ابي كهربائي يضبط النور ابية مثل الشمس

[الموقدة]

السلام

ابي كهربائي مضبوط ومعروف بهذة الشغلة يضبط النور لي ابية مثل الشمس قوي

الحقيقة ركبت انوار وحط الكهربائي كتاوت بس كل يوم تخرب وحدة ازين اليمين وتخرب اليسار ازين اليسار تخرب اليمين

أنا من حائل اللي يعرف مكان بحائل يعلمن واذا مافية احد بحائل إن شاء الله يوم الخميس اصير في بريدة

المساعدة تكفون

ولكم خالص الشكر والتقدير

[راكب الشفر]

والله حائل ما اعرف فيها
بس بالرياض في محل بالغرابي مصري اسمه ابو امين متخصص بالامور الكهربائي المتعلقة بالانوار وخصوصاً الزنون

[الموقدة]

الله يعطيك العافية

انا ابي واحد بحائل او في بريدة او عنيزة مانبي نبعد

وين الفزعة من بقية الاخوااااااااااااااااااااان

الموتر باثفندر 2004

[باترول 4500]

وعليكم السلام

فيه ببريدة في صناعية الرواف كهربائي العثيم تقريبا هو الأفضل عندنا

هذا رقمه إذا بغيت تستفسر منه
0554889118

[التعـ King ـديل]

فك الشمعتين وركب المانيه مع كتاوت فرنسي توليف

[ابوياسر2010]

الله يهديك ويوفقك لكل خير
انا اشوف ان نور شد البلد بالسيارات كفايه ومايحتاج الموضوع كتاوت وتغير شمعات
نصيحه لك ولكل الشباب الي يحبون يعدلون على النور ترا ماراح تستفيد الا دعوه من واحد تجهره بنورك
وسلامتك

[مكرم الضيف]

ياخوي ركبه لكن على سيارات الدفع الرباعي بالبران محد يمك. لكن على الخطوط بين المدن لا تلقالك دعوة ماهي زينه.

[ابو نايف التميمي]

اجل انت من الي ندعي عليهم كل يوم..ان الله يعمي بصرهم وبصيرتهم

[ابن بااارود]

الله يهديك ويوفقك لكل خير

[ناصر]

انا يوم اشوف واحد مركب زنون ويكبس وراك بدون داعي مزعج خليقه الله
لا تعليق ... الله يهديه بس

لو في الاضافه خير ..مافاتت على المصنع ...تحيتي لك

[أبوحمد 505]

والله يابعضهم أنة يجي ناطحني مع الشارع الثاني وكابس أبو النور لدرجة ما أشوف اللي قدامي
المشكلة اكبس لة علشان يطفية والأخ يعاند
وإذا جاء واحد من وراي مركب زنون وكبس لة علىطول طفى النور يعني يرضاها للناس ولا يرضاها على نفسة

[آخر العنقود]

هلا اخوي ركب كتاوت نور كامري تجي صناعه يابانيه بس تراها غاليه شوي حدود80 ريال ....

[مكرم الضيف]

يارجال خل السيارات مره رايحين المسجد معنا شويب نظره دوبه يقديه الا يوم جت هذيك السيارة قدامنا ويكشح الزنون. والا الشويب مشمع بالعمود قال ياويليدي اصبحنا وش النور ذا.

[(ابو عبدالله)]

انا ودي اركب شمعات وتكون قويه استخدمها بالبر بالالدعامات المميز الي ركبت

وللجميع تحياتي

[حصن زحام]

لكن انتبه لا تؤذي عباد الله بها,
وأنا أتسائل ما تشوفون بأنوار شد البلد....؟
يا ما ندعي على من يؤذينا بالزينون.

[الموقدة]

تحياتي للجميع على مداخلاتهم الطيبة

بس بعض الاعضاء كلونا الله يهديم انا ما استخدم النور العالي الا في البر تخبرون حائل مكان المفضل لجميع هواة البر بحكم طبيعتها المتميزة انا عمري 33 سنة ماني بزر احد يعلمني وش اسوي خلو نيتكم طيبة دائما

حتى في السفر دائما افضل السفر في النهار

صفو النية

تحياتي

[البرتقالي]

تحياتي للجميع على مداخلاتهم الطيبة

بس بعض الاعضاء كلونا الله يهديم انا ما استخدم النور العالي الا في البر تخبرون حائل مكان المفضل لجميع هواة البر بحكم طبيعتها المتميزة انا عمري 33 سنة ماني بزر احد يعلمني وش اسوي خلو نيتكم طيبة دائما

حتى في السفر دائما افضل السفر في النهار

صفو النية

تحياتي

لاتاخذ بخاطرك ياخوي اللي مايعرفك مايثمنك
كلنا اخوان وهم ماقصدهم الا خوف عليك

[الموقدة]

اجل انت من الي ندعي عليهم كل يوم..ان الله يعمي بصرهم وبصيرتهم


الى الحين ماركبت شي وشلون تدعي علي الله يهديك ليش دائما النية السيئة

صف النية وخلك دائما نيتك زينة بالناس

[الموقدة]

لاتاخذ بخاطرك ياخوي اللي مايعرفك مايثمنك
كلنا اخوان وهم ماقصدهم الا خوف عليك

الله يجزاك كل خير اخوي

بس مدري التميمي هو يعرفني يوم يدعي علي حتى اللي يحطون العالي فية ناس وسط نظرة بالليل مو كله عناد يعني

الله يسامحة إن شاء الله

[البرتقالي]

الله يجزاك كل خير اخوي
بس مدري التميمي هو يعرفني يوم يدعي علي حتى اللي يحطون العالي فية ناس وسط نظرة بالليل مو كله عناد يعني
الله يسامحة إن شاء الله
ويجزاك بالخيرات
يمكن خانه التعبير ومقصده ينبهك بطريقة مختلفه اقول يمكن لأني مادخلت قلبه
عموما سامحته واحسان الظن دايما مطلوب ومايبقى الا العلم الطيب
خشمك يابعدي :)

[VX-R 777]

انصحك بمحل غروب لزينه السيارت
الصراحه لايعلى عليه
موقعه عند اشاره مشوار

[الموقدة]

مشكوووور اخووووووووي

[مقلع الرمث]

فيه واحد بعنيزه اخبر الشباب يجون لمه من الرياض وشغله جدااا ممتاز لكن اذا عرفت اسمه ابشرر

[الموقدة]

فيه واحد بعنيزه اخبر الشباب يجون لمه من الرياض وشغله جدااا ممتاز لكن اذا عرفت اسمه ابشرر
مشكور اخوي مقدما

[سوبر مكشات]

محل شاهيين بالرياض

وتقويه النور له عايده كبيره
كان تبي وصغ المحل ارسلي عالخاض لاني ابنام ما اشوف الحروق

[PATHFINDER 4]

بعض الاخوة يشتكي من اجهار الزينون
(بالنسبة لي اكثر مايوذيني في الخط vxr 2008)
والله ياهو يعمي اعوذ بالله هذا وهو من الوكالة !

انا اشوف افضل حل تركيب كتاوت مع شمعات 220/300 فلوسار المانية ممتازة جدا

ومسويها عند محل شاهين (مخرج 14) 150 ريال

[الموقدة]

االه يعطيكم العاااااااااااااااااااااااااااااااافية ماقصرتو

[حصن زحام]

تحياتي للجميع على مداخلاتهم الطيبة

بس بعض الاعضاء كلونا الله يهديم انا ما استخدم النور العالي الا في البر تخبرون حائل مكان المفضل لجميع هواة البر بحكم طبيعتها المتميزة انا عمري 33 سنة ماني بزر احد يعلمني وش اسوي خلو نيتكم طيبة دائما

حتى في السفر دائما افضل السفر في النهار

صفو النية

تحياتي





سامحنا وأنا اخوك.

[عبدالله حماد]

السلام عليكم ورحمة الله

والله إذا سيارتك تايوتا نصييييييييييييييحة كله على وكالته والله إن أنوار التايوتا من أفضل الأنوار .

أما إذا كانت غير التايوتا فــــ ركب زنون ألماني ( اللي تراعي لقناء بالليل وانت بالنهايد )

[YUKON_GMC]

تقدر تقوي النور العادي حق السياره بدون زنون

بس غير لمبات 55w وركب كتاوت واسلاك انوار الماني بحدود 130 ريال وإذا الدينمو يعطي قراءه من 13 وتحت ركب فحمات للدينو اصليه ورايح يعني كهرب 15 فولط او 16

[الموقدة]

تقدر تقوي النور العادي حق السياره بدون زنون

بس غير لمبات 55w وركب كتاوت واسلاك انوار الماني بحدود 130 ريال وإذا الدينمو يعطي قراءه من 13 وتحت ركب فحمات للدينو اصليه ورايح يعني كهرب 15 فولط او 16


الله يجزاك كل خير

وين احصل الكتاوت الالمانية وكيف شكلها

واذا تعرف هالمحل اللي يضبطهن علمني

تحياتي