كيف ألغي جرس حزام الصني ( برمجة )

[القصير111]

السلام عليكم ورحمة الله وبركاته

ياشباب عندي سؤال ضروري

كيف ألغي جرس حزام الصني ( برمجة ) ؟

أخوي شرى صني جديدة وصوت الحزام فيها مزعج

وبحثت عن طريقة البرمجة لإلغاء الجرس لكن عجزت

رغم إني قبل كذا لغيت الجرس في سيارتي FJ

لكن هذي عجزتني

الله لايهينكم اللي يعرف يعلمنا

[العاذر]

اللي انا اعرفه نقص قطعة بلاستيك من اي علبه سميكه مثل جركل ماء الاديتر او اي شي آخر

نقصها على شكل نهاية حزام الامان الموجود في السياره المطلوب اخفاء صوت الحزام عنها

وبعدها يصير الحزام أطرم لايتكلم بس عساها تضبط معك انت تقول برمجه عموما جرب العمليه سهله

اتمنى اني افدتك

[القصير111]

بيض الله وجهك يالغالي

لكن لابد فيه طريقة برمجة مثل باقي السيارات

[محنك]

بسبعة ريال في شارع الغرابي ... قطعة تكون في مقبض الحزام ..

[سعود الحربي]

نصيحه لك اخوي انت واخوك العزيز

لاتهاون في ربط حزام الاامان تراه والله لو ماهو ضروري ماحط ولاحط له تنبيه

كنت اكره ربط الحزام وكان معي فورد وقاص قطعة بلاستيك وحاطها في مدخل المعدن وفي مابعد شوي شوي حتى صرت لو ابي اروح للبقاله ربطة حزام الامان

[أتلى الأجواد]

أظن الصني مالها برمجة بس سهلة مرة ...
تحت مرتبة السواق فيه سلك افصله وبس .

[القصير111]

بارك الله فيكم جميع

وجزاكم الله ألف خير

سعود والله أنا ولله الحمد مثلك ويمكن أكثر منك

من عام 98 تقريبًا وأنا لو أروح المسجد أو البقالة

ما أعرف أمشي غير رابط الحزام .

لكن عاد وش تسوي في الشباب الله يهديهم