مشكلتي ومشكلة البيبان اللي تقرقع ؟!؟!؟!؟

[سماوي]

يا شباب أنا كشات معي جيب لاندكروزر موديل 97أبيض ولكنه للأسف بيبان يعني ليس شنطة:D والمشكلة أن هذه البيبان الخلفيه لها صوت مزعج ايصرصرن وايطرطرن وايشرشرن وايمسطرن وايفرهرن :D وكل حاقة
فما هو الحل لهذه الصرصرة والطرطرة و.....
الله يرزقكم بالقميري اللي مثل السحاب لمين ايصير كتف الواحد أخضر من الرمي بالشوزن:p ;) :o :p :p :confused: :eek: :confused:

[^-^ طير شلوى^-^]

بسيطه بسيطه يالسماوي ...

لا يصير رميك سماوي

لصرصرة البيبان الخلفيه .. ادهن الربلات اللي فوق البيبان بشحم سيارات ولا تكثره

مجرب :good: :good:

[سماوي]

عز الله انك طير شلوى
الله يعافيك ويجزاك الخير
ولكن هل يوجد طريقة أخرى لأن الصوت يذهب إذا امتلأ القسم الخلفي من السيارة بالعفش أو الفرش أو ....
والله ايعافيك أخوي :good:

[المري]

سماوي مرحبا وحياك الله

هذه المشكله يشكي منها الكثير بس لها ورشات متخصصه يزبطها لك مثل في الكويت وقطر وفي الرياض وفي القطيف وفي الاحساء مناطق بس اهم شي انهم كلهم مرت عليهم الوصوصه ذي اللي تقول


والاحل الاكبر والاريح مره ثانيه دور لك شنطه والسلام ختام

[سماوي]

أنا يا أخوي بالسعودية وبالتحديد بالقصيم ممكن تعلمني وين الورش المتخصصة
الله يجزاك كل الخير أخوي

[الشيخ]

حل المشكلة هاذي سهل جدا ومو محتاج تروح لورشة تقدر انت تعالجها
تجيب قطع بلاستك مرن وسميك مثل الي يستعمل ارضيات للمكاتب وتقص قطعه بمقاس قفل الباب وتثبتها حوله او انك تلزق قطع على اطراف البابين بحيث تمنع الاحتكاك وراح يحتك الحديد بالبلاستك وما يطلع له صوت

ملاحظة : لا تحط بلاستك من الصوبين لان الباب ما راح يسكر حط من جهه وحده فقط .

[سماوي]

الله يجزاك خير أخوي الشيخ ومن شارك معنا
وعسى ربي ما يحرمكم الأجر

[السرحان]

عندنا وعندك خيرا
والله يا هي مشكله مؤرقتني ولا به فايده
يمكن انزع البيبان الخلفيه وركب اشراع ما تصورون الازعاج
وصحيح يقولون انه بالقطيف يزبطونه ....وراح اجرب واخبركم

[مجازف1]

هلا اخوي السماوي................:good:
الموضوع مافيه مشكلة ولا شي انا صارت معي قرقعة البيبان قبل سنة كان معاي جيب ربع تويوتا 97 ومرة من المرات كنت جاي عند كم بالقصيم وذكر لي شخص ورشة ( الحسون ) ورحت لهم الحقيقة ذهلت تخصصهم جيوب ورحت للفني وسوى لي وزن للبـيـبان ومن ذيك الساعة راحت القرقعة ما حط فيها لا جلد وغيره ...............................:rolleyes: :rolleyes:

المهم عليك بالحسون وبس:light:

[هاوي]

لا لالا فيه احسن فك البيبان كلما رحت للبر وريح نفسك...........

هاه هاه بس لاتزعل ..اذا دخل عليك غبار سهله البس قناع الغازات متوفر بكثر







والا ريح بالك و لا تطلع البر ............................ترى امزح معك باي:D :cool: :p

[الشيخ]

الاخ السماوي

ادري الموضوع قديم من خمس شهور
بس وديت اني افتح الحوار من جديد معاك
قبل شهرين شريت جيب باثفايندر موديل 2000
وانت عارف انه يجي باب واحد بالخلف
وصار الباب يقرقع معاي حتى وانا ماشي بالشارع
حاولت اجرب الطريقة الي وصيتك عليها وما قدرت
والمشكلة عيار الباب مظبوط ولا فيه طريقة لاعادة العيار مثل السفاري القديم
جربت احط داخل الربل لي صغير جدا المستخدم بأحواض السمك ونجحت معاي الطريقة ايام معدودة و عادت حليمة المهم اليوم جربت طريقة غريبة نصحني فيها واحد من اصحاب محلات زينة السيارات
ركب فوق الربل الاصلي ربل ثاني وهو المستخدم في ابواب البيوت عرفته ؟
الي يجي من صوب اسفنج والصوب الثاني صمغ بس الاسفنج الي عنده يابس اكثر من الي ينحط بابواب البيوت
المهم ركبه وماشالله هدوء ما تعودت عليه بس انشالله يطول نجاحها معاي
بس ركبه وزاده صمغ وصار الباب ما يتسكر الا بقوة بس ماهي مشكلة طالما الوضع سليم
والباب ما عاد يقرقع
والله يستر من الي جاي
انت بشرني شصار معاك
مشى الحال ولا بعد
سلام

[وجه الخير]

السلام عليكم اخوتي فيه طريقه اسهل من طريقه الشيخ ومضمونه ميه ميه وهي.....ركزوا معاي
تروح تشوف قطعه بلاستك((من شبشب الله يكرمكم ويكرم الناظرين)) وتقص منها قطعه على شكل مربع حدود
اسم×ا سم وتفتح الباب اللي فيه القفل وتناظر القفل بعنايه وركز على المغلاق اللي يمسك بالباب الثابت ، تجد انه فيه فظاوه بينه وبين جسم الباب تخش القطعه المقصوصه جواها ....... وسكر الباب وعلى ظمانتي ان عاد تسمع له صوت




وسلامتكم

[الشيخ]

صحيح انك وجه خير
طريقتك الي ذكرتها تصلح ميه بالميه مع مشكلة الاخوان الي تكون جيباتهم فيها بابين بالخلف
اما بالنسبة للباب الخلفي الواحد ما تصلح وخصوصا معي لان الربل او البلاستك الاصلي خفيف يعني
سنة سنتين ولا هو قاضي عمره وما ينفع لو تبدله لان الباب ثقيل وراح يرجع يخربه لك بفترة اقصر من الاولى
وعندك الكثير من الطرق واكثرها شهره هي بادخال لي ماء صغير بالتجاويف الي داخل الربل الفاصل بين الباب وجسم السيارة وهي من انجح الطرق بس ماتمشي مع كل السيارات
ويعطيك الف عافية على المشاركة

[ابوفهـــــــد]

السلام اولا.................



عنديلك رأي اسمه راشد جب لك صمغ يالذيب سيلقون وصمغ البـيبان ودخل قشك واغراضك مع الدريشه الجنبيه ترى الراي ذا علاج......... نرجع ونقول انت ورايك انت حر بسيارك من النصيحه ومنك السيلقون

[الاجودي]

تروى احيان الواحد يحسبها من البيبان

وهي تصير من غطاء الاستبنه الي يجي فيبر

[جــلــمــود]

وبعض المرات تصير من الديكور الي مغطي البيبان الي ورى يصير منحله صواميله ويقررررش

كل شي جايز

[ماجد الشمال 1]

الى اقرب سمكري يوزن الابواب
ياسماوي