سياره مستعمله ومشكله-ارجوا الافاده

[حـاتـم]

السلام عليكم ورحمة الله وبركاته

اخواني شرينا فتك 4800 موديل2002

من الامارات ولما جبناه هنا صار يقطع والشكمان يفقع

احد قالي ان البنزين يختلف والي قال الموتر بخبخاته ييلها تنظيف والموتر نظيف ماشي 70الف بس

حتى اذا دعست وانا واقف الموتر يتفتف ؟

ارجوا الافاده

وشكرا

اخوكم /حاتم

[al-nashmi]

السلام عليكم ورحمة الله وبركاته...


اخونا حاتم...
على البركة الموتر الله يعطيك من خيرة ويكفيك شرة..

اخي الكريم...
ابدأ بتصليح او تغيير الاسهل مثل البواجي و اسلاك البواجي وفلتر الهواء.. وفلتر البنزين ممكن فية سدد.

وانتية البخاخات لا تقربها ولا تجيها......... والمنظم افحص علية عند واحد خبير وموثوق في شغلة

مثل ما قلت لك ابدأ في الاسهل اولا ....وان شاء الله تكون المشكلة بسيطه...



وينك ياعاشق الجبل ولا يهونون الاخوان .....افزع لخونا حاتم...... اليوم يومك


تحياتي لكم

[كشات]

الاخ حاتم

ارجو الاطلاع على الرسائل الخاصه

[عاشق الجبل]

وعليكم السلام ورحمة الله وبركاته


الأخ : حاتم


لاتنزعج بارك الله فيك لأن المشكلة يظهر أنها بسيطة والله أعلم


شيك على حساس الهواء المشبوك بالقربه وإذا تبي نجرب الحساس اللي عندي على سيارتك فيسعدني ذلك

لأن مشكلة هذا الحساس ( المنظم ) يستقبل نسبة هواء محددة لدخول الهواء ومربوط بالكمبيوتر

عمومآ لاتبدأ إلا بتتبع التوقعات الغير مكلفة لأني مريت بنفس المشكلة

[الحسكولي]

اخوي حاتم .... السلام عليكم
يظهر لي والله اعلم ان المشلكلة من البواجي والا من اسلاكها والافضل انك تفحصها بالكمبيوتر يحدد لك المشكلة بالضبط .

[عاشق الجبل]

الأخ : بسباس

لو كانت المشكلة طال عمرك في البواجي أو الأسلاك كان التفتفه والصرقعة تستمر وهو واقف وماشي

لأن الأخ حاتم يقول : اذا دعست وانا واقف الموتر يتفتف

وكما تفضلت الفحص يبين المشكلة

[أبـ [مطلق] ـو]

أخوي حـاتم ..

العذر والسموحه يالغالي .. والله مادري وش علته

لكن بإذن الله أخوي عاشق الجبل

مهب مقصر معك

والله يوفقك يالغالي

وسع صدرك ما هنا الا الخير ان شاء الله

السلام خير ختـام

.

[aziz2727]

الاخ حاتم
مبروك اولا" الله يعطيك خيره ويكفيك شره

مثل ما تفضل الاخوان قبلي بالافادة بس ودي اظيف شي شيك على الكتاوت بعض الاحيان يصير منها في عملية تنظيم الكهرباء
وان شاء الله المشكله بسسسسسيطه

[حـاتـم]

ياهلا والله بأخواني الاعزاء البواجي غيرتها من اول ماطلعته والفلاتر للبنزين وكل شي بس بسالك اخوي

عاشق الجبل موترك من تحت كم دبه انا لما طليت فيه غير موتري 4500 لان به ثلاث دبات وكلها كبار

انا دبه صغيره بعد القزوز وبعدين الدبه الكبيره وبعدين الدبه الي في اخر شي

اما هاذا دبه كبيره ثم الدبه الاكبر ثم الدبه الاخيره العاديه؟

سألك احد اخواني بالامارت قالي ممكن هدرز مكتوم؟ او فتحه القير موسعه ؟ بصراحه مافهمت الثاني وشي؟

وشكرا لكم جميعا على ردودكم الف شكر والله

اخوي كشات بعد هالرد بزور الرسائل الخاصه وشكرا لك على التواصل

على فكره اخواني للتواصل ارجوا الاضافهhatem_211_@hotmail.com

وشكرا

اخوكم / حاتم

[عاشق الجبل]

الأخ : حاتم سيارتي فيها دبتين الوسطى والأخيرة الرياضية


ولازم تتأكد من حساس القربه اللي قلت لك في ردي السابق وتقدر تدخل السيارة الوكالة وبعد تحديد المشكلة تطلع السيارة

وتشتري القطعة وتركبها خارج الوكالة .


ولو الهيدرز مكتوم كان المشكلة تستمر على طول أثناء الوقوف والسرعة


آمل أن لاتستعجل وتدخل في متاهات لاداعي لها نتيجة كثرة الإستشارات وحبذا التفاهم على الخاص :)

[حـاتـم]

خوي عاشق الجبل يسعدني التواصل بالماسنجر

اسهل واسرع

اخوك / حاتم

[غضنفر]

اذا كان حساس الهوا خربان راح تولع في الطبلون لمبة صفرا check engine
هل اللمبة والعة عندك؟؟؟؟؟؟؟؟؟؟

[حـاتـم]

لا مافيه اي لمبه والعه

اخوي عاشق الجبل واخواني الاعزاء اذا تبيون صوت التقطيع او الفيديو او الصور ارجوا الدخول للماستجر لاني ماعرف ادخل الصور كبير والفيديو ماعرف ادحخله وشكرا

[escape_man]

انا من راي اخوي عاشق الجبل ولا يهون الربع
المشكله بالغالب مشكله حساس الهواء لانه مرت بي
نفس المشكله وكان الموتر يتفتف ويقطع خاصه بالقومه
او اذا مشى كم كيلوا كتم فجاءه وصارت من الحساس

[اسيزو 4x4]

أولا مبروك ... الله يعطيك خير ويكفيك شرة

أنا كلامي من كلام عاشق الجبل ولا يهونون الأخوان دايم حساس الهواء هو البلا

.

[أبـ [مطلق] ـو]

أخوي حاتم ..

رد لنا خبر .. وعلمنا وش صار معك

تحيااتي

.

[شاص]

أولاً الله يعطيه من خيره ويكفيه شره ..
ثانياً يبدو لي أن المشكله لها علاقة بالكهرباء ..
ثالثاً بكم طلع عليكم الموتر من الامارات لأن احد الزملاء يبي يشري من هناك ولا يدري وش اسعارهن ..

[الصوت الحزين]

الف الف مبروك وانشالله تصطلح السيارة يالحبيب

[mhs]

افحص السيارة بالكمبيوتر وطلعلك المشكله باذن الله

[ماجد الشمري]

اخوي حاتم ..
جرب شيئين وان شاء الله راح تنحل المشكلة ...
اول شئ خذ لك منظف بخاخات وعب نص تانكي السيارة وحطه وامسك خط وادعس عليه ولما ترجع شف خفة الرجفة والفرقعه ولا لا ...
اذا ما خفت فإن الكويلات غالبا عندك واحد منها منتهي وهي تسبب رعشة وهزه للسيارة واحيانا فرقعه بالكنداسة ...







اخوكم ماجد الشمري

[salehhd]

السلام عليكم

اولاً مبروك على السيارة

ثانياً نصيحتي لك لاتعور راسك ودها الوكاله واخسر عليها شوي تراهب ابخص بدل ما تغير حاجات مالها داعي

والله يوفقك

[الشوق]

بسم الله الرحمن الرحيم


أريد توضيح نقطه مهمه وهي أن الباترول الفتك Vtc
مايجي له أسلاك بواجي

يجي لك بوجي كويل كهربائي مباشر فوق البوجي قد يكون واحد من هذه الكويلات مفصول أو الي ركب البواجي ماركبه كويس

لأن تركيب بواجي الفتك متعب جدا لأن مكانها داخل وصعب على الفني التعامل معه

وشكرا لكم

[حـاتـم]

مشكورين اخواني على الردود


يااخوان الموتر طلعنا عليه البر هالاسبوع مفيه شي بس يوم جينا طالعين فقع معنا وعندي مقطع الفيديولصوت الشكمان

اولا حساس الهواء مافيه شي لاني فصلته ولا اثر وشبكته ماتغير الصوت

اضن المشكله بالبخاخات بسويلها تنظيف وبشوف وانشاء الله يزين الموتر

هلا اخوي شاص الموتر طلع علينا بـ67 الف مع الجمارك بدون اللوحات سفاري عادي بس خشب وكبوس وصدامات نفس اللون وماشي حول السبعين الف وهاذي صورته ياخوي

http://www.mekshat.com/pix/upload/images10/mk17635_4800.jpg



وشكرا اخوكم /حاتم