المساعد الشخصي الرقمي

مشاهدة النسخة كاملة : (( باترول ديزل 2005 وش رايكم ؟؟؟ يوجد صورة ....))


اسيزو 4x4
14/09/2005, 11:06 PM
السلام عليكم ورحمة الله وبركاته

عساكم طيبين يأخواني الأعضاء وشلونكم مع قرب الشتاء متزهبين أكيد :D

والله العلم وسلامتكم وهو أني أبي مشورتكم بالباترول الجديد الديزل 2005 ..

هل هو تيربو ؟؟

هل يدخن ؟؟ وكيف تدخينة أقشر مثل الهايلوكس ؟؟؟

ومن اللي جربة يعطينا فكرة لا هنتوا

ماهي عيوبة ومميزاتة ؟؟؟

والله أني مستحي منكم ولكن خابركم ما تردون أحد أبد وهذا ما شجعني لكتابة الموضوع وهذا عهدناه من نشاما أمثالكم :good: ;)

وهذي صورة للباترول الديزل الموجود عند الحمراني :

http://www.mekshat.com/pix/upload/images10/mk6834_ee4d.jpg

أخوكم أبو حمود يحتريكم تردون علية ... :D
عاشق البسمه
15/09/2005, 12:45 AM
هلا والله اخوي ابو حمود

بالنسبة للباترول2005 اظن مكينة الديزل ماتغيرت عن الأول وهو حسب علمي انه ماهو تيربو وعزه مهو شين
ولافيه دخنه

امل اني اكون افتدك
تحياتي
اسيزو 4x4
15/09/2005, 12:53 AM
حيا الله الغالي عاشق البسمه

ياهلابك يابعدي هل هو ما يدخن ابد أو هل دخانة مثل الأند كروزر الديزل أو أخف بكثير ؟؟؟

الله لا يهينك يالغالي نبي ندعيلك .... :D
mhs
15/09/2005, 01:42 AM
افيدونا مع الرجال جزاكم الله خير
عابد
15/09/2005, 08:27 AM
السلام عليكم ورحمة الله وبركاته

مالها إلا عاشق الجبل هو اللي اتوقع يفيدك لأنه ما شاء الله عليه خبره في النياسين وفي نفس الوقت شقردي تلقاه عند وجهك لامنك بغيته.

اتمنى أعرف صرفيته بعد إذا ممكن .

اخوكم عابد
عاشق الجبل
15/09/2005, 11:50 AM
الأخ : عابد


عذرآ على التأخير ( ولايهونون الأخوان )


الأخ : عاشق البسمه تطرق لنقطة مهمة في النيسان الديزل الوكالة وهي أنه مايدخن ولايقارن بدخنة التويوتا

أبوحمود خلنا نقول لك مبروك من هالحين وتوكل على الله وأبشر بهدية الموتر الجديد ( 100 ليتر ) ديزل :)

عمومآ التيربو الديزل ممتاز لكن عليه حرارة ( دفاية ) تأثر على الموتر اللي جنبك بالأشارة :)

توكل على الله ولاتنسى أن العزم حليل
اسيزو 4x4
15/09/2005, 02:14 PM
السلام عليكم ورحمة الله وبركاته

الله يعطيكم العافية

أخوي عاشق الجبل ... لاهنت

نبي الموتر للشايب و الله يبارك فيك ---- لكن محتار بين الفتك أو الديزل ...

يا زينها 100 لتر ديزل والله فرصة العمر ... :D

انت قلت في ردك ألاول >> عمومآ التيربو الديزل ممتاز لكن عليه حرارة ( دفاية ) تأثر على الموتر اللي جنبك بالأشارة

ممكن توضح لا هنت يالغالي

وهل دخانة مثل السيزو تقريبا ؟؟؟

وهل يجي تيربو؟؟ ومواصفات المكينة وهل عزمة قوي يعني يبرد الكبد أو يمشي حالة ؟؟

لا هنت ياعاشق الجبل يا راعي الفزعات >>> :good2:

أخوك أبو حمود ...
عاشق الجبل
15/09/2005, 02:38 PM
الأخ : الأسيزو كان علي أوجه لك الرد السابق لكن أخوك متدوكر هاليومين بسبب الإستعداد لصيد

القميري .

عمومآ كنت أمزح معك وأبالغ بحرارة الديزل التيربو يوم قلت أنها تأثر على السيارة اللي جنبك عند الإشارة من زود أرتفاعها

وهي توصل الى النص حسب تجربة غيري .


وبالنسبة للدخان فأنا لاحظت أن أخف سيارة ديزل بالعجعجه هي النيسان

ولاأدري هل الوكيل يستورد ديزل تيربو أم لا ... لأن الباترولات يركبون الديزل التيربو في القصيم والإمارات ومشاكله

مع الأسف واجد والقصيم ضمانهم من 5 أيام الى أسبوع فقط .


والتيربو مشهود له بعزمه القوي خاصة في الخط لكن علاج الحرارة تفصيل كبوت من الصاج بفتحات تبريد

وتركيب مروحة مرسيدس قدام .


بالتوفيق يبوحمود وسلمني على الشايب :)
عاشق الجبل
15/09/2005, 02:41 PM
الأخ : عابد ( الديزل مايصرف وأنا أخوك ) بلاك البنزين اللي مايخليك تدخل البوك بمخباك :)
اسيزو 4x4
15/09/2005, 02:46 PM
السلام عليكم ورحمة الله وبركاته

يا ملا العافية يالنشمي ( عاشق الجبل )

أنا أشهد أنك ما قصرت أبد والله يجزا والدينك الجنة قل آمين

شكلنا بنقعد على الفتك أزين وأنشاء الله بيكون الشراء على رمضان تعرف موسم التخفيضات ... :D ;)

والله يجزاك ألف خير يابعدي

ومعليش تعبناك شوي >>>> ولكن أنت كذا :good2:

أخوك أبو حمود ...
عاشق الجبل
15/09/2005, 02:54 PM
الساعة المباركة يبوحمود اللي أخدمك فيها وأخدم غيرك :)

وأنت لوتحتاجني عطني آلو :)
اسيزو 4x4
15/09/2005, 03:03 PM
بارك الله فيك يا عاشق الجبل

هذا ما عهدناه من رجال نشمي مثلك

الله يعطيك العافية

وآلو نتشرف بسماع صوتك يالغالي .... :D :)
عاشق الجبل
15/09/2005, 03:24 PM
ماعليك زود :)