ابي الشور الطيب من النشاما

[الغريب العربي]

السلام عليكم ورحمة الله وبركاته
ياشباب عندي شفر سلفرادو2005 غماره ونص ابي اجهزه تجهيز كامل للرحلات البريه وين تنصحوني اروح للسنيدي أو عروق الشمال اضافه الى ذلك ابي ورشه للترفيع السياره
أرجو الرد في اقرب فرصه قبل اجازة العيد عشان اقدر اطلع اجهز موتري في الأجازه
هذا والسلام
الغريب العربي
أبورفا

[باترول 4500]

وعليكم السلام ورحمة الله وبركاته

رح للسنيدي وتحصل عنده الأغراض المهمة مثل
1 - تانكي
2 - عزبتين وحده للشاهي والثانية للطبخ
3 - يايات إسترالية عشان ترفع الموتر
4 - رواق
5 - ماطور هواء
6 - مسحات + فاروع
7 - ترمس ماء
8 - فرشات للجلوس + مراكي

وتركب لك بطارية إضافية وتركب عليه كم لمبه

إذا كنت من بريدة ركب البطارية عند العثيم في صناعية الرواف واليايات ركبهن عند ورشة السيف اللي بالشارع التجاري ولا عند الصمعاني بالتشليح

ويفيدونك الشباب ان شاء الله بأغراض ثانية

[بن مانع التميمي]

^^
ماقصرت ابو شنب

ولو عندي خبره ماراح ابخل عليك

[طيرمكشات]

1- ادوات البر السنيدي

2- الترفيع رح لرماية 4x4

[الغريب العربي]

الله يعطيكم العافيه ياشباب على الشور الطيب والله ماقصرتو