هل صحيح ان قدر السيب خلاص ما عاد يجي منه

[الشيف سداح]

السلام عليكم ورحمة الله وبركاته
أخواني المكشاتيه
بحثت عن قدر سيب الفرنسي seeb في أكثر من محل أواني منزلية
ولكن لم أجد القدر وقالوا لي أصحاب المحلات أن القدر خلاص ما عاد يجي منه
لأن الوكيل باخشوين فلس وسكر المؤسسة هل الكلام صحيح أرجو أن تدلونا على
مكان يبيع هذا القدر الأول ماهو الأستيل أبي المعدن الألمنوم الأول
وشكرا لكم

[العاااازف]

ههههههههههههههههههههههه
نصااااااااااااااااااااابين موجود واكثر من الهم على القلب

[system]

عليكم السلام

فعلا (سب ) تغير وكيلها وصار العيسائي لكن وين يباع الله العالم
انا بالشرقيه ولا دورت

[ALBDRANE]

في كل محلات الأواني الفخمة وعندك السيف قلري الي على الشرقي شايفه من كم سبوع عندهم

[جوفي لوجيا]

موجود لدى ساكو بالدائري الشرقي بين مخرج 16 و 17 قبل اسبوع

[راعي سمنان]

اخوي انا قبل اسبوعين شايفها عند ساكو بالدائري الشمالي و طريق الملك عبدالله بالروضة وتحصل كل المقاسات هذا للموديلات الجديدة

اما الموديلات القديمه منها وهي المطلوبه عند البعض فالمتوفر مقاسات كبيره فقط

عليك بالستيل الأصلي لوهو غالي

[راعي الهنادي]

السلام عليكم شفه موجود بسباله عند محل البركه وانت متجه شرق شفه في اخر المحلات على اليمين
واخوك ماخذ 10 لتر 475 استيل والسلام

[سرهيد]

السلام عليكم

السب لا يزا لموجود والوكيل انتقل من با خشوين الى العيسى

ومن ابلغك بالمعلومات قد يجهل هذا الامر

ولك ان تزور شارع الوزير لتطلع على كل جديد عن سب

تقبل مودتي

[رفيع المقآم]

اجلني مقدي يوم ارمم قدري
سبحان الله قبل
يومين رحت وركبت لقدري سب الفرنسي يده بـ15 والجلده قالي ممتازة
حجم 18 لتر
يازينه زيناه بس

[الشيف سداح]

بيض الله وجيهكم جميعا أخواني
ولكن الستيل يقولون الأخوان اللي جربوه يحرق بالكبسة ماهو مثل الأول
يا اليت اللي جرب يعطينا خبر
وما دامه موجود الله يبارك فيكم
أهم شي نحصله لأنه هو أفضل القدور

[جوالة]

من تجربة ما كد أحرق إلا طبخ ولا أزين منه ...

[لملوم]

ياخي فى كل زاويه
موجود عند كار فور موجود عند ساكو موجود فى كل محلات الاواني المنزليه وعلى فكره باخشوين مافلس باع الوكاله بميلغ وقدره

[مشعل العيسى]

السلام عليكم شفه موجود بسباله عند محل البركه وانت متجه شرق شفه في اخر المحلات على اليمين
واخوك ماخذ 10 لتر 475 استيل والسلام


اخوي راعي الهنادي ... سعره 475 والله غريبه ..

انا الاسبوع الماضية شريته من اسواق العويس ..
طبعاً اول محل قال سعره 650 والثاني 600 وكل محل يزيد وينقص .. لكن نصيحة لا تروح للمحلات المشهورة لانهم يزيدون كثيثر .. رح للمحلات اللي غير معروفة بالعويس ..
المهم شريته من محل بقيمة 520 ريال .. 10 لتر ..
ووراني سعر والتكلفه بالجهاز وهو 517 ريال .. عاد مدري هو صادق او لا ..

وفق الله الجميع لكل خير ..

[طايربلي جنااح]

مووجود انااا امس شااايفه في محلات اكسترااا ومسوين تخفيض على جميل الاجهزه الي عندهم

[راعي الهنادي]

اخوي راعي الهنادي ... سعره 475 والله غريبه ..

انا الاسبوع الماضية شريته من اسواق العويس ..
طبعاً اول محل قال سعره 650 والثاني 600 وكل محل يزيد وينقص .. لكن نصيحة لا تروح للمحلات المشهورة لانهم يزيدون كثيثر .. رح للمحلات اللي غير معروفة بالعويس ..
المهم شريته من محل بقيمة 520 ريال .. 10 لتر ..
ووراني سعر والتكلفه بالجهاز وهو 517 ريال .. عاد مدري هو صادق او لا ..

وفق الله الجميع لكل خير ..
هلابك اخوي انا شاريه من محلات الجمله في السباله واول ماقالو 520 والثاني 500وقعدت ادوج وحصلته 475

[طلعة بر]

السلام عليكم ورحمة الله وبركاته

بالنسبة للالمنيوم القديم مثل الصورة الى تحت

الـ 4.5 لتر الالمنيوم موجود في الرياض سعره 320 ريال (اليوم سالت عنه ) وللاسف ما سألتهم عن العشره لتر والثمانية هل هو موجود

عنوان المحل (شارع الخزان وانت رايح للبطحاء يجي شارع الوزير اتجه يمين ( جنوب ) بعدين اول حاره يمين يقابلك المحل اسمه باناسونيك عندهم تقريبا 5 الى 6 حبات ( على كلام الهندي الموجود في المحل :) )

http://www.mekshat.com/pix/upload04/images188/mk7868_1111.gif

الستة لتر اللالمنيوم .. للاسف شبه مقطوع في الرياض :(
http://www.mekshat.com/pix/upload02/images100/mk7868_888.jpg

الثمانية 8لتر: قبل فتره قريبة شاهدته في احدى محلات اسواق بن دايل واحتمال الى الان موجود

[رسمال]

السلام عليكم ورحمة الله وبركاته

بالنسبة للالمنيوم القديم مثل الصورة الى تحت

الـ 4.5 لتر الالمنيوم موجود في الرياض سعره 320 ريال (اليوم سالت عنه ) وللاسف ما سألتهم عن العشره لتر والثمانية هل هو موجود

عنوان المحل (شارع الخزان وانت رايح للبطحاء يجي شارع الوزير اتجه يمين ( جنوب ) بعدين اول حاره يمين يقابلك المحل اسمه باناسونيك عندهم تقريبا 5 الى 6 حبات ( على كلام الهندي الموجود في المحل :) )

http://www.mekshat.com/pix/upload04/images188/mk7868_1111.gif

الستة لتر اللالمنيوم .. للاسف شبه مقطوع في الرياض :(
http://www.mekshat.com/pix/upload02/images100/mk7868_888.jpg

الثمانية 8لتر: قبل فتره قريبة شاهدته في احدى محلات اسواق بن دايل واحتمال الى الان موجود


هج عن الألمنيوم عندي اثنين سب قديم المنيوم ومن يوم شريتهن وانا الاحظ السواد اللي يطلع عند الغسيل كما لاحظت تآكل حفر صغير بقاع القدور وكلها سب اصلي والستينلس ستيل ممتاز واعتقد مسألة الاحتراق دعاية وانصحك بالقدور الاسبانية خاصة ماركة فاغور FAGOR انا مجربه من سنوات واعتقد افضل من السب بس المشكلة عقلياتنا مشكلة

[ابو وكر]

الالماني الظاهر أفضل

[مسرع]

لا موجود بس انه غالي وبعض المحلات ماتجيبه المحلات ماتجيبه

[م.سعيد]

مساكم الله بالخير...
صحياً يعتبر الالمونيوم سيئ...لان عنصر الالمونيوم ممكن يسبب تسمم على المدى البعيد...

ابعد الله عنا وعنكم كل مكروه

[سعلي]

مساكم الله بالخير...
صحياً يعتبر الالمونيوم سيئ...لان عنصر الالمونيوم ممكن يسبب تسمم على المدى البعيد...

ابعد الله عنا وعنكم كل مكروه

نعم هذا الكلام الصحيح الالمنيوم غير صحيي بتاتا
عليكم بالاستيل ولو كان غالي حتى بالقدور العادية


اخوكم.سعـــــــــــــــلي

[دورانقو]

ههههههههههههههه مادام العيسائي خذ الوكاله ابشر بالردى هالادمي مايمسك وكاله الا وينحش الناس