المساعد الشخصي الرقمي

مشاهدة النسخة كاملة : ساعدوني في الفرارات للشاص


راعي الفيوجن
07/11/2010, 12:17 AM
السلام عليكم
اخواني الاعزاء
ابي فررات للشاص نوع ممتاز واحترت مريت السليماني لقيت عنده بس عيبها لو اشطف الرصيف تحك طالع مررره
وسمعت ان فيه نوع برازيلي ممتاز
وين احصله في بريده او عنيزة
وكم سعر
مع العلم موتري شاص 2008 ونش وفلك


راعي الفيوجن
راعي الفيوجن
07/11/2010, 12:17 PM
وش دعوه ياجماعه 31 مشاهده ولا احد يرد
ماخبرناكم كذا افيدونا ياشباب
(((.ابوتميم .))))
07/11/2010, 01:51 PM
يا ابن الحلال وش تبيبها الشاص مشاء الله قوي الفرارات للضعوف زي الددسن الدبل لو تحط ميتين فرار ما زان عزمه
خل موتر على وكالته والفرارات تصلح للمكاين الضعيفه زي اللددسن الدبل او الهايلكس الدبل
والله يعطيك خير الموتر ويكفيك شره
اتمنى اني افدتك
راعي الفيوجن
08/11/2010, 12:41 AM
ياحبيلك
الظاهر مابووه الا انت تفيدني وافيدك
لا مضبوط الفرار عشان يفصل العمود الي قدام انا مجربه بشاص قبل
بس ماحصلته ببريده
اتمنى احد يفيدنا
شاص&نص
08/11/2010, 12:54 AM
السلام عليك ورحمة الله
طيب خذه من الوكالة و شكله أنظر و لا هو بارز

أخوك أبوعبدالكريم
خيام الندم
08/11/2010, 02:08 AM
اللي أعرفـــه إن الفرارات (( الفلنجات )) ماتركب إلاعلى الشــاص موديل 99 ونازل
أما من موديل 2000 وطالع مــــاتركب مباشرة لازم مخرطـــة وشــغل .....
تميراوي
08/11/2010, 08:55 PM
عطاك العلم خيام الندم مالك الا حقت السليماني ب550 على ماضن ...
لكن فيه نوع يجي في الشيصان الاماراتيه يجي فراره مسدس وله ثلاث طقات لكن دورته انا ولا لقيته ابد
راعي الفيوجن
09/11/2010, 11:35 AM
مشكورين يالربع وماقصرتو
راعي الفيوجن
09/11/2010, 11:37 AM
السلام عليك ورحمة الله
طيب خذه من الوكالة و شكله أنظر و لا هو بارز

أخوك أبوعبدالكريم
هلا اخوي ابو عبدالكريم
طيب كم سعرها في الوكاله
ويركب على الموتر بدون خرط او وشلون

اسف على الاطاله

اخوك راعي الفيوجن
مواسي الطعوس
09/11/2010, 05:59 PM
اذا انت راعي دعس بقوه لاتركب الا الاصلي لان التجاري مع راعي الدوس يفرط . اما القياده العاديه ممتاز ورخيص . اللي يقول يصلح لددسن والهايلكس اقول: اقول اكثر الاصوات والحره من عمود الدبل وهذا يوقفه .ويقلل صرفية البنزين .
ابوصالح77
11/11/2010, 11:51 AM
أخوي إذا ما فيه حرة لاتركب
وتحصل عند المطلق للكفرات بشارع الأربعين
ابوصالح77
13/11/2010, 10:42 AM
السلام عليكم ورحمة الله وبركاته
هلا بك أخوي ، حاولت أرسل لك على الخاص وما قدرت
اسم المحل : المطلق للكفرات
في القصيم - بريدة - شارع الأربعين
بعد الجوازات على اليمين وانت جاي من شمال

وكانك في الرياض رح للوكيل السليماني ويركبهن لك
تقبل مروري
راعي الفيوجن
20/12/2010, 01:50 AM
ابو صالح 77
الله يبيض وجهك عز الله انك ماقصرت جعلك سالم
الرسايل الخاصه كانت مقفله عندي والحمد لله ضبطوها الحين
مشكور
شاص&نص
20/12/2010, 05:18 AM
هلا اخوي ابو عبدالكريم
طيب كم سعرها في الوكاله
ويركب على الموتر بدون خرط او وشلون

اسف على الاطاله

اخوك راعي الفيوجن
حياك الله يا راعي الفيوجن و ما انتبهت للموضوع الا اليوم
بالنسبة لسعرهن ف فيه نوعين و موضحة بكتلوج السيارة
العادي ب 400 و حولها
و الاوتماتيك ب 1100 و حولها
طبعا الأسعار تقريبيه و تراها تركب بكل سهوله و بروزها بيكون قريب من بروز الكفرات الخلفية

أخوك أبو عبدالكريم