جمس موديل 95 [الأرشيف] - منتديات مكشات

المولعي

06/11/2010, 07:27 PM

عندي جمس موديل 95 حجمة 1500;)

وفيه مشكله في القيربوكس

ويعلم الله اني مغيرة على الضمان اربع مرات :mad:

وفي كل مرة يحولوني على ورشة ثانيه

والان يقولون المشكلة في البطيخ (الطنجرة ) وهذا ماعليه ضمان :(

المهم غيرت البطيخة وبعد يوم يهرب زيت :looney:

رجعت له للورشه وقال لي المشكله في البطيخة وبعد المحادث مع صاحب الورشة :director:

غير لي البطيخة وانا ادعي له ومشيت وان احمد ربي وفرحان ويوم وصلت البيت

واصحبت لقيت الزيت يهرب :hot:

فما هو الحل تكفون افيدوني

حبران والمسمى

06/11/2010, 10:57 PM

ابقولك قصتي مع سوبربان98
فحصته كمبيوتر عند مركز الدائرة في الصناعية القديمه بالرياض وطلع عندي ضعف بالكلتشات وقالي المسؤل اظنه اردني او سوري لازم توظيب قير لكن الطنجره عليك ما نضمنها وغيرها من القطع علينا مع الضمان وترى المشكلة كبيرة وقلت ابسافر قال ما يصير لازم توظيب المهم ضاقت بي الوسيعه لأني ابسافر لأبها بشهر 8 اللي طاف استخرت وطلعت من الورشه ورحت للميزان ابسوي ترصيص ونسولف انا واحد وقلتله السالفه قال رح لواحد اسمه اسماعيل سوداني يقول ياكل ويشرب قيور قديم تخصص قيور في ورشة اسمه السعودي والرجال امين وفاهم بنفس شارع مركز الدائرة وكلهم في شارع اللي موجود فيه ميزان المجد وانت متجه شرق يجيك المركز والورشه على اليسار بالماريه يجيك على اليمين ميزان اليرموك
المهم رحت للسوداني وسكت ما قلتله السالفه قلتله القير عندي فيه مشكله في التغيير وركب السيارة وعشق وقال هذا يبيله شغله بسيطه تقريباً زي الوزن على ما اذكر وقال انا ما ني فاضي تعال بعد يومين وانت واقف تخلص
قلت ابروح لأبها ابسافر بكرا قال رح ومتى ما رجعت مرني ونزينه قلت ما فيه مضره قال ما جاك عندي
شغلت ورحت لأبها ورجعت قبل رمضان وبعدين رحت لحايل بعطلة العيد ورجعت والحمدالله ما صار شي
وليومك ما رحت للسوداني مع انه يستاهل الروحه
رح لمه وعساه يفيدك لعل وعسى تكون السالفه بسيطه
واعذرني على الأطاله لأن ودي اللي يقرا يستفيد عن بعض الورش والكذب اللي عندهم وكمبيوترهم اللي ما عنده سالفه