المساعد الشخصي الرقمي

مشاهدة النسخة كاملة : افضل مكان لتعديل الصدمات الخفيفه بدون سمكره


ابو سعد 1
08/11/2010, 11:49 AM
السلام عليكم رحمة الله ،،
اخواني الاعزاء اذا ممكن تدلوني على افضل مكان يعدل الدقشات الخفيفه بدون سمكره
مع العلم اني في مدينه الرياض
وارجو من الجميع التفاعل والشكر موصول مقدما للجميع
بيق مان
08/11/2010, 02:35 PM
للرفع
لأن لدي ايضا مشكلة بسيطة لاثر ضرب برد على الكبوت وافكر بتغييره واذا فيه محل يعدل فهو راح يحل المشكلة
حبران والمسمى
08/11/2010, 07:33 PM
للرفع لأني عندي نفس المشكلة
تناهيت
08/11/2010, 07:51 PM
عندي نفس المشكلة وكنت بطرح موضوع بس سبقتني بارك الله فيك

على العموم سألت عن ورشة وقالو فيه مصري متخصص ومشهور في الصناعية القديمة يصلح بدون سمكرة وشغله نظيف ووصفه نهايه شارع الجمعيه يجيك تقاطع شارع الجمعيه مع شارع قطع الغيار اللي فيه صبات ووجهك شرق تروح يمين ووجهك جنوب الى نهايه الشارع وترجع يوتيرن اول دخله يمين ثم اول يسار تجيك على يمناك

بحاول امر عليه هاليومين

واللي عنده ورشه اخرى مجربه يفيدنا لاهنتم

تحياتي
Abo-ibrahem
08/11/2010, 08:24 PM
^^^^

المصري صلح اخوي عنده موتره قبل فتره جايته ضربه على الرفرف الخلفي مع الباب

عدل الضربه بدون بويه وكان فيه تلقيط خفيف

شغله اشوف انه ممتاز بس مشكلته في الوقت :(
وادي النوم
08/11/2010, 11:52 PM
كنت جالس مع أحد الشباب حكى عن هندي ممتاز

بالمزاحمية أو ضرما لكن أغلب الظن المزاحمية

ممتاز جدا ومشهور هناك
ابن عكاش
09/11/2010, 12:38 AM
فيه ورشه في المزاحمية اسمها وادي ثمامه شغله طيب إذا تبي عطيتك رقم العامل تنسق معه
تناهيت
09/11/2010, 01:58 AM
ابشركم اليوم مريته على الساعه 8 المسا ولقيت ورشته مزحومه
طبعا الآن ذكرت هالمصري اذكر مريته قبل 5 سنوات وصلح موتري ميه ميه كان فيه ضربه في حرف الرفرف

واليوم وديت له يوكن اخوي 2009 وبعد حب الخشوم اشتغل لي الموتر وخلصنا الساعه 10 ونص تقريبا الموتر فيه ضربه في الرفرف الخلفي بصراحه شغله نظيف ولا يمكن تقول ان الموتر جايته ضربه خذ علي 350 ريال بعد المكاسر طبعا يستاهل لأنه اشتغل في وقت غير مناسب وفوق كذا شغل نظيف بدون سمكرة

المحزن والغريب في الموضوع ان اغلب المواتر اللي عنده جايه من اكبر معارض النسيم واغلب زباينه شريطيه شفت عنده 3 جيوب لكزسس 2010 باكياسها وبدون لوح
توه خالص منها ومسلمها لراعيها الشريطي طبعا كانت فيها ضربات متفرقه في البودي والتنده ........;)

المصري يقول بسافر السبت وبيرجع بعد 20 يوم ولا يقدر يستقبل اي سيارة قبل لا يرجع من السفر

انا اقول تعيدو وعينوا خير ومرو عليه على سعه

تحياتي
بيق مان
10/11/2010, 01:22 PM
اتو قارد - ت/2924343
الرياض : مركز المرابحون - طريق خريص - (شرق) دوار الأحساء
Autogard
https://mylink.stc.com.sa/bea/attachment/users/2010_10_25/ss/OFR/الشعار.JPG (javascript:showDetails("OFR1000415"))
http://www.auto-gard.net/galleryar/auto-3086822.jpg