عشان لاتسوي سواتي وتندم

[زحم خير ..]

تحيه للجميع
احيان الواحد يحب يتفلسف ويسوي نفسه فاهم وهذا ماصار معاي بس فلسفتي كلفتني كثير
المهم عندي جيب لاندكروزر جي اكس ار كفر عريض 275 -16 جات في راسي فكره اني اصغر الكفر قلت هذا عريض زياده وانا ما اركب إلا ماشيلان بحكم قوتة وتحملة رحت للبنشر وقولت له ابغى كفر اصغر من هذا قالي في ماشيلان 255-16 قولت له يركب على الجنط العريض قال يركب وبكم 600 ريال للكفر قولت توكل على الله وركبت الكفرات وليتني ماركبتها صارت الكفرات تطلع صوت عالي ورجه ماكنت اسمعها في الكفرات الحجم 275
بس ما باليد حيله والي مايشاور يستاهل والله يعوضنا خير

[ن م ر]

اللاند كروزر ما يصلح له الا دنلوب شد بلده ومستحيل اركب في موتري غيرها

كنت مركب طقم في موتري[ 275 -16 ] جلس سنتين ونص من الكرف ( خطوط + نفود + وعر ) والحمد لله غيرتها وباقي فيها نص عمر

[jasser]

الله يعينك ويعوضك الخساره
تقدر تبيعهن مستعمل وتركب نفس المقاس الاول
وانتبه لابد تقرا كتيب دليل المالك قبل لا تسوي شي في الموتر

بالتوفيق

[زحم خير ..]

والله وانا اخوك جربت الدنلوب فتره ماهي قليله واجهتني فيه مشكله انه يحبل وما ارتحت الا لما حولت على الماشيلان يكفي الماشيلان ضمانه مفتوح على الدعسة من يعطي ضمان كذا إلا شركة واثقة من شغلها وانا افضل الماشيلان الفرنسي

[سرطوقا]

البالون زين جرب بس لاتوهق ههههه

[زحم خير ..]

اخوي jasser


الله يجزاك خير على النصيحة بس لو ابغى ابيعه مستعمل يبخسوا سعره فالواحد بين خساره لو بعت وبين رجه لو خليته

[وارف الظلال]

جزاك الله خير الي اخبرت اخوانك ولا بخلت عليهم بالنصحيه
الله يعوض عليك وهذي الدنيا تجارب
وفعلاً ما خاب من استشار
الدنيا دورس وعبر ولعلك استفدت من الي حصلك
العوض براااسك وانا اخوك فدوه رجليك والحمدلله على كل حال
أخوك وارف الظلال...

[ابو سفيان 09]

(ماخاب من استخار وما ندم من استشار)
الله يعوضك أخير منهن

[أ.الخزاعي]

جزاك الله خير

[الربذي]

السلام عليكم رح لواحد يرصص صح وماتجي فيه رجه يمكن غشيم الي يرصص لك يختار مقاس الكفر 275 لكن 255 صح صغير بس مايرج انا مثلك غيرت سفاري من 275 العريض جدا الى 265 وبالعكس احس بخفه بس فعلا يبي ترصيص صح لانه الي يرصص فاهم وجهازه جديد اول مره اشوفه
واصلا السفاري وهو ثقل الاند يركب له ومكتوب على الباب من الشركه لموديل 99 هو 265/70/16 ابي اسالك ماحسيت بخفه بالسياره لو اخترت اكبر شوي قصدي اعرض شوي تمام بس صدق الرجه ماهي من الكفر رصصه عند واحد يفهم وراح يضبط باذن الله

اخوص صدقني لو ماركبت الكفر قبل ثلاث الى 4ايام اني لاشتريه منك بالكفر الواحد اذا جديد 500 ريال لكن انت اعرضهن للبيع وتجد لها زبون وش نوعه هل هو امريكي ولا فرنسي اذا امريكي فسعره اقل ب40ريال تقريبا لكن الفرنسي غالي ومرغوب

اكرر الرجه ماهي بسبب الكفر لازم وزنيه الجهاز تتغير والفاهم مايحتاج تقول له اصلا تطلع خلك عنده يوم يرصص
الصوت شي ثاني لازم تتاقلم عليه واذكر حقين الجح الي يجون من وادي الدواسر ويمشون بالنهار ودرجة الحرارة فوق 50على الازفلت يقول كم واحد راح بسبب الكفر يضرب عليه وهو محمل جح وبالحر ويروح فيها لكنا وجدنا ان المشلن رهيب ولاينفقع بسهوله واحمل وامشي الظهر على سرعة 160 بعز الصيف والحمد لله ارتحنا انا واخوياي الكداده مع مشلان صح غالي بس مايضرب بشرط يناسب اجوائنا فيه نوع مغشوش يجي عن طريق الامارات احذر منه والفرنسي هو المشلن صح

[العابر2222]

والله اليوم ركبت كفرات للفتك واحترت بين مقاسين 275/65/17 وهو نفس مقاس الوكالة
والثاني 285/70/17 وهو مقاس اكبر

وركبت نفس مقاس الوكالة المقاس الأول وتحسفت ليتني ركبت الثاني

نوع الكفرات فايرستون ومن التجربه الأوليه كفراات ممتازه لينه دعسه ناعمه

[الربذي]

والله اليوم ركبت كفرات للفتك واحترت بين مقاسين 275/65/17 وهو نفس مقاس الوكالة
والثاني 285/70/17 وهو مقاس اكبر

وركبت نفس مقاس الوكالة المقاس الأول وتحسفت ليتني ركبت الثاني

نوع الكفرات فايرستون ومن التجربه الأوليه كفراات ممتازه لينه دعسه ناعمه
انا مثلك بس فاير ستون مااعرف عنها كثير وهي تعني حجر النار لكن كانت على الفتك275 وركبت 265 انا ادور الخف ويمكن بعدين اركب 255 العريض كنت احبه بس لقيته ثقيل على السياره