_^
لازم توقف مثلي وتقهوى بعدين تمشي ..
فأقولك والله اني تندمت اني مشتريه من جهة وفرحان من جهة ثانيه .!!

متندم لأني مانوقعت ان الموتر الى هالحد يكسر الظهر ..!!
وفرحان بالموتر لان شكله هيبه ويوسع الصدر بالسواقه ..
انا الايام هاذي ادور لي موتر ثاني لاني يمكن ابيع موتري ..!

واحد من الربع كان معه 2006 على وقته مشاه اكثر من 150 الف وبعدين جاه بروستات بسبته فكرهه مع العلم انه راعي نياق وبر بس يقول : المواتر غيره كثير ..

فأقولك نصيحه لوجه الله , خذ جمس سييرا غماره , والله انه اريح من الشاص واقوى منه بمراحل وشكله زين مره ..

والناس كلما لهم يتجهون لمه خصوصاً من جرب الشاص وكسر ظهره مثلي ^_^


ون شاء الله اني أفدتك ..



الحمد لله جاء من يثبت صحة هذا الكلام

الف شكر لك اخي راعي 4500

[saleh369]

يا أخوان اتركو عنكم هالدعايات صحيح الشاص مطبه اقوى من غيره اما قولكم البروستات اوغيرها من الامراض فهذا غير صحيح لان الانسان اذا تقدم بالعمر تصيبه هذه الامراض لوماركب سيارة انا معي شاص 2010 وقبلة 2005 والله الي يجربه مايستغني عنه

[هاوي سمر]

جيوب الشاص الي يخاف منها يخليها لهلها

والي يبي الراحه لا يشتري جيب يشرتري كامري

اما بروستات وانزلاق غضروفي هذ والله اول مره اسمع به

لاكن الناس تختلف وكل شيء جائز والله يحفظنا من كل سوء

[(((.ابوتميم .))))]

اشكر كل من رد الله يطول اعماركم ويجزاكم خير
وننتظر باقي الاعضاء

[Somebody]

بالنسبة للشاص موتر البدوي وخويه اللي مايبور فيه

إستخدام الشاص للرجل اللي فقط خطوط ولا يعرف رمل اقول له ريح نفسك ولا تشتريه

وأي سيارة خلفها حوض ممكن تفي بغرضه.

عندي شاص 11 سسته مافيه امل اشرب قهوة الا يكون الكوب مغطى ولا انسى الثوب
ولكن اذا جاء وقت العازه وقربته عزالله انه ما يخييب ظنك سواء حمل زائد او صبر على الويل

الشاص 8 سست يقولون ولا جربته اخف قليل من ابو 11 مع اني اشوف اللي يسوقونه في الخط يناقزون ويطامرون مثل حال ابو 11 . الشكل بدون رفارف اجمل مع احترام رأي الآخرين.

بالنسبة للي يقولون غضروف او بروستات الناس ما هي سواء بعض الأوادم تجيه الامراض هذي
وهو مشاهد حليلته في البيت .. كل شيء مقسوم من الرب سبحانه.

واللي حده الاسفلت والمجمعات ياخذ الجمس لأنه اريح مطب ولو اخترب اقرب للصناعية يعني عصفورين بحجر.

[(((.ابوتميم .))))]

بالنسبة للشاص موتر البدوي وخويه اللي مايبور فيه

إستخدام الشاص للرجل اللي فقط خطوط ولا يعرف رمل اقول له ريح نفسك ولا تشتريه

وأي سيارة خلفها حوض ممكن تفي بغرضه.

عندي شاص 11 سسته مافيه امل اشرب قهوة الا يكون الكوب مغطى ولا انسى الثوب
ولكن اذا جاء وقت العازه وقربته عزالله انه ما يخييب ظنك سواء حمل زائد او صبر على الويل

الشاص 8 سست يقولون ولا جربته اخف قليل من ابو 11 مع اني اشوف اللي يسوقونه في الخط يناقزون ويطامرون مثل حال ابو 11 . الشكل بدون رفارف اجمل مع احترام رأي الآخرين.

بالنسبة للي يقولون غضروف او بروستات الناس ما هي سواء بعض الأوادم تجيه الامراض هذي
وهو مشاهد حليلته في البيت .. كل شيء مقسوم من الرب سبحانه.

واللي حده الاسفلت والمجمعات ياخذ الجمس لأنه اريح مطب ولو اخترب اقرب للصناعية يعني عصفورين بحجر.
ماقصرت الله يطول في عمرك وعساك على القوه

[الأسير]

الشاص مضر بالصحة العامة للأنسان ومن أضراره

أنزلاق غضروفي في الظهر مع الوقت

ألتهاب البروستات مع تقدم العمر

نسأل الله الحماية لنا ولكم

خخخخخخخخخخخخخخخخخخخخخخخخخخخخخخخخخخخخخخ

وانا اقول وش بلا شيباننا متدهورين

[(((.ابوتميم .))))]

...............

[معيصم]

اخوي عاشق الشاص انت تقول ابو رفارف شين شكله طيب
فيه نوع يجي 8 سست وشكله نفس ابو 11 ما فيه فرق با الشكل
بس المشكله انه قليل تلقاه يعني نادر
والله يوفقك

[راعي الفيوجن]

السلام عليكم
حياااا الله ولد العم
اشتر شاص وماعليك
اذا كنت راعي بر عز الله انه موتر بر
واذا تبي الراحه خل كل عدتك فيه يعني ركب له تانكي مويه 200 لتر وماعليك
انا معي 2008 ونش ودفلك ومركب تانكي وكل عدتي فيه الموتر فيه قومه وقعده من العده
والحمد لله مريح بس اذا كان فاضي ماينفع بريال
وما انصح انه يكون هو موترك الوحيد لازم معه موتر ثاني انا والله ماخذه للروحات بس
والله يوفقك
راعي الفيوجن

[(((.ابوتميم .))))]

اخوي عاشق الشاص انت تقول ابو رفارف شين شكله طيب

فيه نوع يجي 8 سست وشكله نفس ابو 11 ما فيه فرق با الشكل
بس المشكله انه قليل تلقاه يعني نادر
والله يوفقك

صادق بس انه نادر والظاهر انه انقطع
ماقصرت وعساك على القوه

[(((.ابوتميم .))))]

السلام عليكم
حياااا الله ولد العم
اشتر شاص وماعليك
اذا كنت راعي بر عز الله انه موتر بر
واذا تبي الراحه خل كل عدتك فيه يعني ركب له تانكي مويه 200 لتر وماعليك
انا معي 2008 ونش ودفلك ومركب تانكي وكل عدتي فيه الموتر فيه قومه وقعده من العده
والحمد لله مريح بس اذا كان فاضي ماينفع بريال
وما انصح انه يكون هو موترك الوحيد لازم معه موتر ثاني انا والله ماخذه للروحات بس
والله يوفقك
راعي الفيوجن
الله يجزاك خير ماقصرت
التانكي قصدك الي يجي تحت الصدام صح ؟

[(((.ابوتميم .))))]

............

[راعي الفيوجن]

لا يابعدي الي خلف الغماره على طول
الي ورى مهوب زين
يصير الموتر ينقز من ورى
وشكرا

[كرستال]

مشكور على الموضوع

[كرستال]

بالنسبة لي كنت أتمنى اني اشري شاص بس العين بصيرة واليد قصيرة
ما كان معي اللي يكفي الشاص وبعد تفكير طويل وش البديل
توصلت إلى هايلوكس غمارة دفرنسين شاص طويل
أبد كأنه ( شاصي مصغر ) والحمد لله صراحه موتر متين ومريح بالبر والخطوط وأقل مطب من الشاص بكثير
وزود على هذا بحط له تانكي وهنقلين وشراع .... إلخ
وراح يكون أكثر راحة .


وشكراً ...

[(((.ابوتميم .))))]

؟؟............

[ذيب حريملاء]

والله اناا ماجرربت الشاااص

بس اهووجس فيييه ذي الايااام

بس اللي يشووف كلام بعض الاخوان كنه ماينبغااء برياال

بعكس اللي نشوفه في المعاارض واسعااره وفي المديينه وفي البر والكشتات يدل انه موووتر ماشاءلله

بس الله يستر اذا شريناا وااحد تندمناا عشاان المنااقز وانه مب مريح