غاز النيتروجين استفسار ؟

[جوووو سحمه]

السلام عليكم ورحمة الله وبركاته

هل غاز النيتروجين جيد للإطارات لأني ابي اسافر الاسبوع الجاي فودي احد يفيدني "
وهل ضغطه نفس ضغط الهواء العادي ؟
واين يباع بالرياض (أقرب موقع لشرق الرياض) ؟

وجزاكم الله خير

[فتى جهينه]

غاز النيتروجين N2 غاز خامل ليس له فائده الا في بعض الصناعات البتروليه وهو معروف لطرده الاوكسجين الذي يعد احد المثلث لتسبب الحريق هذا مالدي من معلومات ولا ادري ان كان يستخدم للايطارات وان شاءالله هناك من يعطيك معلومه وافيه وتقبل مروري وشكرا

[PATHFINDER 4]

والله انا سمعت عنه كلام في تبريد الكفر
لكن فيه بعض النقاط ماخشت مزاجي
يقول يقلل استهلاك البنزين ويعطي رساوة للموتر
ويحافظ على الهوبات وكلام كثيييير
وفي النهاية سعره تقريبا 200 ريال للاربع كفرات
وتحصله عند بعض البناشر يجيك جهاز طوله متر تقريبا وعرضه نص متر لونه احمر

[الهوى جنوبي]

نسمع عن غاز النيتروجين وانه ابرد للكفارات ولكن الصراحه ما عندي عنه معلومه اكيده ولكن دامك ناوي بالسفر تأكد من ضغط الاطارات وخلها على 30 او 35 وحاول تكون الاطارات سليمه من ناحية التآكل وما يكون فيها ضربات تأثر عليها وتروح وترجع بالسلامه

[جوووو سحمه]

اشكركم على المرور
ولكن من عنده معلومات أكثر

[جبلاوي]

انا استخدم النيتروجين العادي والنقي في العمل

النيتروجين العادي سيكون جدا مناسب لتعبئة الكفرات

سعر تعبئة الاسطوانة اللي مثل اسطوانات الاكسجين 18 ريال فقط لاغير مع توصيلها للعمل
لكن ليس لدي علم اذا كانت ضغطها مناسب لنفخ الكفر مع ان الاسطوانة يكون ضغطها 2000 يعني اضعاف ضغط الكفر

[fnand181]

مساء الخير

اللي سمعته عن غاز النتروجين وقرأت عنه إنه مفيد للكفرات ويخفف وزنهن وتكون بارده

على العموم علشان ترتاح تلقاه عن الطيار للكفرات المعروف برقعته للكفرات وتلقى عندهم غاز النتروجين وعندهم لوحة كبيرة تتكلم عن فوائد غاز النتروجين

ونتمنى لك سفراً سعيداً وعوده سالمه بإذن الله ولا تنسى دعاء السفر (الله يستر عليك)

[تايتد]

عند المحطه اللي قبل دوار المستشفى العسكري وانت جاي من خريص
بعد المخبز اللي على اليمين فيه عامل فلبيني يعمل بالنشر

[baaasss]

وعليكم السلام ورحمة الله وبركاته
من واقع تجربة فهو ممتاز جدا

1- بارد على الكفر .. حرارته اقل من حرارة الهواء العادي
2- ضغط الكفر لما تمشي مسافات طويلة اكيد راح يزيد ... النيتروجين يرتفع بشكل اقل من الهواء العادي ضغطه نفس العادي.
تحصله عن الطيار مخرج 15 على اليمين وانتي متجه شرق بعد مسجد الراجحي تقريبا ب 2 كم
وسعره الظاهر ان الكفر الواحد ب5 او 10

[عآشق الحره]

اهم معلومه انه مايتمدد مع الحراره زي الهواء العادي يعني لو مثلا انت معبي الكفر 35 مع الحراره والسفر تقيسه تلقاه واصل 40 ..النتروجين مايتغير

[كم كيلو باقي]

ما ازيد على كلام الأخوان شيء .. غير انك تحصله ايضا عند الطيار بشارع إنكاس ( خالد بن الوليد )

[حان الرحيل]

السلام عليكم...
ياجماعه العمليه تجاريه بحته....والدليل شيك هواء الاطارات الجديده في الوكالات كله هواء عادي ...مسألة انه خفيف..مافيه هواء خفيف والثاني ثقيل ...وتبريد الاطارات غير صحيح فالاطارات مصممه لدرجه معينه ...وحتكاكها بالهواء الخارجي يمنعها من الحراره...وثبات التعبئه على مقياس معين غير صحيح عبىء كفرين احدهما نيتروجين والثاني عادي وسافر بالسلامه وشيك عند الوصول تلقى الزياده موجوده في الكفرين .....ولا تنسوا التغبيره بالالوان فهي لا تحمي السياره ابد..تحياتي لكم

[مكشاتي 2011]

ومنها :

تبريد الاطارات وزيادة عمرها

يجعل الاطار لاينفجر ولاينسم

يقلل من استهلاك الوقود بنسبه ضئيله

بما انه يبرد الاطار فيبرد البريك ايضا

تاصل بالسلاه

[pilot1]

ان غاز الـ N غاز خامل يستخدم لكفرات الطائرات وهو كال الهواء العادي بتميز لعدم توصيل الحرارة لذالك يكون ابرد ولايتمدد بالحرارة
او ينكمش بالبرودة اما الظغط الهواء بكفرات السيارة
انصح بماهو مكتوب في باب السائق

[القناص1398]

لا انصح به وشكرا

[حبران والمسمى]

السلام عليكم...
ياجماعه العمليه تجاريه بحته....والدليل شيك هواء الاطارات الجديده في الوكالات كله هواء عادي ...مسألة انه خفيف..مافيه هواء خفيف والثاني ثقيل ...وتبريد الاطارات غير صحيح فالاطارات مصممه لدرجه معينه ...وحتكاكها بالهواء الخارجي يمنعها من الحراره...وثبات التعبئه على مقياس معين غير صحيح عبىء كفرين احدهما نيتروجين والثاني عادي وسافر بالسلامه وشيك عند الوصول تلقى الزياده موجوده في الكفرين .....ولا تنسوا التغبيره بالالوان فهي لا تحمي السياره ابد..تحياتي لكم
كلام صحيح 100%
انا كنت عند ميزان معروف جدا في الصناعية القديمه بالرياض وفيه واحد اعرفه من زمان كسبناه بفضل الله كصديق شغال عندهم واسولف معه عن النيتروجين يقولون بارد على الكفر قال عبي عادي قلت انا ابسافر قال اذا مشت السياره الهواء الخارجي يبرد الهواء غصب
والسالفه دعايه وسحب دراهم
والله هذا اللي صار بالحرف الواحد والعامل من الجنسية الآسيويه الله يوفقه

[فواز 11]

السلام عليكم

أخوي انا الوالد الله يطول بعمره شغله بمجال الطائرات ويقولي انهم يعبون الطائرات
منه لان مافيه قوة انفجار بس يعني اذا الكفر عندك صار فيه شق والا شيء لا سمح الله
وانت معبي منه ما ينفجر يبداء ينزل شوئ شوئ يعني ضغطه اقل من الهواء العادي
وبعدين لما تعبي يكون اقل من الهواء العادي مثلن انت تعبي هواء سيارتك 35 بالنتروجين
يجي اقل ممكن يجي 25 او 20 وفي ميزه انه يكون بارد ع الكفر وسلامتك